-->

9/22/2018

كيفاش تمرمدي بوركابي و تقتليه بالبارد باش يولي هو لي تابعك

كيفاش تمرمدي بوركابي و تقتليه بالبارد باش يولي هو لي تابعك




كيفاش تمرمدي بوركابي و تقتليه بالبارد باش يولي هو لي تابعك



أول حاجة أيتها الأنثى المغربية خاصكي تعلمي فن تقلبي القضية عليه يعني ملي تخاصمو خاصك ديما تبقاي تباني نتي الضحية و هو لي ظالم وممزيانش واخ يكون العكس و يكون الغلط ديالك. 

مسولش فيك ساهلة حتا نتي متسوليش و متسيفطي والو (خاصكم تقتانعو بلي الحياة مكتوقف عند تو حد أخرتها غنبقاو بوحدنا و ندفنو بوحدنا). 
يعني انثى المغربية ديما حطي راسك فالاولويات و عمرك تخلي شي واحد يديرك خضرة فوق الطعام
 تاني حاجةالى تخاصمتو بلاش من دوك ستوريات و بوسطات ديال حشيان الهضرة و الحزن راه كتبيني راسك ضعيفة و معندك شخصية و هو كيبقا شاد بيك تقرقيب الناب مع صحابو و حق مولانا ...
حتا من دوك بوسطات ديال ندير تصاوري فرحانة و كل مرة خارجة لبلاصة وكدا بلاش منهم راه عاقو بيهم و الله خاصك تخليه ضارو راسو ميعرف عليك والو ماشي كل مرة تلوحي تصويرة فقنت يشوفها و يعرف أش كديري و فين خارجة و معامن ... نن ابب متلوحي والو خليه يبقا يبقشش عليك و راسو يضرو ميعرفك لا أش كديري لا فين كاينة ولا معامن خارجة و كوني أكيدة أيجي يهضر معاك باش يقلقلك و يعرف أش تحت راسك (ايوا كوني ذكية) انا مقلتش ليك متخرجيش لا الالة خرجي ضحكي فوجي باش تنساي الهم غا متلوحيش تصاورك يعرفك أش كديري ...عنداك يسيفط ليك ميساج تمشي تجري تجاوبيه لا اصوبيصة عنداك ثم عنداكي, ملي هو يسيفط ميساج ديكونيطاي نتي الله يجعلك ما تمشي تنعسي غا نص ساعة و تكونيكطاي عاوتاني عاد جاوبيه ملي يهضر معاك هضري عادي فحالا ماواقع والو عنداك يا البروالة تبقاي تقولي ليه فين غابر و علاش مكتسولش و ديك الهضرة البايخة لا لا ثم لا.. ملي اتهضري عادي و ضاحكة و متسوليهش على داك شي لي فات كوني اكيدة يا اختي المغربية بلي سلوكة ديال مخو غادي يتخربقو معمرك متخليه يحس بلي خايفة تخسريه خليه ديما هو لي يخاف يخسرك بيني ليه بانك انسانة مكتعوضيش و ديري ديما فبالك بلي اي حاجة عندها نهاية يعني فاي علاقة اتبدايها حطي ديما فبالك انها اتقدر تسالي فاي لحظة و هكذا اتكوني مستعدة لاي حاجة.
 اخر نصيحة ا ختي متربيش الكبدة عليهم راه و الله ثم و الله مكيستاهلو كلهم مسكيين بمغرفة وحدة

متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓

↓↓↓↓ شارك هذا الموضوع عبر مواقع التواصل الأجتماعي ↓↓↓↓