-->

8/03/2019

كيفاش تولي تبغي الصلاة ؟ قرا هدشي بدماغك!

كيفاش تولي تبغي الصلاة ؟ قرا هدشي بدماغك!
✍كاتبة هدى من مدينة قنيطرة المغرب
قراه بدماغك وكنواعدك غادي تستافد وبزاف بزاف ، ومغاديش تندم والله ، شوف متمشيش بأن الصلاة حاجة روتينية وأنت مجبر باش ديرها ، لا لا دير فبالك أنك غادي تجلس مع الله شوية ، اتجلس معاه خمسة دقايق واش بزاف ؟ لا ماشي بزاف على لي خلقك وعطاك كولشي ، وجد لصلاة بحال غاتمشي تلاقا مع شي واحد ، سير ونتا ملهوف كتجري واللي سولك فين غادي قوليه " غادي نمشي نجلس مع سيدي ربي شوية" خلي هاد الإحساس عندك ، و أول مرة تهز يديك وتقول الله أكبر ، إبتسم إبتسامة واحد فرحان فاش كيتلاقا معا شي حد كايبغيه ، قول الله أكبر ولداخل ديالك كاين واحد صوت كايقول " هنا جيتي احبيبي خمسة دقايق عارفك توحشتيني " اه اه را هادشي ماشي حماق هذا الا هضرتي مع سيدي ربي هذا راه لي خلقك هذا راه قريب ليك كتر من باك ومك . راه الله عز وجل قال انه اقرب اليك من حبل الوريد .
وقرا كل كلمة ونتا فرحان ومرتااح " الحمد الله ربي العالمين " وغيجاوبك اللي خلقك "حمدني عبدي ، وعبدي شكرني وعرف النعمة اللي عطيتو خذ يا عبدي " وتزيد تكمل "الرحمان الرحيم" وغيجاوبك سيدي ربي "شهد لي عبدي إني أرحم الراحمين خذ يا عبدي من رحمتي " أنت كتزيد تخشع وتزيد تكمل "مالك يوم دين" ربي غايفرح بيك قدام الملائكة ويقولهم " عبدي شهد أني مالك يوم دين خففوا عنه في يوم حسابه " وكمل نتا " إياك نعبد وإياك نستعين ".. ويرد الله سبحانه وتعالى " صدق عبدي ، عبدي صادق وهو يعبدني خذ ياعبدي الحسنات ويستعين بي انا معك يا عبدي .... وكاتزيد تخشع وكا تقول " إهدنا الصراط المستقيم " وغيجااااوبك "عبدي طلب مني وله ما طلب " الصراط المستقيم هو اللي نمشيو عليه يوم القيامة كلما كان مستقيم كلما كان وصولك للجنة أسهل تخيل الله بعزته وجلاله يرد عليك ويقول "عبدي لك ما طلبت " الله قراها بشويه وسمع داك صوت كايهمس لداخل ديالك ، من بعد فمرحلة الاعتدال من الركوع فاش كتقول "سمع الله لمن حمده " 
وتكمل ربنا ولك الحمد وشكر كما ينبغي بجلال وجهك وعظيم سلطانك شكرا على كاع النعم اللي عطيتيني " او ملي تسجد فاش غاتهمس فبطن الأرض وغايسمعك من في سماء قوليه " انا كنبغيك اسيدي ربي " قوليه خليك معايا فلمحنة الفلانية وقوليه انا محتار وهضر مع اللي خلقك وخد راحتك هضر بلغتك وعيش ديك اللحضة را ما غتلقاش اللي غايحن عليك كتر من غيرو هكا تقرب ليه وكن متأكد ان أمورك كلها غا تمشي كما ينبغي.
الله عز وجل عارف شنو ضارك عارفك كثر من راسك راه باش كتجي عندو وكتبدا تصلي و نت قلبك مع صلاة يعني مركز عليها هو تيكون عارفك و حاس بيك عارف شنو ضارك شنو باغي راه باش تكون ساجد دعي بأي دعوة راه الله غدي يسمعك عارف شنو هو الملك قادر على كل شيء راه الله بيدو كلشي سعادتك وتعاستك كون اكيد من هدشي تخيل راسك مشيتي لشي قصر تاع شي ملك وطلبتي منو يعطيك فلوس و داك ملك نت عزيز عليه واش مغديش يعطيك؟ انا عطيتك غير مثال صغير راه بطبيعة الحال الله عز وجل ليس له مثيل و راه رحمتو فاتت حدود دخل فمخك حاجة وحدة هي هد كون لي عايش فيه حياة لي عايشها دب كلها بيد ربي حبيبي راه هو لي خالق كل شيء يثدر يغير ليك حياتك 180 درجة مل مكان امانك بيه قوي كلما صدمك برحمتو لي معندهاش حدود.
دب من هدشي كامل الله عاطيك حياة عاطيك عينين تشوف بيهم هو الملك هو كل في كل هو أساس هو حياة هو السر وحاجة وحيد لي باغيه منك هي تصلي ليه ...غريب في امر ان بعض ناس يسحابليهم ان الله محتاج صلاتهم هو ربي بغاك تصلي على ودك نت على ود سعادتك باش تنجح في امتحان الدنيا .
ستفادي وبارطاجي باش استافدو الاخرين ومتنساش تخلي تعليق
↓↓↓↓ شارك هذا الموضوع عبر مواقع التواصل الأجتماعي ↓↓↓↓