-->

9/29/2018

كيفاش تحافظي على زوجك



كيفاش تحافظي على زوجك


كيفاش تحافظي على زوجك

باغا تحافظي على راجلك؟ اللي مزوجة مرحبا بيك واللي باقا بايرة ها اللي تيتسناك احبيبية ماشي حيت لويتي عليه وضربتي الابيض في الاكحل راك قطعتي الواد ونشفو رجليك ولا أيتها الأنثى المغربية أجيو تشوفو كيفاش تحافظي على تاج راسك فهد الموضوع غدي نعطيكم مجموعة من النصائح باش تحافظو على الحياة الزوجية حيت الزوج رغم حبه الشديد لزوجته فهو قادر على التخلي عنها الى صدرت منها بعض التصرفات غير مقصودة .
           ***************************


الغيرة : الغيرة في حدود دب راكي وليتي مزوجة تصرفاتك غتبدل أيتها الأنثى المغربية غتولي عدي غيرة مرزنة مشي أي تصرف غتولي تنكري عليه و تيبني ليه بلي راكي غرتي عليه حيت فهد الحالة غتخنقيه و غدي يهرب منك. ملاحظة بعد زواج يتغير اسم "الغيرة" الى "نكير".

كوني سنده ماديا ومعنوي : كوني سنده خليه يعرف راه محزم بمرأة مغربية لي عدها راجلها و دارها فوق راسها نهار لي تكون عندو شي موشكيل مادي اقترحي عليه تبيعي دهبك (خص يكون هو لي شراهم ليك بعدا باش يحس بقيمة) نهار لي غيبغي يتخد شي قرار مصيري شجعيه و كوني داعماه نفسي نهار لي توقع شي مشاكيل و متكونش عندو فلوس صبري عليه متكونيش مرأة لحاحة و طماعة خليه يحس بلي لي جامعكم شيحاجة كثر من فلوس لي جامعكم هو حب والاحترام متبادل.


الرزانة والتباتة: أي راجل تتسحرو مرأة دكية و مرزنة ولي تتعرف هضرة فين غادة وتصرفاتها محسوبة ودكية راجلك غيفرح بلي غيلقى راسو مزوج بوحدا دكية راه ناس زمان قالو المراة لي مرزنة أحسن من ألف وحدة زوينة توحد مبغي برهوشة .

التقرب من اهله : كوني قريبة من ولديه من عائلتو قدمي هدايا تهلاي فصغير قبل كبير عداكي تحكري قضية هدايا راهم تيلعبو دور كبير فكسب طرف الأخر و في حالة كانت هد قضية صعيبة عليك خلي علاقة الاحترام بيناتكم و نقصي عليك ديك جمل مع راجلك ديال شوف ختك اش دارت ليا شوف ماماك شنو قالت خلي راسك ديم مرزنة و لكنتي بغيتي تخلي راجلك يعرف بلي عائلتو ضالمينك غير بالفن و بطريقة غير مباشرة .

اظهار الانوثة : أيتها الأنثى المغربية لايوجد رجل في عالم لاتسحره العلاقة جنسية كوني قحبة ديال راجلك ولكن متعيقيش أنا دويت غير على لباس و لمس و ضحكة و ابتسامة الأنثوية و حنية ....فالفراش كوني قحبة أه حيت لمكنتيش تتشبعي ليه رغباتو جنسية (بطبيعة الحال في حدود دينية) غيمشي يقلب على قحبة فحرام . الأزواج أغلبية الى ماقلتش كلهم همهم وحيد هو الكوى وفي العلاقة جنسية كل شي تيتقاد وكل المشاكل كيتحلو... خاصك تعلمي الطريقة والاسلوب بداي تقراي كتوب أول عرفي لحرام من حلال في علاقة الجنسية باش مطيحيش فكارثة مع الله عز وجل ،نصحك تقراي كتوب و خاصة كتاب الكاماسوترام كاين بنات لي غتسولني شنو هد الكتاب هد الكتاب الى قريتيه غتولي طيري فالكوى اه غتولي تخلي راجلك يمشي لعالم أخر الى كنتي باغا تقراي هدا الكتاب و تعرفي معلومات عليه و طريقة تحميله دخلي لهد الرابط
 مهيم نكملو وملي يبان ليك راجلك تحل وعجبو الحال اجي دابا دوي وطلبي اش بغيتي، مثلا فلوس ولا خاصاك لكسيوة ، شي تسافيرة ناوية عليها،كوني مأكدة بلي فهد المرحلة راجلك مستعد يلبي كل طلباتك واكثر مغديش تخيلي راجلك كيفاش غيولي .

شخصيتك: حاولي تكون مرأة قوية ماشي ديما “اه هي لولا أسيدي” “علاش لا” “على راسي و عينيا” “الله ياودي ما يكون غي خاطرك” ما تزيديش فيه أيتها الأنثى المغربية راه داك العصر ديال سيدي مشا مع بواتنا وجدودنا حيت رجال تاع زمان مشي تاع دب والى استعملتي معاهم داك الأسلوب غدي تكبري ليه طنوش و غدي تحصلي على واحد نتيجة غير مرضية نهائي راه ضروري من الهدرة الحلوة ولسان رطب و لكن بعض المرات حاولي تكوني قاسحة و خصوص فشي فالمواقف المعقولة والقرارات المصيرية .

ديما شكريه قدام عائلتك أو عائلتك : سواء كان ولا مكانش معاك ، حيت الزوجة اللي تتنقص من رجلها قدام عائلته كتنقص من راسها هي الاولى، وداركم أي كلمة خايبة قلتيها عليه او عاودتيها عليه هي اللي غادين يبقاو مفكرين وديما معايرينك بيها ، راه الا دابزتو و منبعد غاتصالحي معاه وهما تعاملهم معاه غادي يكون نتيجة للتعاويد الخايب ديالك .

متنسايش راسك: عارف بلي مسوؤلية زواج صعيبة وتتنسيك فراسك و لكن يااختي الى نسيتي راسك راه غدي تخسريه حاولي تبقاي كيف منتي حيت أغلبية مشاكل زوجية تيقول راجل مشي هدي هي مرأة لي خديت نهار لول سيري دب مرايا واش نتي مزال هي نتي لي خداك نهار لول .

ديما اكدي ليه بلي ماتقدريش تعيشي بلا بيه: خليه يحس بلي انك تتبغيه كيف الاول باش الشك والغيرة عمرها توضع حاجز بيناتك ويعرف بأنه دائما مرغوب فيه عداكي تنسايه وياكي هدا سبب رئيسي لي تيخلي راجل ينفر من المرأة ... ديما بيني ليه بلي كاتوحشيه و النهار كيدوز طويل ملي كيكون فالخدمة و باش يجي حلي ليه باب و سوليه على نهارو كيداز عطيه وقت خليه يحس براحة فدارو.

متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓

↓↓↓↓ شارك هذا الموضوع عبر مواقع التواصل الأجتماعي ↓↓↓↓