-->

9/22/2018

كيفاش نتعامل مع بوركابي ملي يتفارق معايا؟

كيفاش تخليه يبغيك و ينوي لحلال معاك 



أهم حاجة باش بوركابي يفتحلك قلبو هو تكوني  ديالو بوحدو .. لخلاطات هضر مشي معاكم لمهم هادشي مكافيش خاصك تحتارميه حضورا و الغيابا فحياتك بمعنى فظهرو راجل و قدامو أنثى حيت لحاجة لوحيدة لي كتخليه يبعد عليك هي علاقتك بالذكور الآخرين داكشي ديال لي زامي و ولد خالي وعشيري نئ نئ نئ هدشي منافعش وخا يبالك عادي ولكن هو كيكون يدير حسابات حيت بوركابي المغربي متنسايش و قبل هدشي راه رجل عربي مسلم و الأصلي يبغي يكون يكون الراجل الوحيد فحياتك طبعا من غير خوك و باك *عمرك شتي شي مرا مزوجة عندها صديق ولا * أكيد لا اوا حتى بوركابي كيفكر هكا وايلا شاف حياتك كلها غي دراري مستحيل يفكر يتزوجك مغيعتابركش مؤهلة باش تربيلو وولادو ... بعد هاد شي ندوزو للمرحة الموالية و لي كتعتبر مهمة و هي تسمعي لهضرا حيت حتى واحد ميفكر يدي وحدا راسها قاصح و دير لي بغات هنا كيحس بلي ماعندو قيمة عندك فاش كتسمعي لهضرة وديريلو خاطرو كيقول مع راسو هدي غدي نعيش معاها فرحان  لذا بازي على هادي .. و حاولي تنقصي من لكدوب حيت مستحيل تكسبيه بلكدوب ركزي على الصفى بيناتكم باش تيقو فبعضياتكم بشكل كافي .. لحد الآن نضمن ليك 75٪ يفكر فلحلال معاك حيت طبعا لبنت بعقلها و عندها مؤهلات تكون مرات الراجل بسهولة ( بالنسبة للحجاب و سترة ضروري يقدر هو يطلبهم منك الا كان باغيك وحتى الى ماطلبهاش لفظا غدي تفهمي من طريقة هضرتو انو باغي يشوفك مستورة وهنا غديري المبادرة على قبلو فحالة الى كان كيعجبو يشوفك بلعرا وكدا وفاش تلبسي شي حاجة قصيرا وفخاضك يبانو يعجبو لحال فغي فقدي الأمل منو حيت غيكون باقي عقلو صغير ومبرهش مشي راجل ويقدر يهز مسوؤلية راني تنهضر معاك رجع دري لمو...).



2.نتي ماشي مادية


لفلوس لا علاقة لها بالحياة الرزاق هو الله كلو و رزقو بلا متشرطي و دفعي كبير حيت غيبقى أي حاجة تطلبيها منو غيتخيلك طللبتيها منو ونتوما مزوجين لدا متكتريش الطلبات وحتى الى طلبتي طلبي شي حاجة فاستطاعتو ويقدر يديرها بسهولة


3. سرقة زوجي :

 تتعرفي هد المسلسل الهندي لي تيهضر على بنت سرقات لصحبتها راجلها اوا لمعرفتيهش سيري تفرجي فيه وغدي تغير نضرتك تمام على صحبات وهدشي لاش خصنا نبلوكيوهم مور زواج
واحد لحاجة وياكي ثم وياكي تعرفيه على صحاباتك حيت راجل سبحان الله ديم تتعجبو صحبة مرتو واخ تكون خايبة وحتى انت متحاوليش تعرفي على صحابو وتمشي تسيفطيلهم في الفيسبوك حيت غطيحي فمشاكيل من بعد خليه هو يعرفك عليهم فلواقع وديرو حدود صارمة بيناتكم فقط سلام و احترام التام.


من بعد هادشي عليك بكثرة الإهتمام و الأنوثة يعني متهضريش زنقاوية و بحال قدور وتخصار هضرة بعدي منها.
حاولت نطرق لجميع النقاط و نتمنى نكون عطيت إفادة لي تنفعكم




متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓
↓↓↓↓ شارك هذا الموضوع عبر مواقع التواصل الأجتماعي ↓↓↓↓