-->

5/17/2019

الأنواع ديال النساء لي كينفر منهم الرجل

11 نوع ديال النساء لي كيكرهم الرجل

السلام وعليكم
الموضوع هو على سبعة ديال الانواع ديال النساء لي راجل كيكرهم ولا مكيرتاحش معاهم وكيحاول بيعد عليهم قدر الامكان المهم نبداو:

1- المرأة المتقلبة

المزاج لي كتعامل الراجل على انه افضل شخص فالعالم او انه اسوأ شخص فالعالم. يعني هي يا اما كتكون باغا تاخد الوقت ديال الراجل كامل ولا ماباغاهش بالمرة هاد المرأة بالدات كتعرقل حياة الرجل وكتسود لو عيشتو بحجة انه مكيرضيهاش وهو ماشي كيفما باغاه هي ومكيفهماش ومكيهتمش بها بالطريقة لي باغاها هي. وباغاه يرضيها ديما وفكل وقت يعني داك راجل غيخدم ولا يقضي شي غرض لا متمشيش بقا معايا ماشي عند صحابو لا بقا معايا انا ومتفعلشي متركشي عملي انا هتم بيا انا بغيني انا يعني القهرة 24/24. وهاد النوع الراجل كيبغي غير يرتاح منها وكيحاول يبقى بعيد عليها  .

2- المرأة المسيطرة 

المرأة الي كتبغي تسيطر على كلشي وبغات الامور كاملة تمشي كيفما باغاها هي و أي حاجة مامشاتش على هواها كتعصب بزاف وكتدمر العلاقة بدك التصرف وحتى هاد النوع الراجل كيحاول ما امكن يبعد عليه حتى هادي فحال .

3-المرأة الطماعة

هو المرأة لي كتحاول تقلب غير على المصلحة ديالها فحال الماديات ولا شيحاجة اخرى وكتصاحب غير على الفلوس والى دك الراجل مابقاوش عندو الفلوس كتخلى عليه بحجة انها تشمتات فيه وبلي هو ما عندو لا فلوس لا والو يعني مرأة استغلالية .

4-المرأة السطحية

وهاد المرأة كتركز غير على المظاهر الامور وباغا كلشي مزيون يكون ديالها .هاد المراة كتسعى ديما باش تحصل على الحاجة لي كيمتلكها الغير كتحقد وكتغير و الى شافت شي صحبتها علاقتها مزيانة مع الشخص لي كتبغي كتحاول ما امكن تخدو منها ولا تخلق بيناتهم المشاكل المهم متخليهاش تعيش فرحانة مع حبيبها حيت باغا تشوف الامور المزيانة غير عندها .

5- المراة غير مستقلة

  هاد النوعية ديال البنات كتعتمد غير على الراجل فكل شي ومتقدرش تعمل شيحاجة بلا راجل فالأول الراجل كيكون عاجبو الحال حيت كيشوفها معتامدا عليه ومحتاجاه فكلشي مي مع مرور الوقت كيبقى يحس بالضغط والخنقة حيت الراجل بغا البنت لي تشارك حياتها معاه ماشي حياتها كاملا تكون متوقفة عليه وبغاها تكون مسؤولة وكتعمل بزاف ديال الحاجات بلاما تعتمد عليه فكلشي يعني شخصية مستقلة بداتها .

6-  المرأة الضحية

ومتألمة او الحزينة لي كتحماق على تعيش دور الضحية .و مكترتاحش الى مكانش عندها المشاكل يعني تكونو بيخير وعلى خير وكتنوض تقلب على المشاكل باش تحس براسها مهمة وعندها مشاكل تنشغل بيها وتحلها ههه والى كان الكوبل عايش سعيد مرتاح مكاين لا صداع لا نكير كتجيها غريبة وكتوتر كتبقى تتسأل علاش مكينش المشاكل ادن شيحاجة غتوقع فيها ان ولا يكون مخبي عليا شيحاجة وكتبقى تتوقع غير الالم وفعلا مكترتاح حتى كتفريها هد نوع خطير والله تصلاح تكون مخرجة.

7- المرأة المسيطة 

كتبغي تلعب دور المديرة فالعلاقة يعني كتعيش بمبدأ المعاقبة كتبع راجل فأي غلاط عملو وحتى الى معمل والو كتبدا بدك السيناريو معيطتيش مجيتيش ممشتيش مقلتيش تقول غير موظف عندها مع مرور الوقت الراجل كيختنق بعد صبر طويل وكيكره راسو وكيكره نهار لي تعرف عليها فيه .

8- المرأة المهملة 

لي عاطيا بوركابي نخالة وكتبقى تعامل معاه بمبدا راه عمرو يخليها .واخ هدشي خصو يكون باش تحافضي على الرجل ولكن الى فات الحد ديالو كينقلب عليك . يمكن فلول هدشي غيلعب لصالحك و غتشوفيه كيحاول يدير مستحيل باش تهتمي بيه و لكن مع وقت صبر كيتسالا و تيقلب عليك 6/9 ومغديش يولي يحمل فيك شعرة.

9-المراة الزايغ

 لي عينها زايغا وعدها عراما تاع صحاب فحياتها  .وغير دور تعطي نمرتها وديما حاط راجل ديباناج و غير كتقلب فيها فز الله يستر . راجلها ممقنعهاش واخ يكون تيموت عليها هي ديما تتشوف فوحداخر.

10-المرأة المغيارة و شكاكة

 فوق القياس ابسط حوايج كتغير منهم و كتشك بزاف وديما كتلقاها كتحلل فهضرتو نضراتو و تصرفاتو . فلول الراجل كيعجبو هد النوع حيت تيحس بأهميتو ولكن مع وقت كيحس بخنقة لي ماليسها خنقة تيولي يبغي غير ينعس ويصبح وميلقاهاش فحياتو.

 11- المرأة الثرثارة 


 هدي لي كتكون سارطا كسيطة و كتبقا تعاود على حياتها و حياتهم و حياة جارها و رئيس فرنسا مهيم مكتسكتش راسك تيضرك واخ تحاول تصبر ولكن والو متقدرش لكنتي من هد نوع راني حاط موضوع فموقع الأنثى المغربية تاع كيفاش تعلمي الصمت ومتبقايش تخافي منو. 

↓↓↓↓ شارك هذا الموضوع عبر مواقع التواصل الأجتماعي ↓↓↓↓