نصائح حول ماكينة الحسانة سبب المشاكل احدري منها
كلنا كانبغيو نحسو بالنقاوة و كولنا كانبغيو نكونو تايقين فالجسم ديالنا و لي لبسناها نلبسوها مرتاحين ماشي نبقاو نتخباو بسبب الكحولية و الزغب .
مثلا الاكنتي مزوجة ... كاتبغي تسهري مع راجلك وتلبسي شي كسوة سيكسي ولكن بيطانك كحلين و الزغب تاعهم غليض واخا ترازيه كيبقى يبان !!
ماشي الشوهة هادي ؟
راه حاجة لي خصك تعرفيها هي داك الرازوار (ماكينة ديال الحسانة) لي كاتستعملي هو سبب جميع المعاناة ديالك من هاد الناحية .. عرفتي علاش ؟
1 - كايكحل الجلدة و كايزرقها
2 - كايكتر الزغب
3 - كايغلضو و كايحرشو
4 - كايدير الحبوب
5 - غا كاتحسني كاينوض فنفس النهار !
*******************************
أول خطوة فالروتين هي فينما كان عندك شي رازوار نوض جمعي راسك و رميه
ثاني خطوة غاتخرجي تشري لاباراي ديال لاسير و لاسير براسها.
ثالث حاجة غاتحيدي دوك الأفكار تاع لاسير قاصحة و داك الخرى حيت راه هي لي غاتفكك من هادشي و راه ملي تولفيها غاتجيك عادية
لي ماقدراتش ديرها بوحدها تعاونها ختها و لا صاحبتها ولا سيري كاع نتي للصالون راه ليزيسيل كاتحيديهم غا ب 30 درهم.
أول حاجة كانحيد الزغب و كانبقى 3 أيام باش الجلدة ترتاح .
ثاني حاجة كاندير كوماج ديال الفرماج .. كاناخد جوج فرماجات و كانطليهم تما و نخليهم تا ينشفو مزيان و نبدا نحكم بشويا تايتقلعو .
ولا كاندير كوماج ديال تخت القهوة و الكوك و زيت أركان تا هو واعر ونتائج فورية.
و لي مابغاتش دير هادا تاخد سنيدة و زيت العود و تكومي بيهم ولكن غا بشوية حيت سنيدة حرشة .
ثالث حاجة كانغسل البلاصة مزيان و كاناخد خيار وكانحكها و ناخد الما ديالها و نزيد عليها نيدو و زيت الجليسيرين و نطليها قداش ما بقيتي بيها راه مزيان نافعاك نافعاك.
لي مابغاتش هادا تاخد دانون مسوس و مايزينة و ماء ورد تخلطهم طليهم
ولي بيطانها كحلين بزاف خودي حامضة عصريها و زيديها شوية د الماء باش ماتحرقكش و ديري معاها بيكاربونات الصوديوم و حكي بيها تما مزيان بقاي بيها 30 دقيقة و غسلي و رشي بماء ورد عاد ديري ماسك لي كايبيض.
خودي بطاطا خضرا طحنيها مزيانو طليها
خودي نيدو و خلطيه فالماء لي سلقتي فيه الروز و طليهم
ماتبقايش ديري ديودوغون حيت كايحرق و كايكحل ويسبب في سرطان و الله يسترنا يلا كانت ريحة عرق تاعك مجهدة خودي ستيك Dove عادي راه دقة بطلة ولا ديري الشبة
ويلا كنتي كاديري الريحة لبيطانك راه خصني نخرج ندفل عليك حيت راك أكبر حمارة
بعدو من داك الزمر د الرازوار و تهلاو في راسكم ماتعكزوش باش من بعد متندموش .
متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓