ّأول قبل منبداو غنطرحو واحد سؤال ونجاوبو عليه علاش خصكي تعاوني ناس الى كانو فشي مشكل وعلاش خصكي تعلمي الاسعافات الأولية.
-شحال زوين تكون سبب في انقاد حياة شخص ما و يمكن بسبب هدشي دخلي للجنة ولا ربي يفتح ليك ابواب الرزق في الدنيا وراه مساعدة اخرين كتزيد من حسناتك ونتي راكي عارف حنى فهد دنيا باش جمعو حسنات يعني الى شي نهار تحطيتي فهد موقف ولقيتي شي واحد باغي مساعدة متفلتيش هد فرصة وستغليها باش تجمعي حسنات.
-خصكي تعلمي الاسعافات الأولية حيت لقدر الله يمكن يوقع هدشي لشي واحد من عائلة و لاباباك ومتعرفيش كيفاش تعاملي وتصدقي خاسراه بسبب خطأ منك ولا بسبب انكي معرفتيش تعاملي وفهد حالة غتعيشي حياتك كلها وضميرك معدبك.
- ديما باش تشوفي شيواحد واقع فشي مشكلة حاولي تعاونيه حيت يمكن حتى نتي يمكن تكوني فنفس المشكل وتبغي شي واحد يعاونك حطي راسك فبلاصتو وغدي تحسي بيه فديك اللقطة وحاجة لي تبغيها لراسك بغيها ليه وحتى إن النبي الكريم اعتبر أن الإيمان لا يكتمل حتى تحب لأخيك ما تحبه لنفسك!! واعتبر أن الذي ينام وجاره جائع وهو يعلم فهو ناقص الإيمان، ومن زاره ضيف ولم يكرمه فهو ناقص الإيمان...
- أمرنا الله تعالى بمساعدة الآخرين وتقديم العون إلى الغير دون تردد، حيث أن الله في عون العبد ما دام العبد في عون أخيه.
- ومساعدة اخرين تيعطيك واحد شعور لايوصف هد شعور تيقوي قلبك وتيمحي منو حقد وكره ويعتبر مساعدة اخرين سبب رئيسي وراء علاج امراض نفسيةةوعلاج توتر نفسي واهم حاجة الأكتئاب ومنح قلوب شعور بحب وطمأنين لايوصف والاكان قلب مرتاح كتكون مناعة عندك قوية هدشي من دراسات علمية مكتفة عن قوة مساعدة الاخرين في تحسين جهاز الامناعي عند الانسان.
-وديما ديري فبالك لانسان لي تيعاون اخرين تيكون قلبو بيض وفيه الانسانية.
-الى عاونتي شي واحد محتاجك ربي غدي يعونك حيت رسول الله صلى الله عليه وسل قال : (من نفَّسَ عن مؤمنٍ كُربةً من كُرَبِ الدنيا، نفَّسَ اللهُ عنه كُربةً من كُرَبِ يومِ القيامةِ. ومن يسّرَ على معسرٍ، يسّرَ اللهُ عليه في الدنيا والآخرةِ. ومن سترَ مسلمًا، ستره اللهُ في الدنيا والآخرةِ. واللهُ في عونِ العبدِ ما كان العبدُ في عونِ أخيه)ومنها أيضاً قوله صلى الله عليه وسلم: (المسلمُ أخو المسلمِ، لا يظلِمُه ولا يُسلِمُه. من كان في حاجةِ أخيه ، كان اللهُ في حاجتِه. ومن فرَّج عن مسلمٍ كُرْبةً، فرَّج اللهُ عنه بها كُرْبةً من كُرَبِ يومِ القيامةِ. ومن ستر مسلمًا، ستره اللهُ يومَ القيامةِ).
-مساعدة اخرين علاج قوي للأنانية وحب نفس ونرجسية.
-ومن أشياء لي كتزيد جمال الأنثى المغربية هو مساعدتها لأخرين.
-مهيم من هدشي كامل هدشي غير عمل تطوعي توحد مببز عليك تعاوني شي واحد ولكن غير متنسايش مساعدة الأخرين تعتبر عمل تطوعي له فوائد عضيم عليك.
*********************
يوم فهد الموضوع غندوي ليكم على كيفاش تصرفي الالقيتي شيواحد سخف قدامك وكيفاش تعاملي وشنو خصكي ديري باش تجنبيه خطر وتفيقيه حيت شحال من وحدة كتبغي تعاون شي واحد ولكن كتصدق مقفراها حيت معارفاش كيفاش تعامل ههه مهيم يوم غنوريك كيفاش تعاملي مع شخص مغمى عليه.
1-تحديد نوع الأغماء
فلول خصكي تعرفي معلومات عن الأغماء وتعرفي انواع باش تعرفي كيفاش تعاملي مع كل واحد
نوع لول هو الاغماء جزئي لي تنسميوه دوخة بداريجة متيبقاش يقدر يوازن راسو و تيبغي غير يجلس لأرض هد نوع تيكون بسبب نقطاع التغذية الدموية عن المخ .
نوع تاني هو الاغماء مؤقتاً لي تيفقد فيه شخص لبوعي و متيعقلش على شنو تيوقع حداه يستمر الإغماء لثوانٍ أو لدقيقة أو اثنتيْ وتيكون اسباب عديدة وخطير منها هي غيبوبة السكر.
نوعا تالت هو الاغماء لمدة طويلة هد نوع خطير جداا كتكون نهاية الموت الامدخلش شي حد وعتقو حيت خلايا المخ الحساسة لا تتحمل مثل هذا الانقطاع حيت الاغماء مخصوش يفوت ثلاث دقائق .
1-كيف تعامل مع شخص مغمى عليه.
هد خطوات لي غنقوليك دب هما متبعين من طرف طاقم طبي:
*الخطوة الأولى: الاحسيتي بشي واحد غدي يسخف قدامك بدغيا زربي وشديه متخليهش يطيح لأرض بجهد وخصوص راسو حيت الا طاح لأرض غدي يتقصح وغدي يتجرح ولقدر الله يمكن يطسح على شي حجرة الله يستر ويحصل ليه نزيف داخلي في المخ هدشي لاش حاولي تحطيه على لأرض غير بشوي وحطيه على ضهرو ولا كان شخص كبر منك فحجم حاولي طلبي مساعدة من شيواحد حداك ولا قبل ميسخف حاول تجلسيه ولاتنعسيه فلأرض.
باين غتسولي باش غدي نعرف بلي شخص لي قدامي غدي يسخف ؟
مهيم كاين
علامات و أعراض تدل على ان شخص لي قدامك غدي يسخف:
*وجهو تيولي شاحب وفمو ناشف.
*كيتعرق بزاف و خصوص عرق تيكون بارد.
*لحمو تيولي بارد ولاسخون بزاف.
*متيبقاش مركز على هضرتك.
*شعور الغثيان.
*متيقدرش قادر يشد شي حاجة بيدو.
*لايسمع كلامك .
*تنفس بسرعة.
*الخطوة التانية: حاولي تفيقيه وبلا داك طريش فوجه وبلا داك رشان الما فوجه راه تقدري تقتليه راه غير حركة بسيطة على كتفو وتغوتي عليه بسميتو ولا ضغطي ليه على شحمة الأدن وشوفي واش غيفيق الامفقاش غدي طلبي من شي حد يصوني لاسعاف رقم الاسعاف فالمغرب هو 15.
*الخطوة الثالت: فحص تنفس شوفيه واش كيتنفس لاحضي كرشو واش كطلع وتنزل و حطي يدك على جبهة ويد لأخرى على دقن و ميلي ليه راسو لور كيف مافصورة و هبطي راسك لعندو وسمعيه واش كيتنفس عادي من فمو والا كان لابس شي كاشكول على عنقو حيديه ليه باش يسهل عليه عملية التنفس.
*الخطوة الرابع : فحص النبض شوفي واش قلبو خدم حيت الله يستر تقدر تجيه ازمة قلبية مهيم كتقيسي ليه يديه و لا عنقو و كضغطي بشوي على دوك مناطق و كتشوفي واش كتحسي بشي نبض مهيم كيف مافصورة.
*الخطوة الخامس :دب غدي تحطيه في وضع الإفاقة لي هي أهم خطوة باش تجنبي مصاب خطورة ابتلاعه لسانه وكتساعديه على تنفس بشكل طبيعي طريقة عبارة عن اربع خطوات :
اول كتشدي ليه يدو و كديريها على هد شكل كيف مافصورة وتكون زاوية 90.
تانيا كتحطي ليه يدو لوخرا تحت وجهو
تالت كتهزي ليه رجليه على شكل مثلت
رابع كدوريه و كتميلي ليه راسو باش يتحل مجرى تنفس
مهيم ديري كيف مافيديو لي فأسفل ↓ ↓ ↓ ↓
*الخطوة السادس: اتصلي باسعاف برقم 15 خاص باسعاف فالمغرب.
حالات الخاصة
1- الاجربتي خطوة تانية وفاق حاولي تسوليه باش تيحس وحاولي تجلسيه وفسحي ليه مجال تنفس ومتحاوليش توقفيه حيت يقدر يسخف عوتاني غير هزي ليه رجليه فوق باش تساعديه على إعادة تدفق الدم إلى المخ.
غير تحسي بيه ولا مزيان ورجع اتزان ديالو عطيه يشرب وفزكي ليه وجهو ويدو ونشي عليه الهواء باش تساعديه على تنفس.
2-الا مكانتش كيتنفس ومكتحسيش بنبض ديالو
سولي واش كاين شي طبيب والامكانتش خصكي ديري ليه تنفس اصطناعي حيت يمكن لقدر الله يموت
كيفاش ديري ليه تنفس الاصطناعي
تفرجي فهد فيديو فيه طريقة عمل تنفس الاصطناعي بطريقة الصحيحة
ابدأ في عمل تنفس صناعي إذا لم تجد نبضًا
*اجلسي على ركبتيك حدا الشخص المغمى عليه.
*ضعي أسفل باطن يديك على منتصف صدر الشخص.
*ضعي يدك الأخرى فوق الأولى كما في صورة.
*اضغط على الصدر حوالي 100 ضغطة في كل دقيقة.
*استمر في الضغط إلى أن تصل الإسعاف وتتولى الأمر.
*ملاحضة لي مهم بزاف هو ضغط على قلب مشي تنفخي في الفم
شاهدي هد فيديو باش تعرفي طريقة الصحيحة باش ديري التنفس الاصطناعي والانعاش الرئوي ⇊⇊
ملاحضات مهمة و تنويهات
+متعطيش لماكلة ولا شراب لي شخص سخفان حيت غدي تخنقو .
+متخليهش بوحدو نهائيا.
+متحطش راس شخص لي سخفان على وسادة حيت غتسد ليه مجرى الهواء.
+مترش ماء على وجه شخص لي سخفان راكي مشي في فيلم.
+الاكان طاح من دروج ولا طاح على شي حاجة متقيسوش يمكن يكون عندو كسور وتزيد عليه.
+باش يفيق سولو باش تيحس وشنو ضارو .
نصيحة
وفي معلومة اضافية وهي نصيحة من احد متابعي موقعنا الى دكتور
رش العطر داخل الانف مباشرة بالفتحتين معلومة اخرى عن العطر
خصوصا لكبار السن من اصابه الاغماء رش العطر بالانف يؤدي بنسبة كبيرة للعطاس العطاس يؤدي لتنشيط القلب ورعش الجسم من جديد
معلومة اخرى :: اذا شعرت بغثيان ومعرض للاغماء
استلقي عالارض وارفع قدميك للاعلى (اسندهم على شيء عالي )
استنشق السبيرتو او العطر ثم تنفس من انفك واخرج الهواء من فمك وكرر المحاولة ..
أش ديري الا وقعتي نتي فهد حالة وحسيتي بالاغماء
حاولي تجلسي وتجلسي على جنبك الا مقدرتيش حطي راسك مبين رجليك باش تجنبي الاغماء والاحسيتي راسي غدب تسخفي غوتي لشي واحد باش يكون معاك.