نصائح من ضروري على كل أنثى مغربية تكون عارفاهم
1- عمرك تخرجي من الدوش او تديري déodorant خلي حتال الغد حيت المسام كيكونو مفتوحين او ديك المنطقة حساسة بزاف
2- عمرك تعطي لشي وحدة تقطع ليك الاطراف المتضررة من شعرك الا اذا كان قلبها زوين او عارفاها كتبغيك فحال ماماك او ختك اولا انتي نيت.
3- ماتعگزيش على وجهك دائما خصو يكون نقي غسليه فالصباح مللي تفيقي او قبل ماتنعسي عطا الله باش تغسليه كاينين وصفات واعرين .
4- اسرارك خليهم ليك ماكيناش واحد الحاجة فالدنيا سميتها هادي فحال ختي اولا هادي كاتعاود ليا كلشي غنقوليها كلشي قسما بالله حتى واحد الوقت غادي تقلب عليك او تبدا تعايرك بيهم تقدري تخوي قلبك على ماماك او ايلا ماكانتش كتبغيك تعاودي ليها ا ختي شدي غي وريقة كتبي فيها داكشي اللي فخاطرك او من بعد حرقيها والله حتى بالتجربة كاتبردي
5- شعرك ملي تكوني كتدوشي وياك تمشطيه حيت غتخلعي بداكشي اللي كيضيع منو حاولي تمشطيه قبل او تدهنيه بزيت الكوك اولا زيت الخروع او فاش غاتمشي غي غتغسليه.
6- ديري معيلقة الخميرة + التحميرة + عصير نص حامضة + معلقة كبيرة من الصابون البلدي هاد الخلطة أ البنات را بزاف كتخللي الرجل رطيطبة المهم غتدهنو بهاد الخلطة رجيلاتكم او تلبسو ميكات او تقاشر او نعسو اولا شقاو حتى تساليو عاد غسلو رجليكم كتبيض او كترطبهوم .
7- عرق السوس مطحون مع عصير بطاطة كيبيض المنطقة الحساسة بطريقة خطيرة .
8- من الاحسن وجهك تبقاي تحيدي منو دوك الشعيرات الرقاق او غيبدا يبان ليك الفرق شري الجيلاتين مدقوق ديري معاه الحليب او راس معيلقة صغيرة ديال الخرقوم العرگ كتخليه ينشف او حيديه مابغينيش شري الماسك الاسود راه كيتباع.
9- سنيناتك غسليهم او ماتعگزيش عليهم دابا العيد يلاه سالا باقي الفاخر موجود دقي فاخرة غي صغيرة او بقاي تحكي بيه سنيناتك او من موراه تبعيه سينيال.
10- عمرك تبيني للناس نقطة ضعفك خليك ديما قوية بغيتي تبكي دخلي لبيتك مايشوفك حد حيت قسما بالله الناس كيبغيو غي يتشفاو .
11- ملابسك الداخلية يوميا يتبدلو او صبنيهم بيديك بصابون الحجرة.
12- الا صلاتك ماتفلتيهاش خليها اولوية سبقيها على اي حاجة فهاد الدنيا كيفما بغات كون.
13- فاش تبغي تنعسي استغفري او قراي سور من القرآن بتش تفاداي دوك الاحلام اللي كيخليوك تفيقي مريضة.
14- بالنسبة لوصفات لوجهك :1/ دانون مسوس او الروز مطحون و بقاي تديري حتال عنقك او داومي ايلا بغيتي تشوفي نتيجة زوينة 2/ النشا+ ماء ورد + شوية الخرقوم عرق 3/ حمص مطحون + ماء ورد
15- وصفات الشعر :1/ افوكادو + زيت الزيتون 2/ بيضة + معيلقة العسل حر + معيلقة زيت الزيتون .
16- ضفيراتك خليهم ديما نقييين
17- قبل ماتخرجي قادي حالتك مزيان مزيان واخا تكوني خارجة غي تسخري ماتخرجيش ب بيجامة او حالتك حالة تقولي ماشي موشكيل حيت ماكتعرفي الفرصة امتى غتجيك اذن كوني دائما متألقة و أنيقة .
18- الدنيا مابتوقفش على حد غير على الام و الاب و بس و بس تهلاي فيهم ماتقلقيش منهم حيت فلحظات الضعف كلشي كلشي كيمشي او يخليك الا هوما ديما معاك ديما
***************
او اللي عندها شي نصيحة تحطها في الكومنت.