‏إظهار الرسائل ذات التسميات بوركابي. إظهار كافة الرسائل
‏إظهار الرسائل ذات التسميات بوركابي. إظهار كافة الرسائل

4/09/2020

كيفاش نخليه يفكر يتزوج بيا (خاص بمصاحبين)

سلام عليكم أيتها الانثى المغربية يوم فهد موضوع غدي نقوليكم طرق تخلي دري لي مصاحب معاه يفكر يجي يتزوج و يفكر بيك كمراتو.
أول نتفاهمو على واحد حاجة اغلبية رجال الا مقلناش كلشي . باش كيتصاحبو مع شي وحدة فلول مكيكونوش ناويين حلال و مناوينش يتزوجو بيها . راه واخ يقوليك نتي حلالي و ناوي نتزوج بيك و كنشوفك مراتي راه غير كيكدب عليك . راه دراري ولاو عايقين بلي بنات كيدوخهم الزواج هدشي لاش كيدخلو بهد الدخلة  و كيبقاو يتعاملو معاك على هد اساس اما نواياهم حقيقة شيء اخر .
كيف أجعله زوجي

و هنا فين غيجي الدور ديالك لي هو تخليه يفكر فيك كزوجة مستقبلية ليه ويشوفك مراتو .ونزيدك الراجل راه فالداخل ديالو مستحيل بل من 7 مستحيلات يفكر فالزواج في بداية العلاقة. حيت دراري هكدا طبيعتهم . كيقوليك انا نتعرف على بنت فلول و نعرف شخصيتها و طريقة معاملتها ونشوف واش نتوافق معاه و عاد نفكر فالزواج بيها .
"بطبيعة الحالة مكنعممش كاين لي باغي غير يتزوج كيقلب على زين و فورمة و عائلة و كيمشي يتزوج تصدق ليه و لامتصدقش هانيا عدو مهيم هو عدو الفراش و ماكلة مزوج بخدامة و صافي "
معليناش نرجعو لموضوعنا دب حنا تنهضرو على بنات لي مصاحبين لي كيهضرو مع شي ولد و بغاو يتزوجو بيه.
غنقوليك خطوات صحيح تاع بنت مغربية الحرة لي تخلي اي راجل يفكر يتزوج بيك.
"هدشي غيصدق مع رجال مشي براهش"

1-قنعيه بلي نتي بنت الناس
-وياكي ثم وياكي تبيني لراجل لي نتي معاه. بلي راكي فايت مصاحبة و لا فايت داخل فشي علاقة غرامية . خصكي تقنعيه بلي راكي عمركي عرفتي شي راجل قبل منو وبلي هو الوحيد لي تعرفتي عليه فحياتك مهيم تقاتلي وقنعيه واخ يسولك و يعاودك وميتيقكش واخ تكوني نتي زوينة حيت دراري باش كيشوفو بنت زوينة ومهلي فراسها وفي مرحلة الشباب كيقولو ميمكنش تكون عمرها تصاحبات ...قنعيه بلي عمركي حسيتي و لا حبيتي شي واحد قبل منو مني غيسولك علاش عمركي متصاحبتي.
قول ليه كانو بزاف دراري كانو كيحاولو يتصاحبو معايا و لكن انا ديما كنت تنرفض معرفتش علاش نت وحيد لي مال ليه قلبي وحسيت بالامان معاه و حسيت بيك محترمني .قولي ليه انا مكنحسش بالامان غير مع بابا و خويا ولكن سبحان الله نت كنحس معاك بالامان معرفت علاش واش طاقة معرفتش هكدا كنحس باش كنكون معاك...دوي معاه بحال هكاا اكي.
حيت راه اكبر خطا تقدري ديري فحياتك هو تقولي لدري بلي راكي فايت مصاحب . حيت بوركابي المغربي مدخل فراسو بلي لبنت لي فايت مصاحب راه 100 % داير شي حاجة تاع حرام مع اكس ديالها وكاعم كتصلاح لزواج... وحتى لتزوجتو بيه راه ديما غيبقا يعايرك باكس ديالك هدشي لاش تجنبي نهائيا تعاودي ليه على ماضي ديالك لي فات مات نسايه عداكي تقولي مع راسك غنكسب عطفو و لاغتجيه غيرة ولا غنبين ليه بلي راني كانو كيهتمو بيها دراري قبلو...راه غير كتخربقي حيت  هدشي غيجي بنتائج سلبية عليك وغدي تخسريه ومن لخر غيولي يشوفك ق@@@  ونساي شي حاجة سميتها لحلال.

2-لفهامة عند لمرا نقمة
دراري كيكرهو بنت عايقة و فايقة مكيحسوش برجولتهم معاها نهائيا. راه واحد مثل مغربي كيقول "لفهامة عند لمرا نقمة"  راه رجال لفاهمين كيختارو زواج بمرا لي قلة عرف و فهامة باش يعيشو مرتاحين في علاقتهم الزوجية .حتى راجل معزيزش عليه نكير و كثرت لفهامة و لغيط خاوي هدشي كيدمر اي علاقة كيف مكانت.
شوفي راه واخ تكوني نتي كطيري مع طيور و عارف كاع تحراميات بيني ليه بلي راكي درويشة و بينك و بين تحرميات غير الخير والاحسان .
دوك نقاشات الحادة لي كتبغي تبيني فيهم قوتك وفهامتك عليه غير بعدي منهم حيت بكل بساطة هو كيحس بنقص وكيحس راسو ضعيف معاك .عمركي تحاولي طيحي بالراجل نهائيا ولاتحسيه بالضعف.

3-راجل مشي اوبن مايند
وياكي ثم وياكي ثو وياكي تعاودي لراجل على شي ولد و لا على شي قصة حب كانت فالماضي ديالك متحاوليش تباني عليه فهد المسائل حيت راجل مكينساش وراه مشي اوبن مايند هداك لي كيقوليك عادي عندي راه غير كيكدب عليك اختي راه راجل فهد المسائل تاع ولاد  كيولي معقد جدا جدا وخصوص راجل عربي راه هكدا تركيبة ديالهم.
3-كوني نية مكتفهمي والو فالحرام
ديما نتي معرفاش و خصوص تحراميات و حاجة حرام بيني ليه عمركي سمعتي بداكشي و لا عارفاه وخاصة الجنس وياكي طيحي فداك الفخ راه واخ تكوني شابع بوسان قولي ليه عمرني .
نتي مكتعرفي والو نتي نية باش تكوني مع راجل كوني طفلة يعني برائة راه رجال كيموت على هد نوع كيبان ليهم هد نوع صالح لزواج .رجال بطبعهم عزيز عليه وتيحماقو على لمرا قلة عرف و بريئة و ضريفة هو كيقول على بالو هدي ساهل نحكمها مغديش تخرج من طوعي .ولكن هو مفخباروش راكي مطبق داك مثل لي كيقول "تمسكني حتى تمكني ".
متحاوليش تبيني ليه راكي كتعرفي فشي حوايج مشي فكلشي .فشي حوايج خصكي تبيني ليه راكي دكية فيهم وليني باش تكوني معاه فشي حوايج بحال (علاقات , الجنس , عادة السرية  ,الشراب  ,لكارو , لحشيش , بزناس , شيشة ,لعرى , سخط وليدين , زناقي ,دراري ,تصاحيب ,تخصار الهضرة....) بيني ليه بلي راكي مكتعرفي والو فيهم.
راه هد تفاصيل صغيرة كيلعبو دور كبير في علاقتك معاه فكوني دكية و استغلي هدشي مزيان.

5-متبينيش ليه جانب مضلم منك
-نهار لي تكوني معصبة و معدكيش لكانة متلقايش معاه ومتهضريش معاه حيت طاقة السلبية غتوصلو و مغديش تكوني على طبيعتك و يقدر يبان واحد جانب منك يكرهو فيك .
-متكرهيهش فمستقبل معاك متقوليش ليه الا تزوجنا مغديش تبقا تخرج هههه غدي تخليه يكره زواج حاولي تخليه يحس بالامان و بلي ضروري خصو يتزوج بيك  خليه يحلم بنهار لي تكوني حلالي قولي ليه غنبقا نتهلا فيك و نحسن ليك فهمتي ههه خلقي ليه واحد مستقبل زوين مثالي . وعرفي شنو كيخلعو من زواج و طمأنيه .
6-ماماه هي سر
الا طرا وعرفك راجل بماماه و لا ختو عرفيه ناوي معقول حيت الأم عند مغارب شي حاجة مقدسة يعني راه كيفكر فيك بالمعقول ولكن هدشي مكيخليكش كي حيوانة و يلعب عليك كاين دراري لي مكيهمش الامر و عادي يعرف ماماه بالبنات لي كيهضر معاهم اوبن مايند . نتي ديما ديري احتياطك وصافي متكونيش ساهلة.
-كيفاش أصاحبتي يغدرني كنقولك عطاني مو هضرت معاها فتلفون وقاليها خودي دوي مع مرات ولدك 🙆🏻‍♀️🤦🏻‍♀️🤣🤣
مهيم راجل الا وراك لمو مشي هي يوريك لصاحبو كاين وفرق كبير . 
7-ستغلي ماماه باش تكسبي حبو 
وياكي تشري لكدوات لمامه قبل متكون شي حاجة رسمية و لكن غتشري ليها بطريقة غير مباشرة مثلا نفتارضو هو عرفك بماماه و لا عمرو عرفك عليها فحالتين هيجي غيقول ليك راه غد عيد ميلاد الوليدة و لاكاين شي مناسبة بحال عيد الام و لاعيد المراة مهيم شي حاجة خاصة بالمرأة ...نتي غتمشي تاخدي شي حاجة رمزية و نسطر على ديك رمزية عداكي تشري شي كادو غالي  تكون قيمتها قليل يعني عادية فالثمن على قد جيبك.
عداكي تعطيها ليها نتي و ياكي حتى لو كنتي كتلقاي معاها  . غدي تعطيها ليه هو وتقولي ليه : هدي عطيها لخالتي و لا طاطي ولا ماماك هدي من عدي ولين عافاك احياتي متقولش ليها راه من عندي عطيها ليها كأنك نت لي شريتيها ليها .
هد تصرف الى درتيه راكي واعرة حيت راجل كيف مكان عندو واحد رابط مع الام ديالو كيف مكانت . نتي الا بينتي ليه انكي كتهتمي بعلاقة لي بينو و بينها و بغا تقربيه لماماه هدشي كيخليه يشوفك تصالحي تكوني زوجة ليه.
وتيقي بيا الا قتليك بلي راه غدي يقول ليها بلي فلانة لي جابتو ليك واخ غدي يواعدك مغديش يقولها ليها وهنا غتكوني ضربتي عصفورين بحجر واحد هو و ماماه .
نتوم عارفين بلي بوركابي ديما عندهم داك حاجز تاع الام و كيقول بغيت غير شي مرا تهلا ليا فالوليدة.
8-كوني متبة و مرزنة
باش تكوني معاه وياكي تكوني خفيفة و كطيري من مقلة . كوني ثقيلة مرزنة عارف اش كتخرجي من فمك و أش كديري بيديك متحكمة فأفعالك وتصرفاتك . بنت تقيلة هي لي شخصيتها متوازنة مشي برهوشة كتنقز ليه فوق راسو . وحتى من ضحك ديالك تكون بقاعيدة راه كلشي عارف بلي رزانة و تباتة مرتابط  بزوجة و بالمرا تاع دار . 
9-راجلك مشي هو صحبتك 
اكبر خطا كيديروه البنات كتبقا تعاود لراجلها على جارتهم وال خبير خاوي وناميمة و لا تعاودليه على شي ولد واش من نيتك هاعار واش معدك عقل راه ديك هضرة لي كتعاوديها لصحبتك متجربيش نهائيا تعاوديها لراجلك راه عقل راجل مشي هو عقلنا تفكيرهم مختلف علينا واخ يبان ليك مهتم بداك شي لي كتعاودي راه غير كيدير ليك خاطرك هدشي لاش ديما هضري معاه فالمهم وداك تخربيق و تبرهيش خليه لصحبتك.
10-ماطرياليس (مادية)
عدو الرجال كيكرهوها كره شديد لايوصف اصلا عالم عربي كلو واخد نضرة خايبة على مرأة المغربية كيقولو راه كتموت على فلوس و الطونبيلات لأسف شديد عديد من بنات المغربيات خسرو نظرة المرأة المغربية الحرة .هدشي لاش كتلقاي راجل المغربي مقروص من جيهة الفلوس ....وياكي في بداية العلاقة طلبي منو فلوس و لا تعبئة ويلي ويلي راه بحال ضربتي كلشي فالزيرو راه يمكن يسيفط ليك ديك 10 دراهم تعبئة و لكن تأكدي بلي مغديش يفكر فيك فالحلال .
حيت غير كتبدا لمرا كطلب من راجل طلبات مادية صافي كيقول هدي ماطرياليز ادن هي غدي تاخد و انا ناخد غدي يتعامل معاك بهد الاساس  "هاك و را ".

11- الاحساس هو كلشي 
نتي غتلعبي على هد الوثر لي هو الاحساس و مشاعر بيني ليه بلي نتي مشي مادية مكتهمكش فلوس و مضاهر لي كيهمك "هو" كشخص هدشي بغيتك تقنعيه بيه واخ تكوني نتي عكس ولكن ضروري متبينيش ليه داك جانب مادي ديالك.

12- عداكي طيحي فالفخ
دراري والله عايقين بالتحراميات و ولاو بزاف الكروبات كيشجعو الرجال على تجربة البنات غنقوليك بعض تجارب لي كديرو دراري وخاصة لكنتي زوينة 


يجربك واش ماطرياليس ؟؟
غدي يعرفك بشي صاحبو يكون لباس عليه و حسن منو وغيشوف ردت فعلك وكيفاش غدي تصرفي مع هد صاحبو هنا بطبيعة الحال خصكي تكوني دكية و تستغلي هدشي حاولي تجلسي حداه تقربي منو تكبري بيه قدام صاحبو. خلي راجل يحس راسو مهم و بلي كتبغيه و هدشي خصو يبان فالتصرفاتك معاه قدام الناس.
يجربك واش غتوقفي معاه ؟

يقدر يصوني ليك فليل و يقوليك راني محتاج روشارج راني واحل 

خلاصة
نتمنى نقدر نكون وصلت ليك فكرة و واحد حاجة راجل لشتيه باغي معقول معاك كوني حتى نتي معقولة متبقايش تبرهشي وبدلي نمرة و ركزي عليه غير هو. 

11/14/2019

ﻗﺎﻟﻴﻚ علاقتنا سلات ! 😮 كيفاش غتصرفي و تخليه يندم 😤

كيف تتعاملين مع شخص انفصل عنك شنو تقولي لبوركابي لي انفصل عنكي

✍كاتبة مريم لوميك من مدينة فاس 
الا قالك سي بوركابي سالينا اولا انا وياك مبقا بيناتنا والو لول حاجة ديريها فراسك احبيبتي مادام غاليك تساليو و تعصب هادا شيء ايجابي لانه مادام كتعصبيه وتخليه شاعل يعني انك نتي كاينة فلوتر الحساس ديالو بمجرد تحريكة كتبدليليه النغمة هه .
مادا تفعلين بعد ما قال ليك علاقتنا سلات؟

 وكوني اكيدة ملي كايقوليك سالينا اول حاجة متقوليهاش هي علاش ولا كيفاش ولا شنو درت تما كوني اكيدة غيغلبك لانه هو كايعاين ديك اللحضة لي غتقوليليه علاش تما اينفجر عليك خصوصا لا كنتي مزبلاها معاه هو كايبغي يشوف ردة الفعل ديالك كيفاش غاتكون ويعجبو الحال أنه غادي تبقاي تزاوغي فيه وترغبي تما سيدك بوركابي كتحلو وغيشنك أول حاجة ملي يقوليك سالينا جاوبيه ببرودة و قولي ليه "واخ لي بغيتي الله يعاونك اولد ناس" وكلام لي يقولو ليك من بعد خلي ليه vu و ديكونيكطي و هو ملي غاتسدي نتي غادا تجيه ديك الحالة ديال تأنيب الضمير نتي ملي تسدي طلقي شي ستاتي وارالك لشطيح ونشاط وملي تفتحي بينيليه بلي تقبلتي هضرتو عادي و وبدلي اسلوبك معاه فهضرة  180 درجة هضري معاه بواحد برودة و رسمية خليه يحس بلي ولا شخص عادي بحالو بحال اي واحد مكيسوى عندك والو وبلا مانوسيك متجاوبيهش على ميسجاتو بدغي و لي قالها ليك قولي ليه "أه" "واخ" "يالا نخليك دب" و سير هضري مع صحبتك ولا مع شي صديق وخليه يتقلى بوحدو
نعطيك 30 تانية بكثير الى عاملتيه هكا و خلتيه كيهضر بوحدو تما ايولي يزاوك وياتكتبي سطاتيات د لحزن والزعتر ولكن ملي تحلوني عليه عنداك اطيحي عليه دميعات من مور كلافي نقج مك.
 لبنات هم اكتر صبرا من الرجال والله تا قالي نساليو قتلو اوكي وبقا يحاجي ويفك وحقا هي تحدي و داكشي والله وانا غانوريكم.داكشي بالتفاصيل مكندويش من فراغ احبيباتي وشي حاجة مكنجيبهالكم تاكندوزها ونجربها لانه نتوما حبيباتي منقدش نجرب فيكم نجرب فراسي عاد.نتوما بحال داك.خونا لي كيكون فسوق جامع جوقة ويبيع دوايات والعشبات ب 10 دراهم كيجرب كدام بيبليك عاد يبيع هنهننن ناني حاجة بيبتي
خلاصة 
 خاصكي تحطي واحد 3 خطوطة 
💖 الأول الكرامتك ولي هي فوق كلشي كرامة ديما كتخليك عزيزة و معززة ومكرة في عين أي واحد هدشي لاش حافظي عليها.

💖 الخط التاني ديال تاشي ولد الكلبة مايستاهل نطيح عليه دموعي ويبكيني ويخليني مفقوصة ديري هدي حلقة في ودنك.

💖 الحاجة التالتة لي هي البنت كتبقا بنت وبلا بيها الولد ميقدرش يعيش؟
نحن خلقنا حتى نربي الرجال هده موهبتنا من عند الله عز وجل يعني تربية معطية لينا أي ولد تقدري تربيه كيف مابغيتي.

💖حبوبتي الى كان بوركابي كيعاود ليك و من نوع لي سكوتي راه ميقدش يبقا بعيد عليك حيت اللا كانكيشوفك كمتنفس الوحيد ديالو راه ملي كايقوليك سالينا كيبقا يهدر معاك باش يشوف شنو تحت راسك و كيتسنا ردت فعلك لي تخليه يحس بلي راه مهم ...حيت لي باغي يسالي معاك تاع بصح غدي يقوليك سالينا و غيبلوكيك و كاعم يتسنا يشوف ردت فعلك  .


لي سالات القرايا تخلي شي ملاحظة على الموضوع فقط لي تشجيع ره مغديش نولي مليونيرا بتعليق و كلمات شكر.

11/12/2019

كيفاش تخلي حبيبك يولي يحماق عليك و يشوفك كي الملاك



✍ كاتبة لبنى مولات  دلاح  
موضوع كيفاش تخليو بوركابي يبغيكم و يموت فبراؤتكم
أول حاجة هادشي ديريه مع واحد يستاهل يعني راجل ماشي برهوش حيت غير الرجال لي كايأثر فيهم هادشي مهم:

❤ أول الولد أبنت الناس كايبغي بنت تكون ماكاتعرفش شي حوايج مثلا فالجنس لا كنتو كاتهضرو فهادشي واخا تكوني عارفة شحال من حاج ديري راسك ماعارفاش.

❤ تانيا الولد أ بب شحال ما كان مصلكط ومشرمل راه ماكايحملش البنت تخصر الهضرة بمعنى نتي لا سمعتيه خصر الهضرة ولا شي حد خصر الهضرة نتي حشمي.

❤ تالت الولد راه اهم حاجة فحياتو هيا مو يعني مرة مرة سولي فمو قوليلو تهلى فيها مثلا تكونو كاتهضرو قوليلو كيداير ماماك نوض عاونها فكريه بلي الأم مكتعوضش وبلي نتي عندك الأم هي كلشي و بلي ماماه حتى لقدر الله و ضلماتك و حصل نزاع بيناتكم غدي تسكتي و تحني راسك , هاكا غادي يقول هادي بنت الناس شوف كيف كاتفكر...

❤ رابع ختيتي الولد راه شحال ماكان قاصح و مبين راسو واعر و زنافرو مكيطيحوش لأرض , راه فيه واحد الطفل فالداخل ديالو شي مرة تكونو خارجين شدي فيه و جري ولا تلقاي شي مربعات فحال الكاري لعبي فيهم شريطة هاكا غادي يشوف فيك الطفولة ولكن تصرفي بكيوت مشي تبقاي تحنقزي كي هبيلة وتصدقي خالعاه ههه.

❤ خامس : الا جا عدك تيعاود ليك على شي موشكيل عدو و تيشكي عليك خليه حتى يسالي هضرتو و وقولي ليه انا ديما معاك عمرني نتخلى عليك و بتسمي ليه فوجهو و شوفي ليه فعينيه بحنية .
هنا غدي يحس بواحد شعور زوين و بزاف وبلي راه شخص مهم وكاين شي حد مهتم بيه.

 ❤  سادس أ الزين فاش تكوني مع حبيبك عمرك تفكري تهضري ليه على شي دري كيفما كان ,
راه دراري كيفهمو هد بلان تاع أنك تهضري ولا تقارنيه مع شي حد اخر راه بلان قديم تاع الغيرة .

❤ سابع وا لالة مولاتي فاش تكوني مع حبيبك مرة مرة فكريه فصلاتو سوليه واش كتصلي عنداك تقطع الصلاة وقوليلو بلي فاش كاتصلي كاتدعي ليه ربي يسهل ليه أمورو هاكا كايحسك كاتخافي مولانا.

❤ تامن بب فاش تكوني كاتهضري مع حبيبك ويقولك انا غادي الخدمة مثلا ماتقوليش ليه باي ولا اوكي قولي ليه سير الله يسهل ليك أمورك ولا الله معاك حبيبي أنا كنتسناك متعطلش عليا .

❤ تاسع ختي لا بغيتي تعرفي واش هاد السيد كايبغيك ملي تكونو مدابزين بكي قدامو إلا حن قلبو و عنقك و سكتك راه رجولة إلا ما حنش راه والله لا عقل عليك راه نقطة ضعف الولد هيا دموع البنت لي كايبغيها.

❤عاشر قلي الهضرة متبقايش تهضري بزاف حافضي على انوثتك و خليه هو يهضر كثر منك نتي كوني مستمع , فن الصمت عندو دور سحري ديما تيخليك غامضة و بنادم كيبغي يتقرب منك و يتعرف عليك أكثر و اكثر .

ديري الخير قدامو و موراه وخليها توصلو خبار بلي راكي درتي شي حاجة مزيانة و لكن وياكي نتي تقوليها قدامو راه غيعيق بيك.

مهم هادشي راه غير شوية من بزاف مزال غادي نحك ليكم بزاف غير تفاعلو و شجعوني أنا جديد هنا ههه وعقلو على سميتي مولات دلاح  حيت كنبيعو .
شفتي هادشي خلي ليا غير دعيوة فكومونطير راني محتاجاها اوبزاااااااافففف
بس:ماتصنعوش

8/25/2019

كيف أجعل حبيبي يعاملني جيدا (الحبيب المتكبر)




بما أنك دخلت لهذا الموضوع ادن فحبيبك لا يعاملك معاملة حسنة, 
يوجد مثل الشعبي مغربي يقول "راجلك علاما ولفتيه وولدك علاما ربيتيه".
معناه ان خطيبك أو حبيبك سوف يعاملك بطريقة الى عودتيه عليها .
أظن أنك فهمت رسالتي إلى هيا ان خطيبك أو حبيبك عوديه على ان يعاملك معاملة جيدة.

لقراءة هذا الموضوع باللَّهجة المغربِيَّة " بالدارجة المغربية " اضغط هنا.

*********************

تفضلي مجموعة من الخطوات التي سوف تغير تصرفات حبيبك المتكبر تجاهك وتجعله لا يفكر في ان انفصال عنك.

1-أول يجب ان تغيري تصرفاتك اتجاه حبيبك من خلال تغير نفسك

*لا تكوني المرأة النكدية“النكارة”

لا تكثري ملاحظات وكثرة الأسئلة وأيضا كثرة الإهتمام الذي يصل احيانا الى هوس،فهذا يجعل الرجل في ضغط نفسي يحس انه مراقب ومقيد, فيحاول جاهدا الخروج من هذه العلاقة بحث عن حريته..

*تعلمي قول "لا"


احيانا تكون كلمة "نعم" باب من ابواب العذاب, في علاقتك مع حبيبك و خطيبك تعلمي قول "لا" بدون أن تعطيه أسباب ومبررات , فقط اكتفي بقول أن "لا" هي "لا". وانتهى الكلام , سوف يطرح في دهنك الأن لمدا أتعود قول كلمة لا ؟ لأنه يا حبيبتي الانسان بطبعه مستغل وادا منحتيه الفرصة فلن يرحمك .

لقراءة هذا الموضوع باللَّهجة المغربِيَّة " بالدارجة المغربية " اضغط هنا.


*الرجال لا يحبون المرأة الضعيفة


الرجال لا يحبون الضعف والمرأة ذو الشخصية الضعيفة.ولازم تفرقي بين الضعف الأنثوي لجذب الرجل و ضعف النفسي .
لهذا كوني دائما قوية وذو رأي مسموع .ليس أي موضوع توافقين عنه, وانه لكي حدود وخطوط حمراء لايمكن تجاوزها. أخبريه دائما بأنك مشغولة ببناء مستقبلك وأن لكي حياة خاصة وان حياتك ليس محورها الحب بل انتي امرأة قوية تستطيعين الدفاع عن نفسك وعن أفكارك.

*انسي الماضي وعيشي الحاضر


لا تذكري له ماضيه كل مرة و لا تلوميه عن أخطائه في ماضي فهده تصرفات صبيانية
لا تتحدثي كثير عن ماضيك اجعلي أجوبتك مختصرة.

*كوني مبهمة حول ماضيك

*قللي كلام واهتمامك بيه


غيري تصرفاتك اتجاه حبيبك او خطيبك ,وعندها سوف يواجهك و اذا كان دو شخصية سلطوية أو كان يبحث عن عذر للانفصال ,فسوف يطلب للانفصال هنا في هذه الحالة سوف توافقين على قراره ولا تبرر له سبب تغيرك فقط سوف توافقين عن قراره و تتجاهلينه.

2-مادا سيحدث بعد الانفصال

*بعد انفصال تجاهليه بشكل كامل لا تحظريه من مواقع التواصل الإجتماعي ,لاتنزل صور الحزن والاشتياق له نزلي صورك العادية اجعله يحس ان أمره لا يهمك وأن انفصالك عنو لم يغير في حياتك شيء.

لقراءة هذا الموضوع باللَّهجة المغربِيَّة " بالدارجة المغربية " اضغط هنا.

*سيحاول اثارة غيرتك هنا يجب أن تكوني قوية ولا تضعفي امام خطته , لا تهتمي للصور أو لكلامه تجاهليه بشكل كامل كأنكي لا يهمك أمره نهائي. 

*سوف تصبرين على هده الحالة ,اذا كان حبيبك شخص متكبر فهده طريقة سوف تنجح معه وسوف يحادثك و يعتذر منك واذا لم يحادثك فأعلمي أنه شخص سيء لم يكن يهتم لأمرك يوما . 

أخبرينا في التعليقات عن قصتك مع حبيبك المتكبر و كيف انتهت علاقتكم.

لقراءة هذا الموضوع باللَّهجة المغربِيَّة " بالدارجة المغربية " اضغط هنا

8/20/2019

كيفاش تقنعيه وتخليه ينفد ليك طلبك (علم النفس)

كيفاش تخليه ينفد ليك أي طلب استعمال حيل نفسية


كيفاش تخلي شيواحد ينفد ليك طلبك ولا يوافقك رأيك على شي موضوع ولافكرة ولا حتى تخليه يعاونك فشي حاجة هد نصائح لي غنعطيك راهم من علم النفس مجايباهمش من مخي:

 ==>لبغيتي شي واحد يعاونك بلاما تبقا تدخلي وتخرجي فالهضرة حيت كاين ناس كيستعملو حيلة الغباء وتيديرو راسهم مفاهمينش .

فقط قولي ليه مباشرة" انا بغيتك تعاوني" لاشعوري غيعاونك حيت كلنا تنكرهو تأنيب الضمير ومعدو كيفاش يقوليك لا.

==> الا بغيتي طلبي شيواحد متقوليش ليه واش "تقدر" ,هنا بحال كتعطيه فرصة انه يرفض  خصكي تأمريه بطريقة غير مباشرة مثلا

خطأ : واش تقدر تهز معايا سداري ؟

صح : عافا خويا مهز معايا هد سداري ؟

==> في حالة باغا تقنعي شي حد يدير ليك شيحاجة متسوليهش "واش باغي" نعطيك مثال بغيتي صديقك يسلفك شي قميجة متقولش ليه واش ديك قميجة واش مزال عدك لااا قولي ليه وقتاش ندوز عدك تعطيني القميجة.

  ==>كنتي غادا فطريق  مع صحبتك ونتي هاز التقل وبغيتيها تعاونك ونتي عارفاها غدي ترفض . غتجبدي معاها شي موضوع على راسها وهي غتبقا تهضر ونتي فواحد اللقطة غتنزلي تصايبي سبرديلتك مثلا و غتعطيها صاك هي بلا شعور غتشدو وتبقا غادا معاك وهي كاعم على بالها راه هاز حيت تركيزها الكامل على هضرة حيت حنا كلنا تنبغيو نهضرو على راسنا وعلى مشاكيلنا.

 ==>حيل السابقة تقدري ديريها فبزاف لحوايج بحال تبغي شي واحد يوصلك و يدير ليك شي طلب راه مع هضرة كاعم تيحس براصو ونتي وشطارتك  في استعمال هد الحيلة.


==>لبغيتي ناس يتيقو هضرتك بقاي تهضري بأسلوب واتق مثلا :

شوفي هد جوج جمل انى وحدة لي بانت ليك تقتي فيها كثر:

1.تضني هد حيلة زوينة

2.هد حيلة نفسية واعرة.

بطبيعة الحال جملة تانيا حسن..

==>ونزيدك حاجة اخرى لبغيتي ناس يتيقو فيك ,ديما استعملي اسلوب ادخال لي هو تتخلي بنادم يحس راسو عارف مثل نتي كدوي على شي معلومة وهمية وبغيتي ناس يتيقوك "غتقولي ليهم كيف مانتوم عارفين راه شمس كدور من الشرق يعني ..." ولا تقولي نتي عارفاني كيدايرا...

هنا طرف اخر متيقدرش يقول ليك لا راني معارفش راه غتجيه حشوم وكتنقص منو.

==>كيفاش تخلي ناس يتصرفو على هواك نتيا هد حيلة جد فعالة مثلا بغيتي شي واحد  يقول على ماكلتك زوينة عطيه يدوق وقولي انا عارفاك دواق واعر ولا مثلا بغيتي شي واحد يسلفك بقاي ديما تقولي قدام بلي هد شخص كريم وسخي ومتيبخلش على راسو هو لاشعوري مع وقت كيتيق هد هضرة.  

راه نفس امر الى بغيتي شي واحد يولي يبغيك بقاي ديما تقولي ليه انا عارفاك كتموت عليا كتبغيني متقدرش تعيش بلا بيا نتمنى يكون ميساج وصل.

==> لبغيتي شيواحد ينفد ليك شي طلب فختار وقت لي تيكون فيها عيان فهد وقت متيكونش قادر يفكر يعني باش غطلبيه غينفد ليك طلبك وكاعم يفكر فموضوع بزاف ولا قاليك لا بقاي لاصقاه وحيت هو عيان غيبغي غير يتهنى منك ويقولك اه.

==> ونفس امر مع الغضب و فرح  غتسوليني كيفاش ؟ باش تجي وتلقاي باباك معصب دخلي عندو وحتى نتي ديري راسك معصبة و قولي ليه لي معصبني هو بغيت نسافر مع صحباتي وفلوس مكايناش راه مليون فمية غدي يعطيك فلوس الا في حالة لكان مسكين معدوش ههه مهيم نفس امر طبقيه فالفرح لكان فرحان حتى نتي كوني فرحانة وطلبي امر.

==> بغيتي فلوس من عند شي حد طلبيها كبيرة من عندو مثلا بغيتي 200 درهم قولي ليه يسلفك 300 درهم غيرفض من بعد غدي ترجع عندو وقوليه يالا سلفني غير 200 درهم كتحشميه بهد حيلة و كيصدق مسلفك .

 ==>عاوني بنادم ونهار لي تبغيه يعاونك ورفض فكريه فالنهار لي عونتيه حيت انسان بطبعو تينسى هدشي تيخليه بزز عليه يعاونك قولي ليه واخ عليك نسيتي نهار لي عاونتك ....

==>الا بغيتي شيواحد ينجح مثلا. قولي ليه مغديش تقدر تنجح بحال كتستهزئ بيه و غدي تلاحضي غيدير لي فجهدو باش يبين ليك عكس هد حيلة استعمليها في طلباتك مثل نت راه متقدرش تهز هد سداري بحدك.

==> لبغيتي طلبي شيواحد مكتعرفيهش فلول طلبيه طلب صغير عاد من بعد طلبيه طلب كبير .

شاركونا برأيك في كيفاش كتخلي طرف الأخر ينفد ليك طلباتك.

 ==> الا بغيتي شي حد يوافقك الرأي حركي رأسك حركة موافقة و شوف فعينيه هد حركة بحال كتخاطب عقله باطني وكتقوليه بلي هدشي لي كتقولو نتي صحيح.

كيفاش تعنبي عليه وتاخدي ليه قلبو غير بهضرة؟

كلام حلو رسائل دوب بوركابي هضرة زوينة


هدا موضوع للبنات  الي مكيعرفو يقولو تاكلمة مقادة بحال الناس هههه تجمعو تجمعو راه خاص فمكم يقطر لعسل لبغيتيه ملك النحل يجي عدك.
كيفا كتعرفو كملين لوحدة خاص تكون عارفة دوي وكيف ما كيقولو ناس زمان لحلاحات غلبو سحرات  ايه ألالة .
ولا كنتي عارفة دوي كاع دكشي لي محتاج مناحية لعاطفية راه جامي يبدلك مي لكنتي باسلة راه طبيعي يخونك ويقلب على وحدة خرى حيت نتي معطياه والو. 
لي غادي نقول ليكوم راه داروري من تحلوين ولكلام لحلو مرا غني ليه مرا قولي ليه شعر أيه ألالة كنحلف ليكوم أنا قبل منجي نكتب هدشي قلت ليه شعر إيه شعر ولبارح غنيت ليه ولله لعضيم مهيم مرا قولي ليه sms عمرين غا رومنسية ❤ هدشي كيزيد يخليه يميل ليك ويزيد يتعلق فيك أه وخليه يموت عليك وديما يتفكرك  متكونوش معقداه ويلا ألا لا كنتي معقدة أش داك لشي حب أش داك لشي علاقة إما كوني مرا ولا خليه لمرا خرى وديك ساعة بلا متبكي خلي لكرامة ترضو ليك راه لا شي وحدة لوات ليك عليه وعطاتو حلاوت لسان لنتي كبرتيها فيه ودرت ليه خاطرو وجمعات ليه وطوات راه تا حد معدو ميدرليك وخا تلتجئي لسحور حيت لحب ديما كيغلب.
لمهيم ضحكي معاه متكونيش معقدة جبدي ليه مواضيع لي طلبها ديرها معاه  ولكن حوايج لي كتقيص شرفك وياكي تفوتيها وياكي حيت كلشي غيتقلب ضدك.
حيت راجل لا خدا منك لي بغا فلحرام علاش غا يلتجأ لحلال راه كي يوصل لي بغا غا يقول رخيصا كيف درت معايا دير مع غيري إيه كلهوم هاكا وعدهم لحق أنا براصي منديش وحدة عطاتني شرفها وخا أنا بنت. 
مهيم خرجت على لموضوع هادو نماديج من sms ديال تحلوين فكاع لمناسبات ولمواقف خدو منهم خبرة وعبرة وبرعو لحبيب ديالكم هدرة حلوة براكا من لحموضة ونكير وقوة روتين راه هدشي كيبسل لعلاقة وكيخليها حامضة ومملة وفلخر كتسالي بلفراق  ونورمال طبعت لحال حاجة متوقعة.
✔ وخليو تعليق رأيكوم كيهمني  ومتنساوش تحلوين تحلوين الخريات صوبو فمكم متبقاوش غا كور وعطي لعور.
غانعطكم أمتلة لرسائل الحب لي تقوليهم بوركابي ودوبيه غير بلهضرة زوينة ونزيدك رسائل تقوليهم ليه باش تكونو مخاصمين كيفاش تصالحي معاه غير بهضرة.

sms 1: حبيبو ديالي حياتي و قلبي كنبغيك نموت انا بلا بيك تقدر نكون قاسية معاك بعض الأحيان و لا كنتقلق منك مي نتا هو كلشي بالنسبة ليا نقدر نكون مكنبينش مي نتا روحي ملي كنكون مقلقة كنهرب ليك و ملي كنكون فرحانة كنكون معاك كنبغيك اكتر ملي كتبغيني كاع كنعشقك.

 sms 2: أوف زعما مكتفكرش فواحد القلب ملك ليك مخاصم حبيبتك و مكتفكرش فيها مهانش عليك حالتي و كيف كانكون بلا بيك يوماين و نتا مكاينش معايا حسيت بروحي كتخرجش توحشتك بزاف متعاودش دير فيا هكذا عارفني كنبغيك و ماقدراش على خصومتك ربي ميحرمنيش منك ولا نتفارقو شي نهار كبيدتي كنبغيك.

 sms 3: حيبينو توحشتك كنتوحشك وانا معاك توحشت عويناتك ضحيكتك تقدر نكونو يلاه تشاوفنا مي كلشي فيك كنشتاقلو كنبغيك كنعشقك تمنيت ديما نكونو بجوج غير نشبع من عويناتك لي كيسحروني و ضحيكتك لي ديما كتخليني بلا عقل كنموت فيك الله يجمعنا فالحلال.

 sms 4: حبيبي توحشتك كنحس بروحي مكايناش معايا حيت نتا بعيد كندعي ربي يجمعني بيك كنبغيك كنموت فيك تقدر نكون كنحكر عليك بزاف مي من غيرتي عليك نتا عويناتي مكنبغيش لي تشوف فيك من غيري حيت نتا ملكي واخة بيناتنا آلاف الكيلومترات مي كتبقا حبيبي و الكبيدة ديالي كنبغيك .

sms 5: حبيبي سمحلي عاد حسيت بشنو كندير فيك بالغيرة ديالي سمحلي ماعرفتش شنو نقولك انا حشمانة منك بزاف مي بغيتك تعرف حاجة وحدة راه كنبغيك كتر من أي حاجة فحياتي نتا كولشي بالنسبة ليا قلبي كبيدتي و عويناتي لي كنشوف بهم الطريق, ربي يخليك ليا و ميحرمنيش منك كنموت فيك.

sms 6: هانا جيت تاني حشمانة منك ديما كنغلط فحقك و نتا كتسامحني ندعي ربي حتى هاد المرة تسمحلي عارفة درت بزاف ديال الأخطاء مي بغيتك تعرف انا كنبغيك و كنموت فيك منقدرش نعيش بلا بيك تعصبت عليك اه منكرتش مي هادي غتكون آخر مرة سمحلي حبيبي كنبغيك بزاف .

sms 7 : رجعتيلي تاني عاد رجعات الروح ا كبيدتي كنبغك كنموت فيك قولي سحرتيلي ياك ؟ كيفاش حتى خليتيني دايبة فيك هكذا كل نبضة من قلبي كتنطق بسميتك كنبغيك.

 sms 8 : توحشتك و تانبغييك من قلبي يا قلبي و تانموت عليك و تانموت بلا بيك ربي يخليك ليا بوحدي ههه ربي يجمعنا فأقرب وقت باش نكون بين يديك خخخ كنعشقك أنا للموت مواح حبيبي من قلبي كانبغيك وربي يخليك ليا  و ان شاء الله تجمعنا ليام و حتا حاجة فالدنيا ماتبعدني عليك يا قلبي و عمري و كل حياتي حبيبي عرفتي فكل صلاتي عندي دعوة وحدة ماتانساهاش و هي ربي يجمعني معاك و تكون حلالي و راجلي و تاج راسي لي ينور لي حياتي كنبغيك يا نور حياتي .

sms 9: زوجي راجلي حلالي روحي عمري ضحكتي فرحتي عيوني قلبي كبدتي الزين و البوگوص نتاع حبيبي الغالي على قلب مرتو توحشتاك فين غابر هههه بغيت نكتب ليك و ماعرغت اش نقول حيت لي قلتو ليك قليل فحقك غير مهم ماتنساش بلي تانبغيك و بلي نتا ليا وانا ليك وعمري مانفوتك و الا نتخلى عليك وحياتي ان شاء الله نكملها معاك توحشتك وماقدرتش نخبي والله حبك كل يوم يزيد يكبر في قلبي صايي ماقدرتش نصبر وليت فين مانمشي نتخيلك حدايا اه من حبك و مادار فيا يا روح قلبي نتا .

sms 10 :كيفاش تباركي لبوركابي العيد
 صباح النور حبيبي وعمري و حياتي بغيت نكون أول وحدة تعيد عليك مبروك عيدك يا قلبي وكل عام و انت معايا ربي يحفظك و يخليك ليا وحدي و إن شاء الله بحال اليوم نكونو بزوج كنبغيك حبيبي عرفتي قد ماطولت الأيام و الشهور ماعمر خيالك ماتايفارقني و على قد ماكاتبعد عليا كاتبقا ساكن فيا كانحسك ديما بجنبي و ديما معايا كانعشقك يا روحي نقولك حاجة و نتا ختار يا تكون نتا ليا يانكون أنا ليك ياتكون بابات ولادي يانكون انا مامات ولادك. ههه باتتزوج بيا نتا يانتزوج بك انا ماعندك ماتختار ودير فبالك نتا ليا بوحدي تانحبك و تانموت عليك


sms 11: قولي شوي تاع شعر لبوركابي
يا الساكن قلبي.. خليك، إياك ف يوم تهاجر.. ولا ترحل، راه العمر بلا بيك.. قبر.. كيف الوردة.. بلا شمس ندبل، ونتا شمس إيامي.. نورتي ظلامي.. نتا الروح.. ونتا العقل. #يوسف_أعبيد #رسائل

 sms 12: في صمت الليالي في صوت النهار في جو خيالي في نور ونار كتبت كلماتي من الماس لالقيها على الناس واحبس فيهم الانفاس اهديك مني اجمل التحيات واعبق الكلمات و احلى القبلات و اجمل المتمنايات و اروع الباقات في ازهى المزهريات لحسن الشخصيات في هده الحيات

 sms 13: كنفكر فيك بزاف
bb bghit n9olak wa7ed l7aja ma3eraftch wach atey9ni wlit knfakar fik bzaaf ldarejet knkon galsa wknb9a n9ol ma3eraft hbibi ach kaydir yarebi kokna Ana weyah DB mzawejin wknfakar fach antzawjo Chno ansamiw wlidatna ymkan at9ol 3liya 7ame9a ms nnn ana machi 7am9a Bb ana knchof lmosta9bal m3ak knjotmiiik bzaaf. 

sms 14:مستقبلي معاك
 hyati kbida diali rou7i 3omri ketkout diali babat weldi hobi kanbghik o kan7ma9 3lik nta aghla ma3tani rebi o a3az majani fdenya o afdal mawaldat mamak.

sms 15 : lhbib dyali 3omri hyatii nta kolchi fhayati m3ak kanchoff sa3ada dyali kanbghik alkbidaa dyali kantmna man llah ijma3naa bjoj fdnya olakhira ..nmoot fiiik azmanii 

sms 16: حبيبي .. كنموت عليك مكرهتش نكوون معاك ديما باش نبقى نبقى نشوف غي فهادوك العوينات وهداك الوجيه اللي خلاني بلاعقل هه

 sms17: يا لي باسمك نكتب رواية يالي بشوفتك نقطع لبحور يالي برجولتك تتقضا الامور يا حبي خاليتي قلبي عمرو يولي مضرور كنبغيك قد لبحر لي عامر بالما وقد النجوم الي مضويا فسما وقد الناس الي على وجهها البسما كنبغيك ونخاف حبي ليك ميوسعوش لكون بغيت نسميك عمري ونخاف عمري يطلع قصير  أحلف ليك ولاو كان عندي قلبان منعشق غيرك تاني كنموت عليك

 sms 18 الحب.. (سميتو)، حياتي و اغلى ماعندي ليوم ماعرفت شجابني عليك أحاسيس كثيرة طاحو فخطرا على قلبي مابقيت عارفا باش نبدا و باش نتلي ، لي عارفا هو انا محتاجة نگوليك ولو جزء بسيط من هادشي باش كانحس كانبغيك بزاااف، ايه نتا هادشي معارفووش و دبا انا كانگولها ليك اه انا كنحس براسي تعلقت بيك بزاف ..عرفتي هاد الكلمة خرجات بواحد الطريقة فشكل ، فايتة اعماق قلبي أ عمري ، عرفتي ترونت و الله ماعرفت باقي مانگول الحروف مابقيت عارفا كيف نخرجهم و بأي طريقة نخرجهم و تلفت على التعبير ههه شفتي حبك اشدار فيا أ الحب ديالي ، الله لا يحرمني منك ، ويخلينا ديما مع بعضياتنا ويبعد منا ولاد و بنات الحرام لي ابغيو ادخلو بيني و بينك و تبقى دييما توأم ديالي .. على الله تكون حتى انت كتحس بحالي سلام الحب ديالي اغلى ما عندي فهاد الكون واش عارف قداش كنبغيك المغيار ديالي يا اب وﻻدي راني ديما نحلم بيك الله اخليك ليلي يا الحميميق ديالي بموت فيك جوتيم


sms 19: lHbib dialii bghit n9olek wa7d lhaja wdirha fbaleek ana kanbghiiik bzaaf w wakha yw9ee3 li yw9e3 binatna ana ghanb9a dimaa kanbghik hit nta hobi wro7i whyati w chmicha li mdewya lia hyati wbiik kantnefess wtye9nii makadozch le7da we7da men nhari bla manfeker fik hit nta lhaja lwa7ida li katkhlini da7ka wli kat9der t s3edni w lhaja lwa7ida li kantmnnaha hiya annak tb9a dima bjenbii alkbida dialii . Kanmouut fiik 

sms 20: (الإسم)نتا راك لحبيب ديالي و تاج راسي و أعضم راجل شافتو عيني إحترامي ليك كبير واخة كنغلط فحكق بعد المرات و كنعصبك راك كتبقى حبيبي و روحي و كنتمنا ندوز معاك ليبقى فعومري و منعتادر على كا تصرف خاطئ مني حيت كنبقى بشر و لكن قلبي بغاك و ختارك ما بين رجال ظيال دنيا لقيت راحتي معاك 

sms 21: توحشتك شحال هادي متشاوفنا توحشت عويناتك ملي كضرب فيهم الشمس توحشت ضحيكتك لي كتسلبني توحشتك ا حبيبي ما عرفتش إيمتى غنتشاوفو مي هاد الاشتياق ليك فاق كل الحدود رجع ليا نشبع عويناتي منك حبيبو كنواعدك مهما كنا بعاد غيبقا قلبي ديما ليك كنبغيك 

sms 22: حبيبي عارفة مقلق مني و مابغيش تسامحني باغي تحسسني بلي غلطت مي راه عارفة هادشي عارفة ذنبي كبير باغاك تغفرلي مي خايفة نخسرك تاني نتا عارف بلي كنبغيك و كلامي جا فلحظة غضب محسبتش هدرتي كنطلب منك السماح ظروفي فهاد الوقت شوية صعيبة داكشي لاش نطقت بكلمة الفراق مي مقدرتش عليها و هانا راجعة لعندك كنطلب منك تكون معايا و توقف بجنبي كنبغيك

 sms 23: حبيبي يا حبيبي كنبغيك نقولك واحد الحاجة و متقلقش عارفة راسي تنعصبك مزيان مي مافيها باس يلا صبرتي شوية معايا كبيدتي راك عارفني ناقصة عقل مي راه بسبابك نتا خديتيه داكشي لاش خاصك تصبر معايا و تسمحلي على اخطائي المتكررة كنبغيك نور عيني ربي ميحرمنيش من روحي

 sms 24: كنغير عليك اه كنغير بزاف مي واش ماشي من حقي ؟ حبيبي راه نتا ملكي و مكنتخيلش شي وحدة غيري قريبة ليك كنتيق فيك بزاااف مي مكنتيقش فراسي باغاك غير ليا انا كنبغيك لدرجة الهيام كيف بغيتيني منغيرش ندعي ربي ديما يخليك ليا انا بوووحدي حبيبي سمحلي يلا قلقااتك غيرتي حبيبي

sms 2: كيفاش تخلي بوركابي وقتاش غير يشوفك
حبيبي المعصب عافاك برد هادي خدمتك و حنا واخا يفرقونا آلاف الكيلومترات غيبقا قلبي يضرب غير ليك ما هي إلا شهر و نعاودو نتشاوفو عافاك صبر على قبلي حتى انا راني بحالك ضايقة بيا الدنيا حيت مغنشوفكش مي من حبي ليك كنفكر غير فمستقبلك و خدمتك كنبغيك و غنبقى نبغيك واخا تكون بعيد غانساينك أعوام ماشي غير شهر يا قلبي .

sms 26:كيفاش تباركي ليه عيد الميلاد
 شرفتي ههه عام جديد و حياة جديدة عيد ميلاد سعيد نتمنى ليك سنة مليئة بالافراح و المسرات نتمنى تحقق كل مابغيتي فهاد السنة مي عنداك تنساني انا فعامك الجديد نطلب من ربي يدوم صداقتنا حيت بلاصتك فقلبي ميقدر يعمرها حد بلا بيك Happy birthday Joyeux anniversaire عيد ميلاد سعيد .

خليو رأيكم 

7/26/2019

تعلمي استحواذ على قلب الرجل من مسلسل حريم السلطان

هيام مسلسل تركي حريم سلطان تحليل للمسلسل
من مسلسلات تركية الى عملت ضجة هو مسلسل تركي حريم السلطان لي من نهار لي تعرض فيه ناضت مضاهرات ضدو بسبب انه شوه صورة سلطان سلمان الامبراطور الدولة العتمانية وخلاه يبان بحال شخص ممولع بالنساء المهيم في هد الموضوع غدي نهضرو على سلطانة هيام روكسلانا  لي أسرت قلب السلطان العثماني سليمان القانوني  لدرجة ان الناس فداك وقت قالو انها ساحرة حيت مكانتش زوية مقارنة مع زوجته ناهد دوران.
تحليل للشخصية هيام مسلسل تركي حريم السلطان
 وتحولت من جارية الى سلطانة تمتلك الحرم ويكون عندها يد في عديد من قرارات السليمان وسبب رئيسي باش يطلق مراتو لول و يقتل أعز صديق ليه و ابن أول من ماه دوران وهدشي كلشي فقط حيت قدرات تكسب قلب سلطان سليمان .
في هد موضوع غدي نعطيك تحليل شامل للمسلسل تركي حريم السلطان.
تحليل غيشمل شخصية هيام في مسلسل حريم سلطان جزء الأول لي سلط ضوء على عناد هيام وشخصيتها الفريدة من نوعها الشخصية لي كتجدب نساء ورجال وكيفاش قدرات تسحر سلطان سليمان. وكاتبة مسلسل ميرال اوكاي كانت دكية فطريقة عرضها لشخصية هيام مجابتش دوك فعايل من فراغ مهيم من تحليل غدي تفهمو مزيان فين كان دكائها وان جميع حركات هويام كانو مدروسين.
قبل منبدا تحليل راه مسلسل تركي حريم سلطان كاين مترجم الى اللغة عربية في يوتيب وعلى قناة الرسمية للمسلسل.
Harem Sultan - حريم السلطان الجزء 1 الحلقة 1
✔️أول ضهور لهيام في مسلسل كان فدقيقة 7:11 أول نضر خديناها عليها انها فتاة عنيدة.
✔️مكتسمحش فحقها نهائيا ومكتبغيش حقرة و كرامتها فوق كل شيء لدرجة كتمنع على راسها ماكلة يعني كيف متنقولو حنا مغاربة نفسها حارة .
 ✔️ قوية لاتخاف من الرجال و كتخرج عينيه من اجل حقها مكتبلي حد يهز يديه عليها هدشي لحضناه فلقطة 7:33
✔️ مكتبغيش دل نهائيا وهدشي شناه فلقطة 7:58 باش صحبتها طلبات عليه تنلاحضو انها رفضات رفض تام دل وان شي حد يطلب عليها .
✔️ صريحة في مشاعراها متصالح مع راسها كتعبر على داكشي لي ضارها بلا خوف ولا خجل من أي واحد وكتخلي ناس لي حداها يحسو بمشاعرها حيت طريقة تعبير ديالها كتكون صريحة وعفوية وكتخلي أي واحد يثأتر  هدشي لحضناه ف17:08 .
✔️ مكتخافش من اضهار دموعها حيت دليل على صدق مشاعرها وألم لي كتحس بيه .
✔️مترضاش تكون مدلول و لاخدامة عن شي حد كرامتها مكتخليهاش طيح لأرض لاتخاف من موت أبدا حق كدافع عليه هدشي لحضناه باش مشات تشوف سلطانة الأم فدقيقة 24:56 .
✔️كتعرف وقتاش تمسكن باش تاخد لي بغات هدشي لحضناه فدقيقة 24:27 باش بغات طلب سلطانة الأم تخليها تمشي بحالها صوتها ولا هادىء و نبرة صوت تبدلات .
✔️كتعرف وقتاش تمسكن باش تاخد لي بغات هدشي لحضناه فدقيقة 24:27 باش بغات طلب سلطانة الأم تخليها تمشي بحالها صوتها ولا هادىء و نبرة صوت تبدلات .
✔️كتعرف وقتاش تمسكن باش تاخد لي بغات هدشي لحضناه فدقيقة 24:27 باش بغات طلب سلطانة الأم تخليها تمشي بحالها صوتها ولا هادىء و نبرة صوت تبدلات .
✔️ ترفض تعامل كحيوانة يعني كيف مقلنا قبيلة كرامتها كتعرف تحافض عليها 27:26.
✔️تحديد هدف لي باغا توصل ليه 32:52  .
✔️كتومة حوايج مهيم كتخليهم عندها مشي لي جا تعاود ليه واخ تكون اعز صديقة لها حيت الاكان هدف باغا توصلي ليه مخصش يكونو عندك منافسين عليه هدشي لحضناه فدقيقة 33:20 باش رفضات تعاود لصحبتها على سر لي قالتو ليها فريال.
Harem Sultan - حريم السلطان الجزء 1 الحلقة 2
✔️جرئ عندها هدف الأن وهو سلطان سليمان  ولا تيبان ليها غير سلطان قدامها نسات عالم كلو لي حولها هدشي لحضناه فدقيقة 2:10  .
✔️حولات ملامحها الى ملامح بريئة جدا و عيونها ايضا و شافت فعينيه بهدوء وطمأنين فهد مرحلة بغات تسحرو ببرائتها هدشي فدقيقة 2:25
 ✔️سحرات باش طاحت فيدو وشافت ليه فعينيه ثم نقلات شوفاتها الى فم هنا كاين تحفيز جنسي من طرفها و نطقات اسمو بنبرة صوت هادء وناعة اي شخص كيف مكان نوعو كيبغي نطق اسمو مشاعر غريبة كتحس بيه هد نوع تاع مشاعر هما لي تيسحرو رجل 2:53.
✔️ جريئة جدا وقوية ومصر على هدفها لها جرء طيح فيد سلطان بلاخوف و لاتردد حيت عندا هدف باغا توصل ليه هدشي لاش طبقات قضية تاع الهدف يبرر وسيلة.
✔️تحريك مشاعر رجولة في قلب سلطان سليمان باش سخفات ليه فيديه حيت الأغماء بنت فيد اي راجل فجأة بدون سابق اندار كيعطي لراجل واحد شعور زوين هدشي لحضناه فدقيقة  3:20 شفنا سلطان انه داخ تاع على طريق ههه  .
✔️ هدفها من هده حركات ساحرة هي تنويم مغناطيسي بطريقة غير مباشرة للسلطان سليمان وتاخدو لعالم اخر لي هو عالمها و يحس بلي كاين غير هو وهي كتعزلو على عالم خارجي بهده حركات لي دارتهم خلاتو يتسحر و كيف متنقولو تيترفع وهدشي كلشي بسبب افراز هرمون الأوكسيتوسين وهدشي لحضناه فدقيقة 3:24 باش هيام سخفات هو عاد  رجع لعالمو خارجي بحال عاد ناض من تنويم لي كانت دايراه ليه.
✔️اساس هد حركات هو هدوء وجرء.
✔️تعلم طريقة الوقوف و مشي هدا نصحك تقرا هد موضوع باش تعلمي كيفاش تمشي بطريقة الأنثوية وجدابة .
-كيفاش تعلمي تمشي بطريقة الأنثوية وجدابة.
✔️محضورات جواري قصو ملكي هي صوت عالي  حيت ابنتي ديم صوت عالي تيخصر صورة المرأة وفي دين الاسلامي من مكروهات و شببه الله عز و جل بصوت الحمير  في سورة لقمان.
✔️الى كان عندها شي سؤال تيدور فمخها كتسول بلاخوف وبلاتردد مكتخليش راسها يضرها هدشي لحضناه فدقيقة  11:41  واخ تكون فمجمع تاع ناس كتسول بحال مكتعبرش أخرين هي لي كاين مكاين محسن ههه.
✔️باش كتبغي حاجتها كتحققها واخ  يكون داك شخص مكتحملوش دارت داك مثل تاع كلب قوليه سيدي هدشي لحضناه فدقيقة 15:27 مشات سولات عائشة على سلطان سليمان بدون خوف من ردت فعل عائشة وكانت لطيفة و طيبة وايتسامة في وجها ولكن خلف هد ابتسامة هو جلب معلومات فقط لاغير .
✔️في صفحتنا على الفيسبوك الأنثى المغربية كاين فيديو تاع تعلم رقص تحت هاشتاق #تعلمي_الرقص نصحك تفرجي فيهم. مهيم  هيام استغلت هد قضية و رقصات للسلطان سليمان وسحراتو حيت رقص معروف عليه يثير الرجل جنسيا و تيخليه يعشق دالك جسد وخصوص هزت الخصر لي كتسحر اللقطة الرقصة 35:38  .
✔️رقص بكل هدوء وجرأ في النظر في العيون مباشرة  يعني في الهدف ديالها مركز عليه و هدوء في حركات و حركة الخصر لي كتدوب و ابتسامة الهادئ هدشي كلشي جمعات هيام في هد اللقطة 35:47.
✔️لاتتق في احد لي في قلبها على لسانها هدشي لي دارتو مع صحبتها قالتها ليها فوجها واش نتي حاسداني .
Harem Sultan - حريم السلطان الجزء 1 الحلقة 3
✔️مكتبغي حد يجرها من يديها بحال حقرة كتجيها و كترفض تعامل كعبيد هدشي لحضناه فدقيقة 3:15 وايضا فدقيقة 17:38 باش سنبل ضدها من دراعها بجهد.
✔️تضهر مشاعر غضبها بكل عفوية بكل جرء هدشي لحضناه فدقيقة 17:34 .
✔️مكتسكتش على حقها وكانت بغا دخل عند سلطان سليمان بقوية هدشي لحضناه فدقيقة 17:08.
 ✔️قدرتها عن تعبير عن ملامحها بشكل جد جيد كتكون متصالح معاهم بحال باش تصدمات بخبر ان سلطانة دوران غدي دخل عند سلطان سليمان 17:08يعني معندهاش خوف نهائي في تعبير عن مشاعرها بواسطة ملامحها.
✔️كدابز واخ بنات كانو بزاف وبقاو تيضحو عليها هي مسكتاتش ليهم و بقات كتضربهم مخافتش منها مكتخلي حد يضحك عليها.
 ✔️مكتخليش شي حد يطيح عليها باطل يعني مكتسكتش على حقها هدشي لحضناه فدقيقة 26:52.
✔️باش كانت فحمام كدوش بنات تيقولو ليها راكي كدوشي غير على خاوي هو سلطان مغديش يخليي مراتو ويديها فوحد بحالك ردت فعلها كانت هدائة و بقات كتغني كتفقصهم.
Harem Sultan - حريم السلطان الجزء 1 الحلقة 4
✔️مؤمنة و كتصلي لربها تستعين فدعاء قبل كل أمر مهم هدشي لحضناه فدقيقة 3:50 .
✔️نضر في عيون بطريقة مباشرة امر مهم جدا 5:35.
✔️تضهر ضعفها باش تحسسو برجولتو وتخليه يحس بمشاعرها هدشي لحضناه فدقيقة 5:58 باش قرب يبوسها من عنقها سخفات هنا فكرة دكية حيت كان سلطان له رغبة جنسية كبيرة فيها و باش قرب يعني احساس انه حصل عليها هي بعدات سخفات هنا في هد حالة كتزيد ليه رغبة بأضعاف.
✔️طريقة اغماء كتكون مثيرة وهادئ و مفاجئ و خص تسخفي فيدو كيف مدارت هيام هو كان شادها من خصرها طريقة مثيرة جدا شوفي اللقطة 5:57.
✔️في دقيقة 6:15 تعبير هيام لسلطان سليمان عن احتياجها له و عن ضعفها اتجاه هو فقط قالت ليه "متخلينيش" بصوت هادئ وناعم هد كلمة بضبط كدوب الرجال و كتخليهم يحسو برجولتهم.
✔️تفسير شنو وقع ليها لصالحها و بطريقة مثيرة له قالت ليه سخفت حيت كنت كنتسنى هد اللحضة انا وياك هدشي لحضناه فدقيقة 6:33 .
✔️قدرتها على امتاع جنسي فالفراش وهدشي لحضناه فدقيقة 8:07 سلطان سليمان كان مستمتع في علاقتو الجنسية معا  
نصحك تقاري هد موضوع لي غيوريك كيفاش تمتعي زوجك فالفراش.
-كيفاش نخلي راجلي فرحان فالفراش. 
✔️ابتسامة هادئ لاتفارق وجهها .
✔️كتسولو باش تخليه يعاود ليها على حياتو شخصية وقصصو 10:06 هنا كتكون مستمعة واي شخص تيبغي يعاود قصص حياتو واخ حنا يجيونا مملين هو بنسب ليه اهم حاجة هدشي لاش استماع له امر مهم تيخليه يحس بأهميتو عندك.
✔️اسكات عن طريق اكل هي من طرق مثيرة جدا بنسبة لرجل هدشي لحضناه فدقيقة 10:18 .
✔️تعبير عن غيرتها بكل صدق وعفوية في دقيقة 10:27 غيرة كتخلي راجل يحس بأهميتو وانه محط اهتمام كبير ومنافسة.
✔️كتلعب معاه بحال بنت صغيرة ولكن بطريقة انثوية و هادئ وعفوية و ضحكات ساحرة هو لعبها عبارة عن هروب منو هد لعبة كتهبل اي رجل و كتحرك فيه مشاعر الرغبة في حصول عن الشيء 10:32.
✔️تصرف بطفولية وانثوية مع دمجها مع خفة الدم وملامح عفوية وطفولية كتهبل الرجال هدشي لحضناه فدقيقة 12:02 .
✔️دقيقة 13:47 تضحاكو وكتعاود ليه بطريقة عفوية و مضحكة ضحك يعتبر امر مهم لجدب الرجال  .
✔️كتوكلو بيديها يعتبر أمر جداب للرجل 13:48.
✔️ضحكة هادئ ومثير وبصوت انثوية وعفوية مشي مصنعة 15:07.
✔️لبغات شي حاجة كتبدي اعجابها بيها بحال خاتم لي عجبها و كتسول ديالمن غيكون 15:52.
✔️ في دقيقة 16:17 هيم استعملت حركة أمان لي كتخلي راجل يحس بشعور الأطمانين وأمان هو كان واقف تيشوف وجهو فمرايا وهي جاتو من لور و مسكاتو وحطات يدها على صدرها و بقات متشبت بيه كتحسسو انها متشبت بيه انه ديالها .

تحيليل للشخصية هيام مسلسل تركي حريم السلطان جزء الأول

✔️وعناق من خلفها أمر مثير جدا للرجل يحسسه بسيطرة وقوة 16:29 .
تحيليل للشخصية هيام مسلسل تركي حريم السلطان جزء الأول
✔️كلام كيخليه يحسو انكي ملك له هيام فلقطة 17:01 قالت ليه بطريقة غير مباشرة وبطريقة مثيرة جدا وهادئ انها ملك له هو وحده .
✔️ولكن كلامها كيكون محدود وموزون مشي ثرتارة و غير كتهضر كتمنحو فترات صمت ومكتخافش من لحضات الصمت و لكن وسط هد الصمت كتخلي عيونها و حركاتها يخدمو ويثيروه صمت دوره احياء شاعر موجود داخل كل رجل و تخلي اي رجل ياخد نفسو و يهضر ويعبر على مشاعرو بطريقة مباشرة باش يقتل هد الصمت .
✔️دقيقة 18:51 اضحاكه بجميع الطرق من اجل اطالة وقت معه كتقلد أشخاص باش ضحكو هدفها اضحاكه من قلبه باش يطول معاها الوقت.
✔️كتفرض راسها باش سماها سلطان سليمان هيام لي غوت عليها الكسندرا كتقول ليه سميتي هيام  هدشي لحضناه فلقطة 27:26 كتبقا متشبت برأيها حول اسمها وكتقولها بكل حزم وقوة وبدون تردد باش مع وقت كلشي ينصاع لامرها و يبقاو ينديوها بهد الأسم  .
✔️في اللقطة 29:24 كانت عفوية في تعبير عن مشاعر فرحة و لكن بطريقة هادئ وانثوية و طفولية مثيرة كتخلي شخص أخر يفرح معاك.
✔️هدشي كلو لي دارتو هيام خلات سلطان سليمان يصبح شاعر كيف متنقولو حنا عنيبة وهدشي تيخلي اي رجل تيولي حساس وضعيف امام فتاة هدشي قالو سليمان فدقيقة 33:32.
✔️مكتخلي حد يعايرها و يدلها ولي محترمهاش ومكتحتارموش هدشي بان لينا فدقيقة 42:03  باش ناهد دولاان عايراتها و اكن هي مسكتاتش ليها.
✔️واخ عاقبوها مطلباتش سماحة بكرامتها فدقيقة 42:27.
Harem Sultan - حريم السلطان الجزء 1 الحلقة 5

✔️ عنيدة جدا مكطيحش راسها لأرض واخ يوقع لي وقع كرامتها فوق كل شيء كان خوف تيسيطر عليها ولكن بقات قوي و مهبطاتش كرامتها لأرض ومدلاتش راسها .هدشي بان فدقيقة 2:12 .
✔️ لاتضهر خوفها ابدا لأعداء وملامحها كتستغلهم لصالحها لتعبير عن قوتها باش ميحسوش انهم مسيطرين عليها ومتلبيش لهم رغبتهم بشعور بسيطر عليها وانهم اقوياء عليها هدشي بان فدقيقة 8:31 باش ناد دوران قاتليها طلبي سماحة ونغفر ليك .
✔️ في دقيقة 15:27 ملامح ضعف وارتخاء التام تتير رجولة الرجل.
✔️ كتيح عليه الضيم بدموعها وضعفها وصوتها الهادئ ضعيف وكتحشا وسطو تحت حضنو وكتشبت ليه بيدو هنا كتلعب على الوثر حساس عند رجل لي هو شفقة و كتجعلو يحس بقوة و انه سندها هدشي كلشي تيخليه يشعر بمشاعر زوينين هدشي بان فدقيقة 15:54.
✔️ تصرفات عفوية ومضحك تجعل رجل يحبها فرجال يعشقون هد عفوية مثيرة فدقيقة 24:00
✔️ باش كتبغي شي حاجة هنا فاللقطة 24:12  قاليها سلطانة فجاوباتو باستهزاء قالت ليه مضحكش عليا انا مشي سلطانة باش هو يجاوبها بجواب حقيقي و تعرف شنو هدفو من مور ديك كلمة سلطانة
✔️كتصمت باش تخلي ليه مساحة باش يقول شعر وباش يقولو كتكون ردت فعلها جدابة في ملامحها فرح و سعادة وكتعبر عن اعجابها بشعر الغزل وكلماته.
✔️مكتخليهش يمشي 26:38 رجال كيحماقو على هد تصرف ولي هو تشبت بيه ولكن بطريقة أنثوية ولطيفة وبصوت هادئ وطفولي وكلمات مثل "متخلينيش" "بقا معايا" "متمشيش" بحال هد كلمات كيحسو رجل بأهميتو  وعاد زيد بحركاتها كتشبت بيه بيديها ولكن بشكل لطيف مشي تخلعو ههه مهيم حركات طفولية وأنثوية فنفس وقت هدشي فدقيقة 26:47 كيف مقال سلطان سليمان طفلة دلوعة.
تحيليل للشخصية هيام مسلسل تركي حريم السلطان جزء الأول

✔️في دقيقة 42:13  كانت ردت فعلها عفوية جات عائشة وبغات تستهزء بيها ولكن هيام دارت راسها غتشرب و رشات عليها عصير وطرشاتها وبدات دافع على راسها حيت هي دابزات معاها مهيم مكتسكتش على معيار واستهزاء واخ يعاقبوها مكتسكتش على حقها.
تحيليل للشخصية هيام مسلسل تركي حريم السلطان جزء الأول

✔️ناهد دوران غبية باش جا سلطان يشوفها حيت هي صدقات حاملة كانت مغوبشة ليه فوجهو ونيشان قالت ليه علاش عطتيها خاتم هدا غباء مكانتش خصها تقولها ليه بطريقة غير مباشرة كان عليها تكون دكية في تعاملها مع الفرح و صلاح لي عندا لي هو الحمل.
Harem Sultan - حريم السلطان الجزء 1 الحلقة 6
✔️الى خرج عينيه فيك خرجيه تندوي هنا على اعداك متخلي حد يتحكم فيك نضرت عيون مباشرة لها قوة هدشي فدقيقة 9:42
تحيليل للشخصية هيام مسلسل تركي حريم السلطان جزء الأول
✔️كتسمع لنصيحة بتأني 12:16 كانت فريال كتنصحها و هيام كتسمعها بهدوء ومكتسولهاش بزاف فقط تستمع و تنضر في عيون وملامحها تدل على ردة فعلها ومشكراتهاش باش متشبعش ليها ديك رغبة قوة باش تخليها ديما تنصحها مهيم فقط بملامحها وهدوئها واستماعها لنصيحتها تدل على انها منصاعة لها وهد شعور رائع غتحس بيه فريال ولي هو سيطرة وقدرة على انصاع.
✔️صراحة الجميل في هيام ولي خلى ملايين حول عالم يعشقوها وهي قدرتها على تعبير عن مشاعرها بواسطة ملامح وجهها هدا أمر يعتبر جد جداب .
✔️في اللقطة 13:59 هيام قالت جملة أحببتها كثير وهي"لن أخبر احد عن أحزاني مارح أتقاسمها معهم راح خبي مشكلتي في بير عميق أو كبها بالبحر وخليه ياخودها الموج بدي رد بضحكتي على كل شيء يحرق لي قلبي مارح تنزل دموعي الى مشان عيلتي انا الكساندرا روسا راح اخلق من هده بنت جارية خانم وبدي واجه القدر أنا سلطانة هيام" من خلال هد هضرة ديالها كنتعلو كتم احزان و تحديد أهداف واصرار من اجل وصلوها حتى لو واجهتي قدر وكان هد امر مستحيل مع اصرارك وعزيمتك غتوصلي لهدشي وهدشي لي وقع فلخر هيام كانت اول جارية  في سلالة العتمانية كتحول للسلطانة.

تحيليل للشخصية هيام مسلسل تركي حريم السلطان جزء الأول
✔️من اجل هدفها مكتفكرش فاللحضة بل كتفكر فمستقبل يعني كضغط على راسها وكتحترم ناهد دوران من اجل حفاض على مكانها ولكن غير فترة وغير بزز منها كيف تنقولو كتنافقها و الاحاجتك فكل قوليه سيدي.
✔️طلب مساعدة 22:51 من اجل تحقيق هدفها وتبحت عن من يسعدها بدون خجل بحال باش مشات عند سنبل باش يعاونها باش تكسب سلطان 24:39 وكتحاول طمعو تيقوليك لي تيغلب الطماع هو الكداب بقات كتحلمو وتقوليه غير نولي سلطانة نخليك تولي امير ههه 27:56 مهيم كتحاول تكسب سنبولة ههه لصفها وغواتها حتى بالفلوس.
✔️مكتحشمت تعطي رشوة مهيم كتبع مقولة الهدف يبرر الوسيلة المتبعة.
✔️ فدقيقة 32:09  باش تسرقات مسكتاتش على حقها وكتغوت وقالت شكون خداتها مهيم مكتسكتش على حقها وخرجات عينيها فيهم كاملين واخ هما بزاف دارت فيهم كاملين وكانت قوية ضدهم لدرجة مخلاتهمش يخرجو وقاتليهم والو جبدو ليا خاتمي و توحد مغدي يخرج من حمام حتى تجبدو ليا خاتمي ومخرج عينيها فيهم كاملين ومصرة على قرارها.
Harem Sultan - حريم السلطان الجزء 1 الحلقة 7

✔️ في دقيقة 4:21 سريعة رد وتقلب لأمر صالحها وتستغل نقط ضعف اخرين ضدهم بحال باش مشات تسول سنبل على خاتم واش لقيتوها قاليها تبخر طارو هي تجاوبو يوم فليل غيسلوني سلطان اش بغيتيني نجاوبو نقوليه تبخر وطار وابتسمت ابتسامة نصر.
في دقيقة 19:22 تستقبل سلطان بابتسامة و نضرات مباشرة للعين وصوت ناعم ولامح بريئة و ناعمة
✔️استغلت عشقو للدين الاسلامي وطلبت منو دخول لدين الاسلامي وكان مبررها هو انها بدها تشارك معاه امور لي بيحبها و انها تشوف حياة من منضورو.
✔️مشي اش حاجة قالها كتجاوبو عليها فقط ابتسامة كافية وكتبقا ملاحقاه بنضراتها فدقيقة 20:35 باش ناض سلطان هي بقات تابعاه بنضراتها حتى مشا نضرات عاشقة.
✔️ في دقيقة 23:44 مستمعة جيد مع تفاعلات بعيونها وملامح وجهها وكتبغي تعرف معلومات عن دين الاسلامي من فمو  كتبقا تسولو وهو عاجبو حال حيت هدشي عاجبو يهضر فيه.
✔️في دقيقة 28:29 هيام خلات ناهد دوران ضربها مشي حيت معندهاش قوة ضربها ولكن باش تستغل هدشي لصالحها امام سلطان سليمان.
Harem Sultan - حريم السلطان الجزء 1 الحلقة 8
✔️في دقيقة 27:08  دارت خطة جهنمية وهي منع نفسها على سلطان باش هو يجي عندها كترفضو كل مرة حتى عصباتو وهو جا عندها حيت راجل سلطوي تيكره رفض .
✔️في دقيقة 30:24 طريقة دكية باش تقوليه راني مضروبة فلول رفضات انه يشوف فوجها و كتقوليه بلاش صافي عافاك وبصوت متردد بهد هضرة بحال كتقوليه شوف ولكن بطريقة غير مباشرة هد طريقة تستعملها نساء باش يلعبو دور مضلومات هما باغيين رجالاتهم يعرفو ولكن متيقولهاش بطريقة مباشرة و تيبقاو يتغطاو وراء كلمة انا مزيانة ولكن عيون عامرة دموع حزن باين فوجه.
✔️في دقيقة 31:06 مبغاتش تقوليه شكون دارها ليها ولكن قالتها بطريقة غير مباشرة خلاتو هو يقولها كتبقا تبكي وتكسب تعاطفو وتخليه هو يحرز شكون دار فيها هكا هنا بحال كتبين ليه زعما خوفها وتخليه يحس انه دفاع لها.
✔️في دقيقة 36:32 نضرات حب  كتشوف فيه بواحد اللمعة في عيونها بحال عمرها شافت بحالو وحولت مرضها لغزل اتجاه وهو قاليها واش نتي مزيانة جاوباتو قاتليه غير شتك وجعي كلو راح
✔️ في دقيقة 37:11 ديما كتأكد ليه بلي معندهاش من غيرو وبلي بغاتو ميتركهاش ديما كتلعب ليه على هد الوثر لي الاحتياج ودفاع عنها.
✔️جملة قالها سلطان مهمة "أول مرة شوف هيام خايف ومرعوبة بس ضميتها حسيت ترجف مثل عصفورة" شتو لعبى لي دارت هيام هنا خلاتو يحس انه حارسها خالتو يحس بخوفها وضعفها.
Harem Sultan - حريم السلطان الجزء 1 الحلقة 9

✔️مشي مسمومة عطات فستان لصحبتها مارية 6:01 قال رسول الله تهادو تحابو. 
✔️مكتخبيش معلومة والى طلب شي حد معلومة فشي حاجة كتعطيه ليه صحبتها سولتها على دين الاسلامي فجاوباتها بكل سرور في اللقطة 5:30.
✔️حنينة في الدقيقة 13:11 كانت تيشرح ليها حرب وهي تقوليه ناس غيموتو بزاف وعائلات غيتشتو هنا كتبين ليه بلي قلبها بيض هو قال جملة زوينة وهد جملة غطبقها هيام فحياتها فالقصر "بالنتيجة مو انا لي خترعت الحرب بني أدم بيحارب حتى يضل عايش وحتى يتبت انه أقوى "
✔️كتستغل كل لقطة باش تبين ليه انها متشبت بيه قالت ليه انا معندي حد فدنيا من غيرك معندي لاصديق لاعيلة وكتبين ليه خوفها عليه وبلي خايف عليه ميرجعش ليها هنا كتخليه يحس انه مهم وعندو شي حد يخاف عليه هد شعور رائع يجدب جميع الرجال + كتعبر عن هدا خوف بملامحها حزينة وهادئ و حركاتها ديال تشبت وتعناق باش توصلو لداك شعور .
تحيليل للشخصية هيام مسلسل تركي حريم السلطان جزء الأول
✔️في اللقطة 16:34 عوتاني كتبين ليه احتياجاها وكتقوليه متمشيش متخلينيش بقا معايا شوي هدشي راه فالفراش وكتستعمل نوع تاع خطاب رائع لي هو "أنا" بحال قالت ليه هيام موحاب تبقى وحدها و متشبت بيه بيديها ونضراتها تاع احتياج هدف من هدشي  كتخليه غيمشي و منبعد غيبغي يرجع عندها بدغيا.
✔️في اللقطة 16:54 كتقول راه كنغير عادي ههه كانت كتغير من ابراهيم حيت سلطان كيشوفو كثر منها ههه هد تصرف تيخلي راجل يشعر بشعور زوين.
✔️في الدقيقة 20:18 ابراهيم عايرها و متسرطاتش ليها كانت دكية مجاوباتوش ديك اللقطة ولكن توعدت بانتقام.
غضب هيام مسلسل تركي حريم سلطان
✔️في هد اللقطة 21:29 هيام منعساتش و بقات كتسناه باش جا تلاحت عليه بتعنيقة ويلي رجال شحال تيحمقهم هد تصرف دليل كبير على انكي مهتم بيهم قاليها علاش منعستيش قالت ليه كنت كنتسناك .
✔️40:35 كتفكرو برسائل الحب باش يفرح ويتفكر بلي عندو محبوبة توحشاتو هنا كتخليه يحس بلي شي  حد كيتوحشو وكتخلي عندو رغبة باش وقتاش غايرجع ويشوفها.
Harem Sultan - حريم السلطان الجزء 1 الحلقة 10
✔️كتصبغ سلطانة الأم حيت باغا تكسبها لصفها 2:40
✔️6:58 كتصرف مع سلطانة الأم بنيتها وتيقوليك مول النية يربح يربح 
✔️12:51 رفضات الأمر واقع ومبغاتش تنصاع لقرارهم تاع تزويجها حيت هدا مخالف لهدف ديالها
✔️كدبات باش تعتق راسها من زواج واخ حاولو يخوفوها باش تقول حقيقة بقات متشبت بكدبتها يعني من لخر مكتعطي حد نقط ضعفها باش ميستغلوهاش.
✔️مكتخافش من موت باش جاو عندها 39:59 هددتاهم بالانتحار وجرحات يديها مكتخافش من دم مهيم هدفها توصل ليه وربي كبير.
انتحار هيام مسلسل تركي حريم سلطان

✔️مؤمن تحمد الله وتشكره لاتنسى فضل الله عليها 14:12
✔️وفية لمن تحب وقالت انها من اجل سلطان مستعدة تموت هدا قمة العشق.
Harem Sultan - حريم السلطان الجزء 1 الحلقة 12
✔️ في دقيقة 20:47 كان اول لقاء لهما لهيام وسليمان قال لها عدت لكي رجعت لكي بعد غياب سبب قول ليها هد هضرة هو انها ديما كتقوليه متخلنيش توحشتك.
✔️24:43 كتصرف معاه بطفولية و برائة كتخليه يبغي ينوض ياكلها من كثرت كيوت ههه هدشي تيخلي اي راجل يقرب ليك.
✔️ 28:58 كتعبر عن مشاعر فرحها بكل اريحية و بشكل طفولي ودلوع.
✔️31:03 صريحة في تعبير عن مشاعر الألم وكتغوت و كتخلي لي حداها يحس بألمها ولكن غواتها تيكون بنبرة لطيفة مشي كتغوت بحال ميت ليها راجل ههه.
✔️35:05 تقيات قدامو عادي معافتش راسها هده تقة في النفس 
✔️38:45 تهلوس بيه في احلامها حتى يسمعها هد يزيد تشبت الرجل بأنثى وتهلوس باسمه و تهلوس بخوفها بحال قالت ليه متخلنيش راه غيقتلوني 41:39.
Harem Sultan - حريم السلطان الجزء 1 الحلقة 13
✔️27:13 كتخليه يحس بحركات ولدو في بطنها شعور لايوصف.
✔️كضحك قدامو فخباركم ضحك كيعادي باش كضحكي بصوت عالي و لطيف شخص لي حداك حتى هو تيضحك.
✔️ 37:43 دلوعة جدا مكتبغيهش يمشي كدير بحال شي بنت صغيرة قتقوليه بلاما تمشي خدمة بقا معايا هدشي تيخلي عندو رغبة انه يرجع بدغياعندها.  
خلاصة 
-كوني ضعيفة معه وقوية معهم.
-لاتضهري خوفك الالهو
-هدوئ في حركات تلعب دور كبير في تنويم الرجل
-حاولي ديما تستغلي فرص باش تعبري ليه عن اشتيقاك له وانكي متقدريش تعيشي بلا بيه-
-تصرفي بطفولة في بعض حالت.
-نصحك تقراي هد موضوع باش تعرفي شنو هو حب بطريقة علمية وشنو هما هرمونات مسؤولة عليه
-شنو هو الحب ؟ وكيفاش تخلي اي واحد يبغيك
-اضحاكه 
-كوني مستمعة 
-ملامحك متصالح معاها
-متعيفيش راسك قدامو 
-اشعاره بقوته وانه شخص مسيطر
مهيم جميع هد نصائح راهم فتحليل لفوق كوني دكية في استغلال هد تحليل لصالحك.
 تتمت تحليل مسلسل حريم السلطان