جرحي الأول لم يلتئم بعد - قصة حزينة بالدارجة المغربية

♥️♥️الجزء الأول♥️♥️

قصة تتعاودها هي " ملي تخطبنا كنت داك نهار أسعد نهار فحياتي مزالة عاقلة ملي طلع عندي البيت باللباس تقليدي وداك لباس بين رجولتو المغربية أكتر وانا كنت لابسة تكشيطة فاللون الأبيض جابتها لي عمتي لهي ماماه اوا راكم فهمتو راه ولد عمتي مهيم زاد قرب مني ووباس ليا راسي وشد لي فيدي وهمس فودني ' كنبغييك ابنت خالي زوينة وعمري نخليك وخا غتعدبي معايا ' حطيت يدي على فمو قلت ليه شششش عمرك تجيب كلمة عذاب على فمك وحنا مع بعضيتنا شد لي يدي قالي يلاه نهبطو الناس كايتسناونا ... هبطنا والناس كلهم كايشوفو فيه وروجولتو ووسامتو وانا كنت مفتاخرة فيه وفنفس الوقت فاقس العديان ههه عاجبني راسي بزاف صافي لبسنا الخواتم وشربنا الحليب مع التمر دازت ديك الليلة زوينة بزاف تمناه أي بنت مغربية...يتبع

♥️♥️الجزء التالت ♥️♥️

حتى واحد نهار كنت جالسة معاه هو ينوض ونسا تلفونو كان حدايا جاه ميساج هزيت تلفون ونا نشوف العجب بقيت غير حالة فمي ترفعت تصدمت ...جا وشاف تلفون فيديا وأنا مكايناش فهاد العالم حيد لي تلفون من يدي وهزني هادشي لحسيت بيه أما اش كان كيقول ليا مكنتش كنسمعو نهائيا صافي معقلتش على راسي حتى فتحت عيني وانا نلقى راسي فالناموسية نتاع ماما وكلهم حدايا وماما كتبكي بديت كنسترجع الأحداث وانا نغوت لربي لخلقني عاد رتاحيت شوية وعرفت فديك اللحضة أن شخص لكنبغي وبنيت أحلامي عليه خدام فالمافية وكيقتل فالارواح عباد الله (ملي كنتفكر هادشي كيظرني قلبي ) قلت ليهم بغيت نبقا بوحدي شويا عفاكم راني بخير خرجو من البيت وبقيت نضرب فراسي وعلى الزهر عندي ...دازو 6 أيام وأنا كنحاول نتجاهلو مبغيتش نشوف ليه فعينو ههه غريب أنهو قبل كنت كنحماق عليه ونضرة منو كداوي لي جروحي حتى الواحد النهار جا نيشان عندي البيت دخل بحال شي الثور وعينيه حمرين وريحتو خانزة عرفت فديك الساعة بلي كان شارب ... بدا يغوت ويهرس فبيتي وبدا يقول ياك قلت ليك غاتعذبي معايا ياك قلت ليك انا منسلحش ليك نتي وافقتي عليا من نهار اللول اش تبدل دابا دوي الالة هاديك هي خدمتي أو بالاحرة كانت خدمتي ولكن كنحاول نبعد عليها على قبلك وهاداك الفيديو كان اخر عملية صافي رتاحيتي دابا هانتي عرفتي علاش كنت كنغبر راكي عارفة كبرت فالغربة وبعدت على تقاليد والدين ولكن من نهار عرفتك وبغيتك كنحاول نتبدل عفاك سمحي ليا عفاك عطيني فرصة باش نتصلح وطاح على ركابيه وانا بلا منحس نضت عندو وعنقتو قلت لو ششش صافي سامحتك صافي رجعنا كيف ولينا وماما هي لبدات كتوقف لي فطريقي كتقولي انا مغنعطيكش ليه هو خدام فالحرام وفلوسو حرام (حيت سمعوه ملي كان كيغوت فبيتي ) ولكن انا كنت ليها بالمرصاد وقفت فوجهاها اه اه اه ميمتي (وا الحنينة عليا سمحي ليا عفاك انا ندمت ندمت اميمتي) صافي دازت شي 15يوم وانا وماما مخاصمين ولكن انا كاع مدرت ليها اعتبار وفرحانة مع أمين كانت باقا 16 يوم ونديرو كاغيط كنت فرحانة بزاف ونسيت ميمتي حبيبتي حتى واحد النهار كنا فالمول معاه وهو يجيه ميساج غير شافو حمارو عينيه فرمشت عين جبد الفلوس عطاهوم لي ومشا وسمح فيا تماك انا بقيت مصدومة بقيت مدة عاد وعيت سمحت فكلشي ورجعت الدار طلعت لبيتي وبديت نبكي عاد رتاحيت بقيت نستناه والو مجاش الليل كامل. وانا تسنيتو حتى الفجر عاد سمعت شي تقرقيب خرجت من بيتي بشويا شفتو داخل مدويتش معاه حتى الصباح. دخلت البيت لقيتو مجبد فوق الفراش بقيت شحال وانا كنتامل فيه وكنتخايل راسي معاه فهاد البيت وناعسين بجوج فيه حتى واحد ميفرقنا فجاة قاطعني بتحنيحة ديالو رجولية(اححح ملي نتفكرو كنبغي نحمااق شحال كنبغيه ) ناض لعندي باسني هو عمرو تجرأ عليا ديما كان محتارمني داكشي علاش كنت كنبغيه...يتبع

♥️♥️الجزء الرابع♥️♥️

بدا كيهدر وكيشرح لي علاش مشا وانا غاساهي فيه ملي سلا هزيت يدي حطيتها على وجهو بقيت كنحركها بشوية قلت ليه معليش باحبيبي صافي تصالحنا ولكن أمين تغييير بزاف ولا ديما معصب وكيغوت عليا وانا كنت كنخبي فقلبي حيت وقفت فطريق ماما على ودو ....صافي دازو الايام وحنا مناكرين ومرة مصالحين حتى بقات 4 أيام لعقد انا وماما كنختارو شنو نلبسو (فالخر ماما تقبلات وبغات تفرح معايا ) حتى جاني اتصال منو لغير مجرى حياتي كلها هزيت تلفون قالي نزلي بغيت نهدر معاك حسيت من صوتو بغا يقول لي شي حاجة مصيرية نزلت عندو وأنا ركابي فشلو ليا وقلبي كيضرب بجهد طلعت معاه ديمارا طموبيل حتى وصلنا حدا البحر نزلنا وقف اونفاص معيا وشاد لي يدي وهضر بجدية وقالي سمعي ليا انا كنبغيك بزاف وعمري نبغي شي وحدة من غيرك وهادشي لغنقول ليك دابا غيخليك تكرهيني الى الابد انا بقيت غير حالا فمي وكنحاول نستوعب أش كيقول ليا .. هو مزال شاد لي فيدي انا وانتي مستحيل نكونو مع بعض سمحيلي ولكن انا منقدرش نكمل معاك حيت انا غلطت غلطة وخاصني نصحها الاولى أنني مقدرتش نبعد على المافيا وتانية انا غنولي أب عقلتي ملي جاني داك الميساج ومشيت وخليتك كان من عندها هي نصرانية وانا غلطت معاها انا منستهلكش ابنت خالي صافي سلينا ....اح اه ياقلبي باش حسيت داك نهار تحرقت وتكويت فقلبي بديت كنغوت و كنضرب فراسي وبديت كنتفكر ماما لوقفت فوجها وبابا ليوقف معايا تفكرت العائلة اش غيقولو عليا وانا كنغوت لربي لخلقني ناس تجمعو علينا معقلتش على راسي حتى فقت فالسبيطار جاني انهيار عصبي والقولون العصبي كلشي جاني الإكتئاب. ...هو مشا مرجع ....بقيت مدة عاد سمعتو تزوج بديك النصرانية ومرة شفتو جاني تاني انهيار ومن ديك ساعة مشفتو غير كاتجيني عليه الأخبار. اييه هادي هي قصتي البنات وانا دابا مزوجة وعندي بنت وحتى لداب مزال ماجرحي التئم النهاية. متنسايش تشاركي هد القصة مع الناس لي عزاز عليك باش تاخدي أجر فيهم. ↓↓↓↓

الأنثى المغربية : موقع بدارجة المغربية خاص فقط بالمغربيات