معنى كلمة بوركابي

أكثر سؤال مطروح هو علاش بنات تيسميو الراجل بي "بوركابي"؟, وخصوص في عالم العربي .اليوم غنجاوبكم على أصل كلمة بوركابي ؟واش كلمة بوركابي هي كلمة مغربية ؟

 و علاش النساء كايقولو كلمة "بوركابي" للرجل ؟ 

وهل كلمة بوركابي دلع أو معيورة؟  

1/أصل هده الكلمة بوركابي من المغرب وراه مشي كلمة جديدة فداريجة المغربية وشحال هدي عيالات كانو تيقولو لبنت الله يجيب ليك شي بوركابي يديك ويهنينا منك حيت رجال كانو عندهم ركابي باينين و كان تتبين رجولتهم أما دب مبقا مايعجب مابقى لامعقول لا ركابي . 

عودة اللقب بوركابي من جديد

هد الكلمة كانت تنسات حتى رجعات من جديد في كروبات تاع البنات وخصوص أشهر كروب مغربي لي هو "كيد ملكات العالم العربي" لي كان فداك وقت كروب فريد من نوعو ....واحد بنت فكروب حطات تصويرة ركابي تاع راجلها  وركابيه باينين وبقاو بنات فكومنطير تيقولو ليها بوركابي ...وكلشي عجباتو هد كلمة و لقات رواج عند بنات مغاربة و منبعد بان كروب ضوسي بوركابي dossier Bourbaki لي دار ضجة بسباب مواضيع وتشالنج لي كانو فيه ضد بوركابي.

2/أسباب التسمية الراجل ببوركابي

بنسبة لسبب تسمية الراجل بلقب بوركابي هو مرتبط بعلاقة الجنسية حيت راه بوركابي ملي كايسالي من العلاقة الحميمية الركابي ديالو كيفشلو عليه هي بطبيعة الحال الجسد ديالو كلو تيترخى و تيجيه نعاس حيت الدماغ ديالو يقوم بإفراز هرمونات الأوكسيتوسين والسيروتونين لكيساعدو على النعاس.

3/سؤال لي أكثر جدل واش هي معيورة و لا دلع هنا كاين اختلاف كاين بنات لي تيقولها بقصد معيار و تيقولو بلي راجل تيبقا تابع البنت حتى كيطيح على ركابيه وهدشي لاش تنقولو ليهم بوركابي ,وكاين بنات تيقولو ان سبب نعت راجل ببوركابي هو  حقاش ديما كيعلق غير يجلس يكذب على البنت و من بعد يهرب  يعني  ملي تسمع بنات تيقولوا بوركابي تبدل عليا  معناه بوركابي علق بي ركبتيه يعني قلب عليها هههه. 

وكاين بنات لي تيعتابروها دلع زعم تتمدح القوة ديال الراجل و تتقوليه بوركابي زعم عدو ركابي صحاح, و كل ما كان راجل قادر تجلسي ليه فوق ركابيه و هو مستحمل عرفيه راجل يعني غيقدر يصبر عليك و يستحملك ههه هدي غير هضرة كانو تيقولوها جدودنا.

هنتوما شوفو ركابي صحاح ههه الله
يخليهم بعضياتهم

راه حتى بوركابي مساهلينش حتى هما تيلقبو لبنات بموتقابي وايضا مسطاشات ....

متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓