-->
‏إظهار الرسائل ذات التسميات تجارب وقصص. إظهار كافة الرسائل
‏إظهار الرسائل ذات التسميات تجارب وقصص. إظهار كافة الرسائل

4/16/2020

قصة هاينة و الغول بلهجة مغربية - جزء الثاني


قصة هاينة و غول الجزء الأول كاملة,قصة هاينة والغول
ﻫﺎﻳﻨﺔ ﻛﺎﻧﺖ ﻣﺨﻄﻮﺑﺔ ﻟﻮﻟﺪ ﻋﻤﻬﺎ ﺍﻟﻠﻲ ﻣﺸﺎ ﻟﻠﺤَﺮْﻛَﺔ، ﻣﻨﻴﻦ ﺭﺟﻊ ﻣﺎﻟﻘﺎﻫﺎﺵ ﻭ ﺳﻮّﻝ ﻋﻠﻴﻬﺎ ﺃﻣﻬﺎ ﻭ ﺃﻣّﻮ ﻓﻴﻦ ﻣﺸﺎﺕ ؟
ﻭ ﺟﺎﻭﺑﺎﺗﻮ ﺃﻣﻬﺎ ﺍﻧﻬﺎ ﻣﺎﺗﺖ... ﻭ ﻃﻠﺐ ﻣﻨﻬﻢ ﺍﻧﻬﻢ ﻳﻨﻌﺘﻮﻩ لقبرها، ﻭﻧﻌﺘﻮﻩ لواحد لقبر ﻣﺠﻬﻮﻝ ﻣﺎ معروفينش ﻧﺎﺳﻮ . ﺑﻨﻰ ﻋﻠﻴﻪ ﺍﻟﺤﺒﻴﺐ ﺧﻴﻤﺘﻮ ، ﺗﻤﺎ ﻣﺎﻛﻠﺘﻮ ﻭ ﺗﻤﺎ ﺷﺮﺍﺑﻮ ﻭﻧﻌﺎﺳﻮ... ﻣﺮﺕ ﺍﻻ‌ﻳﺎﻡ ﻭ ﺍﻟﻠﻴﺎﻟﻲ ﻭ ﻓﻲ ﺍﻟﻠﻴﻠﺔ ﺍﻟﺜﺎﻟﺜﺔ ﺟﺎﺗﻮ ﺍﻣﺮﺃﺓ ﻛﺒﻴﺮﺓ ﻓﻲ ﺍﻟﺴﻦ ﻣﺎ ﻋﺮﻓﻬﺎ ﻭﺍﺵ ﺍﻧﺲ ﺍﻭ ﺟﻦ ﺧﺎﻃﺒﺎﺗﻮ ﺑﺎﻟﻜﻼ‌ﻡ ﺍﻟﻤﻔﻬﻮﻡ : ﻭ ﺍﻟﻤْﻘَﻴّﻞ ﻋﻼ‌ﺵ ﻣْﻘَﻴّﻞ ﺗﻤّﺎ ؟ ﺭﺍﻙ ﻣْﻘَﻴّﻞ ﻋﻠﻰ ﺧَﺰْﻧَﺔ ( ﻛﻨﺰ ﻣﺪﻓﻮﻥ ) ﺍﻣﺎ ﻫﺎﻳﻨﺔ ﺧﺬﺍﻫﺎ ﺍﻟﻐﻮﻝ ...
وعاودتها لو وعاودتها لو . حتى
ﺩﺧﻞ ﺍﻟﺸﻚ و الوسواس ﻭﻟﺪ ﻋﻤﻬﺎ ﻣﺎ ﺑﻘﻰ داه ﻧﻌﺎﺳﻮ ﻭ وتخمام ﻓﻲ ﻛﻼ‌ﻡ ﺍﻟﺸﺎﺭﻓﺔ ﻫﺮﺱ ﻟﻴﻪ ﺭﺍﺳﻮ ... ﻭﻗﺮﺭ ﻳﺮﺟﻊ ﻟﺪﺍﺭﻫﻢ. ﻛﻴﻒ ﺷﺎﻓﺘﻮ ﺍﻟﻤﻴﻤﺔ ﺟﺎﻱ ﻋﻠﻰ ﺣﺼﺎﻧﻮ ﺑﺪﺍﺕ ﺗﺰﻏﺮﺩ ﻭ ﺗﻘﻮﻝ " ﺳﻌﺪﻱ ﺑﻮﻟﻴﺪﻱ ﺭﺟﻊ ﻟﻴﺎ " ... ﺩﺧﻞ ﻟﻠﺪﺍﺭ ﻭ ﻃﻠﺐ من ميمتو ﻄﻴﺐ ﻟﻴﻪ
 "ﺑﺮﻛﻮﻛﺶ" ﻭ تعطيه ﻟﻴﻪ ﻓﻲ ﺯﻻ‌ﻓﺔ ﻭ يكون ﻣﺎﺯﺍﻝ ﻃﺎﻳﺐ ﺳﺨﻮﻥ و عافيا منو تغوت...
ﻭ ﻣﻦ ﻓﺮﺣﺔ اﻣﻮ ﺑﺮﺟﻮﻋﻮ ﻣﺎ ﺭﻓﻀﺖ ﻟﻴﻪ ﺍﻟﻄﻠﺐ ﻭ ﻗﺎﻣﺖ ﺑﺎﻟﻮﺍﺟﺐ ، ﻭ ﺟﺎﺑﺖ ﻟﻴﻪ ﺑﺮﻛﻮﻛﺶ ﺳﺨﻮﻥ ﻳﻔﻮﺭ ... ﻭ ﻟﻜﻦ هو لي فراسو فراسو فبلاصة ما ياكلو. ﺷﺪ ﻳﺪ ﻣﻴﻤﺘﻮ ﻭﺣﻄﻬﺎ ﻭﺳﻂ ﺍﻟﺰﻻ‌ﻓﺔ سخونة ﻭ ﻗﺎﻝ ﻟﻴﻬﺎ " ﺩﺍﺑﺎ ﻗﻮﻟﻲ ﻟﻲ ﻓﻴﻦ مشات ﻫﺎﻳﻨﺔ ؟" ؛ ﺟﺎﻭﺑﺎﺗﻮ ميمتو: ﺍﻃﻠﻖ ﻣﻨﻲ ﺍﻭﻟﻴﺪﻱ ﺭﺍﻧﻲ ﺗﺤﺮﻗﺖ ﻭ ﻧﻘﻮﻝ ﻟﻴﻚ ﻓﻴﻦ ﻣﺸﺎﺕ ﻫﺎﻳﻨﺔ ﺍﻟﻠﻪ ﻳﺮﺿﻲ ﻋﻠﻴﻚ...
ﻭ ﺣﻜﺎﺕ ﻟﻴﻪ ﻗﺼﺔ ﺍﻟﻐﻮﻝ ﻭ ﺍﻟﻠﻲ ﻭﻗﻊ... ﺳﺮﺝ ﺍﻟﺤﺒﻴﺐ ﺣﺼﺎﻧﻮ ﻭ ﺟﻤﻊ ﻋﺘﺎﺩﻭ ، ﻭ ﺧﺬﺍ ﻣﻌﺎﻩ ﻓﻲ ﺭﺣﻠﺔ تقلاب على هاينة. ﻗﻔﺔ ﻣﻦ ﺍﻟﻤﻠﺢ ﻭ ﻗﻔﺔ ﻣﻦ المواس (ﺍﻟﺴﻜﺎﻛﻦ) ﻭ ﻗﻔﺔ ﻣﻦ ﺍﻟﻤﺨﺎﻳﻂ ﻭ ﻗﻔﺔ ﻣﻦ ليباري (ﺍﻹ‌ﺑﺮ)... ﻭ ﺷﺪ ﺍﻟﻄﺮﻳﻖ 
ﻭﺻﻞ ﻋﻠﻰ ﺍﻟﻜُﺪْﻳَﺔ ﺍﻟﻜﺤﻠﺔ (التل لونه أسود) ﻭﻗﺎﻝ : ﺁ ﺍﻟﻜﺪﻳﺔ ﻣﺎﻟﻚ ﺗﻜﺤﺎﻟﻲ ﻭﺗﺰﻳﺪﻱ ﻓﻲ ﺍﻟﻜﺤﻮﻟﻴﺔ ؟
ﺟﺎﻭﺑﺎﺗﻮ لكدية: ﺑﺎﻟﺴﻴﻒ ﺁﻭﻟﺪﻱ ﻣﺎ ﻧﻜﺤﺎﻝ ﻭﻧﺰﻳﺪ ﻓﻲ ﺍﻟﻜﺤﻮﻟﻴﺔ ﻭﻫﺎﻳﻨﺔ ﺩﺍﺯﺕ ﻋﻠﻴﺎ ....
ﻭﺻﻞ ﻋﻠﻰ ﺍﻟﻜُﺪْﻳَﺔ ﺍﻟﺰﺭﻗﺎﺀ ﻭ ﻗﺎﻝ : ﺁﺍﻟﻜﺪﻳﺔ ﻣﺎﻟﻚ ﺗﺰﺭﺍﻗﻲ ﻭ ﺗﺰﻳﺪﻱ ﻓﻲ ﺍﻟﺰﺭﻭﻗﻴﺔ ؟ 
ﺟﺎﻭﺑﺎﺗﻮ : ﺑﺎﻟﺴﻴﻒ ﻣﺎ ﻧﺰﺭﺍﻕ ﻭ ﻧﺰﻳﺪ ﻓﻲ ﺍﻟﺰﺭﻭﻗﻴﺔ ﻭ ﻫﺎﻳﻨﺔ ﺩﺍﺯﺕ ﻋﻠﻴﺎ ...
ﻭﺻﻞ ﻋﻠﻰ ﺍﻟﻜُﺪْﻳَﺔ ﺍﻟﺼﻔﺮﺍﺀ ﻭ ﻗﺎﻝ : ﺁﺍﻟﻜﺪﻳﺔ ﻣﺎﻟﻚ ﺗﺼﻔﺎﺭﻱ ﻭ ﺗﺰﻳﺪﻱ ﻓﻲ ﺍﻟﺼﻔﻮﺭﻳﺔ ؟
ﺟﺎﻭﺑﺎﺗﻮ : ﺑﺎﻟﺴﻴﻒ ﻣﺎ ﻧﺼﻔﺎﺭ ﻭ ﻧﺰﻳﺪ ﻓﻲ ﺍﻟﺼﻔﻮﺭﻳﺔ ﻭ ﻫﺎﻳﻨﺔ ﺩﺍﺯﺕ ﻋﻠﻴﺎ ...
بقا ﻭﻟﺪ ﻋﻤﻬﺎ ﻋﻠﻰ ﻫﺎﺫ ﺍﻟﺤﺎﻝ ﺣﺘﻰ ﻭﺻﻞ ﻟﻠﻜﺪﻳﺔ ﺍﻟﺒﻴﻀﺎﺀ ﻭ ﻗﺎﻝ : ﺁ ﺍﻟﻜﺪﻳﺔ ﻣﺎﻟﻚ ﺗﺒﻴﺎﺿﻲ ﻭ ﺗﺰﻳﺪﻱ ﻓﻲ ﺍﻟﺒﻴﻮﺿﻴﺔ ؟
ﺟﺎﻭﺑﺎﺗﻮ : ﺑﺎﻟﺴﻴﻒ ﻣﺎ ﻧﺒﻴﺎﺽ ﻭ ﻧﺰﻳﺪ ﻓﻲ ﺍﻟﺒﻴﻮﺿﻴﺔ ﻭ ﻫﺎﻳﻨﺔ ﺳﺎﻛﻨﺔ ﻓﻴﺎ !
ملي سمع ولد عم كلام الكدية . ﻧﺰﻝ ﻭﻟﺪ ﺍﻟﻌﻢ ﻣﻦ ﻋﻠﻰ ﺣﺼﺎﻧﻮ على أﻣﻞ ﺍﻧو ﻳﻠﻘﻰ ﻫﺎﻳﻨﺔ ﻓﻲ ذاك ﺍﻟﻤﻜﺎﻥ ... ﺑﻘﻰ ﻳﺴﻮﻝ ﺍﻟﻠﻲ ﻟﻘﻰ ﻣﻦ ﺍﻟﻨﺎﺱ ﻋﻠﻰ ﻓﻴﻦ ﺳﺎﻛﻨﺔ ﻫﺎﻳﻨﺔ ﻭ ﻛﻠﻬﻢ ﺗﻴﻘﻮﻟﻮ ﻟﻴﻪ "ﻫﺎﻳﻨﺔ ﺍﻟﻠﻲ ﺗﺰﻭﺟﻬﺎ ﺍﻟﻐﻮﻝ!؟ " ولكن راه ﺣﺘﻰ ﻭﺍﺣﺪ ﻣﺎ ﻳﻘﺪﺭ ﻳﻘﺮﺏ ﻟﻤﻜﺎﻥ لي ﺳﻜﻦ ﺍﻟﻐﻮﻝ! ولكن كيف مكان الحال الناس
ﻧﻌﺘﻮ ليه ﺍﻟﻤﻜﺎﻥ .ﻭﺻﻞ ﻟﺪﺍﺭ ﺍﻟﻐﻮﻝ ودارت بيه دنيا معرف لا ﻣﻨﻴﻦ ﻳﺪﻭﺯ ﺑﺎﺵ ﻳﺸﻮﻑ ﻫﺎﻳﻨﺔ ؟ لا ﻛﻴﻔﺎﺵ ﺑﺎﺵ ﻳﺘﻜﻠﻢ معاها ؟ 
فواحد وقيت خرج من دار لغول واحد فروج.وغير شافو ولد العم و هو يغوت عليه و ﺳﻮﻟﻮ : ﺍفروج قوليا ﺷﻨﻮ كدير ﻫﺎﻳﻨﺔ ؟ 

ﺟﺎﻭﺑﻮ ﺍﻟﻔﺮﻭﺝ : ﻫﺎﻳﻨﺔ ﻏﺴﻼ‌ﺕ ﺍﻟﺼﻮﻑ ﻭ ﺗﺘﻨﺸﺮﻫﺎ ﺑﺎﺵ ﺗﻨﺸﻒ !
ﻗﺎﻝ ﻟﻴﻪ ﻭﻟﺪ ﺍﻟﻌﻢ : ﺳﻴﺮ ﻛﻠﻤﻬﺎ ﻟﻴﺎ ، ﻟﻒ ﺍﻟﺼﻮﻑ ﻋﻠﻰ ﺭﺟﻠﻴﻚ ﻭﺧﺮﺝ ﺗﺠﺮﻱ ﻋﻨﺪﻱ ﻭ ﻫﻲ ﻏﺎﺩﻱ ﺗﺘﺒﻌﻚ ...

ﻭ ﻫﺎﺩﺷﻲ ﺍﻟﻠﻲ ﻛﺎﻥ لوا لفروج صوف على رجليه وشدها بجرية وحدة تال  ﻋﻨﺪ ﻭ ﻟﺪ ﻋﻤﻬﺎ ﻋﺎﺩ ﻭﻗﻒ ، ﻭ ﻛﻴﻒ ﺷﺎﻓﺘﻮ ﻫﺎﻳﻨﺔ ﻗﺎﻟﺖ ﻟﻴﻪ: ﺍﻧﺎﺭﻱ ﻳﺎ ﻭﻟﺪ ﻋﻤﻲ ﺍﺷﻨﻮ ﺟﺎﺑﻚ ﻭ ﻛﻴﻒ ﻧﺪﻳﺮ ﻟﻴﻚ ؟ ﺍﻟﻐﻮﻝ ﻳﺮﺟﻊ ﻣﻦ ﺍﻟﺼﻴﺪ ﻳﺸﻢ ﺭﻳﺤﺘﻚ ﻭ ﺍﺫﺍ ﻟﻘﺎﻙ ﻳﺎﻛﻠﻚ ... ﺍﻟﻴﻮﻡ ﻻ‌ ﺃﻧﺖ ﻭ ﻻ‌ ﺃﻧﺎ ﻳﺎ ﻭﻟﺪ ﻋﻤﻲ ...
الجزء الأخير قريبا على موقع الأنثى المغربية
لبغات تقرا الجزء الاول 
قصة هاينة و الغول بدارجة مغربية - جزء الأول

قصة هاينة و الغول بلهجة مغربية - جزء الثالت

متنسايش تشاركي هد قصة مع الناس لي عزاز عليك باش حتا هما يتفكرو يام زمان و طفولة. ↓↓↓↓

قصة هاينة و الغول بدارجة مغربية - جزء الأول

قصة هاينة و غول الجزء الأول كاملة,قصة هاينة والغول


" هاينة و الغول " او "هاينة الكلبة المسحورة"

بسم الله من تاني حكايتي بديت

بديتها بالصلاة على النبي العدنان محمد عليه الصلاة و السلام

اللي من الصلاة و السلام عليه ما مليت.

كان حتى كان ، كان الله في كل مكان ، و كان الحبق و السوسان في حجر النبي العدنان... كانوا الناس يعيشوا في امان و يحطبوا الحطب لدوير الزمان... هاذو سبع بنات رسلوهم عائلاتهم يحطبوا الحطب و كانت بينهم وحدة زينة اسمها " هاينة " ، و كيفما هو معروف خاصهم يرجعو لمنازلهم قبل مغيب الشمس خوفا من مجيئ الغول...

و بينما البنات تيجمعوا الحطب كل وحدة فيهم لقات شي حاجة ، وحدة لقات دبليج و وحدة لقات خاتم و وحدة لقات مِشْط و وحدة لقات عِقد ... الاّ هاينة لقات مشهاب او محماش ( قطيب) !!

جمعوا البنات الحطب في رزيمات و كل وحدة حملت الرزمة ديالها على كتافها و شدوا الطريق راجعين لمنازلهم ، و لكن "هاينة" كانت في كل خطوة كتمشيها كَتْحَل ليها رزمة الحطب و يرجعوا البنات باش يعاونوها في حزمها و يكملوا الطريق، وكانت الرزمة تُفتَح من جديد و يعاونوها من ثاني حتى قرب مغيب الشمس. و هنا البنات خافوا على راسهم و كملوا طريقهم بلا مايلتافتوا ل"هاينة" ... و هي مازال مشغولة مع الرزمة جات ريح قوية ، كان وراءها ما لا تتمناه، كان الغول !!

عاونها في عقد الرزمة و حط "المشهاب" في العقدة و قال ليها : نهار تجي الشتا و الريح و النفانف و نقول ليك آهاينة مدّي المشهاب ، مدّيه ليا ...

و رجعات " هاينة " مرعوبة و باكية للدار ، سولاتها امّها مالها ؟ و حكات ليها اللي وقع مع الغول ... و لكن أمها طمأنتها و قالت ليها : ما عاندك مناش تخافي ، حايرة غير فيه !!
مرت ايام و ايام ... و في يوم كانت فيه ريح قوية و النفانف ( صفير الرياح عبر الابواب و النوافذ... ) و الشتا خيط من السما ، جا الغول كيف وعد هاينة ، و قال ليها : وآ هاينة مدّي المشهاب. 
كيف سمعاتو هاينة ترهبات و ترعبات و قالت لأمها : ناري يا أمي و الغول جا اشنو ندير ؟
قالت ليها أمها : قولي ليه تمدّو ليك أمي .
جاوبات هاينة الغول : تمدّو ليك أمي !
قال ليها : يعطيك الغمة لا أنت و لا هي ... وآ هاينة مدّي المشهاب .
جاوباتو: تمدو ليك أختي !
قال ليها : يعطيك الخوا لا أنت و لا هي... وآ هاينة مدّي المشهاب .
جاوباتو : تمدّو ليك خالتي !
قال ليها : يعطيك الخلا لا أنت و لا هي ... وآ هاينة مدّي المشهاب .
جاوباتو : تمدو ليك عمتي !
قال ليها : يعطيك العمى لا أنت و لا هي ... وآ هاينة مدّي المشهاب .
و فكرت أم هاينة في فكرة و قالت ليها : آبنتي ركبي على ظهر الخادم و تغطاي و مدي ليه المشهاب.. و الغول ما يقدرش يخطف الخادم ...
وهاذ الشي اللي كان ركبت هاينة على ظهر الخادم و عطاتو المشهاب و لكن الغول كان ذكي و ما دارتهاش بيه الحيلة ، اخذ المشهاب و غرسو في عين الخادم و خطف هاينة من ظهرها و مشا ... الخادم مسكينة ما بيدها حيلة رجعات لعندهم تبكي و تصرخ و تقول : لالة مشات ، عيني عمات... لالة مشات ، عيني عمات... لالة مشات ، عيني عمات...

وخبيرتي خليتها هنا ، الجزء الثاني.

قصة هاينة و الغول بلهجة مغربية - جزء الثاني
قصة هاينة و الغول بدارجة مغربية - جزء الثالت

متنسايش تشاركي هد قصة مع الناس لي عزاز عليك باش حتا هما يتفكرو يام زمان و طفولة. ↓↓↓↓

1/19/2020

حصلات راجلها كيخونها شوفو اش دارت ليه 😮

حصلات راجلها كيخونها شوفو اش دارت ليه 😮

حصلت راجلي كيخوني مع شي وحدة في ميسانجر خليتو حتى دخل دوش و هزيت ليه تلفون ودرت سكرين لمحادتة لي بيناتهم وسيفطها ليا فواتساب ومن بعد بلوكيتها و درت حساب فالفيسبوك بسميتها و بتصاورها و سيفطت ليه انفيطاسيو و ميساج و قتليه راني بدلت فيسبوك هد واحد جديد قبلني .
مهيم بدينا نهضرو كل نهار و وكل ساعة و اكتشفت ياالهوووي انه مش متجوز و كيبحت علي تؤام روحه ياعيني .
قلت ليه : مزال ملقيتيش هد توأم روحك.
قال لي : مزال ولكن نتي رتاحيت ليك و وليتي حياتي ومعايا في الحلم وفي الواقع.
قلت ليه : حتى انا كنبغيك بزااف و معمرني عرفت شي حد بحالك .
دوزنا شهر وحنا على هد حالة وكتاشفت بلي راجلي حنين ههه
واحد نهار جا معطل من خدمة دخل لدار مهضرش معايا مشا نيشان لبيت و هز تلفون و بدا يسيفط ليها ميساج  ههه حتى انا مشيت بدغيا لكوزينة و بديت نهضر معاه.
بدا يشكي عليا و يقول ليا يوم دوزت نهار خايب و كدا صراحة بقا فيا حال كيفاش مخليني و مشا عند وحداخرا.
و انا نقوليه نتزوجو قاليا لا منقدرش ومشي دب و الظروف وكدا..و نتي ساكن بعيد عليا .
في هده اللحضت تعصبت تاع بصح و قلت له : انا عارفه انك متجوز وعندك اولاد
قال لي : 😳اويلي كيدرتي عرفتي.
قلت له : انا سحارة وكنعرف كلشي عليك ودب غنحرك ليك مجامر الى مسيفطيش ليا جوج مليون و الا مسيفطيهاش غندي نعوق ليك مراتك و ولادك و نت غندير فيك امارة.
راجلي تخلع و طف عليا تلفون و انا كنت غنموت بضحك ههه
مشيت لناموسية و تغطيت هو دخل عليا و انا نقوليه حبيبي عرفتي رجلي مكنحسش بيهم حسيت راسي بحال تشليت.
ووجهو تخطف بخلعة هههه وبدا يقول حسبي الله ونعم الوكيل ويقرأ قرآن ومسح الفيس والماسنجر وغير نمرتو وباع التليفون وجاب واحد صغير تاع مكالمات وبقي يمشي علي الصراط المستقيم ههه
 بلا ماتجي شي وحدة و تفهم عليا هداك راجلي و من حقي نحافظ عليه.

12/10/2019

قصة حقيقة ضرتي سبب سعادتي - الصبر جميل

قصة حقيقة ضرتي سبب سعادتي - الصبر جميل

ألمي 😭😭😭 في حياتي 
قصتي بدأت حين تزوجت من رجل متزوج وله 6 اولاد من الذكور واناث.
فأنا امرأه ارمله من سنين
ذقت من الحياة مرارتها وتجرعت العلقما
ذرفت ليالي من الدموع على معاناتي ومآستي.
صبرت وتحملت سنين طويله من نقص من الحنان والرعاية والحنيه والحب والاحتواء.
ابي كان متوفي وامي لم تكن من تلك النساء والأمهات المعهوده كنت اتجنبها في كل ظروفي واتجرع كأس المرار وحدي
من يتم
وارمله
وقله في الرزق
والوحده
والحرمان
والأخ الحنون
وغير ذلك.
امتد بي العمر حتى كتب الله لي أن اتزوج هذا الرجل.
انه ملتزم لشرع الله ومتبع لسنة رسوله
ومعاه ما يكفي لفتح بيتين.
ووافقت عليه لا أريد إلا الستر والنجاة
وأدركت أن الله نجاني به
لم افرح منذو سنين طويله.
وتفاهمنا على كثير من الامور
فقد كان يكبرني بسنتين ولم يبدي اي اعتراض على الزياده بالعمر.
ومضت الايام والحمد لله
لكن من كان ينغص حياتي زوجة الأولى كانت تتخبط بتصرفتها لهدم حياتي غيرتها اللامتناهيه.
فهي جميلة وأصغر مني وعندها 6 ابناء
هي المعززه المدلل تطلب ما تشاء وتذهب أينما تشاء وزاد دلالها وبدت على حياتها ملامح الرخاء والسفر والذهب واللباس والأثاث الجديد على رأي المثل (الجديده عملت للقديمه بخت).
لم اهتم فكنت مكتفيه بالستر فقط وهذا كل ما اريد.
لم اكلفه شيء ولم اقارن حياتي بحياتها.
فأنا أدرك مشاعرها واحاول أن أكون دائما هادئه ممتصه كل ما يدور حولي
مرت الايام والشهور على هذا الحال
وسرعان ما تغيرت الأحداث فأخذت تقهرني دائما بأن لها أبناء وانا لم ارزق بأولاد
فحاربت بهم حياتي فكل يوم تتصل بزوجي بحجة الاولاد ودائما وفي أي وقت وعلى اتفه الأسباب.
كان هدفها أن تزعجني وتعكر صفوة ليلتي
وفي كل مره تطلبه بحجه أولادها كان يتركني ويذهب ولم اهتم لمشاعري .
مرت سنين وانا على الحال وزداد سوءا فأصبحت تعايرني لا أنجب واني كبيره واني ليس على قدر من الجمال
وأنها أصغر مني واجمل مني وتتلفظ بكلمات جارحه وغرست الكراهيه باولادها فبعد أن احبوني كرهوني وأصبحت معاملتهم معي بقله أدب واحترام
لم اشتكي وكنت دائما أحاول أن اخلق الاعذار.
وتشيع بكلامها بين العائله اني كبرت ولا أنجب وأنها ستزوج زوجي بواحدة صغيرة وجميله وستسقني من نفس الكأس
فهي للأسف فاهمة الموضوع خطأ
فأنا لم اجابهها ولم اعرقل حياتها ولم احاربها ولا أريد أن اخرب بيتها.
فأنا مكتفيه ببيت من غرفة نوم وممر واسع ومطبخ وحمام.
وراضيه بقدري ونصيبي اسأل في نفسي
على ماذا تحسدني؟!!
انتظر الايام لعلها تخفف من ثرثرتها وان تهدأ وتستقبل الموضوع.
بقيت على هذا الحال إلى أن فاض بي الحال.
وقررت أن أوقف هذه المهزله لكن كيف؟
لقد عانيت بما يكفي طوال 6 سنوات لم تهدأ ولم تتراجع ولم تفهم
شأت الأقدار ومات حماي ابو زوجي
فقرر زوجي أن اسكن ببيت العيله كونه كبير ولا يوجد أحد بدلا من بيتي الصغير
كان بيت العيله يحتاج إلى ترميم
وبالفعل قام زوجي بإصلاح كل شيء فبدى بجمال رهيب فقد غير زوجي معالم البيت كلها.
من هنا بدأت تفكيري أن ازوج زوجي حبيبي بامرأه ثالثه أصغر مني واجمل مني وتلد لنا الاولاد والبنات وتملئ البيت
وهذه كانت فكرتي للتخلص من حقد الزوجة الأولى.
ولترى وتعرف ان الله حق
فهي تطاردني بكل شيء وانا لا أملك شيئا
لا أملك ما اخاف ان تنافسي فيه فأنا لا أريد سوى الستر.
لكنها لم تفهم ذلك حتى وإن قلت لها مرارا وتكرارا إلا أنها آبت أن تستوعب وبقيت تشن الحرب علي.
وبدأت بعرض الفكره على زوجي بأن يتزوج الثالثه وتسكن هنا معي انا انتبه لها واجعلها كاختي.
وكل يوم ازن على مسمعه كلماتي
وان الزواج جميل وفيه آجر والله يبارك لك برزقك وصحتك.
كان يرفض في كل مره لكن استشعر احساسه كلما حاول أن يخفيه بأن الفكره تروق له.
فلا يوجد رجل يكرها مهما كان لكن لم أيأس ابدا.
واصررت على فعل ذلك لاني تأذيت من كلام زوجته الأولى كثيرا وأردت أن تشيل عني نظرها وتلهوا بأمر آخر
وبالفعل بعد مرور 6 أشهر وافق زوجي على الزواج بثالثه ففرحت من قلبي وشعرت بسعاده.
وان الظلم سيرفع عني الحمدلله
فأنا اعرف نفسي صادقه مطيعه عابده لا أكن البغضاء ولا احسد ولا اكره احدا
وما لي بهذه الدنيا إلا زوج يحميني من غضب الدنيا ويستر علي بالدنيا ولاخره.
فقال لي زوجي اختاري لي انتي زوجة صالحه مثلك تماما راضيه قنوعه.
ما أجمله من رضى وما أروعه من لحظات
وبالفعل قمت باختيار واحده سن مناسب لا كبيره يقطع حيضها ولا صغيره يقلل عقلها
مؤدبه مطيعه.
بالفعل تم الأمور على أحسن ما يكون وتم زواج زوجي بأمراه ثالثه صغيره جميله اسكنها في بيتي لأنه كان كبير.
والتزمت معها بشراء كل ما تحتاج إليه وساعدتها كثيرا ووقف جنبها.
كان زوجي يرا كل ذلك ويشكرني
وفي يوم عرس زوجي تركت له المنزل 3 ايام .
كل ما سمعت عن زوجة الأولى انها جن جنونها من هذا الزواج وكادت تفقد وعيها واتصلت بي بعد انقطاع الاتصالات بينا ما يقارب السنتين وقالت لي كيف توافقي على مثل هذا الفعل ستدمر حياتك وتطردك خارج المنزل.
قلت لها اهدأي لن يحدث هذا والله معي.
أليس انتي من ذكر الفكره منذ البدايه فلماذا تتأثري إذا؟! هاذا ما قلته بنفسي.
ففي يوم عرسه كنت فرحه له مبسوطه وكنت مدركه أن زوجة الأولى سيأتي يوما وترحل بأفكارها السوداء عني
وسأعيش بسلام.
وفعلا بعد مرور 3 ايام اتصل زوجي وطلب أن ارجع الى البيت.
فكان قد قسم كل ليلة عند واحده
انا طبعا أصبح لي ليلتان كون العروس الجديده عندي كانت جميله ومؤدبه.
فقررت أن أكون لها الأخت الكبيره أو الأم لا يهم.
لكن قررت أن أكون أنا سيدة البيت وكل الأمور ترجع لي.
ووضعت الحدود من بداية الطريق اولا مع زوجي وكان موافق وتانيا مع الزوجة الثالثه وعلمتها كيف تدير شؤون البيت وعلمتها الطبخ وتجهيز السفره وحسن معاملة الزوج لم ابخل عليها بشيء وقلت لها ماذا يحب زوجي وماذا يكره.
كنت مدركه تماما لما ألت الأمور اليه
لكنني ابقى أنثى فوقت يدخل زوجي والزوجه الثالثه غرفة نومها كان يوسس لي الشيطان أن التهم نفسي نارا وغيره
لكن استعين بالصبر والصلاة في كل مره أشعر بهذه الاشياء.
ربما تستغربون كيف لي أن اتحمل
نعم تحملت.
لاني ذقت مرارة الحياة وقسوتها وظلمها ما يبقيني صلبه.
وكنت على يقين أن هذا هو الحل الوحيد لاوقف زوجة الأولى عني
مرت الايام على ما يرام كنا سعداء كثيرا نسهر مع بعض وناكل مع بعض
حتى المشاوير مع بعض الا اذا كان لها زيارتها الخاصه.
وبعد مرور أشهر حملت زوجته الثالثه وهنا كانت الفرحة الكبرى وأملي ومرادي الحمدلله سيكون عندنا اطفال
كانت زوجته الثالثه كريمة العيش وتحب الستر ولم تعتبرين ضره.
وصرحت لي ذات مره عن معاناتها عند زوجة الأب وكيف ظلمتها وأنها بكت وذاقت من العيش مراره.
وأنها تحمد الله أن أرسل لها انا وحصل النصيب.
لأنها لم تتزوج وهي صغيرة كانت زوجة ابيها في كل مره ترفض زواجي لأي رجل يتقدم لي.
لتبقيني خادمة لها وأولادها حتى أصبحت كبيره ولم يخطبني احد منذ فترة
فرح زوجي بالحمل وفرحت انا وفرحت زوجتة الثالثه.
اما الأولى فقد أكلت قلبها الغيره والحسد والقهر وأصبحت تفكر في غلاة أولادها وميراثهم وتحسب كل شارده و وراده
لم تقنع بي وبرضاي وبصمتي فجائها الهم الاكبر.
مرت الايام وأصبحت الزوجة الثالثه تتدلل على زوجي متى تشاء.
وتتصل به في ليلته عند الأولى وتركها ويأتي الينا.
فكان حملها صعبا وثقيلا والتعب الكثير
الأولى تذوب بحسراتها وتتجرع هي مرارة الكأس.
فتصلت تتوسلني أن تكف الزوجة الثالثه عن مطاردة زوجنا في ليتها.
سبحان الله يا لها من صدفه عجيبه
أتعلمون أن الظلم حرام وان الدنيا دواره.
قلت لها أنها فعلا تعاني وتتصل بزوجها ليسندها.
لكنني سأحاول وبقي الحال على ما هو عليه.
وانا احاول ان اقلل من اتصالات زوجته الثالثه واقوم انا بالاعتناء بالزوجة
مرت الايام والشهور بالسعاده
وأنجبت طفله جميله جدا وقت ان رأيتها رق قلبي وانتابي شعور الأم الذي لا أعرفه وشعرت بأحساس غريب يتدفق من جسمي وقلبي وروحي وكأنني انا من ولدتها.
كانت امها لاتزال تحت تأثير المخدر
حضنت ذلك المخلوق الصغير بصدري وضممتها بشده وامتلأت عيناي بالدموع حتى شعرت بتدفق الحليب وكإنه في صدري. وقلت في نفسي يا رب ذو الجلال والإكرام أكرمني ربي لا تذرني فردا وانت خير الوارثين.
كلنا فرحنا لقد ملأت علينا البيت فرحه وسعاده وكل العز والدلال لنا.
انا و الطفله والزوجة الثالثه أحسست بحياة لم اعشها بل انحرمت منها طوال 8 سنوات.
وكل ليلة تتصل الزوجة الأولى تسأل عن زوجها الذي يعيش بحاله جميله وكأن هذه اول مولود له سبحان الله
ما أكرمه وما اعدله.
كنت أدرك تماما اني كبرت وان الطمث(الدوره الشهريه)
أوشكت على الانقطاع
وبعد مرور 4 أشهر من ولادة الزوجة الثالثه تأخرت دورتي كثيرا فأيقنت أنها سوف تقطعني فهذا ما اسمعه دائما واعرفه
استسلمت لقدر الله وحمدت الله بكيت كثيرا رغما.
كنت ملازمه للطفله الجديده وللأم واعتني بها واقف جانبها فأنا أشعر بأنها ابنتي
لكننى أشعر بتعب غريب وارهاق لكنني كعادتي اخفي آلامي.
شعرت بأنتفاخ في بطني تجاهلت الامر
ثم سألت من هن بسني قالوا طبيعي لأن الدورة انقطعت عني.
ازاد الأمر سوء حتى انتبه كل من كان حولي فعند الشعور بألم اصرخ لا شعوريا واستنكر هذا.
وفي أحد الأيام شعرت بعياء شديد حتى اغمي عليا .
فأصرت علي الزوجة الثالثه أن أدهب لطبيبه لأن وضعك محير وصحتك بتدهور ووجهك شاحب.
فعلا ذهبت للطبيبه وهنا كانت المفاجأة الكبرى
"انا حامل منذ 4 أشهر"
لم أصدق ما سمعت كرري ما قلتي يا طبيبتي
قالت انت حامل وفي احشائك جنين وأنه صبي . 
يا الله ما أكرمك يا الله ما أوسع رزقك رزقتني بعد هذا العمر الحمد لله حمدا كثيرا.
فقصصت عليها ما حدث لي فقالت الطبيبه أن هرمونات قد تغيرت نفسيا عندما تعاملتي مع الطفله فأصبحت قويه نشطه
وان سنك يحدث به الحمل لا مشكله واعلم انك تجاوزتي سن 45 سنه فسبحان الله. إنما هي قوة الله إذا أراد شيئا فيقول له كن فيكون الحمد الله يارب.
رجعت و الفرحه ودموع الفرح في عيني.
فرحت لي كثيرا الزوجة الثالثه و أبلغت زوجي فشكر الله وبحمده
لم يصدقني في أول الامر.
وعندما عاد إلى المنزل كانت تغمرنا سعادة لا توصف.
من الله علي أن أحمل الحمد لك ياربي
على عطاك.
فأصبحت ادلل انا على زوجي وخصوصا اني بحاجه للراحه وادويه ومثبتات
والحمد لله رزقني الله بولد
فكان بعد صبري وطول الانتظار
لم يعد أحد يعايرني بأني عقيم لا انحب
لم أعد أشعر أن حياتي تختلف وليس لي الحقوق.
انا الان اما أصبحت الحياه كلها سواء
الزوجة الأولى لها اولاد والثالثه وانا هذا من فضل ربي.
كلنا لنا الحق بالعز والدلال
لاني رضيت بما كتبه الله لي.
انا اعيش أجمل ما كان بحياتي مع زوجي وابني.
والزوجة الثالثه تعيش حياه جميله مع طفلتها.
والأولى تندب على ما جرى لها لو رضيت بالحال وبقيت كافيه شرها
الان لا تقدر على مجابه احد.
ولا تنفرد بشيء
فكلنا لدينا اشياء
اترون القناعه والرضا
والصبر ثم الصبر
وحسن النيه والدعاء إلى الله.

ياليت كل من يقرأ القصتي يرضى بحياته ويكون قنوعا فربما الله يخبأ لك خبر حلو.




11/21/2019

قصة للعبرة حب في الفسبوك وهم و لا حقيقة ؟ 💔

قصة للعبرة حب في الفسبوك وهم و لا حقيقة ؟ 💔

♥️♥️الجزء الأول♥️♥️

قصة حقيقية وقعات لواحد البنت خاصها تكون عبرة لأي بنت كتيق الفايس وحب الفايس قراو .. هادشي لي غنعاود ليكم دابا دازت عليه 5 سنين تقريبا. حتى واحد ما عارف هاد التفاصيل كاملة، طويت الصفحة سنين هادي ولكن اليوم قررت نفتح قلبي و نهدر، بغيت كلشي يستافد من تجربتي. 
الفصل 1
 في 2012 كانت عندي 28 عام. بنت من عائلة محافظة و أب صعيب بزاف. قريت فمدرسة هي تاني أحسن مدرسة في المغرب. تخرجت و خدمت إطار فبنكة ف كازا. كانت ظروفي المادية أحسن بزاف من داكشي لي حلمت بيه. ف 28 عام عندي داري و سيارة جديدة و كندوز الكونجي 2 مرات في العام في الخارج. بإختصار كان عندي كلشي من غير حاجة واحدة لي هي الحب. كنت كنعاني من فراغ رهيب، تجارب بزاف مصدقوش كنخرج في كل مرة مصدومة و محطمة. مع انني زوينة و كنعرف نهدر و كنلبس أحسن ما كاين ولكن معرفتش علاش مقدرت نجح فحتى علاقة. او ما كنتش كنقلب بالضرورة على شي واحد لاباس عليه، فقط يكون واعي او يخاف الله. المهم كنت كنهدر مع رجال ف انترنيت، كنخرج، كنسافر...كنت كنقول نعطي فرصة لراسي ممكن نلقا الحب لي كنحلم بيه. واحد النهار صيفط لي واحد السيد طلب صداقة فالفيسبوك. دخلت نشوف لقيت راسي مكنعرفوش ولكن تزعطت فيه غير من تصاورو. كان غزال و لبسو زوين عجبني بزاف او قبلتو. بدينا كنهدرو ديك الساعة هدرة عادية، كان تقيل بزاف مسولنيش حتى شنو سميتي فالنهار الاول. بقيت فين ما ندخل نلقاه اونلين مرة يهدر مرات ميهدرش حتى وليت انا كنجبدو. دازت شي سيمانة قالي عطيني نمرة ديالك فرحت بزاف عطيتها ليه او بدينا نهدرو ف الميساجات شوية ولينا كنتعايطو. صراحة بغيت نتقل شوية خليتو هو لي كيعيط. فؤاد، هاد السمية لي كنسمعها لدابا كتشدني التبوريشة. كان قدي في العمر، مهندس دولة، مراكشي ولكن خدام و عايش في هولندا. فداك الوقت لي كنا كنهدرو كان فمراكش كونجي. عندو خوه واحد اكبر منو حتى هو مهندس و لكن كان خرج من الخدمة باش يدير مشروع ديالو. او نزيد على هادشي السيد راسو عامر علاش ما جيتو و هادي اكتر حاجة شداتني ليه. المواصفات لي حياتي كاملة او انا نحلم بيها، صافي قررت نعطي وقتي و جهدي كامل باش تنجح هاد العلاقة.....يتبع

11/15/2019

قصة سقطت عامين في الباك بسباب الجن العاشق 😪

قصة فشلي في الامتحان الباكالوريا بسبب الجن العاشق

الجزء الاول: 
سلام أنا سميتي ثرية عندي 21 سنة طويلة سمرة لطاي عندي زوينة واخة ضعيفة ديرة الحجاب لمهيم قصة غادي تبدا نهار غدي نمرض هدي عماين تقريبا او بضبط فالليلة 27نضت نخمل او سيقت بلحكم انا كاينة غي بوحدي فالدار , كلشي مشا يصلي بديت نسيق حتى حسيت بشي حجا جبداتني... لمهيم فلول قلت عادي شويا حسيت بشي حجا سخونا حدا ودني لمهيم جات ماما او عمتي لقاوني سخفانة معقلتش شنو وقع مهم داز لعيد الناس فرحانين أو أنا لا, جا بابا بغا ايسلم عليا دفعتو كالي مالك كولتلو بعد مني وليت  ديما مخاصم فدار و ديما كنبكي او معرفاش علاش لمهم بابا قرر ايصفطني عند العائلة فمراكش أنا مشيت فرحانة حيت غانبدل الجو , مسكين بابا كيدير المستحيل باش نكون فرحانة لمهم مشيت انا و خويا الصغير شديت طاكسي او وصلنا لدار رحبو بينا مزيان دازت ديك لأيام غزالة واحد نهار خرجنا شافني واحد شاب غزال بيض او طويل واش نكولكم غزال مهم تقدم ليا غالي بغيت نتعرف عليك أنا حشمت كولتلو لا (اولي عليا انا ) مهم بقا فيه الحال اومشا ولكن مشي لخاطري والله.. يتبع



الجزء الثاني:
 مهم داز شهر او غادي نرجع لدارنا حيت عندي الباك لمهم مرت خالي جابتلي نقاشة او نقشات ليا تخيلو سافرت بحنتي خضرة حيت عارفين مراكش فيها صهد لمهم ودعتهم او شدينا طريق , لغدليه مشيت ليسي غير وصلت لقيت صحابتي عنقتهم مهم دخلنا تسجلنا او رجعت لدار لقيت ماما كلسا , مهم كلينا او طلعنا لمدينة نشري لكطمة تاع الرياضة أو الطبلية او رجعنا مع أدان المغرب  , هنا غادي ترجعلي لمعانات لمهيم رجعنا لدار سلمت عليهم او بابا ليشهر ماشفتوش مسلمتش عليه تقلق بزاف قلت لماما غادي نمشي نعس قالتلي واخة بابا  عيطلي والكن ماديتهاش فيه كان غادي ايضربني ولكن ماخلاتوش ماما  , مديتهاش فيه ومشيت نعست شويا كانحس بشي حاجا سخونة حدا ودني ماديت مجبت فيها  ,  نعست مهم دازت مدة 9 شهور اوانا فهاد المعانات كانوض مدكدكا اولحمي كولو زرق.. يتبع




الجزء الثالت:
 دخلنا لقرايا و مبقا والو لامتحان مهم بدات لمراجعة ديال بصح عرفين مادة العلوم الفيزياء صعبة كان زيد سوايع الاضافية بش نحصل على نقط جيدة لمهم جا وقت لجد فقت مع 5 توضيت صليت او بديت فلمراجعة او تجهت لمركز الإمتحان فوتنا ولكن انا تبلوكيت اخوتتي معرفتش شنو صرالي نهار النتائج عطوني rattrapage ماما تصدمات مسكينة لمهم عودت العام او كلشي تبدل صحباتي الاصدقاء دياولي كلشي نجحو إلى أنا مهم بدينا عام جديد كاين اساتدة لشجعوني اوكاين لحطمني لمهم كرهت حياتي مبقيتش نصلي او منحملش نقرا لقران دازو دوك الأيام دخلت نزيد سوايع إضافية باش نقد نحصل على نقط جيدة واحد ليلة جا بابا حديا او ضربتو بلكتب او بقيت نغوت او ماما كتبكي او طلق ليا القرآن او غيبت هنا ربي غا يحن عليا لمهم جابولي واحد الراقي نهار العيد او قالهم بنتكم فيها جن عاشق لمهم اخواتتي بديت نتقيا او نغوت او كلشي تخلع مهم ديك ليلة نعست مدكدكة بقاتلي يومين الإمتحان مشيت فوت و.. يتبع






الجزء الرابع :
ولكين صدمة لكبيرة عطوني rattrapage عوتني علاش اربي بقيت كنغوت بحال شي مجنونة او ماما كتبكي أو كتعيط الجيران اح على الجيران بقو غي كيتشفاو لمهم كرهت لباك فلعشية كلشي كيسول فماما واش نجحت أو بقات كتكولهم لا و انا ربي لعلم بيا ولكن ربي حنين صونا صحب بابا قلو بنتك غدا ديها عند الراقي مهيم صبح صباح مشيت عند الراقي بدا ايقرا او انا غيبت لمهم مين غيبت هو دار تسجيل صوتي باش مين نفيق نسمع لمهيم بدا شخص ليفيا كيغوت حيت مكيحملش يسمع القرآن لمهم بدا كيتكلم معاه الراقي كالو شكون نت كلو انا اسحاق (الجن العاشق ) كلو شال من سنة او نت فيها قلو 3سنوات قلو ماذا تريد منها قلو بغيتها تكون زوجتي وحبيبتي وكل شيء قلو هل كنت تاتيها فيل ليل قلو كل ليلة لكي تكون لي وحدي لمهم بدا كيخرجو مني او انا كنغوت... يتبع





 الجزء الاخير:
 داز تقريبا ساعة ونصف بديت كنفيق او كيسولني شكون أنا قولتلو سميت بابا  ,  مسكين كان حدا راسي اوبقا كيبكي ويسلم على راسي وكيقولي على سلامتك ابنتي مهم البنات حسيت بشعور زوين بحال يلاه تزدت مهم خرجنا او بابا شادلي فيدي حيت مبقيتش نقد نتمشا رجعنا لدار كليت شويا او مشيت نصلي حيت عام مصليت او مورها طلقت سورت البقرة او نعست اول مرة نعس بلا منتعدب ولايجي عندي داك الجن فليل لمهم نعست مرتاحة هنا البطلة ديالنا واخيرا غايضحك ليها القدر دازت الايام أو بقات 15ليوم لامتحان بقيت كرجع او نصلي او ندعي مره مرة نخرج مع صحباتي لمهم جا نهار الإمتحان فوتنا الحمد الله مزيان ...... دازت ١٠ تعلقو النتائج والحمد الله خديت الباك بنقطة مزيانة .. النهااااية.

10/26/2019

قصة دخلت عمي لحبس - قصة حقيقة للعبرة

قصة مغربية حقيقية عم يغتص ابنت اخيه - قصة حقيقة للعبرة

*كاتبة فاتي مغلي من المغرب*
لبنات هنا غنعاود ليكوم قصة من الاول حتى الاخير ولبنات لكدبوني غنقول ليكوم حسبي الله ونعم الوكيل فيكوم. 
غنعاود ليكوم من الاول حتى الاخير موهيم انا واحد نهار فرمضان مشيت عند مرات عمي كبير لي كانت نفيسة يالاه ولدات . مشيت نشوفها فطرنا عادي غسلت لماعن لفطور عمي كبير مشا لصلاة تراويح وعمي الاخر لي صغير كيسحاب ليا حتى هو مشا لجامع . 
و بنتها صغيرة لي عندها 9 سنوات سميتها مريم يسحابلي كتلعب مع بنتي مع عندها دار كبيرة لفوق ولتحت. 
ولكن باش مشيت لصالة تنجمعها لقيت بنتي كالس حدا مرات عمي حال فمها فتلفون فدار لتحت جاتني قضية فشكل بقيت تنقول مع راسي في هي بنتها ؟ساليت غسيل لماعن وقلت لبنتي فين هي مريم ؟ قالت ليا راه لفوق قلت مع راسي راه يمكن كتلعب مع شي بنات حومتهم حيت مولف كدخلهم لدار. 
واحد راس قالي طلعي لسطاح باش نهبط شي حوايج ديال ولدها لتزاد حتى كنسمع شي صوت ديال 'داكشي' فبلكون لي كاين فالفوقي ولكن داك صوت كاين بشوية. 
طليت على نيتي لقيت مريم وعمي لي هي بنت خوه اعباد الله اقسم بالله البنات الى هادشي حقيقة ربي شاهد علي .انا شفت داكشي دخت تصدمت فبلاصتي خليت حوايج فلأرض و هبطت كنجري حتى بسلامة مقلتهاش ليها . 
هزيت ولادي وهربت تصلت براجلي هزني فطريق قالي مالك قلت ليه غير فيا لوجع وصلت لدار بقيت كنبكي بكاء هستري . و عاودت راجلي كولشي وهو يضور فيا قاليا وجيتي بوجهك حمر ديك ساعة قولي شي حاجة راه مريم تقدر تكون بنتك كيفاش قدرتي تشوفي داك منظر و تسكتي . 
هضرتو بحال فيقاتني من صدمت وعرفت خطأ ديالي هزيت تلفون تصلت بعمي كبير قلتها ليه و عيطت لماما و بابا وخويا مهيم كولشي الى مرات عمي مقدرتش نهضر معاها حيت هي اصلا كانت مريضة مقدرتش نزيدها خليت عمي وهو لي يتكفل . 
نضت مسحت دموعي قلت لراجلي يالا نمشو عندهم . 
مهيم مشيت عندهم انا و راجلي شدينا مريم هضرنا معاها انا وخويا غير بالخاطر حتى عتارفات وسجلنها بتلفون و سمعت لباباها داكشي وماماها. و باباها فلبلاصة مشا عند لبوليس جابوه . هزوا عمي صغير "لي ميستهلش هد كلمة" من لخدمة ديالوا حيث كيبيع ويشري . مهيم 
دخلوني بوليس باش يسجلوا أقوالي. هو مشفتوش معرفتش كيفاش عترف ليهوم لموهيم كان كيعطي لبنت لفلوس كيقوليها اجي نديروا كيفاش كيدروا في لأفلام . 
الموهيم ناضت روينة عماتي عيروني هو قال واحد عمتي نخرج ونا عارف اش غندير ليها جداتي وجدي كيهددوني ماماها الله يكون فعونها هاهي حديا دبا لموهيم كولشي ناض ضدي درنا ليها شاهدة طبية عند طبيب قال لينا متعرضة الاغتصاب من لور و من قدام راه متقوبة وباين مدة طويلة وهو كيغتاصبها . 
كان كيمارس عليها ملي سكن معاهم ودب 3 سنوات وهو ساكن معاه ياربي سلامة هدا عمي والله دموع تغرغروا ليا فعيني . 
موهيم انا كنختصر ليكوم ليوم عطيت اقوالي لوكيل وهو كدالك حيث تهمة ضدوا و لبنت عندها 9 سنوات عرفات تهضر دبا هو في الحبس ديال سلا وبقى عندنا جلسة واقيلا فاش ينطق لحكم لموهيم البنات انا حياتي فخطر كنفكر نرحل لشيء مدينة اخرى حيث كولشي ضدي . 
و عمامتي كيهددوني وانا مخيفاش على راسي انا خيفا على ولادي انا درت بيهوم شكاية تحطيت فموقف خايب بزاف . مرضت نفسيا صحيا موهيم كولشي تشتت الله يخد لحق اقسم بالله العلي العظيم الى هادشي كولوا صحيح وربي فوق مني ختاصرت ليكوم نصيحة البنات حضوا ولادكوم وبناتكوم راه مبقى لا عمي لا خالي لا خويا لا حتى واحد انا مزوكة فيكوم حضيوا راه مبقات تيقة فهاد زمان المكابيث. 
متبخلوش عليا بنصيحة ولارأيكم يقدر يعاوني كتبو تعاليق ديالكم أسفل وانا غنقراها 

8/14/2019

لقيت فجنبي غير لي بعت لحمي ليه - قصتي مع الحب

لقيت فجنبي غير لي بعت لحمي ليه - قصتي مع الحب

♥️♥️الجزء الأول♥️♥️

انا سميتي حنان بنت زوينة بشهادة ديال الجميع عندي لاطاي واعرة وضريفة ولكن فقيرة ومفحاليش وكنخدم على ماما وخوية صغير في عمرو 10 سنين كملت لقراية حتى لكوليج وخرجت مع اني كنت مجتهدة وباغة نقرا ولكن ضروف مساعدتنيش ولهذا سمحت في القرايا وخرجت نقلب على خدمة خدمتفي واحد لباتسري كنسيق ولكن مول لخدمة قنطني مخلانيش نخدم في راحتي كيبقى يشوف فيا شي شوفات مع انا مثيرة وكندي لعين حتى طلعلي دم وسمحت في الخدمة وخرجت خدمت في قهوة وكنت كنسيق وشوية حتى وليت نسربي مع دراري وليت عزيزة عليهم تما ولكن مكنتش كنخلص مزيان وقولت نقلب على راسي في بلاصة اخرى تعرفت على واحد دري كان يجي ديما لقهوة هو قال ليا ايضبر عليا لمهم وليت كنتعامل معاه مزيان باش مينسانيش وهو كان مزيان حتى لواحد نهار قربت نسالي لخدمة لقيتو كيساين فيا بسيارة ديالو قاليا ركبي بغيتك ركبت قالي لقيت ليك خدمة وساير مزيان فرحت بزاف سولتو اشنو هيا قاليا شي ناس بيخير عليهم غادي تقابلي ليهم الوليد ديالهم راجل كبير وهما ايتهلاو فيك توكلت على الله وداني تعرفت على دوك ناس الناس الله يعمرها سلعة. بديت نخدم معاهم كنتهلا في داك راجل كنبدليه وندوشلو وكولشي كان مني ونهار كنت نخرجو كان كيفرح مسكين وكيدور معايا مرة مرة ب 1000 درهم عجباتني الخدمة مفيهاش تمارة واحد نهار عيت ونعست شوية كنت لابسة بيجامة قصيرة حيت صهد شوية ونا نسمع الباب تحل عليا في البيت دخل عليا ولدهم وسدلي فمي وجلس يبوس فيا انا كنغوت قالي هي هني راسك مكاين حد في دار ولوليد مغاديش يسمع محيد سماعات بقا كيبوس ويقيس ليا في بزازلي ونا نغوت وندفعو وينوض ويجلي تاني حتى نزلت عليه لراسو بلبرطابل فرشختو بقاو دمايات هي كيسيلو حلف فيا وقالي والله يلا بقات فيك وخرج من عندي نضت جمعت حوايجي وبغيت نمشي بحالي انا خارجة وهيا اختو كانت داخلة واختو ضريفة ونا عندها عزيزة كانت كتهلا فيا قالت ليا مالكي فين غدا وفين بابا قولتليها باباك ناعسة ونا مبقتش نخدم هنا حيت ماما مريضة محتاجة ليا وجراتني قالت ليا تعالي ندخلو نهضرو لداخل دخلت معاه قالت ليا شنو اللي قلقلك مقديتش نقول بقيت هي ساكتة وهيا تقولي لخلصة مكفاتكش انزيدك 1000 درهم مع اني كنت كنشد 3000 درهم في شهر طمعت وقولت فين انمشي ونلقا خلصة بحال هدي وقولتلها لا مشي لفلوس وهيا تحلف حتى تزيدني وداتني لبيتها وعطاتني بزاف ديال لحوايج غير لفريع صافي غراتني وجلست وليت ندخل لبيت نسد عليا حتى لواحد نهار طلعت لسطح كنشر لحوايج وسطح كبير قدو قداش حيت سطح ديال فيلا وهو يتبعني كنت قريبة حدا البيت اللي فيه كنشر هو يجرني دخلني لبيت وبدا كيغوت ويقول عتقوني عتقوني وقالي اوا غوتي دابا مكاينش اللي يسمعك قرب مني وقالي نهار جيتي لهنا وانتي محمقاني كلك زوينة وترمة ديالك كتشهي فيا ...... قصة حقيقة شكون تبغيني نكملها....يتبع

7/16/2019

سحر التصفيح وكيفاش تعالجت منو (قصتي مع الثقاف)

سحر التصفيح وكيفاش تعالجت منو (قصتي مع الثقاف)


✍كاتبة مريم من مدينة الناظور 
انا مريم من مدينة فاس بغيت يوم نشارك معاكم قصتي مع سحر تصفيح وتيقوليك سول مجرب لاتسول طبيب أنا بحت فموضوع بزاف وعرفت بزاف بنات عاناو منو يوم فهد موضوع غنشارك معاكم معلومات لي كنعرف وقصتي معاه وكيفاش تعالجت من سحر الثقاف.

ما هو سحر التصفيح أو الثقاف

ويسمى أيضا سحر الربط وهو نوع من السحر الأبيض .وراه مشهور بزاف وخصوص في المغرب وتونس وجزائر .وفي مغرب اشهر مناطق لي فيه هد نوع من سحر هي منطقة الريف ناس هد منطقة تيكونو خايفين على بناتهم بزاف يعني خايفين على شرفها .
يقوم أهل الفتاه وهى صغيره ,من سن 6 او 7 سنوات مثلا إلى 12سنه ,المهم لم ينزل عليها طمث ويصفحونها ,حتى يحافظو عليها من تعدى الرجال ,وتناسو بان الله خيرحافظا وهو ارحم الراحمين. وهي للأسف عملية سحرية تتكون من مرحلتين أساسيتين هما: ”غلق” البنت قبل بلوغها ثم “فتحها” ليلة زفافها.

كيف يتم سحر التصفيح 

يذهبون بالفتاه إلى الساحرة فتتمتم وتعزم عزيمتها الكفريه وتضع خيطا أو غربال وتخطى عليه الفتاه 7 مرات ,وهى تقول انا حيط وولد الناس خيط ,فيحصل التصفيح واذا ارادو حل هذا السحر يفكوه بسحر مثله,ترجع الفتاه للساحرة وتقلب الكلام 
وتقول انا خيط وولد الناس حيط وتكون متوجهة نحو القبلة. حيت شرط أساسي باش يبطل سحر الثقاف هو ترجع عند نفس ساحرة.
طريقة أخرى
تيجرحو فخد 7 جرحات كتسمى هد عملية بالتشلاط, و تيشدو داك دم وتيخلطوه اما مع سكر ولازبيب ولا تمر وكتبدا ديك ساحرة كتقرا عليها بعض طلاسيم وشي هضرة ممفهوماش ومن بعد تيوكلوها البنت مباشرة بعد هد عملية كيجي شيطان كيسكن فرحم تاع ديك بنت. يعني بديك تمر لي مخلط بدمها دخل سحر جسمها.

توجد عديد الطرق الأخرى الموثقة في أبحاث أجريت في الجامعة حول المسألة ويقدر عدد الطرق بإحدى وعشرين طريقةوهناك طريقة القفل و طريقة الصندوق وطريقة المنجل وطريقة الغربال 
مهيم جميع هد الطرق هدفها واحد هو النداء على الجان لي مختص بهد نوع من سحر. باش يحرس لفتاة مهيم داك الجن تيسكن في رحم تلك بنت وميقدرش اي واحد يفك غشاء البكارة ديالها .

فك السحر حسب اعتقادهم 

حسب اعتقادهم ان من اجل فك هد سحر كيمشيو عند ديك سحارة نيت لي دارت ليهم سحر نهار لول و لا شي وحدة عندها نفس سميتها وخبرتها و كتفك ليها سحر الثقاف و لكن لي غالطين فيه هو أنه حتى لتحل هد تصفيح راه بنت كتبقى مسحورة وكتلقا مشاكيل فحياتها الزوجية .حيت طريقة لي كتبعها ساحرة باش تحل داك الثقاف هو سحر بمساعدة شياطين .  

علاج سحر التصفيح :

طريقة مغربية قديمة كانت تستعمل بهدف قتل الجن الحارس وهي طريقة بعيد كل بعد عن السحر.

جيبي 7 ورقات من نبات السدر راه كيتباع عند عشاب وطحنيهم وحطيهم فكاس تاع الماء مقرء عليه سورة البقرة و أيات مس العشق وأيات الحسد وأيات وقف الحال لي هو تعطيل الزواج  وزيدي عليهم نعناع مطحون وشوي مسك ومن بعد حطي هدشي كامل فوق نار قليلة لمدة ربع ساعة وغطي اناء متخليش بخار يطلع .

طريقة الاستعمال 

لبسي شي حاجة طويلة حتى لتحت وشدي ديك كاسرونة لي فيها خليط وحطيه تحتك و خلي داك بوخار لي فيها يطلع معاك راه بهد طريقة كتبخري الرحم ديالك وبهد الطريقة كتقتلي داك جن للي عندك في الرحم.

الاستجابة للعلاج

قد تشعر المصابة بوخز مثل الإبر أو مغص شديد وتقلصات في الرحم وهذا يدل على استجابة السحر للعلاج وانك في الطريق الصحيح. كما قد تخرج افرازات من الرحم رائحتها كريهة او تأتي الدورة الشهرية في غير موعدها او يحصل نزيف وغيرها من الاضطرابات التي قد تحصل في بدايةالعلاج وهي عادية جدا بل انها مبشرة. 

احتياط لازمة لحمايتك من أدى الجن الحارس

✿الصلاة في وقتها 
✿الحجاب الشرعى 
✿البقره كل 3 ايام 
✿التصبح بسبع تمرات عالريق
✿الاغتسال بماء مرقى بسورة البقره المضاف اليه 7 ورقات سدر وزعفران لمدة( 7 ايام) بنية ابطال سحر التصفيح.
✿قراءة انا فتحنا لك فتحا مبينا 7مرات مفتحة لهم الابواب 7مرات واذا الارض مدت وألقت مافيها وتخلت 7مرات واستفتحو وخاب كل جبار عنيد7مرات.
اعلمو بأن الجان يتعذب عندما يرى قوة المريض الإيمانية واعتماده على نفسه

اعراض سحر التصفيح وعلاجه

✔ أعراضه كما هو الحال في سحر الربط وسحر الأرحام تقريبا متشابهة.
✔ آلام في الرأس والعينين وأسفل الظهر.
✔ آلام في الجنبين وفي منطقة الرحم.
✔عدم انتظام الدورة الشهريّة وهذه علامة فارقه.
✔رفض الفتاة الزواج وذلك بتأثير الجنيّ العاشق الذى هو من كلاب الشوارع بالنسبه للجن الذي يرفض أن تتزوج ويعتبرها ملكا له.
✔حدوث صرع للفتاة أثناء زفافها أو بعده وذلك لمنع الزوج من إتيانها.
✔تشنّج الرجلين عند المعاشرة وارتخاء الاعضاء وأشياء اخرى لا داعى للحديث عنها.
✔ الكراهيّة بين الزوجين والنفور من بعضهما بسبب ما يحدث للزوجة من تأثيرات من الجنيّ وقد تطلب الطلاق.
✔ عدم وجود فرص الحمل.
✔حدوث الإجهاض عدّة مرّات لان الجنى فى الرحم.
✔تعانين من سمنة .
✔كتحس بنبض جنين في البطن.
✔وجود كدمات الزرقاء في فخد وساق .
✔تساقط شعر لدائم .
✔برودة الجنسية.
✔حدوث وخز مثل وخز الابرة في منطقة الرحم .
✔وقد يسبب امور اخرى مثل تكيس المبايض او نزيف تطول مدته او انقطاع في الحيض وغيرها من الاعراض التي قد تختلف من فتاة لأخرى. .
✔تشهوه في وجه هدشي في حالة الى جن حارس تحول الى جن عاشق تيحاول داك جن تيخلي بنت تولي خايبة فوجها.
نصحك تقراي هد موضوع باش تعرفي شكون هو الجن العاشق

أضرار سحر التصفيح

✘تقدر تكون مرأة أي من الجمال وتشوفها تعجبك ولكن سبحان الله لاتحس بأي رغبة جنسية اتجاهها كيحس بحال هي ختو معندو حتى شهوة اتجاهها وهدشي بسبب الجن الساحر لي تحول الى جن عاشق.
✘صرف الخطاب يوقعو مشاكل وخطبة متكملش متعرفي مشاكيل منين يجيو.
✘الا وقع الزواج فليلة الدخلة الزوج باش تيقرب ليها لايحدت انتصاب واخ يكون منتصب ليلة كاملة باش كيقرب ليها تيمشي الانتصاب .
✘حصول اجهاض دائم واخ تحمل 3 أشهر بضبط كيطيح ليها ولد وكتحلم بلي شي واحد تابعها من لور وباغي يضربها .
✘باش كتكون ناعس مع راجلها كتوقع شي موشكيلة ولا كتخرج منها ريحة كريهة جدا.
✘مكتحسش بالرغبة الجنسية الا كانت معاه ولكن غير تيبعد منها داك جن حارس كيطلع ليها الشهوة الجنسية لدرجة الجنون.
 مهيم من هدشي كلشي خصكي تجلسي مع ولديك وتسوليهم واش فايتين دارو ليك هد نوع من سحر.

وأخير نعاود ليكم

تجربتي وقصتي مع سحر الثقاف

باش كنت صغير كنت نلعب فدروج وماما غوتات عليا باش دخلت لعندها لصالون لقيت مرا شارفة و مزال تنعقل على فمها كان صغير وداير ليه لعكر  . وديك مرا قربات ليا وقاتليا بنتي سمعي ليا وعاودي لهضرة لي نقوليك وغمشي عينيك ومتخافيش وماما كانت شاداني بحال خايفاني نهرب قالت ليا جلسي على واحد صندوق كحل فيه قفل كبير  و شدات ديك مرا زيزوارا ب7 جرحات حتى خرج دم وشدات زبيب خلطاتو بدمي ووكلوه ليا معقلتش على ردت فعلي ولكن كنت متقبل الوضع بقات ديك مرا كتقول ليا شي هضرا تنعقل على جملة وحدة وهي سدينا صندوف وسدينا معاه مريم.
كبرت وانا عايشة معاها هدشي حتى تخطبت وجات ماما عدي قاتليا غنحلو ليك صفيحة تفاجأت قتليها كيفاش واش انا مصفحة وصارحاتني بكلشي مشيت انا وياه لدار لديك مرا لي صفحاتني وهنا موشكيلا لقينا ديم مرا ماتت ماما بقات كتبكي وكضرب فوجها وكتقول انا سباب و هي تجي خالتي و قالت لماما انا عاقل كيفاش تصفحات و مشاو جابو واحد مرا و بقاو مدابزين و تيحاولو وقالو راه تحليت ... ماما مرضات وبقا فيها حال بزاف ماتت وهي هاز الهم من جيهتي انا سمحت ليها وعدرتها عرفتها دارت هدشي حيت كانت خايف عليا وصافي خطوبتي كتاب ومكملاتش متفاهمتش مع داك سيد و دازت سنين خدمت ونسيت الزواج  و مكنتش مأمن بهدشي مع وقت نسيت بلي انا كنت مصفح ولا شيحاجة . تعرفت على واحد ولد ناس جا خطبني و تزوجنا فليلة دخلتي كنت خايفة ومتوترة كاي بنت مع العلم انني قمت بفحص غشاء البكارة عند طبيبة مختصة وأكدت لي ان اموري كلها بخير
وللاسف فليلة الدخلة مقدرش راجلي يدخل بيا كنت مثل الجدار وكنحس بالنار تخرج من تحتي. يوم على يوم كنحاول والو حتى وليت كنخافو يقيصني ضعافيت نقصات فيا سبعة كيلو اصبت بنقص شهية حاد وتساقط الشعر وكل يوم كيخرجو فيا كدمات كبيرة متفرقة فجسمي كنت كنبكي ليل ونهار والراجل مفهمنيش صحاب ليه انا ماشي بكر قلت ربما اصبت بمرض نفسي وليت كنقلب على عنوانين اطباء نفسانين ولكن مخلانيش نمشي حتى ربي نور بصيرتي على يد واحد الراقي عطاتني رقمو صديقتي تاصلت بيه خفية من راجلي حكيت ليه كلشي وقاليا بلي انا مزال مصفح وبلي جن الحارس لي فيا ولا جن عاشق ونصحني بالاستنجاء بماء الرقية بآيات السحر وفيه ورق السدر ومنمسحش من لتحت هذاك الماء داكشي لي درت قريت سورة البقرة استنجيت بماء الرقية ودهنت حتى بزيت الرقية وشربت كينة كتهدأ الاعصاب وطلبت ربي يبين الحق وينصرني والحمد لله الحمد لله الحمد لله دازت الامور بسلاسة وكانت هذوك المخاوف مجرد اوهام انا كنصح اي عروسة وقع ليها هاذ المشكل دير داكشي لي درت وتبقى تبع سورة البقرة والرقية راه كاينين ناس مكيخافوش الله.