-->

5/09/2019

اجي تعرفي شنو هي السعادة! موضوع يهمك حبيبتي

موضوع اليوم للبنات لي ديمة مخنزرين و مقلقين و مضيومين وعاقدين حجبانهم الله يستر كاعم تصبحي عليهم اجي احبيبتي نهضرو شوي على السعادة تعريفها و فين هيا و كيفاش تلقاي السعادة.
ملي تانسمعو هاد الكلمة، كل وحدة فينة و شنو تايجي فبالها ، كاين لي تاتفكر في وليديها ، كاين لي تاتفكر خدمتها ، او صحاباتها ، قرايتها ، و زيد و زيد.. ولكن فراسكم هادا غلط ؟
ولكن توحد فيكم معرف شنو هو تعريف السعادة  هدشي لاش نتوم تالفين ,نعطيك واحد تعريف مبسط لسعادة

 ماهي سعادة؟

السعادة الحبيبة ديالي هي كنز الدي يبحت عنه كل شخص على وجه الارض بدون استتناء , هو واحد شعور ليس له مثيل هو مفتاح تاع حياتك الى يخليك عارف في غادا و فين جايا ولاش عايشا فهد  الدنيا او بمعنى اخر مامعنى تاع حياتك.

لماذا نبحث عن السعادة؟

"لأنها متطلب أساسي للطبيعة البشرية" هي شعور الدي لايمكن استغناء عنه نهائيا.

أي توجد السعادة؟

اول حاجة نتافقو عليها كاين نوعين من سعادة اول سعادة الدائمة و تانيا السعادة الموقتة .

السعادة في محبة الله

اجي نقوليك على اصدق سعادة و سعادة الحقيقية لي تيبحت عليها كل شخص فهدا الحياة.
«ومن ظن أن السعادة في غير طاعة الله فقد أساء الظن بالله».
ومااجملها من سعادة عرفتي علاش حيت اصلنا من عند الله عز وجل  راه منذ ان يولد الانسان يظل متعطشا يبحث عن مفقود ،
نخدمو شوي المنطق اصل ديال هد الكون هو الله عز وجل و من خلقك هو من سخر كون كله لكي ,وحقيقية و حيدة لي عايشينها هي وجود الله اما شي لاخر راه زائل الاوصلتي لديك لسعادة لي مع الله عز وجل لي تيوصلو ليها الصوفين اقسم بالله حياتك غتبدل 180 درجة ضحكتك ابتسامتك كلامك ... نضرتك لأشياء غتبدل غيوليو عندهم معنى اخر.ونقوليك واحد حاجة مشي اي واحد تيوصل ليها راه كنز العضيم شعور لايوصف بكلمات والادقتي غير شوي من ديك سعادة كتولي مهووسة باش توصلي لي هد نوع من السعادة هو السعادة الدائمة لي مستحيل تزول .
السعاد المؤقتة 
ولي هي سعادة لي كنعيشوها فهد الحياة لي هي زائلة وغير كتعطيك شعور مشابه لسعادة الحقيقية
هي راه مشي خطأ نعيشو ديك السعادة مؤقت وهدشي لي عايشنو 70%من البشر في العالم وهد سعادة اما تتكون فالفلوس ولا فحب ....
ولكن كاين لي باغي يجرب سعادة ويجرب داك الاحساس هه أجي نعاود ليك على السعادة المخفية.
1-سعادة المخفية
ولكن كاين واحد سعادة لي حنا عايشينها ديما ولكن متنحسوش بيها حيت ولفناها نقول ليك دب نتي فنضرك سعادة هي هدشي و الله راه سعادة حنا عايشينها و نتي محاساش بيها حيت ولفتيها راه كاين حاجات بسيطة تخليك تعيشي قمة السعادة نعطيك غير مثال راه غير بولة حشاك الى كنتي حابساها ونتي مزيرا بزاف و بقيتي حابساها شوي مشيتي دخلي لطواليط حشاك غتحسي بواحد راحة نفسية لاتوصف هدي راه سعادة ابنتي جربيها و ردي عليا خبار ههه بقاي تشوفي حاجات بساط فحياتك و غتحسي بداك شعور تاع سعادة وغتحسي بواحد احساس رائع.

موضوع قد يهمك : أمور بسيطة تشعرك بسعادة

2-السعادة مع اخرين


هد نوع من السعادة ساهل توصلي ليه واغلبية عايشينو . هد نوع مبني على علاقتك مع اخرين اما سعادتك كتكون مبني على ولديك ولا شي شخص كتبغيه ولاراجلك ولاولدك...راه كلنا تنقلبو على داك شخص لي يبغينا فشعورك بأن هناك أشخاصا يحبونك ويتمنون لك الخير يشعرك بالسعادة والرضا النفسي رائع و لكن هد سعادة كتبقى مرهونة باشخاص الاخرين .
حيت ملي تاتربطي سعادتك بشي شخص ،او أي شي حاجة، غالبا غايجي واحد النهار و تفقديها ، ولا غاتبقاي خايفة تفقديها ، ونهار لي غتفقديها غتمشي ديك سعادة.

3-سعادة مع نفسك 

وهي انانية اه انانية ولكن بطريقة ايجابية هي تولي تفضلي راسك على كلشي تولي تحماقي على راسك تهلاي فراسك تشري حوايج راسك تهلاي فبشرتك وهدفك اساسي هو راسك هد نوع من سعادة تيخليك غنية على اخرين قنوعة بنفسك توحد ميقدر يهز ليك شخصيتك وهد انانية كتيجلب ليك بزاف تاع اشخاص لحياتك. بداي تبحتي على شنو تيعجبك فاش كترتاحي هزي مدكرة صغيرة وكتبي فيها شنو كيعجبك فاش كترتاحي.
السعادة بيدك لا بيد غيرك

 ,داكشي علاش أول حاجة غانديروها فطريقنا نحو هده السعادة هي نهزوها و نربطوها بنفسنا ، اه ربطيها براسك ، نتي لي غاتخلقي السعادة لراسك !
 نصيحة من قلب
نجيو دابا للبنات الحزينات ، لي ماتايعيشوش السعادة ، المضيومات المكتائبات ، لي انا شخصيا تايعصبوني.. عايشة غي كاتفكر فلماشاكيل وختي راه كلشي عندو مشاكيل وهد حياة ملئ بمشاكيل نتي مشي فجنة نحن في الدنيا و لي مخرج من دنيا مخرج من عقايبها ، و تنحط بليل و بنهار معصبة و ماعندها گانة ،؟

علاش اختي مالك ؟ عرفتي اختي وجهك شحال تايبان زوين ونتي مبتاسمة و فرحانة و ضاربة الدنيا بركلة ، والله تا انا نفضل نشوف بنت فرحانة فملامحها على انني نشوفها مضيومة متيقتينيش نوضي شوفي فمرايا ولاعرفتي شنو سجلي فيديو و شوفي وجهك مبتسمة و مغوبشة وغتلاحضي فرق ...راه غيجي واحد نهار و يطيحو سنانك ومغديش تقدري ضحكي ههههه
 نعطيكم نصيحة.. ديري جلسة كل يوم مع ربي.. ختاري وقت لبسي جلابة و فولار و صلي مثلا العصر.. وگلسي شكي على ربي و بكي گاع وهضري معع ربك غير بداريجة و بلاتصنع بحال كتشكي على شي صحبتك بقاي تشكي حتى يهبطو دموع نضمن ليك بلي غدي تحسي بواحد راحة كبيرة بزاف.. و من بعد مسحي وجهك و نوضي حيدي التغوبيشة و رسمي ضحيكة زوينة.. و واجهي العالم و نتي ناشطة.. عرفتي علاش.. حيت صافي شكيتي لله لي قادر و غدي يعرف حسن منك وغدي يحل ليك مشاكلك كلها لي نتي ماقدرتيش عليها هدا هو لي سميتو توكل على الله عز وجل طبقيه و تفكريني .
 لاش غاتبقاي معبسة ، نوضي دوزي أجمل أيام حياتك ،راه عزرائيل عاتيدور ونتي نوضي ضحكي لعبي نشطي ، دوزي نهارك بالطول و العرض ، طيبي شهيوات ، تهلاي ليا فجسمك ، فوجهك ، تعلمي شي لغة ، او شي أكلة، ديري رياضة ،خرجي مع البنات و نشطو ، تهلاي فواليديك واخا يكونو خايبين ،
ملي تنگر عليك ماماك او باباك او اي واحد عرفي بلي هادشي عااادي ،، اجي نقوليك اما حسن داك الحس ديال النگير ديال ماماك و باباك و صداعهم ، ولا شي نهار لا قدر الله يموتو ، شتي شحال خايبة مجرد التفكير فيها يبورشك.. ايوا اختي تقبليهم و فرحي حيت هوما معاك و حاضنين عليك واخا يخيابو حتا يعياو نتي بقاي معاهم زوينة و فتاخري بوجودهم .. وعطي قيمة لأي حاجة تاتملكيها ولو تكون بسيطة ❤

حياة قصيرة بزاف وهدف كل انسان هو بحت عن السعادة الحقيقية لي غدي دفئ ليه قلبو و تخليه يكون عندو معنى لعيش
في نهاية  كل واحد وساعدة فين كاينا كاين غير لعبة صغيرة تخليه يحس بسعادة غامرة  سعادة حقيقية كلنا تنبحتو عليها ولكن هدشي متيمنعش اننا نعيشو سعادة لي دايرا بينا.

↓↓↓↓ شارك هذا الموضوع عبر مواقع التواصل الأجتماعي ↓↓↓↓