اختبارات باش تجربي بوركابي ديالك ؟

واش نتي مع الراجل صحيح؟

واش مليتي من واحد لواحد وحتى واحد مبغا يصدق ليك كيجيوك كلهم فحال فحال معرفتي شكون تختاري معرفتي شكون كيكذب ولا شكون كيبغيك هأنا جبتليك موضوع مشحر كيفاش تعرفي واش هو هذا المناسب ليك وغتعيشي معاه ولا لا واش هذا هو شريك حياتك ولا غير سحابة دايزا لموضوع فميكتو ومغتندميش لقريتيه
******************************

كل بنت كتمنى تكون مع الرجل الأنسب و لي الأغلبية فينا كتمنى يكون تركي وعندو اللحية و عضلات و منساوش لفلوس لي ولات شي حاجة مهمة فهدا الوقت ... المشكلة أنك كتلقاي راسك مع واحد لا علاقة له بالأحلام ديالك... طبعا لبنات لي تحشات ليهم  لافوت ديالك أيتها الأنثى المغربية لأنه الإختيار ديالك خاطئ, دب غندوزو للمرحلة المهمة فالموضوع باش تختاري الراجل لي تكملي معاه حياتك أهم حاجة هي الرجولة بمعنى يكون راجل و عندو مبادئ و ضمير و الرجولة راه أفعال ماشي اللحية و العضلات بمعنى يموت معاك ويكون مفيوزي وقدام الناس خليني من ميخيات لي يخاف يتمشى معاك فزنقة مظلم ويخاف وحاجة أخرى هي الدين لأنه لي ميخافش الله مغديش يخاف حرام معاك, بوركابي لي شاد طريق الله راه قادر يغير فيك المنكر أما بوركابي لي ما يغير ماشي راجل ( متهضريش مع دراري واللبس مستور هدي الهضرة هي لي خصها تكون تيخاف عليك باغيك ليه... ) حيت كيقولك تبع راي لي يبكيك مشي ليضحك ضحك والراجل المغربي بطبعو محافظ لكان كيبغيك غيعاملك فحال ختو وغيحافظ عليك خلينا من دوك لي تيتخباو ورا كلمة *التفتح* راه من المستحيل يخلي مراتو تلبس سروال لاصق وديبارضور ولا تريكو طاي اوت ولا ميني جيب وحتى من الشعر لي هو ابسط حاجة راه ميخليش مراتو تخرج بيه مطلوق من لخر الى نواك لحلال غيقول ليك تستري حيت انت غتقولي شرفي وكاين عدة أنواع ديال الرجال ولكن أحسنهم لي فدمو الرجولة و يغير عليك هذا هو لي يخليك تعيشي الحياة طبعا غادي نخليلكم بعض طرق باش تشوفي واش نتي مع الراجل الصحيح أو غير ميخي ..

1- إختبار الرجولة و الغيرة : غادي تقوليلو تعدى عليا واحد لحمار فلحومة عاد خرج من الحبس و بقى يشد لي فيدي ... ( إلى مقالش نجيلو فين يسكن وريهني ... ماشي راجل.. ) ونتي وخا يقولك وريهني كملي معاه أجي نوريك لقهوا ولا دارهم ..

2 - إختبار منع الحلوى : غادي تقلبي 180درجة و تقوليلو حبيبي منزيدش ندير معاك شي حاجة حرام و ندمت و كذا ولو حتى بوسة و غاندير الخمار .. ( ضروري خاصو يشجعك على الإختيار ديالك )

3- إختبار التضحية : تقوليلو راه بابا لقا لمسجات و تصاور ... وقتلو شكون و فين تسكن و عاودتلهم كلشي و بغا يتلاقا معاك بابا ... و تحددي الموعد و تعطي لشي راجل يهضر معاه .. ( ضروري خاصو يجي ... )

 4- و كتعتبر أسهل و أسرع و أضمن طريقة باش طلعيه و هي صاحبتك إيه صاحبتك ولكن ماشي فايس ولا واتساب ولا .. نو فاص تو فاص بمعنى دوز حداه أول

متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓