-->

7/23/2019

سحر المني من أخطر أنواع السحر

سحر المني من أخطر أنواع السحر
السلام عليكم،
اليوم غادي نتكلم ليكم على نوع من السحر لي يعتبر من أخطر أنواع السحر واغلب اللي كايمارسوه هوما المشعوذات من النساء والدجالين، هاد السحر هذا يقدر يأذي للقتل لا قدر الله بحكم أنه كايكون شديد بزاف ويندرج ضمن طقوس السحر الأسود، للاسف الشديد اغلب النساء اللي كايديروه للأزواج او العشاق ديالهوم كايظنو أنه سحر ثقاف عادي الهدف منه جعل العشيق او الزوج لا يلتفت لأنثى اخرى غير زوجته او عشيقته وهذا غير صحيح، حيث اللي مكايقولوش ليهوم المشعوذون هو انه يمكن يأذي للقتل أو مرض فتاك لا قدر الله، هاد السحر هذا كايتم عن طريق اخد الزوجة أو العشيقة مني الرجل بعد العلاقة الجنسية، سواءا كان استعمل عازل طبي او فقط منديل، وكايديوه للمشعودة فنفس اليوم باش تبني عليه السحر ديالها اضافة الى صورة الرجل وبعض من متاعه, وكلما كانت كمية المني كثيرة كلما كان السحر أقوى داكشي علاش كايخادو العازل الطبي بما فيه بعد انتهاء العلاقة الجنسية وكايديوه للسحار كايمارس عليه الطقوس ديالو وكايشد الصورة ديال الضحية كايطويها حتى كاتولي صغيرة وكايحشيها فالعازل الطبي وكايسدو ويدير فيه تقوب باش يبيض فيه الدبان باش يتكون فيه الدود اللي كايتغدا على داك المني، وكلما تغذى هذا الأخير على المني كايتأثر الضحية بالسحر وكايولي أوهن من ذي قبل ويقدر لا قدر الله يتصاب بمرض عضال أو يموت الى ما تبطلش، شخصيا لقيت بزاف ديال الأنواع من هاد السحر فالمقابر لاحقاش هداك المكان المفضل للسحرة باش يرميو فيها الاعمال الشيطانية ديالهوم، وكانتمنى من الإخوة اللي كايمشيو للمقابر يردو البال والى بان ليهوم شي عازل طبي مليوح فوسط المقبرة ومربوط يهزوه ويخرجوه لبرا ويحلوه ويقراو عليه أيات وأذكار ابطال السحر ومن بعد يشعلو فيه العافية، والى جاب الله لقاو فيه الدود باقي حي يقتلوه هو الأول عاد يشعلو فيه العافية وراه كايتبطل بجهد الله تعالى، عندكوم أجر عظيم الى بطلتوه حيث غاتفكو أزمة انسان في مكان ما في امس الحاجة لعودة حياته الى طبيعتها ، وكلكم عارفين جزاء من يفرج كربة من كرب اخيه المسلم، ما عندكوم مناش تخافو، ماغادي يآذيكم بوالو بالعكس غادي تعاونو انسان في حاجة ماسة للمساعدة، بزاف ديال الناس كايقولو خاصنا نبولو على السحر باش نبطلوه وهذا غير صحيح لأن البول نجس والسحر أنجس وبالتالي لا يمكن ابطال النجاسة بمثلها، ابطال السحر يتم بالتعوذ بالله تعالى عند فتحه وذكر الله اثناء ذلك ثم قراءة المعوذتين مرتين وآية الكرسي مرتين والفاتحة والدعاء الى الله أن يبطله ثم كخطوة أخيرة القيام بحرقه والله تعالى سيبطله وهو القادر على كل شيء ولا يعجزه شيء في الأرض ولا في السماء.
سحر التفريق أو السحر الذي يكتب على عضام الحيوانات، هاد السحر اخوتي على عكس المتداول بأنه كلما جف الحبر المكتوب به على العضمة كلما وهن الإنسان الى ان يموت، هذا خطأ لأن السحر لا يوقع الضرر المادي بالإنسان الا بإذن الله، والصحيح أن ذلك السحر والعياذ بالله يكون مفعوله أقوى كلما جف الحبر سواءا اكان مكتوبا على عضمة او ورقة أو أي وسيلة أخرى وكلما كان مفعول الطلاسم اقوى كلما كان ذلك أشد تأثيرا على حياة الضحية، ولكن ما تنساوش أن السحر انما هو عمل شيطاني ولا يفلح الساحر حيث أتى وبالتالي كانعاود نذكركوم خصوصا اخواتي الإناث أن السحر شرك اكبر بل هو كفر بين، وكل من مارسه فهو ساحر وكل من لجأ الى مشعود او دجال او ساحر فهو كافر وقد خرج عن دين الله وملته ، كانتمنى تعرفو هادشي لأن الله يغفر كل شيء إلا أن يشرك به، وحتى حاجة مكاتستحقش أنكم تسحروا عليها للإنسان وتدمروا حياتو وتعذبوه هو والأسرة ديالو و وليداتو ولو كان ظالما فيكفي دعوة الا الله وسيقتص لكم منه فدعوة المظلوم ليس بينها وبين الله حجاب، اما بلجوئِِكم للسحر فأنتم تكفرون بالله وترتكبون اتما عظيما وفي حال تسبب هذا الاخير في قتل الضحية فأنتم تصيرون في حكم القتلة وتتشاركون في الجريمة انتم والساحر الذي نفد السحر، داكشي علاش الإنسان خاصو يفكر الف مرة قبل ما يقرر أنه يلتاجأ للمشعوذين لأنه مهما زين لكم الشيطان أعمالهم فإن مصيرهم سيء ولبئس المصير لو كنتم تعلمون..
كانتمنى يكون كلامي واضح ونكون وصلت ليكم الفكرة بالشكل المطلوب واسأل الله سبحانه وتعالى ان يحفضكم من شر خلقه اكان انسانا او جنا.. وراه اللي ما خرج من الدنيا ما خرج ما عقايبها,..
↓↓↓↓ شارك هذا الموضوع عبر مواقع التواصل الأجتماعي ↓↓↓↓