-->

9/29/2018

كيفاش طيحي بوركابي من أول لقاء

كيفاش طيحي بوركابي من اول لقاء


ويولي خاتم بين يديك غادي نوريك كيفاش تعاملي خطوة بخطوة من البداية حتى لنهاية اللقاء واخا يكون حااز خنافرو لسماء ومعفر بحال الأغلبية ديال دراري يولي يطلب التسليم
كيفاش طيحي بوركابي من أول لقاء


 ميمكنش تكوني فهاد متابع الأنثى المغربية ومتعرفيش كيفاش تعاملي مع بوركابي وكيفاش طيحيه فحلال 
فهد الموضوع غنهضرو على أول لقاء بيناتكم حيث هاد النهار بالظبط مهم بزاف فأي علاقة وفهاد النهار بنادم كيحط عليك واحد الفكرة فالدماغو وكيضرب الحساب كيفاش يتعامل معاك و خصكي تعرفي أن نظرة أولى تتلعب دور كبير فعلاقة وكيفما قالت ليكم من قبل غادي نوريكم خطوة بخطوة غي تبعي معايا من اللول.
***************************
1- قبل من النهار المعلوم  خاصك ديري شي ماسك اللي يخلي وجهك يبان منور بحال دقيق (الرزو ودانون مسوس مثلا).

سيري لفقرة وصفات ونصائح وغلقاي وصفات زوينين 
ضغطي هنا

 2- خاص لباسك يكون محترم سواء كنتي محجبة ولا لاا نتي مشي قحبة باش تلبسي لباس معري ,لباس الأول تيعطي انطباع دائم,وه انطباع خصو يكون راكي محترمة راسك و بنت داركم.
3- ديري مكياج خفيف ماشي بحالا معروضة لعرس وخصوصا العكر ردي ليه البال ميكونش فشي لون غااامق بحال (الحكل ولا الموف ولا الحمر وحتى الكرونة لا دوك الوان مجهدين بعدي منهم ) من أحسن ديري مكياج وردي تاع صباح عروسة هداك تيكون طبيعي وجذاب جدا.

مكياج وردي لي صباحية العروسة


4- ديك الصباغة المقشرة فالضفران لا وثم لا يا صبغي مقاد يا بلاش اما ديري طلاء الأظافر الفرنسي ولا المهم ضفرانك يكونو نقيين(وهادي من الحوايج اللي كيرضو ليها الدراري البال).
طلاء الاظافر فرنسي


5- ديري شي ريحة زوينة كي يشمها يدوخ (كنصحكم بالإسكادة خودي غي من ديال العبار 20درهم قادك عارفاكم فقيرات بحالي ولا خودي كوكو شانيل) بعدي على ريحات مجهدين.

6- حاولي تعطلي غير شوية خليه هو يكون مشتاق يشوفك ويبقا يتسناك ماشي العكس اهبيلة و لكن متعطليش بزاف.

7- داك التبعكيك ولفرونسي ماكاين لاش فقط تصرفي على طبيعتك ومتكونيش متصنعة اه وبعدي على هضر بزاف.

8- ماشي غي يقول ليك شي كلمة تبقاي تهرنطي بحال حمارة, ضحكي بشوية وكوني بريئة ومهدنةو خلي صوتك هادئ أنثوي.

9- ايلا سولك جاوبيه على قد السؤال وسكتي(الرجال عزيز عليهم المرأة مرزنة والغامضة).

10- ويلا هدر معاك فشي موضوع فيه الجنس ديري راسك  نية ومكلخة ومكتفهمي والو.


11- متسكتيش على حقك وإيلا دار شي حاجة معجباتكش قوليها وفرضي شخصيتك.

12- ايلا سولك على العلاقات ديالك من قبل متقوليش ليك كنت كنبغيه وتفلا عليا وكدا هاد الهدرة غادي تبينك مدلولة ولجا يحطك تحت صباط  قولي ليه متفاهمناش وتفارقنا وعطي لقيمة لراسك ولا (وقولي مثلا بلي انتي اللي فضلتي تسالي العلاقة ديالك معاه حيت معندها معنى).

13- يلا كانت عندو شي طوموبيل متركبيش معاه من النهار اللول  عداكي باش متبانيش خفيفة وطيحي من عينيه من الأحسن خودي طاكسي وقولي ليه لا بلاما نصدعكك معايا تهربي خليه يفهم بلي مهامكش ماديات.

14- وفي حالة ايلا كان سخي وعطاك فلوس طاكسي بلاما تاخدي منو فاللقاء اللول باش متبانيش طماعة (غير خسري فلول من عندك ابب دابا حتى ديري بلاصتك فقلبوا وديك الساعة خوديهم بالضوبل).

تنبيه

المهم هادشي كامل طبقيه مع واحد بعقلوا ماشي شي برهوش وبنادم راه غي من هدرتو باين كوني ذكية وانا متأكدة بلي هادشي غادي يجيب نتيجة خاصك غي تعرفي معامن حيت هادشي عن تجربتي الشخصية.
↓↓↓↓ شارك هذا الموضوع عبر مواقع التواصل الأجتماعي ↓↓↓↓