-->

2/05/2019

أش ديري الى قاليك بوركابي سالينا

شنو غدي ديري الى بوركابي قاليك صافي نقطعو هد العلاقة

موضوع اليوم فوق الشواية وهو كيفاش تعاملي بوركابي الا قاليكنساليو  وكيفاش تخليه يندم على النهار لي فكر يقول ليك هد الهضرة وتخليه يتمنى غا فوقاش يرجع معاك داكشي مضمون ومجرب.


 الا قالك سي بوركابي سالينا وأنا وياك مبقا بيناتنا والو  وهو شاعل تيقولها بواحد طريقة استفزازية,أول حاجة ديريها فراسك أحبيبتي مادام قاليك نساليو و تعصب هادا شيء ايجابي لانه مادام كتعصبيه وتخليه شاعل يعني انك نتي كاينة وتتلعبي ليه على الوتر الحساس ديالو بمجرد تحريكة كتبدليليه النغمة ههه. وكوني اكيدة ملي كايقوليك سالينا اول حاجة متقوليهاش هي علاش ولا كيفاش ولا شنو درت ليك, مطحيش فداك فخ حيت كوني اكيدة غيغلبك لانه هو كايعايني ديك اللحضة لي غتقوليليه علاش تما اينفجر عليك خصوصا لا كنتي مزبلاها معاه هو كايبغي يشوف ردة الفعل ديالك كيفاش غاتكون ويعجبو الحال أنه غادي تبقاي تزاوغي فيه وترغبي تما سيدك بوقلاوي كتحلو وكتولي قد باب السوق و تتشبعي ليه غرورو.

أول حاجة ملي يقوليك سالينا هي vu و ديكونيكطي و هو ملي غاتسدي نتي غادا تجيه ديك الحالة ديال تأنيب الضمير نتي ملي تسدي طلقي شي ستاتي وارالك لشطيح ونشاط وملي تفتحي بينيليه بلي عادي و بلي مارشقاش ليك وماباغا دوي مع حد تما ايولي يزاوك وياتكتبي سطاتيات ديال لحزن والزعتر ولكن ملي تحلوني عليه عنداك اطيحي عليه دميعات من مور كلافي نقج مك لبنات هم اكثر صبرا من الرجال 

غانوريكم داكشي بالتفاصيل مكندويش من فراغ احبيباتي وشي حاجة مكنجيبهالكم تاكندوزها ونجربها لانه نتوما حبيباتي منقدش نجرب فيكم نجرب فراسي عاد.نتوما بحال داك.خونا لي كيكون فسوق جامع جوقة ويبيع دوايات والعشبات ب 10 دراهم كيجرب كدام الناس عاد يبيع هنهننن ناني حاجة بيبتي خاصكي تحطي واحد 2 خطوطة و الأول ديال الكرامة ولي هي فوق كلشي والخط التاني ديال تاشي ولد مايستاهل نطيح عليه دموعي ويبكيني ويخليني مفقوصة والحاجة التالتة لي هي البنت كتبقا بنت وبلا بيها الولد نكمل؟ لولد 0 و ميقدش يبقا بعيد عليها حيت تالولد عندو مشاكيل وكيلقا فيك المتنفس الوحيد ديالو وملي كايقوليك سالينا كيبقا يهدر معاك باش يشوف شنو تحت راسك ولا لا.. يلاه لي ستافدات تخلي جيم وبلاما تهربي راني تنشوفك أجنية ههه.

متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓



↓↓↓↓ شارك هذا الموضوع عبر مواقع التواصل الأجتماعي ↓↓↓↓