-->

4/26/2019

3 مواضيع مهمين تخص كل بوركابي

3 مواضيع مهمين تخص كل بوركابي

طيط فتاتيش تجمعو عندي ليكم موضوع غدي نقسمو لاجزاء :
كيفاش نطيح اي راجل شفني. 
كيفاش نخلي بوركابي تبعني.
كيفاش نرجع كرامتي 
كيفاش نرد صرف لي مشا وخلاني.

قبل منبدا خصكي تعرفي ضروري بلي الراجل كيبيغي البنت لي الواثقة من نفسها .وجميع المعلومات لي غتقرايها فهد الموضوع هي صالحة لرجال مشي لذكور . 

1-كيفاش نطيح اي راجل شفني 

كيما كتعرفو بلي الكرامة هي الميزان ديال الإنسان ويلا مشيتي حتى خسرتيها كيمشي كلشي واخا تكوني كتقطري بزين ولكن كتولي صفر و باش تحافظي عليها خاصك تسبقيها على كلشي هي لولا عاد من موراها الصحة عاد الحب ,حيت صحة و الكرامة مكيرجعهاش الحب و كيما كتعرفو أن الحب هو دائما كيكون السبب الرئيشي في سقوط الكرامة و باش تحافظي عليها و تخليها ديما الفوق تبعي هاد الخطوات : 
لكان عندك مع شي واحد شي مشكل و متأكدة بلي مشي منك الغلط متصيفطيش حتى تجيك رسالة فيها اعتذار و ديك ساعة قبليه.
 ماعمرك تصيفطي رسالة وراء رسالة و مولاها كيقراها و مكيجابش خليه حتى يسالي و جاوبيه نتي مني تسالي.
 √ماعمرك تربطي حياتك برجل مواعدك بزواج حيت يقدر يقلب فأي لحضة اعتامدي على راسك بني مستقبلك باش حتى لصدق ولد حرام نتي متخرجيش على حياتك ومستقبلك.
 كوني قوية متبكيش قدام الخصم ديالك حتى يدرق كمارتو و بكي بوحدك و لكن كاين حالات تقدري تبكي فيها قدام شي وحدين باش تكسبيهم هداك موضوع أخر ههه.
*************

2-كيفاش نرجع الصرف لي تخلا عليا 

أولا أزين ماعمرك تخاصمي مع شي حد تبلوكيه خلي دينمو بلاكة يبقا ديما يدخل يقلب واش نتي فاتحة الفيس ديما فيه الفضول والتشوييق وكيتسنا منك ميساج أول عامل واللي هو عامل أساسي هو التجاهل عطي النخال لباباه شوفيه ديري بحالا عمر عينيك مجات فعينو ولا عمرك عرفتيه عرفتي هديك كتقتلهوم عرق برق أزين فالفيس حطي تصاورك ونتي فرحانة حاولي تبيني بلي نتي عايشة أليز بيه ولا بلا بيه عندك هانيتون و سماء صافياتون ضاربة دنيا براكلتون و اللي بغا يربح العام طويل تهلاي فراسك ابيبي وضحكي وقتما شفتيه بقاي تموتي بالضحك وخا غير تمتيل المهم تقليه فسمو مزيان هضري على مواضيع معندهاش علاقة بالحياة الشخصية هضري على شي فنان سياسة موضة مهم نساي عليه المواضيع الخاوية هادوا أهم الحوايج اللي كيخليوه يتشوق ويموت يهضر معاك من جديد حيت شاف فيك القوة اللي تقدري تكوني مستخدمتيهاش من قبل.

******************

3-كيفاش نطيح دري عجبني

 انا اكيد ضروري يعجبك شي ولد سوا كايقرا معاك في المدرسة و لا ولد دربكم ولا شي حاجا مهم عندك في الفايسبوك و تايعجبك ولاكين كيفاش تطيحيه.
اولا و قبل كل شيء ايلا كان كيعجبك شي ولد وعندك في الفيس ماشي تبقاي تنزلي على تصاورو ب جادوغ و ليكومونط ولا مني تدوزي من حداه تبداي تضحكي و تهدري بجهد لالالا ايييه عادي تكوني تادخلي لبروفيل تاعو كل نهار مي بلا ماتعيقي و ايلا تلاقيتيه و كانت بيناتك سلام قوليها ويلا ماكانتش ديري راسك ماكتعرفيهش....حاولي تعرفي عليه معلومات من حقك مي ماشي تبقاي تسولي في الناس عليه حيت غايعرف الخبار عرفي كلشي منو ا ديك الطحبة ماشي سلام سلام واش مصاحب للا الا كاينين بزاف تاع طرق منهم لعبة تاع صراحة بزاف كايحكرو هاد اللعبة هادي اكتر طريقة تعرفي بيها معلومات بداي اسئلة عادية بحال اشنو لحاجة لي تكره ف راسك و ديك الاسئلة د تبي ههه ماعلينا عاد سوليه واش عندك شي بنت فحياتك خلي سؤال يجي عفوي وايلا جا من عندو هو تكون احسن و ماتبقايش نهار كامل و نتي شادا معاه الحتيت لالا مرة مرة قولي ليه سمح لي غانوض نقضي شي غرض بلا ماتبداي تقولي ليه شنو غاتديري شتي تا لا ماكن عندك ماتديري نوضي غي كولي ولا ديري ماسك لوجهك....ايلا شي نهار غبر ماحل لا فايس لا واتساب عنداك تبقاي تسيفطيلو فليميساج هاء فينك تخلعت عليك لاواه النبغ لالا خليه و ايلا طلع اونلاين. ماتسيفطيش ليه ميساج في البلاصة خليه عاد سيفطي سلام و بلا ماتسوليه فين غبر ولا...بداي تعاوديلو كيداز نهارك باش تا هو ياخد المبادرة و يبدا يعاود ليك...تلاقاي معاه و خليه هو لي يهدر بزاف نتي كوني مستمعة جيدة عنداك تبداي تهدري فشي صاحبتك ولا شي موضوع تافه قدامو لالا ناقشو شي حاجا مفيدة و مرة مرة ماتوافقيهش الرأي و قولي لا و قنعيه هاكا غايحتارمك....ايوا ألالة لا كانو عندو مشاكل وقفي بجنبو ماشي تحاولي تلقاي ليه حل ولا تنصحيه عادة دراري كايبغيو غي لي يسمع ليهم نتي قولي غي هدرة تحفيزية بحال يكون خير تيق فالله ولا الله اذا احب عبدا ابتلاه دابا كولشي يفوت و فوجي عليه....و الالة راه مافيها باس تبداي نتي الهدرة عزة نفسي ماشي هي نخليه هو يسيفط ميساج لول ولا لا لا عزة نفسي هي نبين ليه بلي ماعنديش غير هو و بلي عندك حياتك صحابك اهتماماتك الخاصة بيك. وكوني انيقة ماشي لبسي الغالي ولا طلسي الماكياج ا لالا كوني انيقة فلبسك و تلقائية فنفس الوقت مني تهدري معاه عينيه فعينك و ايلا ولا كايسيفط ليك كتر من 3 الميساجات ايلا غبرتي ولا يسول عليك فشي مجمع مني ماتكونيش عرفي راسك ربحتي و قريب غايجي هو تالعندك
*************
متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓

↓↓↓↓ شارك هذا الموضوع عبر مواقع التواصل الأجتماعي ↓↓↓↓