✍كاتبة مريم من كازا 💖
انا جيت ليوم باش نهدر معاكم وحدة وحدة ..☝ شوفي أختي هاد الدنيا كتعطي غير للقحاب نصيحتي هنا باينة "كوني قحبة مقطرة".
و قحبة ماشي هي تحلي رجليك لا, القحبة هي تكوني باطرونة فدماغك متخلي تا ولد ولا بنت القحبة تلعب بيك☝ ديما ديري فبالك أي واحد ممكن يخورك فأي لحظة و هادشي بحد ذاتو مكيعنيش انه ترجعي حياتك روتين لا مزيان يكونو عندك الصحاب و لكن ماشي گاع الناس مزيانة هادشي علاش خدمي السياسة "هادا مشا الله يعاونو ...التالي " بلا ضار بلا مضرور ، كتقراي ؟ حيدي عليا من التصلكيط تاع البراهش و ديك الدوران فدروب راه كلشي كيدوز و كيبقى غا الصحيح ، نضحك و نلعب و لكن نجمع الكري حيت فالأخير غنلقا غا دكشي فين كنت معقولة اما التفلية و الضحك غير مضيعة الوقت .أمني مستقبل لك باش ميجيش مصنن تاع الخلا يلوح ليك ربعمية مكمشة تاع الحمام و ملي دوي يقولك نفكرك منين جيتي ولا تفكري كيكنتي و بلاما تجي شي وحدة تقوليا كيبغيني☝ ولا النمي را فاش كتزوجو و تعيشو فدار وحدة ماكيبقا لا حب لا تقلوة .ونزيدك واحد حاجة متصاحبيش مع مزالط هد دنيا بغات فلوس وراه الزوامل اختارعو كلمة ماطيرياليست (فتاة المادية) غا باش البنت تقبل بز منها بمزلوط و يزهى فابور باسم الحب ، سمعيي ا ختي حيدي ديك الفكرة تاع منكونش ماطيرياليست لا أنا اهتم بمشاعر وزين أنتي نوضي من نعاس فلوس هي سباب مشاكيلي باش غتزوجي مغديش تاكلو الحب راه فلوس حاولي أي علاقة تلاحي ليها بحال شي وحدة عندها جفاف عاطفي عطي قيمة راسك ! راه وقت دب بغات فلوس بغات عمر ! هدشي لي عطى الله هو واقع راه دراري بغاو زين و فورمة و حتى نتي من حقك تبغي الذهب و فلوس ,قراي هد الموضوع غدي تخليك تغيري نضرتك على بنت ماطيرياليست : علاش خصني نكون بنت ماطيرياليست كيتسوقو لينا؟ لا أحبيبتي نهائي والله ودري مشاف فيك مصلحة ميضرب معاك ضربة + ديما شوفي فالعلاقة مصلاحتك اما الحب كيدبال مع الوقت ...(أصلا الحب نادر جدا ديري هدي فبالك حب كلمة معايشاش هنا هداك شعور لي تتحسي بيه اما اعجاب ولا ولف و مجرد وهم عايشاه). قراي هد الموضوع باش تفهمي قصدي . كيفاش نفرق بين الحب و لاعجاب والعشق ؟ اه و نزيدك ا حبي مادام نتي كديري لاسيغ و الكيراتين و الماكياج و كتخسري الزبابل ديال الفلوس على راسك ، متديهاش ليا فشي مجحوم كيما هو باغي الزين و الطرف تانتي أختي من حقك تصبحي على الزين و تمتعي ليا فاللحية و الطول و القلدة و الضحيكة الخ .. اهم حاجة قبل منسالي ديها فشغالك اللي غيوصلك لأهدافك و خلي عليك التبرهيش ديال الزناق شوفي مصلاحتك فين كاينة ا بب ، و واياكي دفني شبابك وزينك مع شي بوقلوة ، حتا تعيشي و تشوفي و دوري و تخرجي و تسهري و تزهاي و دوزيها عاد فكري فشي حاجة سميتها الزواج و الا فكرتي فيها عرفي معامن طيحي .و هادشي قلتو من قلبي و كيقولو الحاجة اللي من القلب كتمشي نيشان لقلب.
متنسايش تخلي كومنتير راكي مخسر والو ↓↓↓↓