-->

9/29/2018

كيفاش نطيح بوركابي فتليفون و نتحلون عليه


✍كاتبة منى من تازة




ولاتلفون تيلعب دور كبير في علاقة صوت مرأة هو قوة بنسبة ليها وخصها تعرف تستغلو مزيان كاين واحد مقولة تتقول ((قد يعشق الرجل المرأة من صوتها)) وكاين واحد مثل كانو تيقولوه ناس زمان في الدول العربية وهو  ((ان الاذن تعشق قبل العين احيانا)) حيت فقديم كانو نساء ملثمات لايضهر وجههم فقط صوت يعني من لخر صوت سلاحكي يالا دب نبداو على بركة الله
**********************


1/صوت حنين وهادئء والأنثوي


نتي الأنثى مشي صاحبو عبد قادر خليه يحس راه تيهضر مع بنت راه كيف ماكان دري راه غيأثر فيه صوت حنين و ملئ بأنثوية ولا بغيتي صوتك يولي انثوي و ناعم قراي هد الموضوع:
كيفاش نحصل على صوت أنثوي 


2/بداي هضرتك معاه بكلام حلو


ختاري شي كلمات زوينين يفتحو ليه شهية باش يهضر معاك و يكونو بصوت حنين وهادئ نيشان يمشيو ليه قلبو هه .


3/لا لنكير و نكد


عداكي تبداي هضر معاه بنكد وجدال فين كنتي  علاش مجاوبتيش هضري معاه هضرة حلوة توحشتك غبرتي عليا اليوم ولكن هدشي كامل بصوت خافت و هادئ.



4/ضحكة تفرح قلب


الراجل كيبغي المرأة لي تضحك ولكن ضحكة أنثوية هادئ ما كتعجبوش وحدة لي ديما قاتلاه بسكاتها و معبسة لا لا لا الهبيلا خصكي تكوني ديما نشيطة الى كان مقلق تسانديه وتنسيه ماشي تزيد عليه و تغميه وتكمل عليه هدرة زوج تبدا عليه رانا مليت رانا مهمومة معلوم مغاديش يضحك ليك الى عبستيها فوجهو معليه غير يبدا يغني ليك #انتيا_سبابي_طيبتيني_بالهموم  خخخ 


5/كلام زوين




تعلم لشويا ديال الرومنسية راه الراجل كيذوب فالمرأة الحنينة نتيا لازم تخليه يتنفس بكلامك لحلو.
قولي ليه بابات ولادي راجلي بوقوص ديالي مستقبالي انت أحلى حاجة وقعات لي في حياتي نتا هو كلشي فكلشي المهيم خليه يذوب في هذرتك وخصوص فالليل .


6/خليه يعاود على راسو




سوليه كيداز نهارك وخليه يعاود و بقاي تسوليه علاش وكيفاش باش هو يهضر على راسو هو انسان بطبعو عزيز عليه يهضر على راسو عطيه اهتمام بصوتك هادئ  .


7/لاتتجاوزي 10 دقائق فمكالمة




اه الالة كيف مقريتي مطوليش معاه هضرة متخليهش يشبع منك خليه ديم محتاج يهضر معاك عدكي تشبعي ليه هد رغبة حيت الى شبعتيها ليه غدي يمل من هضرة معاك و غيديوز غير لرسائل نصية ولكن ادا حسيتي انه باغي يهضر مشي تقطعي عليه قولي ليه ماما غوتات ليا و لاعدي شي شغل خصني نقطع خليه يحماق يهضر معاك حيت جنس ذكوري عزيز عليهم تحدي.


8/بعدي من نميمة و شكوى





حلي دماغك شويا راه الجنس الحرش مكيبغيوش لي تشكي بزاف و هادي هيا الغلطة لي البنات كاملين كيديروها و خاصة لي متزوجين و بلا ماننسى لي يحكيو لصحابهم ولا لرجالهم على الناس وياك ثم وياك ديري هاد الغلطة راه غيقول عليك عقلك خاوي و مشغولة بالناس ويدي عليك نظرة خايبة هاديك لقصارة خليها حتى تكوني مع صحاباتك كي تتلاقاو .



8/مواضيع لي تجبدي معاه



مزيان هنا غنهضرة على واش انتي قادرة تحكي معاه و كيفاش تجبدي معاه الهدرة : ♡ تبداي تسولي عليه كي داير ... كيفاش دوز نهارو.... واش دار النهار كامل.. قوليلو يحكيلك و ما تبقايش تسمعي بحال شي صنم سوليه فاي حاجة تقدر تير الانتباه ديالو ناقشيه في نهارو 
سوليه شكون كيصيبلو القهوة اولا اتاي اذا كانت ماماه سكتي واذا كانت مرت خوه غرقيلو الشقوفا هههه وادا كان بوحدو راك تهنيتي فرحي يالموصيبة ههه موراها شوية قوليلو كي نتزوجو نولي انا نوض نطيب قهوة لراجلي الحبيب وزيدي من عندك شي تويشيات بلا منوصيك هههه ,سوليه على نهارو فالخدمة كيفاش داز سوليه على خدمتو وادا عاجباتو ولا قولي ليه واش كاين بنات معاكم متهدرش معاهم انا نغير و موراها نتي و قفازتك والى مكانش يحب يدوي فالخدمة قلبي الموضوع دوي على الفياضانات والزلازل ههههه غير كنضحك بعدي على مواضيع سياسة واخبار نتي اش دخلك فهدشي عيشي حياتك .. الى كنتي كدوي مع المعشوق ديالك وتقاداو ليكوم المواضيع ههههه سوليه مثلا على ماماه و اخواتاتو و خوتو حفضي أسماؤهم و وشنو كيديرو متلا كيقراو ولا كيخدمو غادي يلقاها مبادرة زوينة من عندك وخاصة ماماه سوليه عليها و بيني ليه بلي تحبيها و مهتمة بيها وكسبيه باللسان لحلو من جيهتها متلا قوليلو بلي ماماك هي كولشي وانت والو ملي يسولك علاش جاوبيه وتعنبي عليه قوليلو لو مكانتش هي ماغاديش نلقى حب حياتي كنحبها انا هههه من هاد المنبر تحياتي لعجوزتي لي مزال مبغات تبان.......  .



9/ولفيه يعاود ليك



 ولفيه يعاود لك كلشي ناقشيه في مشاكلو و ما تزيديش عليه ملي يعاود ليك خصو يحص براحة معاك ماشي تكملي عليه وخا كاين واحد النوع يستاهل تنكدي عليه المهم قدمي ليه اقتراحات و حلول غادي يحس باهتمامك من جهتو و غادي تكبري في عينو كثر من الاول,  ضروري يلقاك سند في كتافو و تولي اهم شخص في حياتو  قولي ليه يعود ليك على الماضي ديالو وحكايات الصغر ماشي الماضي ديال العلاقات حيت الدراري مكيبغيوش للي ينبش مورا داكشي المهم اغلبيتهم... قوليلو مكرهتش نعرف كل حاجة عشتيها قبل مني و بلا بيا قوليلو يحكيلك شنو كيبغي وشنو للي مكيبغيش خاصة الماكلة يموتو على كرشهم بحالي انا كنموت على الماكلة ههههه سوليه على انواع الماكولات و الحلويات اعرفي الميول تاعو وشنو كيبغي في هاد الدنيا سبور سياسة ثقافة الهدرة تاعكم ما تكونش كلها غير ضحك وحماق ضروري بدلو منها بعد المرات و اهتمي بداكشي للي كيهتم بيه هو حيت بطبيعة الحال غيكون كيبغي يهدر في هاد المواضيع  دوي معاه  على مشاريع المستقبل شنو كتمناو ديرو في هاد الدنيا و واشنو هي طموحاتكم و هنا وحاولي تشجعيه على اي خطوة غيديرها فمصلاحتكوم وبالاخص الى كان ناوي يكمل معاك حياتو هادشي غيخليك تكسبيه كثر  .



واخيرا ما طولييش فالهدرة معاه خليه يتوحشك خليه يستنى غير امتا تهدري معاه خليه يحس بلي هداك الوقت هو أهم حاجة في النهار ويتمنى غير امتا يتناقش معاك ويسمع صوتك اوا البنات هادا جهدي عليكم ههه الله يقدرني على فعل الخير 
**********************
**************
********
***
*
لي سالات القرايا تخلي شي ملاحظة على الموضوع فقط لي تشجيع ره مغديش نولي مليونيرا بتعليق و كلمات شكر.
↓↓↓↓ شارك هذا الموضوع عبر مواقع التواصل الأجتماعي ↓↓↓↓