الصداقة بين بنات و دراري غير كذبة , غتقولي ليا علاش ؟ شوفي أبنت الناس أنا غنجاوبك غير بحقائق علمية و بالدين وتحاجة مغنجيبها من راسي راه الصداقة خدعة يستعملها الشاب للتقرّب من فتاة تعجبه وغير مكترثة لأمره .
راه دري الى كانت عاجباه شي بنت فتيحاول دري يلفت نظر الفتاة من خلال التسلّل إلى حياتها بقناع صديق ،تيحاول يفهمها و يستمع إلى مشاكلها وقصصها، وتيستغل أي فرصة باش يساعدها و يقدم ليها نصيحة،وهدشي كامل من أجل هدف واحد وهو كسب قلبها، وفي حالة ما فشل وشاف راسو ميقدرش يطيحك فيستسلم، ومنبعد تيختفي من حياتك في ليلة وضحاها وتيخليك دايخة مفاهم والو وفي حيرة من أمرك و غير مدركة سبب انسحابه المفاجئ.
أول حاجة خصكي تعرفيها أننا حنا بنادم و لكن كاين فينا جنسين الأنثى والذكر وكل واحد و عالمو الخاص وتفكير مختلف, وعادي يكون انجذاب بيناتنا أصلا هدي هي سنة الحياة يكذب عليك كذاب و يقوليك راه جوج أصدقاء من جنسين مختلفين (يعني انثى والذكر ) و مكاينش شيحد فيهم تيبغي لاخر و لامعجب بيه هدشي لي تنقولو راه الواقع, و خاصة الدراري راه ميمكنش تكون عندو شي صديقة و هو متيشوفش فيها بعين الجنس نهائي هدا الواقع العلمي أحبيبتي.
مثل نقولو بلي هو معجب بيك و بغا يتصاحب معاك ويطور معاك علاقة غتقولي أو لكان باغيني علاش أنوياه أصدقاء فقط ... حيت ألالة نتي رفضتيه بطريقة مباشرة او غير مباشرة وخليتي هدا العلاقة متفوتش حاجز الصداقة وبالتالي دري تيبقى صديق معاك ولكن را ديما تيتسنى التغرة, تيقيني بلي هد دري لي تظنيه صديقك راه نهار لي غتجيه الفرصة فراه غدي ينتهزها و يستغلها مزيان ويعوض لي فات. دراري متيعرفوش شنو هي صداقة راه المخ ديالهم متيفهمهاش مشي هما.
غتقولي ليا أواه واش دراري كلهم تيفكرو هكدا ؟
أه راه لمغلطتش نسبة 99.9% من الرجال كيفكرو بهده الطريقة.
أنا عارف بزاف بنات لقلتي ليهم هدا الحقيقة غدي تقلق و متيقش و تقول ليك لا أنا عندي بزاف تاع أصدقاء من الرجال ! أحبيبتي راه عندك أصدقاء من دراري غير حيت هما عارفين ومأكدين بلي انهم ميقدروش يكونو كثر من أصدقاء ليك فهد الوقيت...ندير أنا وياك واحد تجربة سيري عند هد أصدقاءك الدراري وسوليهم بطريقة ودودة واش نتصاحب أنا وياك ؟ولا واش االا تصاحبنا عادي ؟ ....وتنواعدك بلي غتفاجئ بأجوبة رائعة ههه لي غتصدمك ياحبيبتي .
دب نمشيو لدراسات علمية ونقوليك حقيقة الصداقة بين الرجل والمرأة - كيف يفكر الطرفان ؟
مصدر جميع معلومات لي غتقراي دب هي من برنامج David Pakman Show عنوان الحلقة لي هضر فيها على هد الموضوع هو Voicemail on Men & Women Can't Be "Just Friends".
راه كاين حلقة مترجمة باللغة العربية في يوتيوب
علماء النفس دارو دراسة حول هد قضية تاع صداقة بين شاب و فتاة في احدى المختبرات العلمية جابو 77 تنائي من الرجال والنساء الأصدقاء تيقراو في مرحلة الجامعية وبطبيعة الحال كان داك شي سري بدون كشف عن هوياتهم مع منعهم من تحدت عن تجربة مع بعضهم البعض و حطو طلاب في جيهة وطالبات في جهة أخرى وسألو كل جهة 3 أسئلة
1) مامدى جاذبية صديقتك /صديقك بالنسبة لك ؟.
2) في ضنك ماقدر جاذبيتك في عيون صديقتك /صديقك؟.
3) مارأيك أن ترتبط مع صديقتك/صديقك بعلاقة عاطفية ؟.
في رأيك شنو كان الجواب
أضهرت نتائج وجود الاختلاف كبير بين الجنسين في أجوبة لدرجة أن علماء النفس تصدمو.
فالنساء لم يجدو أن أصدقائهم جذابين وتيجيوهم عاديين ولم يرغبو أبدا في ربط أي علاقة غرامية معهم على عكس دراري وجدو أن صديقاتهم جذابات بشكل مثير وكانو تيظنو أن صديقاتهم معجبون بهم بدرجة كبيرة وبينو من خلال اجوبتهم أنهم يريدون تطوير علاقة معهم و يدخلو معاهم فعلاقة جنسية .
نهاية نتيجة أظهرت أن رجال عندهم صعوبة أكبر في أن يكونو مجرد أصدقاء على عكس نساء لي معدهمش موشكيلة في في أنهم يكون عندهم أصدقاء دراري
دب نمشيو لجانب ديني.
واش علاقة صداقة بين بنت وولد حرام او حلال
اساس علاقة شاب مع بنت هو الاحتياج يعني مثلا لكنتي تتقراي مع دري هدشي تيفرض عليك تكوين صداقة و لكن في حدود تفوتي هد حدود تدخلي فالحرام.
أمور بسيطة
أمور بسيطة
دين لا يحرم صداقة سطحية بين شاب و بنت لكان باغي دفتر بغي شي مساعدة في دراسة مرحبا ...ولكن شي حاجة أخرى لا .
نتي عارف أنه في الدين الاسلامي حرم على مرأة و رجل تواصل مع بعضهم ولو حتى بنضرة أو كلام او لمس الا في حالة احتياج كبيع و شراء او دراسة اوعلاج أو عمل....
بنسبة في حالة الكلام فكاين حدود راه مطالبين شرع بحدود في كلام وبعدم الخضوع في القول
قال تعالى : ( يَا نِسَاءَ النَّبِيِّ لَسْتُنَّ كَأَحَدٍ مِّنَ النِّسَاءِ إِنِ اتَّقَيْتُنَّ فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَّعْرُوفًا ) الأحزاب / 32 .
قال الشيخ عبد الرحمن السعدي رحمه الله تعالى :
" فقال: ( فَلَا تَخْضَعْنَ بِالْقَوْلِ ) أي: في مخاطبة الرجال ، أو بحيث يسمعون ، فَتَلِنَّ في ذلك ، وتتكلمن بكلام رقيق يدعو ويُطمع ( الَّذِي فِي قَلْبِهِ مَرَضٌ ) أي: مرض شهوة الزنا.
دب غير قولي ليا واش غتعرفي حسن من ربي ؟
خلاصة الصداقة بين شاب و فتاة علاقة وهمية 100% ومحرمة و خصوص علاقات الصداقة لي موجود حاليا فالمغرب البنت تتراشق مع دري تتسلم عليه من وجهو تيهزها تتغاوت هي وياه. تيخرجو شي بلايص خاويين وهدشي كلشي تيبينو ليهم شيطان انه حلال طيب و تيبررو أفعالهم وتصرفاتهم بصداقة راه فهد الوقت منقدروش نمنعو بنت من تكوين صدقات مع دري و لكن خصكم ديرو حدود بحال !ممنوع اللمس! و تعلموه لبناتكم و شخص لي يلمس جسمك هو راجلك فقط حلالك شخص واحد لي غيكون محظوظ باش يقيسك عزي راسك اهبيلة.
نتي راكي أنثى أميرة مشي دري بحالو .راه مشي لي جا يقيسك ديما عزي راسك باش تعيش معززة مكرمة.
لي عجباها منشور تخلي ليا كلمة شكر راه كافياني 🥰
نتي راكي أنثى أميرة مشي دري بحالو .راه مشي لي جا يقيسك ديما عزي راسك باش تعيش معززة مكرمة.
لي عجباها منشور تخلي ليا كلمة شكر راه كافياني 🥰