أغلبية البنات، اللي كيديرو الفولار، هي كتقول ليك: شعري ما كيشوفو حد مكاين لاش ندير ليه هادشي...و كتخلي حتى كتقرب تقراع عاد كتبدا تقلب على اشنو دير؟!
ماشي حيت كديري الزيف، هادشي معناه بلي تخلي شعرك و تهمليه وكاعم تتهلاي فيه و ما تديهاش فيه غير كتغطيه، راه حتى نتي ملزمة أنك تهلاي فيه و تديها فيه بحالك بحال أي بنت و الحجاب ماشي عائق، حيت عارفة مزيان بلي كاينين بنات كيديرو كلشي و مني كيوصلو للشعر كيعجزو، داكشي علاش فهاد الموضوع غنقول ليكم على أهم الحوايج اللي خاصكم ديروهم لشعركم ايلا كنتو كديرو الفولار نبداو على بركة الله
مني دخلي للدار حيدي الحجاب، راه الشعر حتا هو محتاج يتنفس ويشم هواء نقي.
- ما تزيريش على شعرك، راه كلما زيرتي عليه قد ما الشعر كيخوا من لقدام وتتولي عنك صنطيحة كبيرة و كيولي شعرك خفيف بزاف.
- وياكي ترجعي شعرك كامل لور راه هدا هو سباب رئيسي لي تخيلي شعر يولي خفيف راه مني تبغي ديري الزيف ما ترديش شعرك كامل اللور ، لا! جمعي شعرك بشوية و قاديه و ديري شي فرقة لقدام و لا في الجنب و كل مرة بدلي البلاصة باش الشعر ما يخفافش.
- واحد نصيحة خارج على موضوع شعر متبقايش تزيري على وهك واش من نيتك راه بشرة غدي ترهل ليك .
- حاولي متجمعيش شعرك بي باندة و خصوص لاستيك راه كلنا عارفين بلي تيقرض الشعر حاولي ديري ضفرة ولاجمعي شعرك بقراصة وخصوص لكان طويل.
- ولفي راسك طلقي شعرك فدار خليه ياخد راحتو راه اصل شعر خصو يكون مطلوق مشي عكس ومتخليش راسك بحال قفة .
-ومشطيه فصبح و فليل باش تحركي الدورة الدموية فراسك
مشي من حمام لحمام حاول فنهار جوج مرات و لكن عوتاني مضروش جلدة راسك و تهلكيه بالمشيط،راه مشيط مغديش ياخد منك كثر من خمس دقائق راني ماكدة بلي دوزتي شي نهار كان شعرك كلو مشبك و داير بحال صوفة و هدشي كلو بسباب قلت مشيط.
-بنسبة لبنات لي تيديرو باندة تاع راس تحت فولار حاولي تغسليها ديما حيت راه تتشرب الدهون تاع شعر و تتجمع اوساخ و هدشي تيأثر على شعرك.
-اكثر اشخاص عرضة لقشرة شعر هما بنات محجبات حيت كاعم تيتهلاو فشعرهم و تينساوه حتى تيولي شعرهم عامر بطفيلات
- ديما باش تبغي تشري فولارات ختاري قطن حيت تيخلي هواء يدخل لرأس وبعدي نهائيا على نيلو راه عذاب و تيخليك مسمكا كاعم تتسمعي وعاد تيزمت شعر.
- ديما تهلاي فشعرك و ديري ليه وصفات و لمكنيش قاد عليه قطعيه كوني صريحة مع راسك
-متنسايش تقطعي لي point تاع شهر مرة فشهر
-تهلاي فيه بزيوت و ووصفات وأقل حاجة مرة مرة دهنيه بزيت زيتوت بطبيعة الحال هد الزيت متيخطا حتى دار.
متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓