-->

4/20/2019

كوني غامضة لتصبحي جذابة

كيفاش تولي غامضة بشكل جداب
كيفاش تولي فتاة غامضة

أكثر سر لي كيثير الراجل في المرأة هو غموضها.
الغموض هو كنز المرأة الي كيخليها متكشفش على داكشي الي لداخل ديالها وتخلي بنادم محتار مع هاد الانثى فهدا الموضوع غدي نقوليك كيفاش تكوني فتاة غامضة بشكل جداب.
ويبغي يعرف داكشي اللي فيها واللي مخبية ويخلي اي واحد يتمنى يكتشف هاد الانسانة, وكيبقى تابعها بسبب داك الغموض الجذاب ديالها وتيولي هدف ديالو  غير يوصل لداك السر اللي عندها ويعرفها . 
نعطيكم مثال الى حطيت قدامكم جوج صنادق واحد محلول وفيه ريحة وورقة،وتاني مسدود ولكن مافيهش لقفل !اش من صندوق غادي يجيك لفضول وتبغي تمشي تفتحيه وتكوني متحمسة باش انه يتحل ليك!!.
اكيد الصندوق لمسدود فانت كوني بحال هاد الصندوق المغلق اللي كيتفتح شوية بشوية ,ولكن متكونيش مكشوفة لبنادم بحال داك صندوق لمحلول اللي كلشي عارف اش فيه ووسط منه خلي مشاعرك غامضة باش حتى واحد ميفهم طبيعتك ويعرف شنو فداخل ديالك ويستغلك.
كيفاش نكون انسانة غامضة ؟
فباش تكوني تكوني انسانة غامضة وتخلي اي واحد يبغي يوصل ليك..؟؟ 
كاينين بزاف ديال الطرق الى مكنتيش غامضة بالفطرة غادي يخليوك تصنعي هاد الغموض حيت مزيان ليك وغينفعك فحياتك الشخصية والعملية.  

1-كوني انسانة واثقة من نفسها واتقة في أرائك في اهدافك فرغباتك  .
2-كوني مستقلة وعندك وقتك لخاص اللي كتخرجي وتطلعي مع صحاباتك والناس لقراب ليك وغيرهم.
3-كتمي اسرارك،وقللي من كلامك اللي مافيه معنى (حيت الى بقيتي كتعاودي أسرارك غدي يبينك هدشي بلي راكي سهلة حتى الى كنتي قوية ) .
4-متبينيش لاهتمام ديالك زايد لشخص اللي مرتبطة معاه متكتريش عليه دوك الاتصالات فينك وفين غادي. 
5-متطلبيش منه يهتم بيك ولا يعيط ليك ديما قولي ليه كلمة لا اقل ولا اكثر.
6-متبينيش ليه انك مهوسة فيه يعني تبداي عليه اش كدير وتبغي تعرفي كل تحرك كيقوم بيه.
7-متخليهش يشوف منك ديك الغيرة الزايدة وتكون واضحة عليك.
8-متخليهش يحس باللي معندكش فهاذ دنيا من غيره باش ميحسش براسه كل ماكتملكي.
9-الى سمعتي شي كلمة زوينة عليك ولا شي غزل ولا اعترف ليك بشي سر كافئيه بالشكر وبنفس الهضرة اللي قاليك لا اقل ولا اكثر. 
10-متخليش بنادم يحس انك الى تخلا عليك غادي تعيشي مدمرة من بعده لا خلي كلشي يعرف باللي حياتك مكتوقف على حد, وباللي قادرة تعيشي من بعد اي شخص تخلا عليك كوني انثى مستقلة ماديا وعندها واحد الدخل ومحاطاش ضهرك على اي واحد وسندك وحيد هو راسك.
10-كوني قوية وحتى لمكنتيش قوية تضاهري بقوة يكذب عليك الكذاب توحد مكيبغي انسانة ضعيفة.
11-تصرفي وعاملي نفسك بحال شي ملكة كوني انانية أه بغي راسك شوفي فالمراية كولي انا زوينة  حاولي تبني تميز ديالك وبلي راكي نادرة ومميزة  هدشي غدي يخلي الراجل يزيد يتقرب منك, ولكن بذكاء عداكي طيحي فمتاهة الغرور وتصدقي باين ليه انك متكبرة ولا مغرورة باش ميتقلبش هادشي عليك فالاخر.
12-رفعي المقام بالاحترام يعني احترم تحترم.
13-متبدلي حتى شي حاجة فشخصيتك اللي كانت سابقا الا الاشياء الايجابية زيدي فيها كتر.
14-قوي احساس الانوثى فيكً واهتمي براسك كثر من قبل.
15-متاخديش دور الراجل فكلشي فحياتك وتبداي تعيطي ليه يقضي ليك الاغراض فبلاصتك.
 16-متسوليش شي واحد واش كيرتاح ليك ولا نو حيت هكا كتباني متايقاش فراسك قدام بنادم.
كوني غامضة حتى مع نفسك 
وأخير كوني غامضة ، لا تقولي كلّ ما يخالجكِ وتفكري به، لا تفصحي دائماً عن آرائكِ وأفكاركِ . فالغموض سرّ بعينه.
فان فكت الالغازك اصبحتي لعبة مملة بيد طفل طائش #ينتهي_الاهتمام


↓↓↓↓ شارك هذا الموضوع عبر مواقع التواصل الأجتماعي ↓↓↓↓