واش فيك الانوثة ؟ دخلي تعلمي كيفاش تولي كلك الانوثة 💖

الى كنتي مهتمة بموضوع الانوثة وكتبغي تبرزيها فشخصيتك فقراي هادشي.

ليوم جيتكم بموضوع جديد لي هو الانوثة

كلنا بنات ولكن واش كلنا كنملكوا صفات الانوثة ؟ 

الجواب ببساطة لا , كاينين بنات حس الانوثة معندهمش وكاينين بنات لي الانوثة ديالهم مبالغ فيها وكتبان انوثة مصنعة .

مما يعني بلي الانوثة درجات غادي نتكلم ليكم على 3 درجات من الانوثة وغادي نطرق ليكم لبعض الأشياء لي كيديروهم البنات وكيكونو غلط.

🌸الدرجة الاولى : اولا احبييتي خاصكي تعرفي بلي الانوثة ماشي فقط لباس و وجه... الانوثة شي حاجة لي كتجمع ليا كل ما كاين فبالك دبا فمثلا  الابتسامة تعتبر معيار للانوثة باش تكون ابتسامتك انثوية خاصها تكون خفيفة واهم حاجة متكونش مصنعة . الضحكة هي البنت لي كتضحك بصوت خفيف ماشي تسمعها لگاع الناس. صوت خفيف ويلا كنتي ميتا بالضحك وكتاكلي مثلا . فاكيد ديري يديك على فمك بطريقة زوينة . ايضا فطريقة المشيا ديالك ماشي كتمشاي كي دراري .

ديما خاصك تكوني واقفة مستقيمة وراسك طالع شوي (ماشي تشوفي فالسماء ههه) وملي يكون شي دري او راجل دايز من حداك تفادي دوك النظرات نزلي عينيك .

فقط هكا كتبرزي شخصيتك اكثر بالنسبة ليه ايضا كلام ديالك والادب ديالك بغيتي شي حاجة قولي عافاك واش ممكن.... ماشي عطيني... عيب جاك اتصال ونتي بالقرب من اصدقاءك استأذني منهم (سمحولي بغيت نجاوب).

ايضا الانثى هي فتاة مكتخسرش الكلام عيب وعار بنت كتخسر الكلام هادا اكبر غلط كديروه ومنساوش ملي نكونو مقلقين من شي حد او وحدة ومعصبة منهم. لا داعي انك تكلمي معاهم فداك الوقت لي كتكوني نتي معصبة خليك بالرقي ديالك .

قولي ليهم ببساطة مبغيتش نتكلم فالموضوع تفادايهم حتى تبردي اعصابك ورجعي تكلمي معاهم بكل برودة دبا غادي نجي ونتكلمو على طريقة اللبس ديالك كيفاش غادي تبرز ليك الانوثة لي كتملكيها (اي بنت كتملك الانوثة فقط كاين لي كتوظفها وكاين لي لا).

اولا لباسك حاولي ديما يكون سامبل ايلا كانو الوان داكنة حاولي تفاداي كترت الزواق والالوان او ايلا كانو الوان فاتحة ديما كسريهم بشي لون يكون غامق شويا وقد ما كانو الالوان لي كتعتامدي عليهم باردين قد ما كنتي كتباني هادئة اكثر .....

ايضا حبيبتي خاصكي تكوني هادئة. قد ما كنتي هادئة . قد ما كنتي اجمل وأرقى واكيد الرقي هي الدرجة الثانية لي غادي نتكلم عليها اليوم وغادي نجاوبوا على السؤال التالي:

🌸كيفاش نكون أنثى راقية : اولا لي خاصكي تعرفي ان الرقي عمرو مكان متعلق بالفلوس والمصادر المالية ديالك . وكمثال على ذلك احيانا غادي تشوفي بنات عندهم فلوس او لباس عليهم ومكيعرفو لا يتصرفو لا يلبسو لا والو واكيد كاين العكس ، مما يعنى انه خاصكي تكوني راقية فتصرفاتك كأنثى طريقة الكلام ديالك الهادئة . تلخص انك راقية اختياراتك لابسط الاشياء ايضا ،مثلا المكان لي كتجلسي فيه هادئ الابتعاد على الضجيج . اذ يعتبر من ابرز النقاط لي كتبينك ناضجة كيما غادي ايبان ليكم فهاد الدرجة كتكوني اقتنعتي انك انثى.

النقط الثانية هي خاصكي ماشي فقط تكوني انثى قدام الناس بل حتى مع نفسك. وباش تحققي هاد النقطة البسيطة تهلاي فراسك بداكشي لي متوفر عندك. واهم حاجة النظافة ديالك وريحتك.. 

على ذكر الرائحة غادي نقوليك واحد الغلط كيديروه البنات ولي هو كيختارو رائحة قويا نصيحة تفاداي هاد الغلط ريحتك خاصها تكون خفيفة (غادي نحط ليكم بوسط ديال حقيبة الانوثة فيه المنتوجات لي جربت وغادي نعاود نشريهم).

 وعافاكم ريحة العرق لا ثم لا ثم لاااااااا.

ميمكنش كنشوف بنات قتقراو فالجامعة او الثانوي وريحة العرق فيها .كتكرهك فيهم واخا تكون كتملك جميع المواصفات ريحتها كتكرهك فيها ،ايلا كنتي معگازة 2 مرات فالسيمانة على الاقل استحمي واستعملي منتوجات تكون فيها رائحة زوينة وخفيفة.

كنركز على خفيفة ايضا ايلا كنتي كتحطي مكياج فحاولي يكون خفيف ماشي عكر فلگرونة لا غوز بارد كنتي سمراء ديري دتك القهيوي فاتح.... (غادي نديرليكم بوسط اساسيات المكياج) وآخر نقطة غادي نطرق ليها وهي اهم نقطة غادي نختم بيها كيما كيقولوا ختامها مسك الرقي بالاضافة لكل ما قيل هو رقي 

الفكر وهذا هو الاهم باش تكوني فتاة راقية خاصكي تقراي الكتب وقد ما قريتي قد ما اصبحت شامخة قد ما زادت الثقافة ديالك قد ما زاد مستوى الرقي ديالك حبيبتي... ولي اهم من ذلك التواضع قد ما كنتي متواضعة قد ما كنتي انثى هذا هو السبب لي كيخليني نقوليكم بلي الانثى هي فتاة اقتنعت انها انثى وتملك من الحكمة ماتملكه.

🌸وكآخر درجة غادي نطرق ليها هي : الانوثة المبالغ فيها : الانوثة قد ما كانت عفوية قد ما كانت اجمل وملي كتولي مبالغ فيها و مصنعة. كتنعاكس فهاد النقطة بغيتك نتي لي كتقراي تعكسي اي حاجة قلتها وغادي تفهمي ان الانوثة ديالك اصبح مبالغ فيها مثال: ضحكة مصنعة باش تباني انثى كتدل على انك فالاصل مبغيتيش ضحكي او كضحكي فوق قلبك.

مثال 2 : صوتك كترققيه بزاف كتباني بمصطلح المغربي فيك العياقة..... بالإضافة لهادشي لي قلت غادي نقوليكم بلي الانثى هي فتاة بكل معنى الكلمة فتاة نضجات واصبحت تفرق بين الصالح والطالح.

كنتمنى أنكم استافدتو وتفاعلوا معايا راه هدش يخدا مني وقت متبخلوش عليا بتعليق

اقرأ المزيد »

كيفاش تولي محبوبة من طرف الجميع 💖

✍كاتبة شيماء من مدينة خنيفرة 

موضوع اليوم هو كيفاش ترجعي محبوبة, واللي شافك يتمناك تكوني زوجة او صديقة او عروس تتماناها اي ام لابنها.

اللي كتاشفت البنات هو بزاف لبنات اللي طالعين دبا عندهم كلشي... الزين والمستوى الدراسي ,الخدمة لفلوس, ولكن ماعندهمش الزهر كيفما يقولو اللي هو محبة الناس ,يعني البنت تلقاها تعرف تلبس وتماكي وتزوق ولكن ماتعرفش تكسب الناس او تخلي الولد , اللي قدامها ينويها لزواج , ماشي لتصاحيب و مضيعة الوقت ,ماتعرفش لتقنيات التعامل.

مهيم بلاما نقوي معاكم هضرة باش متملوش مني يالا ندخلو لصح لصحيح هه 

أول المقادير:

-الابتسامة😊

-التباتة

-النعومة

-الخجل

-التواضع

-الوعي 📖

-الاحترام💎

-الحكمة🌳

-الصمت 

تانيا الطريقة:

✅✅الثقافة والوعي 📖

باش تكسبي الاهتمام والابهار ديال الاخر بيك خص ضروري تكوني مميزة بافكارك , و أراء ديالك ونظرتك للحياة , وهادشي تكتاسبيه من القراءة بزاف والمطالعة.

حيت كاتخليك انسانة راقية, و عقلك واسع وعندك مايتقال ,وديما عندك الجديد والاجابة , ودراية بالدنيا والاخبار والحياة. وهاد النوع ديال لبنات كيعلم بزاف في الذهن ديال الاخر وديما يشوف فيك البنت الذكية الناضجة.

✅✅ الحكمة والتفهم (المسايسة او المساعفة)

متفهمة يعني كاتعدري وتسامحي وتفوتي وتميكي مكاتسوليش بزاف ماتحرجيش بنادم ماتنتاقديش بزاف , عارفة الحدود ديالك مكاتدخليش بزاف , كاتجنبي المشاكل وكاتخلقيهاش وهنا تسماي باللي داخلة سوق راسك خاطيك شبوقات.

✅✅النشاط😄 :

يعني ديما خالقة سعادة لراسك وجو ليك واللي معاك كاتضحكي.كاتقولي نكات كاتبسطي الدنيا في عينين الناس متفاءلة ديما تقولي الحمدلله.ديما تعطي امل وطاقة ايجابية مع اللي يكون يهدر معاك .يعني ماشي بنت اللي غير تبكي وتندب (ماعنديش زهر داروليا فعلوليا سحروليا.)

✅✅الادب والاحترام 👱:

كاتسلمي كاتقولي شكرا كاتعاوني اللي قصدك بالخير لباس ديالك محترم تحتارمي الناس.تحتارمي الاختلاف تحتارمي جيران وداياها في سوقك ماتهدريش بالخايب .واي واحد تجبد قدامك كاتقوليها فيه مزيانة وهاد النوع كلشي كايموت عليه حيت غا تسماي البنت المربية .

✅✅التزيين🎂:

اهم شيء فاش تبغي دخلي اي علاقة ضروري تفكري مزيانفي الهدف والسبب والافق ديال العلاقة.

يعني نقول فراسي هاد السيد شنو باغي . واش الى جا للدارنا واليديا غايقبلو بيه واش خدام واش مناسب ليا واش انا نقبل بيه كزوج . فين هو الافق ديال العلاقة واش زواج ولا تفلية شنو باغي مني واش غانضيع وقتي غير في الانتظار شنو الربح من هاد العلاقة حيت هاد الاسئلة ضرورية باش تعرفي شنو باغية وواعية بالخطوة اللي داخلة ليها وتكوني انسانة اللي واثقة وماشي ساهلة عندك هدف محدد من العلاقة وماشي اي حد يطيحك او يتصاحب معاك.

🌸رشة سكر:

شي مرات البنات كانلقاو بنات او زوجات تقولك انا راجلي كانبغيه وكانعطيه حقو في الفراش ونقية ومهتمة براسي وزوينة ولكن مكايديهاش فيا .او كايخوني هاد البنات اكيد نساو ان اللسان طيب كايكسب لقلوب وان التعامل الطيب والعشرة الحسنة هي كلشي . الانسان الا لقا صدر حنين كايخوي قلبو و اسرارو فيه بلا مايخافانكي تقلقي ولا تغوتي عليه و لاتعايريه بمشاكيلو .او عارف بالي فجنبو انسان ممكن يسمعلو ويفهمو بلا ما يعايرو او ينتاقدو فاكيد غا يكون ملكوه للابد.وهدا هو السكن اللي هدر عليه رب العالمين في القران حنا ديما محتاجين شي حد نتيقو فيه محتاجين شي حد نعتامدو عليه فاكيد منين نجيو نختارو، غا نختارو تباتة رزانة ولعقل و الطيبة والاحترام اللي يفهمنا ومتواضع معانا .

خلاصة 💖

اكيد جمال الوجه و المظهر عنده دور ولكن جمال العمق عنده بصمة وبعد وتأثير كبير.

اقرأ المزيد »

كيفاش تكوني بنت قوية و واثقة من نفسك؟

مقولة موضوع اليوم "حب نفسك وقدسها دائما وأبدا فحب الذات لا يهزم"

حاجة لي خصك تعرفيه أ حبيبة هي الى كنتي بنت قوية و واثقة من نفسك راه كل شي غدي يحبك حيت حنا بفطرتنا البشرية نميل الى لأشخاص لي عندهم شخصية قوية و لي واثقين من أنفسهم.

*********************

نضرة الخاطئ عن ثقة في النفس

المرأة القوية ماشي هي لي كتكلم بصوت عالي و تقول كلام جارح و لا مستفزة ولا كتخسر الهضرة ومشي هي لي كتكلم بزاف على راسها .. بالعكس المرأة القوية هي مرأة واتق في قدراتها وامكانياتها ومواهبها و مأمنا بيهم هي لي راضيا بهدشي لي عاطيها الله و حامد الله عليه يعني من لخر مقدر راسها وعارف قيمتها "متصالح مع نفسها".

❤️❤️❤️❤️❤️❤️❤️❤️❤️❤️❤️❤️

    فرق بين الغرور و الثقة في النفس

بزاف الناس عندهم خلط بين الثقة في النفس و الغرور و يضنون أنه لو زادت الثقة في نفسك غتولي مغرورة بعكس راه هدا يسمى ابداع , وثقة بنفس درجات كلما زادت أصبحت مميز أكثر.

راه فرق كبير بيناتهم

*أول الغرور هو تشوف انك فوق عباد الله و بلي هم أقل منك ومتبغيش ليهم الخير وأن الناس مايستحقوش أي احترام او تقدير منك.

*علامة تانية للغرور هي تكون شخص كيتوهم الكمال وبلي مكيغلطش ومستحيل تعتارف بالخطأ ديالك قدام أي واحد وانك شخص واعر مكاينش بحالك وبلي نت كتعرف كلشي و بلي اي حاجة تقدر ديرها .

شعور بالعظمة + شعور بالكمال = الغرور

❤️❤️❤️❤️❤️❤️

ثقة النفس هي عضلة

أه ثقة بنفس هي عضلة وبضبط مركزها العقل وخصنا ديما نتهلاو فيها و نمرنوها و نخليوها قوية منغفلوش عليها.

دب سؤال الى غدي طرحي كيفاش تمرني هد العضلة وتكوني واتق من راسك ؟

❤️❤️❤️❤️❤️❤️

1-بغي راسك كيف مانتي

اول حاجة ولي هي مهمة بزاف هي تبغي راسك حبي راسك بجميع عيوبك من راسك لرجليك واخ يكون وجهك عامر حبوب كل حبوبة فوجهك حبيها خلي راسك ملئ بطاقة الحب الايجابية هضري مع جسد ديالك بطريق الايجابية خليه يحس بلي راكي كتبغيه راه معادلة الحب ساهل بغي راسك غيبغيوك ناس تقبلي راسك غدي يتقبلوك الناس .

"ديما قولي مع راسك الا مبغيتش انا راسي شكون غدي يبغيني"

*************

2- هضري مع راسك قدام المرايا (مرآة)

تعلمي تهضري مع راسك قدام مرايا ولكن بطريقة ايجابية قولي بصوت مسموع ليك انا بنت قوية انا زوينة انا نستاهل أي حاجة زوين أنا نستاهل الحب في حياتي المهم بقاي تهضري مع راسك ولا وقع ليك شي مشكل و حسيتي بالاحباط سيري وقفي قدام المرايا وقولي أنا قوية وغدي نوصل داكشي لي بغيت ...تجنبي نهائي تهضري مع راسك بطريقة سلبي عداك تبقاي تقولي تفو أنا منحوسة أنا معديش زهر هد دري لاش كيبغيني انا خايبة ...هد هضرة كامل كثأتر عليك نفسية بواحد طريقة خطيرة جدا حيت عقلنا باطني باش كيسمع هد هضرة منك صافي كيتيقها و كيبقا يجلب ليك حاجات في حياتك تخليك متأكد من هدشي.
************

3-وقفة superhero

في جلسات تصوير تاع مودلز كيحصل توتر وخوف لموديلز و كيديرو واحد طريقة سميتها superhero لي كتشحن بالطاقة الايجابية .

باش كدخل بنت و هي كتقوليه راني عييت صافي مبقيتش قادر كيقولو ليها تنفسي بطريقة صحيحة قراي هد موضوع لبغيتي تعرفي طريقة صحيحة للتنفس.

*كيفية التنفس الصحيح (كيفاش تنفسي بطريقة صحيحة)

ومنبعد تيقول ليها وقفي وقفة girlsuperhero و (ضهرك مستقيم ويدك على خصرك كيف مافي صورة).وقولي انا قوية مزال نقدر .

هد الوقفة انا بغيتك تستعمليها باش تهضري مع راسك قدام المرايا (وقفي قدام مرايا وقولي انا واتق من راسي انا قوية و نتي كتشوفي راسك فمرايا بكل فخر) راه كتخليك تحسي بلي راكي قوية جربيها وردي عليا الخبار...غدي تعاونك بزاف كلما حسيت بضعف وتوتر ديري هد وقفة كأنها تشحنك بطاقة .

*****************

4-تقدير النفس

راه بطبيعتنا البشرية نبحت عن تقدير من ناس لي دايرين بينا بمعنى باش كنجحو فشي حاجة ولا كنديرو شي انجاز واح صغير تنبقاو نتسناو من ناس لي حدانا يقدرونا يكافئون ويقولو كلام زوين فحقنا ويباركو لينا ومحسو بالاهتمام حيت هدشي كيزيد من ثقة في أنفسنا .

ولكن الخطأ كبير لي كنوقعو فيه هو باش كنولفو هدشي و نهار لي كنديرو شي انجاز و مكيقدروناش الناس لي حدانا كنشعرو بالاحباط و تقتنا في أنفسنا كطيح لصفر وكنبقاوش قاديرن نجحو فحياتنا....هدشي لاش حل هو نتعلمو تقدير الداخلي باش نوليو قاديرن نستغناو على تقدير خارجي (لي هو التقدير جاي من الناس لي حدانا وهو منقدروش نتحكمو فيه عكس تقدير الخارجي).

*كيفاش نعلم راسي تقدير داخلي* 

قضية سهلة بزاف عملية لي غنديو هي غنوهمو عقلنا عن طريقة مبدأ "كافئ نفسك بنفسك " يعني لو عملت شي حاجة مهمة و لانجحتي فشي حاجة ...كافئ نفسك بشي حاجة عزيز عليك مثل شري لراسك حوايج شري لراسك شكلاط ولا سيري سافري عرضي على راسك لشي قهوة وشري لراسك اغلى ماكلة مهيم كافئ راسك...

بقا تولف راسك وقول الا درت هد حاجة ونجحت فيها غنشري لراسي ديك سبرديل غاليا وباش تنجح وتحقق داكشي تسلف وتكلف وشريها لراسك وبقاي توقفي قدام مرايا وقولي برافو عليك مبروك عليك امريم راكي واعرة تبارك الله عليك.... راه هد عملية لي كدير مهمة بزاف حيت كتلعب دور كبير فتقوية ثقة في نفسك .

تنويه :

في عيد ميلادك مثلا ولف راسك تشري شي حاجة لراسك ومتسنا من توحد يقوليك مبروك نتي فرحي براسك و بقاي تبوسي فراسك وقولي مبروك عليك راكي كبرتي .

****************

5-علاقتك مع نضرة وكلام الناس عليك

ما تبريرش لناس لخداو فكرة خيبة عليك خليهم ياخدوها ويمشيو

سيدي ربي مخلقكش باش تبين لناس راك ملاك ولا راك شيطان وكاين بعض أشخاص كيديرو هد تصرف باش يجدبوك نحوهم وتلاحضيهم.

متسوقش لأي حاجة تيقولوها ولا تيضنوها ناس عليك واحد النهار غادي تكتاشفي انك ضيعتي اجمل اوقات حياتك غير وانت تتحاول تبان زوين وتقاد صورتك قدام ناس وهادوك ناس اصلا متيشوفوش غير لبغاو هما هكا معنزين الله يستر .هد نوع منتشر بزاف في المغرب.

كل واحد فهاد الدنيا كيفاش غيشوفك ..كاين لغيشوفك زوين .. كاين لي مأدب ..كاين لغيشوفك فاشل .. كاين لغيشوفك ناجح ... كاين لغيشوفك نصاب .. كاين لغيشوفك كذاب .سيدي ربي بحدو لغادي يشوفك على حقيقتك فخلي حياتك كلها معلقة بالله .

ولجا عدك شي حد قاليك نتي خايبة قوليه ربي يخليك قاليك تنكرهك قولي ليه حتا انا وزيدي بحالك مطلبيش منو تفسير و لا سبب وراء هضرة عطيه نخالة و متعبريهش نهائيا .

مهيم خلاصة راه معمرك غادي تمنع ناس على الهضرة ولكن اكيد تقدر تمنع راسك من ثأثر بهضرتهم حيت مفاتيح عقلك بأيديك ماشي بأيديهم.

خلاصة :

ديري فبالك ديما الناس غيبغيوك يشوفوك قل منهم مشي حسن منهم هدشي لاش بلاما تصدمي من هضرتهم سلبية على أحلامك و عليك عادي تقبليها و متعطيهاش اهمية تدكر

***************

6-عرفي نقاط قوتك

أول حاجة خصكي تعرفي على شنو هي نقاط قوتك و بقاي ترجعي سينتا لور وتفكري فصغرك باش كنتي متميزة شنو حاجة ليكنتي كتقنيها كتعرفي ليها ولا كان تتجيك حياتك عادية سولي الناس لي حداك وبضبط المقربين منك حيت هما غيشوف نقاط قوتك حسن منك.

نعطيكم مثلا براصي انا فصغري كانو خوتي باش كيبغيو شيحاجة من عند بابا كيجيو عندي و تيقول ليا سيري هضري علاش زعما فنضركم؟حيت كنت تنقدر نقنعو من هنا عرفت بلي عندي قدرة على اقناع واخ كانت ضعيفة فصغر و لكن قريت علا كيفاش نقويه هدشي لاش خصكي تعرفي نقاط قوتك وتنميه حيت كيعتابرو دعامة قوية للثقة في النفس .

*******************

-متسمحيش فحقك-

القوة حقيقي هي متخليش حقك يضيع متسمحيش فيه متخلي حد يعايرك ولايستهزأ بيك خلي كرامتك فوق كل شيء , باش تعيشي معززة مكرم.
لبغيتي موضوع تفصيلي على هدشي نصحك تقراي هد موضوع
-كيفاش ندافع على راسي و منخليش حقي يضيع.

****************

7-وياكي تقارني راسك مع غيرك

اياك ثم اياك تبقاي تقارني راسك مع شي حد حيت باش كتقارني راسك معاه راكي كتقارني نقاط قوتك مع نقاط ضعفك وبتالي هدشي تيقلل تقتك بنفسك.

فهمتيني ؟ اجي نشرح ليك مثال عند مقابلة عمل مع بنادم نت كتبقا تشوف فيهم وتقول شوف هد زوين باين غيتقبل واو هدا كيعرف يهضر , هدا كيهضر ب5 لغات ....نت بهد هضرة كدير احباط لنفسك وكتفقد تقتك بنفسك.

دب بلاصت ما تبقا جالس وتركز على نقاط قوة غيرك ركز على نقاط قوتك نت وقول مع راسك انا واتق فراسي وفي قدراتي واخ يكون قدراتك قليل مقارنة مع اخرين كون واتق من نفسك ومخرج عينك وكيف ما تنقول حنى في المغرب خصك تكون مصنطح لبغيتي تنجح فحياتك كلشي بتصنطيح شحال من واحد مكيكون عارف والو ولايقارن مع أخرين ولكن غير بصنطيحة كيصدق هو لي مطفرو فيهم ههه .

****************

8-توقفي عن جلد نفسك

نساي الماضي صافي تقبليه خايب ولا زوين هدا ماضي ديالك نتي .

ولكن مشي تنسايه و متخديش منو العبرة تعلمي من اخطائك , راه الامقدرتيش تقبلي ماضيك راه عمركي غتزيدي قدام و تبقاي ديما متوتر و خايف تعاودي نفس اخطاء ماضي وهنا كدخلي في دوامة ضعف الشخصية

***************

9-عرفي نقط ضعفك وتقبليهم

خصكي دخلي لراسك واحد حاجة كلنا عدنا عيوب ومكاينش شي انسان على وجه الأرض معندوش نقاط الضعف كلنا بدون استتناء كنفشلو فشي حوايج مثلا مكتعرفيش طيبي تقبليها هد فكرة و افتخري بيها راه هديك نتي خصكي تبغي راسك كيف مانتي متكدبيش على راسك .

راه تقة بالنفس هي تكوني قادر تقولي انا فيا هد عيب انا منقدرش ندير هدشي بكل قوة وصراحة ومخايفاش من ردة اخرين أو بأحرى مكيهمكش رأيهم فيك.

قراي هد موضوع باش تعرفي نقاط ضعفك :

-شنو هم نقاط ضعفك ؟

.***************

10-الصمت

لطالما كان سكوت مرتبط بحكمة والوقار هدشي لاش خلي سكوت يدير ليك واحد الهبية تعلمي تسكتي ولكن مشي أي سكوت قراي هد موضوع باش تعلمي فن الصمت.

*تعلمي فن الصمت

****************

11-التقافة و علاقتها بالتقة في النفس

بطبيعة الحال تقافة كتلعب دور كبيلاة في شخصية قوية ولكن مشي ضروري تكوني عالمة باش تكوني واتق من راسك سمعي مزيان كنتلقاو فحياة اشخاص كبار في السن و مقريينش و لكن عندهم شخصية كتحس بقوتهم ...عرفتي علاش ؟ حيت اختي هدوك كيكونو واخ عارفين معلومات قلال ومحدودين كيكونو واتقين في كلامهم وهضرتهم ومخرجين عينيهم لدرجة انكي نتي كتيقي هضرتهم واخ تكوني نتي اصلا ضد ديك هضرة كلشي على الثقة فراسك .

***************

12-مبادئ

مستحيل تكون شخصيتك قوية ونتي معدكش مبادئ تابتة وكدافعي عليهم خصكي ضروري تبحتي على مبادئ دياولك و تحطيهم قدامك وتخليهم واحد خط أحمر لايمكن تجاوزه .

قراي هد موضوع باش تعرفي شنو هما مبادئك و كيفاش تحافضي ودافعي عليهم :

*****************

13-طريقة المشي

المشية هي معيار شخصيتك عمرك تمشي محنية كي الفكرونة ديما هزي راسك وخليه بشكل افقي مع الارض و ضهرك خليه مستقيم و وسيري بهدوء ولكن مشي بهدوء بزاف تبقاي غادا وتعوجي سيري بثقة ونتي كتشوفي قدامك هد طريقة تاع مشية كتخلي أي واحد يقول هد بنت قوية راه المضاهر خداعة و كتخدع حتى دماغنا هدشي لاش بقاي توهمي عقلك بلي راكي قوية الشخصية.

تنويه : لي شاف فيك شوفة ناقصة متهربيش عينيك بالعكس خرجي عينيك (ولا كان شي تيتيز طبعا لا هبطي عويناتك خخخخخ)

***************

14-مضهرك خارجي

وياكي تستهزئ بمضاهر الخارجي راه كيلعب دور كبير في تقوية تقتك في نفسك و كتخليك تحسي راسك قوية هدشي لاش حافضي على نضافتك و لباسك يكون انيق مشي ضروري تشراي حوايج واعرين و لكن فقط يكون داكشي متناسق و كيمتل شخصيتك و لجا شي حد قاليك ستيلك فلباس مكيعجبنيش خرجي عينيك و قولي انا عاجبني و زيدي هدي هي تقة في نفس كتيقي فستيلك.

***************

15-أنا هي انا

خصكي تعرفي انه الا كنتي وسط واحد مجموعة من الناس لي زوينين بزاف ومميزين هدشي مكيقللش من تميزك ..راه تقة بالنفس مشي هي دخلي لشي بلاصة وتقولي انا اجمل وحدة هنا لا هدا خطأ هدا يسمى غرور ...تقة بالنفس الحقيقي هي دخلي لشي بلاصة وتقولي انا معنديش منافس ؟؟ غتجيك هضرتي فشكل كيفاش معنديش منافس.

راه باش غدي دخلي داك بلاصة غتقولي مع راسك انا مميزة ومكاينش شي حد بحالي كل واحد هنا راه صديقي و عدهم عيوب و المميزات كيف ما أنا ...بقاي تقولي انا مميزة أنا جدابة انا بجنن وانا هي أنا مميزة كيف مأنا بمميزات و بعيوبي و هما لي مخليين مميزة عن اخرين ومستحيل يكون شي واحد بحالي.

*************

اقرأ المزيد »

سر باش تعيشي سعيدة (تعلمي فن الاقناع).



غيجيك عنوان غريب ولكن راه حقيقة علمية حيت الإقناع هو سر باش تعيشي حياة سعيدة,

بالقناع تقدري تقنعي راجلك يشري ليك أي حاجة.

بالإقناع تقدري تقنعي رئيسك فالخدمة باش يزيدك فالخلص.

بالإقناع تقدري تبيعي أي حاجة.

بالإقناع تقدري تقنعي أي واحد باش يخدمك عندو ...

المهم الإقناع هو كلشي وهو علم لتعلمتيه صافي راه ربحتي داكشي لي باغا كلو غدي تحققيه في هدا الموضوع غدي نتعلمو مهارات الاقناع واساليب صحيحة.

1-أساسيات فن الاقناع(صفات الشخص المقنع)

*اول حاجة هي التقة في النفس 
*خامس أسلوب الكلام

2-أساليب الاقناع وتسمى الأسلحة الاقناع

اسلحة الاقناع هي عبارة عن حيل نفسية لاقناع الطرف الاخر

3*حفز الاخرين للموافقة على طلبك
مثال أخر
واحد شخص باغي يشري دار  ولقى واحد الدار ولكن جاتو غاليا شوي,غيمشي يعيط لسمسار ويقابلو ,سمسار كان انسان خلوق و عرض عليه لواحد مطعم باش يتغداو وقال ليه أنا نخلص عليك ونهضرو فهدا الموضوع ,وهما جالسين هد شخص عيط ليه ولدو قاليه راه واحد ورقة في المحكمة تعكسات لينا هنا السمسار غينقز  ويقول ليه انه عندو شي حد في محكمة وغيحل ليه هدا المشكل مهيم سمسار حل ليه موشكيل باش سلاو غداء خرجو وداك شخص شرا من عند سمسار ديك الدار لي بثمن الغالي مع علم انه تلاقا مع سمسار باش ينقص ليه.

8*مبدأ الموافقة الاجتماعية

ميمكنش شي واحد يتيق فهضرة شي وحدة متايقاش فراسها لبغيتي تعلمي كيفاش تولي تايق فراسك قراي هد الموضوع

-كيفاش تكوني تايق فراسك ؟ طريقة ناجح 100%

*تانيا الاصغاء 

كوني مستمعة جيدة و كتفاعلي مع الشخص الاخر يحس بلي راكي مهتم بالمواضيع ديالو وبهضرة ديالو هدف من هدشي هو تكسبيه لصفك.ولكنتي باغا تعلمي الاصغاء خصكي تكوني صبورة ومتوافق مع الصبر واسهل طريقة لتعلم الصمت هو الصوم أيام عن كلام وراه هدا طريقة نيت كتعلم حتى الصبر.

*تالث صبورة

صبر حاجة ضرورية بزاف حيت كاين شي اشخاص غدي تعصبك أجوبتهم ويعصبك قصوحية راسهم , وبلاصة متكوني نتي قانعاه تصدقي مدابز معاه ,هدشي لاش خصكي تعلمي صبر حيد ديما الحمد الله بعد صبر الفرج.

غدي تسولني كيفاش نتعلم الصبر ؟

صبر رائع ونعمة راه غيعاونك فبزاف تاع الحوابج منهم تصبري على الكلام سيء و على معيار و على هضرة الناس ومغتبقايش تسرعي ومغديش يبقى فحياتك شي حاجة سميتها الندم وحتى صلاتك غتولي تخشعي فيها مهيم بزاف الحوايج غدي يتغيرو فحياتك...

لبغيتي تعلميه غنعطيك امثلة

-تعلمي الطرز راه معلم رائع للصبر .

-بقاي تشي سماعات الادن لي كتكون مخربقة و حاولي تحليها بحدك هد طريقة رائعا جدا للتعلم الصبر حيت هد طريقة كتستفزك.

-تدوين بقاي تكتبي يوميات .

-بقاي تلعبي لعبة puzzle

-التأمل

-الصمت الطويل.....

*رابع الصوت

الصوت خص يكون مسموع وواضح وواتق من كلام مفيش تردداو خجل في كلامك متزربيش فهضرة غير بهدوء تام كاين موضوع لتعلم كيفاش تهضري بطريقة صحيحة وحل مشكلة لناس لتيسرطو الهضرة اضغطي هنا.

متكونيش سلطوية في الكلام ومتخليهش يدوي مطيحيش منو ومتبزيش عليه شي منتوج متهضريش بزاف وبقاي تسكتي وخليه يدو ويعطي رأيو ,متحاوليش تستفزيه ولا تقللي منو. 

1*استخدام الامتنان بدل الابتزاز العاطفي

نعطيك مثال طريقة صحيحة وطريقة الغالطة

لبغيتي تقنع شي واحد بشي حاجة

**طريقة الخاطئ**

هي الابتزاز عاطفي مثل كتقول للشخص شوف الامدرتيش ليا هدشي راني غنمرض وحياتي غدمر  ولا تقولي للمديرك فعمل شوف الامعطيتينيش اجازة راه ولادي غيمرضو ومشاكيلي غيتزادو ...

-هد طريقة غالطة وبزاف كاين طريقة احسن وكتخلي بنادم يعاونك وهو راضي وفرحان.

**طريقة الصحيحة**

مثل تقوليه شتي لعونتيني راه عمرني نسا خيرك طول عمري وطول حياتي غنبقى ندعي معاك وندكرك بخير ...

 فهمتي طريقة راه كتبيني ليه بلي هدشي لي غيدير غدي يأثر على حياتك بزاف و غدي تبقى تدعي معاه هنا كتححسو بأهميتو وقيمتو وتيحس براسو.

2*تصعيب الحاجة

هدي مهارة الاقناع واعرة بزاف وهي كتصعبي شيحاجة على بنادم باش يشريها و لا ينفدها 

مثال بغيتيه يهز معاك سداري غتقولي ليه نت متقدرش تهزو بحدك قوليها بطريقة جدية.

مثال أخر وقع قدامي كان خالي باغي يبيع تلفونو ولكن بتمن زوين ,هنا نحاول نحطك فستياسيو لي وقعات لخالي وصاحبو. 

 جا عندك واحد باغي يشري من عندك تلفونك غدي تقولي ليه لا ميمكنش .انا منبيعش تلفوني ولكن نجيب ليك تلفون خويا راه باغي يبيعو غتجيب ليه تلفون ناقص مشي بحال تلفونك وهو غيقول ليك لا. بغيت تلفونك عاجبني ونت تقوليه منقدرش خويا غيتقلق هو باغي تلفوني منقدرش وهو غيقوليك انا نعطيك فيه 17 الف نت غضحك وتقوليه وراه خويا عطاني فيه 20 الف هو هنا غيقوليك هنا نعطيك 20 الف وراه خوك كاعم يتقلل نت غتقوليه ولكن راه خصو بوشيطا وكدا....

خلاصة أمر خالي غيدد راجل و حفزو بطريقة مستفزة وبلاشعور لصق على تلفون حيت حاجة مستعصية مرغوبة ديما.

تحفيزهم من خلال كتدكر ليهم اعمالهم وانجازاتهم وانهم اشخاص طيببي ومتساهلين و ان هدشي لي كيدير تيعاونهم هدف منهدشي هما كتخليهم يحسو باهميتهم وانهم عندهم سلطة و قرار.

مثلا تقولي والله ياعمي اسلوبك هدا وتساهلك معانا هو لي تيخلينا نبغيو نزيدو نقرا ونعطيو كثر.

هنا عمك هه كينفد ليك طلبك باش تبقاي نتي واخد عليه هد النظرة زوينة.

نعطيو مثال أخر بغيت راجلك يزيدك فالفلوس مثلا هو مولف يعطيك 20 ونتي هد شهر باغا40 غدي تمشي عندو بصوت حنين وتقول ليه كلام لي يخليه يحس أنو شخص كريم وعمرو مرفض ليها شي طلب وديما تيعطيها الفلوس ومن النهار لي تزوجات بيه مقصر من جيهتها

مثلا والله اسي حمزة نت انسان سخي وعمرك مخسرتي ليا خاطري وعارف بلي الاكانت عندك فلوس مغديش تبخل عليا ونت كاعم مقصر من جيهتي بس هدا الشهر باغا شوي الزيادة,وانا عارف لكانت عدك مارح تقول ليا ولكانت عدك احياتي ماتقصر معايا .

هنا كوني أكيدة راه غدي يعطيك

3*طلب أكثر من الحاجة

كطلبي كثر من لي باغا ومن بعد كديري تنازلات و هو تيحشم وكيوافق على طلبك

مثلا بغيتي 100 درهم غدي تمشي عندو وقولي ليه بغيت 200 درهم و لمكانتش عندو ولا مبغاش غدي تنقصي وتبيني ليه راكي درتي تنازلات ووبلي باغا غير 150 شوي بقاي معاه وغدي تحشميه وتقولي ليه ويالا غير 100 درهم .

انا فايت درتها مع مديري كنت باغا 15 يوم راحة وقتليه بغيت شهر وقال ليا وميمكنش وبقيت نازل معاه حتى عطاني 15 يوم لي كنت اصلا باغاها هههه.

4*أقوى مهارة هي قياسات حاجات اخرى "شونتاج".

هد المهارة تعتبر لشركات كبرى اثمن من المال وهد مهارة كيتعلموها الناس بزبابل فلوس وهي قياس حاجيات الطرف الأخر ومحاولة توفيرها و تطلب منو شي لي باغي ثم تقايضته عليها.نعطيك مثال بسيط مثلا دولة بغات تشري اسلحة وخصها تصريح دولي باش تشريها من ديك دولة بطبيعة الحال مقدراتش تحصل على التصريح ادن الحل التاني لعندها هو انها تقنع دولة انها تبيع ليها اسلحة بلا تصريح كدير واحد دراسة على دولة وكتكتشف شنو هد دولة محتاجة فكتلاحض انه عندها نسبة البطالة مرتفعة , فكتمشي عن ديك دولة وكتقوليها شوفي عطيني اسلحة بلا تصريح وانا غدي نخفض ليك نسبة البطالة بنسبة 20 % وغدي ندير ليك 500 شركة فبلادك

هد طريقة تلاحضيها بزاف عند الأنثى المغربية خاصة متزوجات مع ازواجهم باش تيكونو باغين شيحاجة فهم تيحفزو ازواجهم جنسية ولا تيشربوهم شيحاج تيخليوهم مثارين جنسية وهنا زوجة كدير خطتها و كطلب داكشي لي بغات مقابل انها تنعس  معاه.

هد طريقة خطيرة جدا راه كيستعملوها الدول العضماء بحال أمريكا لي حاط في جميع بقاع العالم لجان مختصة في تحديد احتياجات الدول و مشاكلها ونهار لي تكون امريكا باغا شيحاجة كتمشي عندها وكتقوليها انا عارف شنو باغا غنوفر ليك داكشي لي باغا ولكن بمقابل نت غدي تعطيني داكشي لي باغي.

4*مهارة التبادل (الدين)

ولي هو تعطي شي واحد شيحاجة ولا دير ليه شي خدمة واخ تكون صغيرة ونهار تحتاجو غدي تفكرو فيها وطلب منو داكشي لي باغي وهو نفسي وغصبا عنو غدي يعاونك,هد المبدأ كيدير لأي شخص عادي بالضغط النفسي. 

مثال

هد طريقة كيديروها محلات التجارية الكبرى كدخل ليهم كيعطيوك شي حاجة تاكلها ولا شي حاجة مجانية ونت كتحشم تخرج من لمحل ومتشريش ههه هدا مايسمى الضغط النفسي ههه مهيم هنتي عرفتي هد القالب هد مرة لدخلتي لشي حانوت ومول حانوت مبتسم ليك وضريف معاك عطاك شي حاجة مجانية خوديها وخرجيو بلاما تحسي بدنب  حيت مشريتي من عندو والو هو أصلا دايرها غير لعبة.

تنضن لاحضتو بلي سمسار دار خطة طيحات راجل في فخ المديون وخلاتو لاشعورية داك راجل يحس بلي راه مديون ليه وخصو يرد الجميل .

5*التباين

مريم جالس كتفرج فتلفازة واحد اللقطة شي واحد صونى ليها فتلفون وقاليها راه ولدك دار حادتة سير وملي دخل غرفة العمليات مات بارك فراسك, مريم غدي تهبط بحال مجنونة و هي كتبكي وغتمشي كتجري للطبيب ,باش غتوصل للطبيب غتلقا داك شخص لي صونى ليها ويقول ليهاسمحلي تغلط ليا ولدك مع واحد ولد اخر مات مهيم ولدك راه عايش و غير رجليه لي تكسرو , هنا مريم طبيعي غدي تفرح وبزاف حيت صدق ولدها عايش ,

تخيلو معايا داك راجل لي صونى ليها قال ليها حقيقة من لول وقاليها ولدك رجليه تكسرو واش كانت غتفرح كيف ما فرحات دب واش كانت غتشوف موضوع صغير  ؟ جواب هو لا.

خلاصة أمر هو لكان شي مشكل كبير غيجيك كبير  عادي و لكن جا قبل منو مشكل كبر منو بزاف , هنا راه غيبان ليك بلي المشكل لولاني صغير ومغديش تشوفيه بحجمو طبيعي.

نعطيو مثال اخر

طيحتي شيك فيه مليون فزنق ودازت واحد المدة ونتي تكتاشفي بلي طيحتي شيك فيه غير 20 ألف باش غتحسي ؟؟

دب غنوريك كيفاش تستعمليها فالاقناع

متال كنتي فلخدمة ونهار لخميس بغيتي تخرجي بكري مع 5 ولكن عدكم خدمة بزاف و مشيتي عند مديرك وقلتي ليه بغيت شهر كونجي هو غيقول ليك لا ميمكنش حنى عدنا الخدمة بزاف ميمكنش تخرج كونجي غتبقا معاه وتبقا متمس فرأيك , هو نت اصلا عارفو غدي يرفض ....فلخر غدير راسك حزين وتقولو صافي اشاف انا غدي نأجل لاجازة دي على ود شغل بزاف و لكن نهار خميس الجاي بغيت نمشي بكري مع  5.

وهنا المدير غدي يوافق .

مهيم هد حيلة ديرها فبزاف الحالات ونتي ودكاء.

6*حاجة صعيبة ديما مرغوبة

الى كانت حاجة غاليا وقليل فسوق كتكون مرغوبة كثر , بحال كتبغي تمشي عند شي طبيب وعندك فلوس وكتلقاي جوج عندهم نفس خبرة ولكن كتلقاي واحد غلى من اخر بطبيعة الحال غدي تختاري غالي و باش غدوزي عندو غدي تسمعي لهضرتو وتقدريه كثر من لاخر لي مرخص.

7*حنى كنتيقو فالناس لي كتشبه لينا

نعطيك امثلة باش تفهمي كثر

مثال واحد راجل جالس فقهوة وتيهضر فتلفون ومعصب من مدارس خصوصية وبلي تيشفرو الفلوس, واحد راجل حداه  تيبيع روايح و هو يسمع هدشي وتسناه حتى سلا هضرتو فتلفون وهو يقول ليه والله اسيدي عندي نفس موشكيلتك راه هلكونا هد شفار ولاد حرام وبدا يعايرهم هنا هد بائع تيحاول يكسب تقة شخص وبطبيعة الحال تيكسبها ومن بعد عاد تيقول ليه انا تنبيع روايح ونسبة كبيرة يشري من عندو.

هي انه رأي أخرين تيأثر على رأينا هدشي لاش باش تبغي تقنعي شي واحد استغلي هدشي وقولي ليه اراء الناس و لا حاولي تقنعيه قدام مجموعة من الناس لي عندم نفس فكرتك.

هد المبدأ غدي يبان ليك فالمطاعم راه باش كتبغي تمشي لشي مطعم راه غدي تختاري داك لي فيه بنادم بزاف و الزحام واخ مكيكونش عاجبك كتلقاي رجليك غادين بيك لمحل.

أجي نجربو الأقناع في التجارة

نعطيو مثال بغيتي تبيعي شي حاجة غدي نستعملو هدشي لي تعلمناه فهد الموضوع.

أول حاجة تبادل : قبل منجبد معاك موضوع البيع غنعطيك هدية صغيرة وهنا كنحسك انك مديون لي وخصك ترجع الجميل.

تاني حاجة التابين :ممكن أوريك منتوج أغلا منو 10 مرات هنا نحسسك بلي هد منتوج رخيص.

تالت حاجة صعوبة : ممكن غنقول ليك مشي أي واحد يقدر يشريها وان هد منوج اصلا مكيتباعش هنا وراه قليل فسوق هنا تنحسسك ان قيمتو كبيرة بزاف.

رابع حاجة تشابه: غنحاول نبين ليك راه عندي نفس أفكارك وشبهك في اختيار هنا غنحسسك اني شبهك وغدي طمئن ليا

اقرأ المزيد »

تعلمي الشطارة في الشراء(بالداريجة المغربية).

لطالما المغربيات تشهرو بقدرتهم على المساومة يعني شطارة فالبيع , ولكن مع الوقت ولاو بنات مغربيات غير قادرين يساومو وهد قدرة بدات بانقراض هدشي لاش فهد الموضوع غدي نعاودو احياء هد الموهبة.

ومعروف في المغرب بنت لي تعرف تشطر كتكون قافزة ودكية وحقها متزكلوش .

عمرك تمشي عند بياع وشراي  وتبزي عليه يبيع ليك شي حاجة صحا وبلا خاطرو ولاطيحي منها, حيت قال الله تعالى ( يَا أَيُّهَا الَّذِينَ آمَنُوا لا تَأْكُلُوا أَمْوَالَكُمْ بَيْنَكُمْ بِالْبَاطِلِ إِلا أَنْ تَكُونَ تِجَارَةً عَنْ تَرَاضٍ مِنْكُمْ ) سورة البقرة آية 188.

وقال رسول الله صلى الله عليه وسلم («إنما البيع عن تراضٍ»).

يعني من لخر مدليش راسك ومطلبيهش مبغاش يبيع ليك من حقو تاحج ماهي بزز مبغيتيش تشري بداك تمن من حقك توحد ميبزز عليك تشري من عندو بداك ثمن حيت لفلوس ديالك تشري بثمن لي بغيتي وحوايج دياولو يبعيه بثمن لي بغا.

فلول غنقولي معلومات خصكي ضروري تعرفيهم من بعد عاد ندوزو لهضرة الشطارة.

 1- تعلمي ديما باش تدخلي لشي محال وكانت عاجباك شي حاجة عندو متمشيش ليها نيشان متبينش ليه راه مهبلاك حيت غيزدحك فالثمن ومغديش يبغي ينقص ليك.

2-حاجة لي غدي دير هي باش تدخلي هزي شي منتوج أخر وتساومي معاه فثمن وهزي حاجة أخرا وساومي معاه وعاد رجعي لمنتوج لباغا مهيم فلخر غنعطيك مثال باش تفمهي كثر.

3-ديما حاولي دي معاك شي حد , غدي تهبطي ليه ثمن مثل هو قاليك ب100 درهم غتقولي ليه لا غير ب60 درهم هو غيقوليك 90 درهم غتبقاي معاه هكا هكا غتقولي لي 70 درهم ومغديش يبغي بقاي معاه ينقص ليك مغديش يبغي هنا غيجي دور صحبتك لي غتنقز وتقوليه يالا خليها غير ب80 درهم هنا مليون فمئة غدي ينقص حيت حنى البشر بطبعنا نحب أمور الوسطية.

4-ديما هبطي ليه ثمن خصكي تعرفي بلي ثمن لي تيبيع بيه راه مشي هو الثمن حقيقي تاع منتوج ديما تيزيدو ديك 30 حتى ل60 درهم فوق تمن منتوج أصلي.

5-وياكي ثم وياكي تساومي بياع قدام الناس هدا راه كيطيح منو ومكيرضاش قدام الناس هدشي لاش متيبغيش ينقص تيبغي يبين لناس ان اثمن عندو مكينقصهاش باش ميضسروش عليه, مهيم ديما تفاداي تساوميه قدام الناس بزاف.

6-ديما شكريه وشكري سلعتو وكبري بيه مطيحيش منو وخصوص قدام الناس ولكن نقص معاك جيبي صحبتك لعندو وشكريه قدامها هدا تيخليه ديما يدير معاك مزيان.

7-اي بائع تيكون متوقع تساوميه على منتوج هدشي لاش تيزيدو الثمن فوق الثمن اصلي للمنتوج يعني الربح ديالهم ,حاجة وحيدة لنصحك بيه مطلبيهش ينقص ليك حتى النص هدي راه اهانة ليه وحشومة كاع.

8-متبينيش ليه نهائيا راه منتوج عاجبك بزاف خلي تعابير وجهك عادي , خليه يحس بحال زايد ناقص عندكي.

9-كوني مستمعة سمعي كثر متهضري باش تغلبيه حاولي متبقايش طيري فالهضرة , بقايا مركز على هضرتو باش تعرفي وقتاش تحبسي مساومة معاه ووقتاش تعرفيه متردد وغيقبل الثمن.

10-لحسيتي بالبائع متردد هنا استغلي هد اللحضة وقولي ليه هدا اخر ثمن نعطيه ليك و لاقولي ليه هدا جهدي ولا قولي هدشي لي عندي وجبدي وريه فلوس.

11-متلحيش عليه بزاف باش هو ميتكبرش عليك خلي عند ثقة

دب ندوزو لطريقة شراء منتوج لي باغا بشطارة المغربية.

1*غدي دخلي لمحل لي نتي باغا تشري منو و تقولي "سلام" ونتي مبتسمة وتكون لابس لباس عادي باش البائع ميتمعش فيك ويزدحك بشي ثمن ,مهيم كوني مبتسم وبشوشة الوجه وصوتك يكون حنين وبلا داك طنيز وطيحي من قيمتو وقيمة منتوج لي تيبيع غير بلسان حلو راكي غدي تاخديه بالثمن لي بغيتي, وديري فبالك هو راه مشي خدام عدك , راه بحالك بحالو عامليه زوين غيعاملك زوين وعابخاطر راه غدي تربحي.

2*نقولو مثل عجبك شي حاجة عندو حمقاتك غدي تخليها هي لخر مهيم غدي تهزي شي حاجة اخرى حتى هي عاجباك وتقيسيها ولا كان تلفون قلبيه مزيان وسوليه على مميزاتو و من بعد سوليه "بشحال هدي" غدي يقول ليك قدا و قاد  غدي تقولي ليه "الله ياودي غليتي عليا بزاف لا ؟" 

غيقوليك "مغليتش هدا هو الثمن" قولي ليه"واصاوب صاوب نقص هدا راه مشي ثمن ديال بيع راه غليتي عليا".

بقاي معاه نقص مانقص غديري راسك معجبكش الثمن وغدي تحطي ليه منتوج وتقولي "هدي غاليا متفهمناش عليها نت كتغلي".

3*غتمشي تهزي منتوج اخر و تقولي ليه "وهدي بشحال".

غدي يقول ليك قدا وقدا غتقولي ليه "لا لا أودي نت كتغلي راه باليا نت مبغينيش نشري من هد المحال"☺️.

دب نتي مزال موصلتيش لسلعة لي باغا .

4*نتي غدي ديري راسك بحال خارج من المحال وغدي تهزي منتوج لي كنتي باغا وديري راسك ممسوقاش وغتقولي ليه بطريقة فاقدة امل منو هه "وبشحال هدا".

غيقوليك قدا وقدا غتقولي ليه "وصايب معايا فالثمن ولاغتجري عليا"

هنا نسبة كبيرة انه غينقص ليك الثمن .

 وهنا غتجبدي ثمن لي باغا وتكمشيها ليه وتقولي ليه "يالاه صافي 70 درهم ثمن مزيان والله هدا هو جهدي".

ملاحضة

الا مبغاش ينقص ليك صافي مطلبيهش وبقاي محافض على كرامتك وقولي ليه  "صافي أخويا سمحليا الله يجيبليك التيسير" .

بعد الجمل تاع شطارة في الشراء بالداريجة المغربية

*وصاوب صاوب

*راه لنقصتي 20 درهم مدات مجابت راه فلوس تمشي وتجي مهيم هي المعاملة.

*راني جيت نيشان لهد المحل وشحال من حانوت خليت حيت صحبتي وصاتني نجي عدك وقاتليا راك كتعامل مزيان وتتفاهم فالثمن.

*دب هدي بشحال...لاواه سمحلي خداوها ناس تنعرفهم غير ب70 درهم من عندك ميكدبوش عليا.

*هو : كنبعوهم ب 250 غي نتي قلت ليك 200 

نتي : ههه لا غي نقص

هو : نخليها ب 199

نتي : نو خليها ب 150 

هو : لا مايمكنش مامسلكاش 

نتي لا مسلكاك

ولا مبغاش ينقص ليك  قولو صافي أخويا سمحليا الله يجيبليك التيسير وسيري وهو غايقوليك أجي زيديني 10دراهم وديها قولو لا والو أخويا انا قلتليك اللي عندي وغايجمعهاليك فبلاستيكة وبالصحة والراحة ههه

*مثلا قلتي ليه 70 درهم وهو قاليكك 90 بقاي معاه هكا وفلخر قولي ليه 80 درهم أخر تمن لا دب مدويش منزيدكش ريال فوق هدشي.

*ولفنا المحال شوي زعم اول مرة غنجيو ناخد شي حاجة من هنا.

*باركا عليك الا زيد نقص مكاين لابراك لاوالو انا تنازلت وطلعت حتى ل25 حتى نت تنازل.

*غير تصاوب معايا

*غير نقص شوية راه مازال تابعني بزاف الحاجات نشريها

*من لخر اخر تمان ...

* شراتهم بنت خالي غير 150dh , صاوب معايا باش المرة الجاية نولي ليك.

* أويلي بزاف 200 أخويا و صاوب معايا خلليها لي ب 150 درهم إلى گالك لا لا و الله ما فيها گولييه غير صايب معايا يجيب الله تيسير إن شاء الله مزالة راجعاا عندك خاصني شي سبرديلا مزال و نتي غ كذبيها مضوريش عندو مزال ههه.

*دير شي ثمن زوين خلينا نوالفو المحال راه تابعنا شلا حوايج.

*اقول زيدي قوليه ما نزيدك غا صلاة على النبي راه محالنا هادا زعما خلينا باش نكونو كليان راه قلتليك صافي هيهي ايلا مابغاش قوليه صافي مبغيتيش او سيري هههه.

*قولو انا طالبة وباقي تابعني الكرا والمصروف ومالين الدار بعاد هههه

*شي كلمة زوينة ديال البيع باش نعودو نرجعو عندك

*قولو اخاي شحال اخر ثمن........قولي ليه زيد نقص شويش الى قالك مافيهاش سيري بحالك زيدي فتشي فشي محل اخر هو لا بانت لو مسلكة غيعيط لك مسلكاتوشي غيخليك تمشي ونتي عاود الى جبرتي قل منها فجهة اخرى شري مجبرتيش رجعي ديها منو.....وهذي هيا شطارة.

*شحال تخليهلي باخر تمن ادا عودلك نفس تمن قولو ونقص شوية زعما جيت عندك نيشان.

*قولو انا را غا تانقرا ماشي خدامة غير نقص نقص باش ديما نبقا نجي نتقدا من عندك.

* اويلي اخويا هاذي بربعالاف لا لا غليتي علينا و حنا يلى قصدناك و عجبنا المحل و بغينا نجيبو ليك كلاين اخرين و انت تقول لينا 200 درهم و نقص شويا شو نعطيك 170 منزيدكش عليها يلاه صلاة على نبي جمع دوك جوج فردات و خلينا نتوكلو على الله يلاه الله يرضي عليك راه باقي غادي نجيو ناخدو من عندك بجوج و ثلاثة غير تصيب معانا باش نرجعو عندك .

*قولي ليه خود 20 درهم ولا 10 دراهم ديال الربح ديالك وإلى غشيتي بينك وبين اللي خلق هههههه .

*عطيه شي ثمن طايح بزاف باش يقولك اوا نقصتي بزاف و بداي تزيدي شوية بشوية حتى توصلي للثمن لي بغيتي و قولي ليه هذا هو جهدي الا مابغاش قولي ليه الله يعاون وبلاما تبيني ليه بلي محمقاك ديك السبرديلة حيت غايتسيف عليك.

*ههههه احم احم قولي ليه راه حنا كليان زعما ومني تاهذي قولي ليه صايب معايا راه اول مرة نتقدا من عندك باش نولف المحال ونبقا نتقدا ديما.

*قوليه نقص شوية خلينا نولفو المحال.

*دير تمن ديال بيع مزيان راه جيت عندك نيشان دير شي تمان ديال الخوة فاش يعطيك تمن قوليلو لا بزاف نقص نقص وصافي قولي تمن لي بغيتي من بعد قولي ليه صلي علا نبي صافي.

*كولي ليه شت بحالها فحانوت اخر بقل

*Akher taman 3andek. Ghaygolikk.... golihh la ana 

Jit 3andek neta direct hit wahed sahbty kat9da 3andek ogatlii 3andek haja .zwina okatsaweb f taman dakchi 3lach ob9ay meny menek hta takhdiha 9ell

تنويه 

متنسايش باش تفاهمو على تمن شكريه وبتاسمي فوجهو وقولي ليه كلام زوين باش يبقا يتهلا فيك:

*صراحة سلعة عندك شهوة منها غدي نعود ديما نجي نتقدا من عندك وحتى نت مبشور مشي بحال دوك بياع وشرايا لي ديما معبسين.

*الله يجيب تيسير.

*الله يعاون.

كتبو لينا في التعاليق عن كيفاش كتشطرو فالبيع.

اقرأ المزيد »

كيفاش تقنعيه وتخليه ينفد ليك طلبك (علم النفس)

كيفاش تخلي شيواحد ينفد ليك طلبك ولا يوافقك رأيك على شي موضوع ولافكرة ولا حتى تخليه يعاونك فشي حاجة هد نصائح لي غنعطيك راهم من علم النفس مجايباهمش من مخي:

 ==>لبغيتي شي واحد يعاونك بلاما تبقا تدخلي وتخرجي فالهضرة حيت كاين ناس كيستعملو حيلة الغباء وتيديرو راسهم مفاهمينش .

فقط قولي ليه مباشرة" انا بغيتك تعاوني" لاشعوري غيعاونك حيت كلنا تنكرهو تأنيب الضمير ومعدو كيفاش يقوليك لا.

==> الا بغيتي طلبي شيواحد متقوليش ليه واش "تقدر" ,هنا بحال كتعطيه فرصة انه يرفض  خصكي تأمريه بطريقة غير مباشرة مثلا

خطأ : واش تقدر تهز معايا سداري ؟

صح : عافا خويا مهز معايا هد سداري ؟

==> في حالة باغا تقنعي شي حد يدير ليك شيحاجة متسوليهش "واش باغي" نعطيك مثال بغيتي صديقك يسلفك شي قميجة متقولش ليه واش ديك قميجة واش مزال عدك لااا قولي ليه وقتاش ندوز عدك تعطيني القميجة.

  ==>كنتي غادا فطريق  مع صحبتك ونتي هاز التقل وبغيتيها تعاونك ونتي عارفاها غدي ترفض . غتجبدي معاها شي موضوع على راسها وهي غتبقا تهضر ونتي فواحد اللقطة غتنزلي تصايبي سبرديلتك مثلا و غتعطيها صاك هي بلا شعور غتشدو وتبقا غادا معاك وهي كاعم على بالها راه هاز حيت تركيزها الكامل على هضرة حيت حنا كلنا تنبغيو نهضرو على راسنا وعلى مشاكيلنا.

 ==>حيل السابقة تقدري ديريها فبزاف لحوايج بحال تبغي شي واحد يوصلك و يدير ليك شي طلب راه مع هضرة كاعم تيحس براصو ونتي وشطارتك  في استعمال هد الحيلة.


==>لبغيتي ناس يتيقو هضرتك بقاي تهضري بأسلوب واتق مثلا :

شوفي هد جوج جمل انى وحدة لي بانت ليك تقتي فيها كثر:

1.تضني هد حيلة زوينة

2.هد حيلة نفسية واعرة.

بطبيعة الحال جملة تانيا حسن..

==>ونزيدك حاجة اخرى لبغيتي ناس يتيقو فيك ,ديما استعملي اسلوب ادخال لي هو تتخلي بنادم يحس راسو عارف مثل نتي كدوي على شي معلومة وهمية وبغيتي ناس يتيقوك "غتقولي ليهم كيف مانتوم عارفين راه شمس كدور من الشرق يعني ..." ولا تقولي نتي عارفاني كيدايرا...

هنا طرف اخر متيقدرش يقول ليك لا راني معارفش راه غتجيه حشوم وكتنقص منو.

==>كيفاش تخلي ناس يتصرفو على هواك نتيا هد حيلة جد فعالة مثلا بغيتي شي واحد  يقول على ماكلتك زوينة عطيه يدوق وقولي انا عارفاك دواق واعر ولا مثلا بغيتي شي واحد يسلفك بقاي ديما تقولي قدام بلي هد شخص كريم وسخي ومتيبخلش على راسو هو لاشعوري مع وقت كيتيق هد هضرة.  

راه نفس امر الى بغيتي شي واحد يولي يبغيك بقاي ديما تقولي ليه انا عارفاك كتموت عليا كتبغيني متقدرش تعيش بلا بيا نتمنى يكون ميساج وصل.

==> لبغيتي شيواحد ينفد ليك شي طلب فختار وقت لي تيكون فيها عيان فهد وقت متيكونش قادر يفكر يعني باش غطلبيه غينفد ليك طلبك وكاعم يفكر فموضوع بزاف ولا قاليك لا بقاي لاصقاه وحيت هو عيان غيبغي غير يتهنى منك ويقولك اه.

==> ونفس امر مع الغضب و فرح  غتسوليني كيفاش ؟ باش تجي وتلقاي باباك معصب دخلي عندو وحتى نتي ديري راسك معصبة و قولي ليه لي معصبني هو بغيت نسافر مع صحباتي وفلوس مكايناش راه مليون فمية غدي يعطيك فلوس الا في حالة لكان مسكين معدوش ههه مهيم نفس امر طبقيه فالفرح لكان فرحان حتى نتي كوني فرحانة وطلبي امر.

==> بغيتي فلوس من عند شي حد طلبيها كبيرة من عندو مثلا بغيتي 200 درهم قولي ليه يسلفك 300 درهم غيرفض من بعد غدي ترجع عندو وقوليه يالا سلفني غير 200 درهم كتحشميه بهد حيلة و كيصدق مسلفك .

 ==>عاوني بنادم ونهار لي تبغيه يعاونك ورفض فكريه فالنهار لي عونتيه حيت انسان بطبعو تينسى هدشي تيخليه بزز عليه يعاونك قولي ليه واخ عليك نسيتي نهار لي عاونتك ....

==>الا بغيتي شيواحد ينجح مثلا. قولي ليه مغديش تقدر تنجح بحال كتستهزئ بيه و غدي تلاحضي غيدير لي فجهدو باش يبين ليك عكس هد حيلة استعمليها في طلباتك مثل نت راه متقدرش تهز هد سداري بحدك.

==> لبغيتي طلبي شيواحد مكتعرفيهش فلول طلبيه طلب صغير عاد من بعد طلبيه طلب كبير .

شاركونا برأيك في كيفاش كتخلي طرف الأخر ينفد ليك طلباتك.

 ==> الا بغيتي شي حد يوافقك الرأي حركي رأسك حركة موافقة و شوف فعينيه هد حركة بحال كتخاطب عقله باطني وكتقوليه بلي هدشي لي كتقولو نتي صحيح.

اقرأ المزيد »