كيفاش ترجعي مع بوركابي ديالك حسن من لول❤
*المشكلة*
لنبدأ أيتها الأنثى المغربية بسم الله كنتو كتهدرو عادي خير وسلام حتى تعصب مالو الله أعلم هههه, نتي باين حاولتي تعرفي أش واقع وتحلي مشكيل بكلام حلو مثلا "حبيبي لا ماشي هكا راك فهمتي موضوع بغلط " يمكن غيسكت و يدوزها و لا لكان من النوع لي العصبي غيبقى هاز نيفو فوق وفهد الحالة غتكون خدمتك صعيبة ,ادا بوركابي تعصب منك وقلب6 ف9 و قطع عليك التيليفون في وجهك بلا حتى كلمة ,هنا كاين خيارين ادا كنتي من النوع المتسامح خليه ساعة و عاودي صوني ليه و قولي ليه انت مفهمتنيش هه هو غيجاوبك نتي تعرفي "جواب بارد" أما اذا كنتي من النوع لي تيشد العكس غتعيطي ليه تالغدا وغيقوليك كيما خليتيني يومين كملي خليني . . . . . هه مهيم فحالتين غدي يدور فيك.
*الحل*
ودبا هو طبعا باش غيتعصب نتي كي تكوني تهدري معاه فليل عارفك شيطانة و تقدري ديريها بكي ليه هههههه بلعي فمك اه بكي و قولي ليه هاد الحوار الرائع احفظيه كلمة بكلمة " حبيبي بغيت نقولك حاجة بصح ماتعصبش مني ياك حبيبي حنا ديما نتخاصمو و نتا كتعصب بلاما تعطيني فرصة باش نشرح ليك مشكلة, علاش مني يوقع بيناتنا مشكيل منحلوهش بالتفاهم نتا تقولي واش قلقك و انا تاني نقولك واش قلقني و نتفاهمو انا كنبغيك(هادشي لكنتي كتبغيه لكنتي مكتبغيهش مسحي هاد لقطة من الفيلم) و مكنبغيش نعصبك و مكنبغيش نخليك تنعس ونت معصب مني اوا حتى نتا ت خاص تفهمني كيما انا نفهمك حبيبي غاع لي كوبل كيوقعو بيناتهم لمشاكل و كيتعصبو من بعضياتهم و نتا ياك كتقولي كنبغيك ولا هدرة صافي الحب ماشي غير كلمة كنبغيك الحب هو انا نفهمك و انت تفهمني و انا نحس بيك و نتا تحس بيا " هزيت ليكوم المعنويات ياكو هه اه عن تجربة نكملو " انا بغيت من هاذ النهار نوليو نفهمو بعضياتنا و نوليو نحلو مشاكلنا بالمفاهمة و بلا تعصاب ياك حبيبي الا بغيتيني نعيشو مزيان انا قتليك هد هضرة كاملة باش نوصلو لنتيجة مرضية"صافي بركة يا دياموندة نتي زيدي شوية حلاوة لسان من عندك منخافش عليك .
ملاحضة : اذا قلتيلو هاذ الكلام لحلو و ما رجعش ليك عرفي وتأكدي بلي بوركابي ديالك بغي يسالي معاك وتيتسنى غير سبة باش يسالي معاك هد العلاقة.
متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓