ماما وبابا تفارقو باش كان في عمري عامين ومن تما وأنا عايشا معا جدي عام ونص وبابا تزوج وعشنا معاه هو ومرتو مزال عاقلة كانت كضربني كانت مكطعتينيش ناكل كنعس وانا نبكي ملي وصلت ل 7 ف عمري وكانت كتقولي غسلي الماعن شطبي ديري هادي ديري هادي وملي كيجي بابا كدير راسها بحال انا عزيزة عليها مهم بابا مكان كيجي من سمانة السمانة وملي كنبغي نقولها لبابا كتقولي غادي نذبحك صافي كبرت على ديك سيستيم واحد نهار شداتني بالتيو ديال البوطة رداتني كالي زرقة وقاتلي نوضي ديري شقا نضت كنبكي كتقولي سكتي متبكيش وانا منقدرش نحبس لبكا ومشات جابت الفورشيت دارتها فوق عافية ودارتهالي في ضهري غوت بجهد هزات تيو عاوتاني قتلاتني بالعصا غير على الماعن مكملتهمش بزربا ومشيت نصيق صافي كملت خليت شويا ديال الماء فدروج وهيا تعيطلي قاتلي اش هااذ شي بقيت كنقفقف وهيا تجي مورايا دفعاتني فالدروج تهرست من يدي....يتبع
♥️♥️الجزء التاني♥️♥️
تهرست من يدي بقيت كنبكي جات عندي نوضاتني هزاتني منديك اليد لي مهرسة وجراتني وانا كنغوت لربي لي خلقني حيت فيا لحريق بقيت هاك يومين وانا كنموت بلحريق كنموت جا بابا لقاني هاكك قالي مالكي وهي تنقز قالت ليه كنت كنصبن وزلقات فدروج قالي بابا يلاه نمشيو لطبيب انا كنت كنخاف طبيب بزاف مشيت بالبكا دخلت دارلي فطو قال لبابا فوقاش طاحت قال ليه شي يومين هذي قالو وكان خليتي غادي اخسر ليها يدها وتما نكونو مطرين نقطعوه مهم درت الكبس وجيت لدار شافتني مرت بابا دارت راسها خافت عليا بقات كتعنقني وجراتني البيت قاتلي سيري تنعسي خليني معا باباك را يلاه جا من سفر انا مشيت كنبكي حيت مخلاتنيش نكلس معا بابا كنت توحشتو بزاف صافي غدا بابا مشا معا صباح بكري لخدمتو وجات عندي باش نمشي نقرا جات درباتني بركلة قالت ليا فيقي تمشي تقراي رجعات تنعس مشيت درت لفطور بيد وحدا سخنت الخبز وسخنت أتاي لبست ومشطش شعري حيت مقدرتش صافي خرجت مشيت المدرسة رجعت لدار لقيتها عند الباب قاتلي مالكي تعطلتي....تتبع
♥️♥️الجزء التالت♥️♥️
رجعت من المدرسة لدار لقيتها كتسناني عند لباب شافت فيا واحد شوفة ديال الحقد والكراهية شداتني من شعري قاتلي دخلي الله يعطيك كسيدة دخلت شداتني بالتيو قاتلي علاش تعطلتي اه فين.كنتي قاتلي كنتي معا دراري انا في عمري يلاه 11 سنين مكنعرف لا داري لا تحاجة مهم شبعات فيا عصا وطلعت الفوق كين تما جافيل زلقت وحوايجي عامرين جافيل تحرقو ليا شداتني تاني قتلاتني بلاعصا كنت غنموت ب لبكا صافي كنت منقدرش نرد النفس بقيت كنبكي نضت توضيت صليت كلست كنراجع دروس ديالي وكنبكي وجات عندي بقات كضحك قاتلي هاي هاي على المعلمة وتي نوضي تمشي تشطبي قلت ليها را يدي مهرسة كيف غاندير انا نشطب قاتلي ماسوقيش هيا كتبغي غير ضربني نضت مشيت عيط على بنت خالتي شطبات ليا بلا متشوفها كملات وانا نطلع قلت ليها كملت وهيا دفعني قاتلي يلاه سيري تنعسي نلقاك فاية نقتل مك مشيت وهو يصوني تيلي ديالها بقيت كنسمع شكون لقيت بابا ...يتبع
♥️♥️الجزء الرابع♥️♥️
لقيتو بابا مشيت عندها بغيت نهضر معاه شداتني عندها بلعات ليا على فمي حتى كملات سولها بابا عليا قاتلو اه را وكلتها ونعستها مسكينة را مريضة يديها كتحرق ليها وبقيت كنبكي وقالت ليه يلاه عندي شقا وشداتني بالتيو تاني قتلاتني كتقولي سكتي منسمعش حسك سكوت مشيت نعست فقت لقيتها باغا تحيدلي الجبس معرفتش علاش بقيت كنطلب فيها وكنبكي حيت فيا لحريق طرشاتني ومشات بقيت كنبكي حيت هالعصا هالحريق ديال اليد ملقيت مندير نعست معا العصر فقت لقيت ساعة 5 ديال صبح نضت صليت الفجر وجدت راسي درت لفطور فطرت كنت كندير الكرسي باش كنوصل وناضا مرت بابا لقاتني فقت قاتلي يخ على كنس كيداير بحالك بحال باك حوالا بقيت كنبكي صافي خرجت مشيت نقرا.....يتبع
♥️♥️الجزء الخامس♥️♥️
رجعت لدار مهم كيما العادة بقيت 15 يوم واحد نهار كنت ناعسة ناضت عندي حيدات ليا الجبس وانا محسيتش براسي حتى حسيت بنار في يدي هزات الفورشيت سخونا ودارتها في يدي بقيت كنبكي مهم معرفتش شكون دق فلباب سدات عليا ومشات رجعات عندي لقاتني ناعسة ضرباتني بركلا قاتلي هذا واش وقت نعاس فقت هزيت نحفظ القرآن حيت كان عندي امتحان مهم كملت وكانت معصبا باغا غير علامن تخوي قلبها جات عندي قاتلي ملي اجي باباك الى قلتيلو شيحاحة نذبحك هزات علياالموس,بقيت على ديك سيستيم تا كبرت صبرت على الحكرة ولبزاف لحوايج دزت منهم حتا وصل في عمري 18 وانا نعاود هادشي لبابا بكا بحرقة ومشا بدا كيخاصم معاها كانو غايوصلو تال لطلاق دخل جدي وصالحهم وصافي راني عايشة معاها دب حتى ليومنا حالي ,وبغيت نوصل ليكم واحد الحاجة راه الفقدان ديال الام تاواحد ميعوضك فيها متقوليش لا راه هاذيك ضريفة لا هاديك هاديك راه... ,مكاين لا هاديك لا هداك راه الام والاب الى مبقاوش معاك غير بعدي من البشر والا قدرة الله والام ديالك ماتت ولا شيحاجة وباباك جاب مرا دوي على راسك مديريش بحالي وسمحولي بزاف وشكرا لكم شي دعوة باش ربي يفرجها عليا. النهاية
متنسايش تشاركي هد قصة مع الناس لي عزاز عليك باش حتا هما يستافدو. ↓↓↓↓
↓↓↓↓ شارك هذا الموضوع عبر مواقع التواصل الأجتماعي ↓↓↓↓
