-->

2/22/2019

قصتي مع شمس المعارف الكبرى | قصة مغربية حقيقية مخيفة


قصتي مع شمس المعارف الكبرى | قصة مغربية حقيقية مخيفة


منطولش عليكم سميتي أميمة انا بنت عادية بحال جميع البنات فضولية لمهم تنعقل فشهر فبراير بضبط, كنت مكونيكطيا بحال ديما حتا طلع ليا واحد الغروب مصري ديال السحر والشعودة وداكشي دخلني الفضول ورسلت دومونض لداك الغروب ومن بعد اكسيبطاوني وبقيت كل نهار كانقلب فداك الغروب وكانبحث فداك الغروب صافي عمرت راسي بالجنون وداكشي ومع مكنتش مآمنة بيهم كان كيبان ليا داكشي غير كدوب.....واحد الليلة بحال ديما داخلة كانقلب فداك الغروب طاحت عيني على واحد الكتاب سميتو (شمس المعارف الكبرى) هاد الكتاب كان مشهور وكلشي داوي على داك الكتاب وكيقولو عليه خطير وخايب وبمجرد ماتقراه توقع ليك شي حاجة، درت عقلي فيه الغد ليه فصباح قلبت على الكتاب فغوغل تيليشارجيتو pdf من بعد قريت منو شي 2 صفحات اللولين بز باش فهمتهم حيت مكتوب بشي لغة مخربقة وصعيب تفهمو المهم صافي قريت دوك 2 صفحات ماطرى ليا والو دازت الليلة اللولة والتانية والليلة الثالت طفيت الضو وحطيت راسي باش نعس يالاه تكيت اقسم بالله حتا حسيت بواحد الشعور فشكل وخايب بزاف بزاف قلبي كيضرب بجهد وكانحس بالخلعة ومعارفاش علاش وداق عليا صدري وكانحس بدموع كيطيحو ليا معرت باش تبليت مقدرت لا ندوي ولا نتحرك تخلعت ديال بصح بقيت هكاك شي 10min ومن بعد اقسم بالله حتا حسيت بشي حاجة مشوكة شاداني من رجلي وكاتجرني طيحاتني الارض وبقيت مخلوعة قريبة نحماق والله ومقدرت لا نتحرك ولا ندوي بغيت غير شي حد يشوفني ولا يسمعني و والو غير جرني داكشي طيحني فالارض حتا داني النعاس فصباح فقت معا ديك 4 ديال عشية لقيت راسي فالسبيطار والله و ماما وبابا حدايا مفهمت والو كانسولهم اش طاري تا حد معارف وفاش قلبوني لقاو عندي طراسي ديال الضرب والعضان فيدي ورجلي وعنقي وحتا الطبيب براسوو مفاهم والو ....هادشي غير شوية من بزاف داكشي لي كنت ومزال كانعيشو والله العذاب والجحيم اقسم لكم بالله مكنكدب عليكم نصحية مني فوتو هاد الكتاب وماتقربوش ليه.


***************
للعلم أنا قريت غير نسخة مزورة أما نسخة الاصلية مستحيل العثور عليها حيث كايقولو ان نسخة الأصلية مكتوبة بدم و جلد لمكتوب فيه لحد الآن مقدروش ينسبوه لأي حيوان او اي مخلوق....وهدا كتاب تقدري تقولي بوابة لسحر الأسود يعني كلماتو ورموزو تقدر تديك تهلوكة بمجرد تقرايه غير بشفايفك بلا صوت ...كاين بزاف معلومات عليه يخلو لفضول ياكل فيك ...مي كاع ناس لقربو منو مخرجاتش عقبتهم على خير ...ملحوظة نسخ لگاينة ف الإنترنيت غير اصلية ومحرفة ...كيقولو الله وعلم ان هدا كتاب منو 3 نسخ اصلية واحدة منها لقاتوها فاس فمكتبة واحد الفقيه لحفيدو لقاها بعد موتو وقراها وللأسف خرج على راسو ...ومن تماك ديك نسخة ولات تحت يد ...  .


متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓


↓↓↓↓ شارك هذا الموضوع عبر مواقع التواصل الأجتماعي ↓↓↓↓