-->

4/27/2019

كيفاش نخلي زوجي يحبني غير بالسياسة

كيفاش نخلي زوجي يحبني غير بالسياسة

كيفاش نخلي راجلي يبغيني ولا كيفاش يحب الرجل زوجتو تكون  يا أختي المتزوجة أكيد قبل زواجكم كامل فتو على مرحلة الخطوبة أنا بغيتك تكوني مع زوجك كيما كنتي في مرحلة الخطوبة هدا الحل أمثل باش تكسبي زوجك و يرجع يحبك كيما راكي متمنية شحال من وحدة باش غتقرا هدا النصيحة غتقول  الظروف متسمحش ولا تقول قاسني و جرحني بزاف و وحدة راح تقول دب راه كبرنا على هاذيك العقلية و وحدة راح تقولي لولاد مايخلوناش نكونو كيما فلول وزيد من أسباب...
 حبيبتي زوجك الا تبدل وجبد ليك اعدار عرفيه دايخ وكبرات عليه مسؤولة و أنتي هي الإنسانة الوحيدة لي راه يستنى منك أنك تحتويه و تريحيه و تخليه يحس بلي راكي معاه وبلي مستحيل تفرط فيه, حاول تنساو او تتناساو المشاكل لي راهم يصراو و ماتقوليليش انا هي انا ماتبدلتش لأنو السراق عمرو لا يقول سرقت و في عديد من المرات نهدر مع شباب يتعاطاو المخدرات و الحاجة لي محيرتني هو أنو كي نهدر معاه ديما يقولي الظروف لي خلاتني هكا واحد يقولي لبلاد واحد يقولي والديا واحد يقولي أنا كلشي فيا مليح غير هاذ الحاجة برك مي ماناذي حتى واحد راها حاجة بيني و بين روحي مي لوكان برك يقتنع أنو هاذ الشي لي راه يدير فيه غلطة تاعو و هو المسؤول عليها ذوك تتحسن حياتو في كثير من المجالات لكن للأسف يقعد متمسك في هاذ الفكرة إلى أن يقضي الله أمرا كان مفعولا مالا أختي انتي ثاني ماتحصلي لا في عجوزتك لا في سلافاتك لا فالظروف لا في راجلك حاسبي روحك و خوذي الحاجة لمليحة و ارمي الحاجة العيانة رانا كامل عندنا عقل و نميزو بيه ماتحتاجيش واحد يوريلك صلاحك غير اقعدي مع روحك و اتفكري كيفاش كنتي تعاملي زوجك في فترة الخطوبة كيفاش كنتي تهدري معاه واش كنتي تتمناي معاه و كيفاش كنتو تتمناو تعيشو و اذا لقيتي روحك تبدلتي و الأكيد انك راح تلقاي روحك تبدلتي و اذا قلتي لالا معناها مزال راكي كيما هذاك الشاب لي كنت نحكي عليه قبيل و ماراحش تتصلح حياتك اما اذا شفتي روحك غلطي في حق راجلك اقعدي معاه احكيلو اعتارفيلو بأخطاءك قوليلو انت غير اسمعني برك ماتقاطعنيش و ماتبرريش المواقف تاعك نورمال احكي واش كاين في قلبك فرغيلو راه راجلك راه حبيبك راه ملاذك الآمن ديري معاه لحظة صدق و قوليلو اسمحلي عاملتك بطريقة ماتستاهلهاش و غلط معاك و قوليلو بلي راكي تحبيه و خليه مع روحو و اتبدلي من هذاك النهار و ماتقوليلوش اتبدل خليه و شوفي ذوك تفهمي مدى مصداقية كلامي و قد واش قادر و متمني نفيدك لوجه الله والله يا أختي لوكان تكوني صادقة مع ربي و مع روحك و مع زوجك والله والله تتبدل حياتك من هاذيك اللحظة لي علابالي جريئة و ماتقدر ديرها غير زوجة تحب زوجها بصدق و بخالص النوايا و حابة تصلح دارها و حابة تعيش حياة زوجية مع الإنسان لي رزقها ربي بيه اختي هي حركة جريئة لكن مبادرة حسنة و راح يستحسنها أي زوج من زوجتو لأنك بهاذ الحاجة راح تحذفي سنوات من الأخطاء و الحياة الغير منتظمة في لحظات و راح تلقاي روحك كأنك تزوجتي من جديد ( ماتصارحيهش غير بحاجة وحدة اذا غلطي فيها هاذيك خليها بينك و بين ربي سبحانو ربي يغفر الذنوب كلها إلا الشرك به.

موضوعات متعلقة
*كيفاش تعاملي مع عائلة *
*تعلمي فن الأغراء مع راجلك*
*كيفاش تكوني مقودة فالفراش*

متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓

↓↓↓↓ شارك هذا الموضوع عبر مواقع التواصل الأجتماعي ↓↓↓↓