-->

2/09/2019

كيفاش تعاملي مع عائلة راجلك



اتيكيت تعامل مع عائلة راجلك وعلاش مخصكيش تزوجي مع العائلتك




كيفاش تعاملي مع عائلة راجلك




أهم حاجة ولي هي مهم بزاف في نجاح علاقة بينك وبين راجلك وهي  العائلة ديال راجلك يعني تاج راسك جبت ليك بعض النصائح كيفاش تعملي معهم وتكسبيهم لجيهتك.

  




الموضوع ديال اليوم مهم بزاف في حياة أي أنثى مغربية , الى رزقك ربي بشي ولد الناس بغيتيه و بغاك و تفاهمتو ,و لكن كاين واحد مشكل هنايا هو ملي كاتجوجي بيه ماكاتكونشي مرات فولان فقط ولكن كاتكون مرات أخت ,مرات الخال , مرات العم و مرات الابن و مرات الاخ وزيد وزيد ...

علاش مخصكيش تزوجي من عائلتك 

هد العائلة لي غدخل عليهم  بنت جديدة مكيعرفوهاش بطبيعة الحال أنا متندويش على زواج عائلة 
هديك خلاص بنت لي كتزوج من عائلة  كايكونو مشاكيل عندها كتر من البنت لي كتجوج من البرني ههه راه قالوها ناس زمان "بعد من دمك الله يطليك" هاعار واش غتعرفي حسن من ناس زمان لا ميمكنش ههه غتقولي لي ليا علاش حيت البنت لي غتجوج من العائلة ديالها الا ناضت موشكيلة صغيرة عائلة كاملة غينوض فيها صداع و غاينوضو مالين الحسانات يشعلو عوافي ونتيجة غتكون انقطاع العلاقة ما بين العائلة برمتها اما البنت لي كتجوج بالبراني حتا ولا ناضت شي موشكيلة كبيرة الله يحفض على الاقل كايبقاو المشاكيل مابين الاسرة ديال البنت و لاسرة ديال المرأة و الله يحفضنا من المشاكل و كولشي كايبقى بالمكاتيب و الحمد الله الموهيم قبل منوصلو تالماشاكيل خصنى نحصنو راسنا منهم.

✔ الاحترام مخسكش اختي تفوتي الحدود ديالك و الخطوط الحمراء يعني تصرفاتك فداركم غير حيديهم  خاليها تما فداركم ,دب نتي معا ناس الراجلك يعني باش تلقاي نفس التصرف اي الاحترام وتوحد ميفوت معاك الحد.

✔الوقار دك ضحك و تفتح رجلك و تفلطي و تقول و دكشي كامل لي فقلبك هضري ووزني يعني بعربية تعرابت كوني حدودية معاهم ... لا أبنتي رزانة وتبات و رقي فالكلمات راكي مشي فداركم مغديش يعطيوك قيمة كيف منتي فداركم.

✔دخلي سوق راسك  مشاكل ديالهم امورهم اي حاجة كاتعلق بيهم ماعندك دخل فيها الا بغاو رأي ديالك سبق الميم ترتاح.

✔تخلي مسافة بينك و بينهم  متلا الى كانو فنفس الحومة ماشي كل نهار تمشي عندهم ولا ساكنة فوق من عكوزتك تقلي معاها ومتبقايش خيطي بيطي عدها خلي راسك عزيزة دير غير صواب ومتفوتيهش معاهم, أما لكانت عكوزتك بوحدها مافيها باس تهبطي تعملي شوية ديال شغل معاها,اما الا كانو عندها بنات تهزت عليك مسؤولية

✔مشاكيل معا راجلك تبقا بيناتكم عمرك متخرجي مشاكيلك على دار واخا تكون كيف ما كانت ,فكري بالعقل ديالك ماشي بديال خوتك اولا خوتو اولا ماماك اولا ماماه راه بهادشي كاطيح براسك و براس راجلك قدامهم ومنبعد غيعايروك بمشاكيل خوديها كلام صحيح من عندي .

✔بقاي ديما جديدة  دايما الصواب باش تبقى دايما جديدة حيت كيما كانعرفو مي كيرجع انسان عادي ماكانبقاوش نعملوه بصواب واحترام وكاين شي نوع تاع بشار يطلع ليك فوق راسك, نتي ديما صواب و كلمة شكرا هدشي باش يعاملوك ديما كبرانية ويبقاو يضربو ليك حساب وعاطيينك حدود واحترام.
اه بنسبة لي غتقولي ليا راه خصني نبقا بطبيعتيي غدي نقوليك فهاد الوقت فالاشهر الاولى من زواجك وكتكوني جديدة وحشومية ماكايكونوش مشاكل ولكن غير تتبداي تولفي وتتصرفي كيف راكي فداركم وتتصدمي بمشاكيل تيبداو يبانو مكتعرفيهم منين خرجو ولهادا خسكي دائما بقاي جديدة .

✔تهلاي كادوات تهلاي يعني شري كادوات شري بيجامة لعكوزتك بلامناسبة صايبي كيكة وديها ليهم راه هدايا تتلعب دور كبير في كسب أي شخص راه رسول صلى الله عليه وسلم قال "تَهَادُوا تَحَابُّوا".



✔بعدي من العيب العيب أحبيبتي راه ساهل ماهل وساهل تخرجي العيب مع شي حد وخصوص عائلة راجلك ولكن صعيب تكسبيهم,هدشي لاش خصكي تكوني دكية في تعاملك معاهم وردة فعلك اتجاه تصرفاتهم خليه فقلبك ومتحاوليش تباني قوية راه فلول خصكي حتى تكسبي راجلك لصفك عاد تقدري دير مبغيتي ولكن فأول تعاملي بهدوء وضرافة وبراءة وبلي راكي مضلومة باش حتى لكانو غلطو فيك غيحشمو .

أي وحدة عندها شي رأي ولا كاتعارضني فشي حاجة لها حق التعبير و التبرير  و شاركونا تجاريبكم باش تفيدو البنات .

متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓


↓↓↓↓ شارك هذا الموضوع عبر مواقع التواصل الأجتماعي ↓↓↓↓