بزاف الناس كيعانيو من دوخة في طريق خصوص في طونبيلا وكيبقاو يتقياو وكيحشمو قدام الناس وعاد نزيدك راسك كيبقا يضرك متخافيش راكي مشي بوحدك عدك هد مشكلة راه 30% في عالم لي عندهم هد مشكلة.
ولكار بلاما نهضرو عليه هداك دوختو بوحدو ههه مهيم هد اشخاص تيعانو من دوار الحركة (دوار السفر) لي هو امر شائع وخصوص عند عيالات و حوامل.
وهد دوخة لي كتوقع ليك راه غتوقع ليك حتى فطيارة و باخرة .
مهيم ندخلو فالموضوع نيشان
يوم فهد موضوع غنقوليكم حلول باش تخلص من دوار للحركة.
1-علاش كتجيك دوخة في الطريق؟
باش كتكوني مسافرة عينيك تيشوفو وسط طونبيلا بلي راكي حابسة مكتحركيش فعيون كتسيفط للعقل رسالة هي انك في سكون ولكن
ودنيك فيهم واحد مادة بظبط في ادن داخلية هي للمسؤولة عن تحليل حركة انسان وباش نتي كتحركي راه ديك مادة كتحرك وكتسيفط للعقلك بلي راكي في حركة.
وهدشي باش تيوصل لدماغ وكيتخربق مكيعرف راسو واش غادي ولاحابس ههه هدشي لاش كتجيك دوخة يعني هدشي كلشي نفسي فعقلك كاين غير لي تيشم ريحة لي صانص كتجيه دوخة حيت ديك ريحة مرتبطة بسفر.
2-اعراض دوخة فطريق؟
-شحوب الوجه.
- التعرق.
- صعوبة التنفس.
- الدوار.
- صداع.
- قلق وتوتر.
- تثاؤب.
- الميل إلى الغثيان.
- القئ.
3-واش كتبقى دوخة فيا مدى الحياة؟
حل وحيد للدوار الحركة هو تسافري بزاف مع وقت عقلك غيولف حركة و يولف رائحة السيارة.
4-نصائح قبل السفر
*قبل متسافري ممنوع منعا بتا تاكلي اكل دسم بعدي عليه (يعني شي 8 سوايع قبل السفر ممنوع اكل ).
*لكان سفر في الصباح بلاما تعشاي كولي غير شي حاجة خفيفة فقط.
*لاتشربي قهوة.
*متنعسيش فليل باش تنعسي اثناء سفر راه نعس علاج رائع جدا للدوار حركة.
*قبل متسافي شربي زنجبيل لي هو سكنجبير ديري شي معلقة فكاس ماء وشربيه راه تيقلل من دوار حركة.
5-شنو خصني ناكل قبل منسافر
*حاولي تاكلي موز ولاتمر حيت فيه فيتامين مانغيسيوم لي تيمنع القيء ودوخة.
*لكانت رحلة طويلة بزاف شربي جوج معالق بابونج في كاس ونصف من الماء ساخن ونصف ملعقة صغيره من سكنجبير وخليهم يغلو شي 5 دقايق وغطيهم حيت فيهم زيوت طيارة ومنبعد خليه يبرد شوي وشربيه.
*قبل متسافي شربي زنجبيل لي هو سكنجبير ديري شي معلقة فكاس ماء وشربيه راه تيقلل من دوار حركة.
5-شنو خصني ناكل قبل منسافر
*حاولي تاكلي موز ولاتمر حيت فيه فيتامين مانغيسيوم لي تيمنع القيء ودوخة.
*لكانت رحلة طويلة بزاف شربي جوج معالق بابونج في كاس ونصف من الماء ساخن ونصف ملعقة صغيره من سكنجبير وخليهم يغلو شي 5 دقايق وغطيهم حيت فيهم زيوت طيارة ومنبعد خليه يبرد شوي وشربيه.
6- نصائح للمصابين بدوار الحركة
*واش عارف بلي شخص لي تيسوق مكيدوخش حيت تيكون مركز فالطريق .هدشي لاش خصكي تجلسي فمقعد امامي وبقاي مركز فطريق قدامك حيت كرسي امامي تيكون قاسح تيقلل من شعورك بالحركة .
*الا مقدرتيش تجلسي قدام فطونبيلا جلسي لور وبضبط فوسط كرسي.
*لكنتي غادا فتران يعني قطار متجلسيش عكس حركة يعني لكان غادي قطار الى امام جلسي فبلاصة تسمح ليك تشوفي منحى الحركة الى امام وهدشي ايضا فسيارة و طيارة متشوفيش لور شوفي ديما قدام .
*مضغي مسكة ديما مسكة تكون فجيبك غتقولي علاش مسكة حيت مخ باش كيشوفك كتمضغي شي حاجة فمك نيشان تيقول هدي راه بخير حيت مكاينش شي حد تياكل و هو في خطر.
*ودي معاك حتى شي مونادا راه تقلل بشكل كبير شعور بتقيء بقاي تشربيها على دفعات راه داك غاز لي فيها كيمنع قيء .
* الا حسيتي بدوخة شداتك بداي تنفسي شفيق زفير وبهدوء وغدي تلاحضي بلي رغبة في تقيء نخفضات.
*متهضريش على تقيء نسايه هضري فشي حاجة اخرى ولا غني.
*حلي شرجم تاع طونبيلا وبقاي تشوفي حركة لي فطريق باش تساعدي عقلك انه يفهم بلي راكي في حركة.
*تجنب القراءه أثناء السفر متقرايش كتوب ولا تلفون راه مخك بحال تيهبل تيشوف بعين حاجة حابسة و لكن تيحس بأدن داخلية بحركة هدشي لي تيسبب دوخة.
*متشميش ريحة قوية حيت كتزيد تدوخك كثر.
*اطعمة لي فيهم ريحة مجهدة بعدي منهم وباش تكوني مسافرة حاجة لي فيها ريحة بزاف بعدي منها راه ريحة مجهدة كتهيج شعورك بقيء.
* حلي شرجم وبقاي تشمي هواء وخلي يضرب فيك.
*ولكنتي مسافر فطيارة ولا في باخرة جلسي فمنتصف حيت كتكون حركة قليلة فديك بلايص وجلسي حدا شرجم باش تساعدي عقلك انو يفهم الحركة.
*هضري متسكوتيش بقاي دوي مع ناس لي حداك.
*متجلسيش حدا مدخنين.
*شربي ماء بزاف ولكن عن دفعات ولا كانت موناضا حسن بقاي تشربي شوي شوي حتى توصلي.
*وياكي تاكلي فطونبيلا وياكي ثم وياكي تشربي حليب ولاتاكلي دانون راه تيهيجو معدة وغدي تقياي.
*لحسيتي بلي دوخة بداتك قولي لشخص لي تيسوق يحبس شوي هبطي وشمي هواء ولا حلي غير شرجم وبقاي تشمي داك هواء وخليه يسوط فيك .
7-الاشداتك دوخة بزاف
غنعطيك حل سحري وعلمي مصدر هد معلومة الدكتور ماهر صيدم.
لشداتك دوخة بزاف غدي دلكي ودنيك كلها مزيان وبجهد شوي للمدة دقيقة و غدي تلاحضي اختفاء شعور بدوخة وهدشي صالح حتى فأيام عادية الا شداتك دوخة .
هاهو فيديو ديالو تفرجي فيه كيشرح طريقة بتفاصيل وعلاش الأدن بضبط.
8-في حالة مقدرتيش تجلسي قدام (مثلا غادا فتران).
فالحل وحيد لي عندكي هو تسمعي الموسيقى بجهد ديري سماعات و غطي عينيك هد طريقة كتمنعي فيها عينيك و ودنيك يوصلو المعلومات لعقل ويبقاو يخربقوه.
9-حل للتوصل ليه العلم
علماء قدرو يصنعو واحد نضارات لي دق بطلا للدوخة فطريق هد نضارات كيخليو عين تحس بحركة و كتوصل رسالة صحيحة للعقل لي جرب دوك حلول كاملين ومصدقوش ليهم ولا باغي يسافر فطائرة وخايف يتشوه يشري هد نضارات .
 |
| نظارات سيتروين Seetroen glasses |
لبغيتي تشريه هاهو موقع رسمي ديالهم راه كيتباعو ب 99 دولار يعني بدرهم تقام علك ب20 ألف.
10-علاج دوار الحركة بأدوية
*شربي دواء راه رخيص كيتباع عند فورماسيان سيري عندها قولي ليها بغيت شي دواء تاع دوخة فطريق.
11-اشهر الادوية للعلاج دوار الحركة
- سكوبولامين، وهو الدواء الأكثر شيوعًا لمرضى دوار الحركة، ويوضع خلف الأذن، ويستمر مفعوله من 6 إلى 8 ساعات.
- بروميثازين، يتم تناوله قبل ركوب وسائل المواصلات بساعتين، ويستمر مفعوله من 6 إلى 8 ساعات، ومن آثار الجانبية، النعاس وجفاف الفم.
- السيكليزين، يتم تناوله قبل الحركة بـ30 دقيقة على الأقل، ولا ينصح للأطفال الأقل من 6 سنوات
13-لاصقة مضادة لدوار الحركة
اسمها الطبي لاصقة سكوبولامين توضع على جلد و بظبط مور ودنيك لمدة 4 سوايع قبل نزعها حيت هي مفعول ديالها بطيئ مشي بحال دواء تاع الفورماسيان.
الى بغيتي تشريها راه كاين فموقع علي ايكسبريس بثمن رخيص
14-رباط بحر أو رباط ارتياح
اوا لكنتي بحالي مكتبغيش دوايات و بغيتي شي حل فنصحك بهد طريقة لي هي عبارة عن رباط في معصم له تأثير سحري في توقيف دوار الحركة . حيت باش كديريه فيديك كيحبس اشارات العصبية لي كتكون كتسيفطها المعدة الى دماغ باش تمنع التقيء.
مهيم الا كنتي غتشريها شريها من موقع اصلي ديالها
https://www.reliefband.com/
15-بنسبة للدوار الحركة للأطفال.
دراري صغار كيكونو اكثر عرضت للدوار الحركة حيت كيكون غشاء الأدن مزال خفيف.
دراري صغار كيكونو اكثر عرضت للدوار الحركة حيت كيكون غشاء الأدن مزال خفيف.
شاركي معانا تجربتكي في علاج من دوار الحركة فتعليقات.