-->

3/07/2019

وقتاش وكيفاش خصكي تشربي الماء

وقتاش وكيفاش خصكي تشربي الماء
بزاف منا تيشربو الماء غير باش تييجيهم لعطش و متيعرفوش طريقة الصحيحة لشرب الماء و الوقت المناسب للشرب الماء راه خصكي تعرفي بلي الماء هو سر صحة جيد و جمال الوجه و قوة الشعر....قال تعالى: "وجعلنا من الماءِ كلَّ شيءٍ حي".

أول حاجة خصكي تعرفيها هي ان جسم الانسان يحتاج 4.5 لترات من السوائل يوميا تيخدها من الماء و من ماكلة و السوائل 
غتقولي علاش بضبط 4.5 لترات من سوائل يوميا 
1/راه غير الكلى بوحدها تحتاج 2.5 لتر يوميا غير باش تخدم مزيان و دير خدمتها على أكمل وجه.
2/الرئتان تحتاج أكثر من 1 لتر من الماء لاتمام عملية التنفس.
3/ و لتر 1 من أجل عملية تعرق والتبول وتبريد الجسم وترطيب البشرة وحماية المفاصل من تعرض لكدمات.
ولكن نسبة 4.5 تختلف من شخص الى اخر 

فالرجل البالغ يجب ان يشرب مايعادل  3 لترات (حوالي (13 كوب)
والمرأة (وزنها أقل من 60kg) يجب ان تشرب 3 لتر (حوالي 9 أكواب) 
ولكن كلما زاد حجم ازدادة نسبة شربك لماء  يعني مثل لكان حجمك فايت 60كيلو جرام فغير عولي تشربي من 3.5 لتر الى 5 لتر من ماء يوميا .

باش تعرفي بلي راكي في حالة جفاف؟

-تشقق الشفاه 
-شعور بتعب 
-تشقق بشرة وجه 
-قشرة الشعر
-صداع في مقدمة الرأس
-تغير لون البول الى لون غامق 
-ارتفاع درجة حرارة الجسم كامل
-رائحة فم سيء بسبب قلة اللعاب 
-عدم مرونة الجسم فاش تدفعي الجلد للخلف باليد وسحبها، فراه مفروض أن يعود الجلد لبلاصة مباشرة، لكن هدشي لايحد معد ناس لي عندهم جفاف والجلدهم تيبقى مضغوطاً.

أفضل وقت لشرب الماء على طول يوم 

1-شربي كأس من الماء على ريق واحسن لكان دافئ علاش بضبط دافئ؟ حيت تيخلص الجسم من السموم والفضلات .
2-شربي جوج كيسان قبل أكل بساعتين باش توجدي معدتك لاستقبال الغداء.
3-شربي كوب واحد من ماء بساعتين ونصف بعد متسالي من ماكلة....وراه خطأ كبير تشربي ماء مباشرة من بعد متسالي ماكلة راه متتخليش معدتك تمتص ديك ماكلة لي هبطات ماء تيشتت ديك فيتامينات و فوائد تاع ديك ماكلة لي كليتي.
4-كوب قبل مدوشي تيقلل ضغط الدم.
5-كوب من الماء قبل متنعسي تيحميك من سكتة دماغية و نوبة قلبية مفاجئ.
6-أمالكنتي تتلعبي الرياضة خصكي تزيد نسبة شربك ماء و لكن غير بشوي مشي و شربي على دفعات.

طريقة الصحيحة لشرب الماء 

أول أبدا لاتشرب ماء و نتي واقف ديما جلسي عاد شربي الماء باش الكلى تاخد راحة وتخدم مزيان. 
كاين أحاديث عن النبي صلى الله عليه وسلم لي نهى فيها على شرب الماء واقف ولكنها ليس امر .
عن قتادة عن أنس -رضي الله عنه- عن النبي -صلى الله عليه وسلم-: «أنه نهى أن يشرب الرجل قائماً».

تانيا ديما شربي من كأس تاع زجاج  لي تيبين و يكون مغسول و نهائي متشربيش من بلاستيك مستعمل راه خطير.

تالت متشربيش على دفعة ولكن على 3 دفعات باش تنضمي عملية التنفس .وجسم ديالك ياخد الأكسجين ويعطيك الأنسلين لي تيحمي من مرض السكري.
 قال رسول الله صلى الله عليه وسلم: " إذا شرب أحدكم فلا يشرب نفسا واحدا " .

ملاحضة 
مشي غير سمعتي بلي الماء مزيان تبقاي بحال حمقة تتشربي فيه راه تقدر تصابي بتسمم بالماء لي تيأدي الى الموت وأكثر أشخاص عرضة لأصابة بتسمم المائي هما الناس لي تيشربو ماء على دفعة واحدة بدون توقف وخاصة أشخاص لي تيكونو تيلعبو الرياضة و تيجيو عطشانين و تيشربو ماء بزربة .

متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓


↓↓↓↓ شارك هذا الموضوع عبر مواقع التواصل الأجتماعي ↓↓↓↓