كيفاش تخلي بوركابي يرجع ليك 😎

بعد ما تقراي هد موضوع غدي تكوني قادر باش تخليه يرجع ليك و يطلبك باش ترجعي ليه و فهد حالة غتكون كرة بين يديك و ديري لي بغيتي بيها 😉.

لنبدأ موضوع اليوم بسم الله 

سلاح لي غنستعملو يوم هو الغيرة و ما أدراك ماقوة هد السلاح الى قدرتي تستعمليه صح فراه غدي تخلي بوركابي كخاتم بين اصبعك.

مهيم مشاعر الغيرة هي وثر الحساس لي غنلعبو عليه اليوم وغنستغلوه مزيان ضد بوركابي.

أول : ديريها حلقة فودنيك راه أفضل طريقة باش تخليه يندم على فراقك هي أنك تتضاهري بأنه باش خلاك كان احسن حاجة وقعات ليك فحياتك وخصكي تبيني هدشي امام الجميع و أمامو هوا بضبط خصكي تقني دور ديال راكي فرحانة و ناشطة حيت خلاك و بلي حياتك ولات احسن وأفضل و بلي هو دار فيك خير كبير باش خلاك .

تانيا :  الا بغيتي طرطقي ليه مرارة و تخليه يموت بفقصة هي انكي تلاعبي ليه بمشاعر الغيرة ...راه غيرة مشي هي تمشي تصاحبي مع شي حد و لا تمشي تخطبي من شي حد لالااا .

غيرة كنعني بيها هنا هي نتي اه نتي بدلي راسك 180 و لكن لاحسن بغيتك تكوني فاحسن حالات و اجمل مضاهرك و سعادتك حتى لكنتي كتموتي من داخل و كتألمي و كتبكي دم مشي دموع غير صبري راه الا بغيتي ترجعي كرامتك وتندميه خصكي تصبري احبيبتي وتخفي هد ألم .

ثالت:  وثقي لحضة سعادة خرجي مع صحباتك  وصوري راسك فرحانة صوري مع صحباتك صوري راسك في حفلات مهيم شبعي تصاور و خلي كلشي يشوف دوك تصاور و يعرفوك فرحانة ولكن بلاما تحطي حشيان هضرة ليه تصرفي بحال أصلا مكانش فحياتك شي حد ولا كتب شي تعليق جاوبيه بارد بحال اي واحد .

رابع : وياكي ثم ياكي تسيفطي ليه ميساج ولاتصوني لي بريفي و لاتمشي طلبيه وتبقاي تبكي عليه راه فهد حالة غير غدي تكبري ليه زبلة و غدي يبقى يتنفخ عليه وغيندمك والله

خامس : الا كان بيناتكم شي مجموعة تاع اصدقاء مشتركين متقطعيش علاقتك معاهم هدا خطأ كبير , خليهم قنطرة بينك وبينهم خليهم يوصلو ليه خبارك و بلي راكي فرحانة باش تلقاي معاهم متهضريش عليه و متجبديش بعيب قولي غير كلمة زوينة فيه وسكتي ولي حاول يجبد موضوع ديالو قولي ليه سمحلي انا داك شخص ولا من ماضي مبغيت نعرف عليه والو "واخ انا عارافك باغا تعرفي كلشي عليه "حيت اصحبتي لي يجيب ليك هضرة راه غيديها يعني كيف ماهما تيجيو يعاودو ليك راه حتى هما كيمشيو يعاودو ليه عليك.

سادس : حاولي تبعدي من هد مجموعة تاع اصدقاء ولكن تدريجي. بيني ليهم راكي وليتي مشغولة بحياتك جديدة و سعيدة و مبقاش عندكي وقت ليهم و خلي هدشي يوصل ليه .

سابع: كوني مأكد بلي راه مراقبك و حاضيك وكلما كنتي سعيدة وفرحانة هو غدي يحس بضعف الشديد.

حيت هو واخد واحد فكرة انه باش خلاك و تفارق معاك راه دمرك و انه اداك نفسي هدشي كيخليه يحس بقوة ولكن باش كيبدا يلاحض انكي تبدلتي و وليتي فرحانة وبدتي تستمتعي بحياة أكثر بدونو فهد لحضة غدي يحس بلي راه معدو حتى قيمة و بلي مكيسوى والو وهنا غيبداو نتائج خطتك تبان .

ثامن :  دب غتبدا مرحلة انه يبدا يجري موراك .علاش ؟ حيت معضم الرجال نفسي كيحاولو يسعو وراء اشياء لي مكيدروش يوصلو ليها وانتي في هد لحضة بنسبة ليه بعيدة منال.راه حاجة لي غتولي دور ليه فدماغو هو انه نتي تغيرتي و وليتي أحسن وهو مزال فبلاصتو فغدي يبدا يصوني ليك ويبحت عليك ويعرف خبارك باش يرجع ليك.

تاسع : الان انتي اصبحتي في موقع القوة وسيطرة التامة و قرار راجع ليك واش ترجعي ليه ولا تكملي حياتك بدونو.

نهاية  

هدف من هده خطوات كاملين هو ترجعي ماء وجهك وكرامة لراسك , راه مشي هدف هو تخليه يبغيك لا ولكن الا كان كيبغيك راه غدي يعرف قيمتك و يحاول يدير مستحيل باش يرجع ليك اما الا مكانش كيبغيك راه بهد مراحل راه غتكوني قادرة تجاوزيه و تنسايه بسهولة و ثقتك بنفسك غتزاد. 

اقرأ المزيد »

كيفاش تخليه يندم على فراقك

✍كاتبة هدى من مدينة خريبقة

ديما نلقاو انسان يحب بنت و يحاول يتقرب منها و كي تعطيه فرصة و تحبوا يولي يتكبر و يقطع معاها علاقتوا بيها علاه احنا في قرن واحد و عشرون و مزال نلقاو وحدة تخمم في بوركابي تاعها علاش تبدل عليها و علاش خلاها ارواحي هنا نقوليك علاش؟

رجعي معايا سينتا لور واش عقلتي على داك انسان ليفي لول كيفاش كان معاك ❤حبيبة فينك؟ توحشتك و ليمساجات خاوين ووالغيرة زايدة قارني هدشي مغا تصرفاتوا دب هههه ياكي كاين فرق كبير ....

شوفي راه سبب لي خلاه يتبدل مشي هوا راه نتي ايه نتي نتي احبيية. ليعطيتيه قيمة اكتر من قيمتوا اكتر قميتوا و بينتيلوا بلي ما تقدريش تعيشي بلل بيه ملي يغلط تسامحيه بسهولة و خليتيه يحطك تحت صباطوا ....نهار تكوني انت ديرة قيمة لراسك هوا غادي يخاف منك و يخاف يخسرك خوديها نصيحة من ختك مغربية راه تعطي قيمة راسك غتبقلي ديما مهزوزة واخة يوقع ليوقع ولا قاليك :نحبسوا!!قولي بسلامة لله يعونك طفي طيلي و سيري تفرجي ولله و لا سيري تشطحي و رتاحي ولا سيري رسمي فهمتي شوفي اختي راح ماشي قصية تاع يمشي واحد يجي واحد اختي فهمي راح سعادة ماشي بضروري شخص راح نديرها لراسنا خودي فلوس ليجمعاهوم و هبطي لبحر نتي و صحابتك ولاكانوا واليديك مزيرين(بحالي )طلعي سطح و سخري شي برهوش يجيب زريعة و تفرجي فشي حاجة كاينين بزاف تاع افلام بعدي من رومنسية .

مي بوركابي مطلبيش واخة غلط منك ديري لراسك قيمة واخة تكون مضروبة تال لعضم موهيم خليه يندم اختي و يحس بغلاط.

فين تحلي واتس 

غيقول ديك كدبة تاع نبقاو امي مكيناش نقوليك علاش هوا حاب يبقى صديق ديالك باش يبقى يتحكم فيك غير من بعيد و يتبع خبارك ديك فكرة حيديها من راسك.

الا بغا يرجغ قوليلوا لا لا اروح بسلامة لله يعاون. متخليهش يلعبلك على وتر حساس قطعي اختي كولشي واخة مقتقديش و عارف بلي كتجيك هضرة ساهلة و فين تبغي طبقي داكشي غتجيك صعيبة مي عادي تشجعي❤❤

عمري ستوريات ديالك بتصاور تاع سعادة و بلي راكي عايشا سعادة مطلقة راح(منهوم عدد اختي يمشي كلب يجي كلب تفو غا قلتها و هوا يصوني عليا بوركابي تاعي ).

عندك اطحبة يزغبك لله و تلوحي كمارتوا و تقولي توحشتوا  راه كولشي غيمشي فزيروا عطي لمشاعيرك فرصة و وقت ولله اه حاحة ضرورية هههه مسحي اغاني حزينة راح فين كنسمعوهوم كنوليو كي كلبات عن تجربة انا مسحتهوم.

يالاه ديروا ليا بيزوا و دعيوا معايا نولي بيخير و نسالي من هاد مرض ليلاصق فيا راح غنموت و مغتلقاو ليعطوك نصائح و انا غنمشي نصح عزرائيل.

ههه شكر لموقع الأنثى المغربية لي عطاوني فرصة نحط منشوراتي بحبكم موووت.

اقرأ المزيد »

كيف تجعلين بوركابي يشتاق اليكي و يندم على فراقك ؟

كيف تجعلين بوركابي يشتاق اليكي و يندم على فراقك ؟

ديما نلقاو انسان يحب بنت و يحاول يتقرب منها وكي تعطيه فرصة و تحبو يولي يتكبر و يهز في روحو عليها ويقطع علاقتو بيها ...علاه ؟ احنا في قرن واحد وعشرون و مازلنا نلقاو وحدة تخمم في بوركابي تاعها علاش تبدل عليها؟ و وعلاش خلاها ؟ ارواحي هأنا نقولك علاش 

********************

رجعي معايا سينتا لور واش عقلتي على داك الانسان فاللول كيفاش كان معاك ؟كان ديما يعيط ويسول فينك؟ توحشتك و ليميساج ،والغيرة وزيد تعامل وقارني هدشي مع تصرفاتو دب هه ياكي راه كاين فرق كبير...

شوفي راه سبب لي خلاه يتبدل مشي هو راه نتي ايه نتي نتي احبيتي راكي عطيتيه قيمة اكثر من قيمتو وبينتلو بلي ماتقدريش تعيشي بلابيه ملي يغلط تسامحيه بسهولة وخليتيه يحطك تحت صباطو ...نهار لي تكوني انت دايرة قيمة لراسك هو غدي يخاف منك و يخاف يخسرك خوديها نصيحة من ختك مغربية راه تعطي قيمة راسك غتبقاي ديما معزوزة واخ يوقع لي يوقع ولاقاليك: نحبسو قولي ليه :بالسلامة الله يعاونك و متقويش معاه هضرة متعطيهش فرصة يشبع غرورو عمرك ما تحاوليه تخلي انسان معاك بزز "الانسان لي ماتكونيش في قائمة الاولويات تاعو مايستاهلكش" فلحظات تتكون علاقتكم زوينة و شوي دري تيتبدل و تيبدا يبعد منك... السبب هنا انو انت تتعاملي مزيان معاك و سامحتيه بلا قياس وهنا فهد اللقطة غتولي انسانة عادية بالنسبة ليه ويكون متاكد بلي انت تحبيه وطحتي فيه و محال تقدري تعيشي بلا بيه و غتسامحيه على أي خطأ حتى اذا راح عند غيرك و رجع راه غترجعيلو المهم مانطولش عليك غدي نقوليك  بعض ال خطوات تخليه يندم على فراقك ويحاول يرجعلك :

1- الوقت كي يجي يقولك نحبسو ماتحاوليهش طلبيه  .ماتبكيش متشبعيش ليه غروروخليه يحس بلي متيسوا والو قدامك قوليلو بالسلامة واغلق الباب موراك .

2- ديك كدبة تاع  نبقاو أصدقاء مكايناش نقولك علاش هو حاب يبقى صديق ديالك باش يبقى يتحكم فيك غير من بعيد و يتبع اخبارك .

3- الا بغا يرجع  قوليلو لالا اروح بالسلامة الله يعاونك ماتخليهش يلعبلك  على الوتر الحساس  اقطعي معاه كلشي باش يعرف قيمتك ويعرف أش خسر خليه يتعدب شوي عاد عطيه فرصة ورجعي ليه و بطبيعة الحال الا كان تيستاهلها خليه يعرف اش كنتي ديري على خاطرو " راه الانسان بطبيعتو مايعرفش قيمة الشيء لي عندو الا اذا خسرو ".

4- عمري ستوريات ديالك بتصاور تاع سعادة وبلي راكي عايش بخير عداكي تحطي تصويرة تاع راني توحشتو وياكي امسخوطة راه غغضربي كلشي فزيرو و نتي عطي قيمة لمشاعرك خليه يموت بفقصة حطي تصاورك مع صحبتك ونتي عايش سعادة معلباكش بيه.

متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓

اقرأ المزيد »

كيفاش تنتاقمي من بوركابي وتخليه أندم على نهار لي غدرك

كيفاش تنتاقمي من بوركابي وتخليه أندم على نهار لي غدرك وهانك ونزل من قيمتك وطيح كرامتك اﻷرض

1-شدي نمرة هاتف ديالو و ديري شي كونط فالفايسبوك و حطي نمرتو في الصفحات الإباحية و راكي عارفة هه هادي ق.... صوني ليها و هههه و أرا برع يبقاو عليه بي لتعياط تا يهرس النمرة هههه تخيلو يعيط ليه شي حد و معا يفتح لخط يسمع اححح أجي ... هههه .

2-ولا دخلي لمواقع التعارف و الزواج و حطي مواصافات دياولو و النمرة و تشوفي ههه ركبي فيه الرعب.

3-و لا كان عندك تصاورو خرجيهم عند الصوار و شدي قلام حمر و كتبي بحال الطلاسم نقلي من كوكل و لوحيهم حدا دارهم خلي زامل بوه يدوخ ههههه.

4- شدي تصويرتو صاوبيها في يوكان ميكب و خرجيها و لوحيها فدربهم و لا حدا القهوة لي كيجلس فيها خبارو توصل للجزيرة ضحكي فيه العيباد الله.

 5-قولو ليه "حياتك عذاب غير بلاتي مستقبلك ضاع" كل لحضة تسيفط وحدة فيكم هدا الميساج راه الخلعة غتشدو من صبعو الصغير.

6-و لا كان عندو طونوبيل تسناي تا يوقفها وسيريي قشري دين مها من الطرف تال الطرف .

7-ولا كنتي تعرفي دارهم كتبي رسالة و عطي لشي برهوش يديها و لا لوحيها قدام الباب كتبي فيها دنوبي و دنوب ولدي غا يخرجو فيك ههههه خلي الزازا تنوض ليه في الدار هادشي لاما شداتش مو شي سكتة قلبية ههههه.

8- بيراطي الفيسبوك ديالو شوفي شي حد يعرف كيفاش و بيراطيه اول حاجة بدلي ايميل و لمود باس باش ميقدرش يرجعو و عاد بداي يا بسم الله بدلي بروفيل ديري تصويرة ديال شي زامل هههه و لا ادومة نيت هه ههه أما لميساجات دوزي ليهم وعيري و سبي و سكريني و لوحي فشي باج و بارطاجي من باجات الفاحشة ههههه.

9-اخر حاجة شوفي شي كادو كان عطاه ليك عطيه لشي حد لي قريب ليه من عائلة ولا صاحبو بحال سنسلة و لا شي كادو المهم من هادشي يشوف حاجتو عند غير ههه تغطقي لبوه المرارة .

10-قلبي على لي مصاحب معاها و بداي تهدي فيها بشي فيس بوك و لا نمرة مايعرفها تاحد قولي ليها انا ختو ولا بنت عمو كنبغيه و غادي نتقفك و لا نسحر ليك غنطيح لدين مك شعرك لاما تفارقتيش معاه ورا عندي ميساجاتك معاه غنصورهم و نخرجهم و نجيبهم تال لداركم ههههه المهم متخليش ليه شي علاقة غرامية تصدق ليه

11- شدي ورقة وكتبي فيها طلاسم و ديري سميتو و كنيتو و لصقيها فشي بلاصة حدا دارهم هههه.

12- ملي تشوفيه دوزي و ضحكي عادك تبدلي الطريق تعوجي و ولي تلبسي مزيان تزيزي المهم خليه حال فمو بدلي الستيل ديالك و خلي اخبارك ديما توصلو بأي طريقة و هوا بدون شعوور ايولي يبحت و يقلب عليك المهم من هادشي كولو غادي يحس بلي حياتو ولات عذاب من بعدك و نتي حياتك ولات طوب من بعدو‏.

متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓

اقرأ المزيد »

كيفاش ديريه لعبة بين يديك

كيفاش بلاصة ما تمحني نتي هوا لي يتمحن

بزاف البنات كيعانيو مع سكوبيدوات ديالهم و كيتيقوهم بدوك الهدورات المعروفين 

كيفااش ديريه لعبة بين ايديك

و تكوني غامضة احح و الحرب الباردة

الحل السحري ادا جربتوه مغاديش تندموا و غادي تحسوا بالفرق و غتشكرون نبداو على بركة الله كيقول المثل لي ما جابتوا محبة ما يجي بالحزارة  ومثل أخر كيقولوه كبرها تصغار علاش تتعطيو قيمة لبوركابي و مكتعطيوش قيمة لراسكم علاش تتسهروا الليالي تبكيو و  تجربوا وصفات تعرضوا راسكم للخطر. علاش تضحيو على قبل واحد بنادم لي ميستاهلش فعوض متبكيه و تعدبيه و تخليه يتشوى وتخليه هو بطل و نتي ضحية اه كنهضر على كل بنت عندها علاقة مع بوركابي , اقسم بالله و ما عطيتي قيمة لراسك لاعطاك الراجل قيمة (نصيحة خودوها من عندي ) كيفاش بغيتيه يعطيك قيمة و نتي نهار و مطال كتعيطي ليه و تسيفطي ليه فميساجات قدهم قداش أفيقي  راه المشكل فينا حنا حيت ايمانا ضعيف لكان المكتاب لك يدور حتى يعيى و يجي عندك و يطلب و يرغب كي الكلب جربي ملي تكوني كتشري شي بيجامة متلا يقولك 150 درهم وتتقولي ليه نقص شوية و البائع تيشوفك شادة فيها بيدك و سنانك تيقول هادي عجباتها و لا شافك عندك زايد ناقص ممسوقاش يقولك غير رجعي والله حتى نتصاوب معاك خلصي الى بغيتي كيفما خلاتها دنيا بوتازوت مخصكش تفرعنيه كل ما أنتي عطيتي قيمة كل ما هو تيتكبر عليك كل ما انتي بعدتي و تبتي و درتي ثلج على قلبك كل ما هو تيتحرق ....اه تيتحرق وتيقول: وايلي كيفاش مبقاتش لا تتصل و لا تسول و نخلاتني عنداك غا تكون نساتني وايلي زعما لقات شي واحد اخر يعمر بلاصتي ....لا لا خصني نتحرك ندير شي حاجة باش نسترجع الكرسي واش فخباركم الراجل تيموت على المرأة القوية لي كتعطي لبوه لزنافر و لكن ماشي بالسبان لا بالسياسة الحرب الباردة ما تسوقيش ليه ديري راسك فعطلة رتاحي منو ديري شي حاجة تلهيك عليه خلي ليه الفرصة يفكر واش انتي مهمة عندوا و واش تيبغييك ❤❤بصح و لا غيير دايرك لعبة بين ايديه بعدي و راقبي من بعيد شنو كيدير عطيه درس بسيط منها حتى ترتاحي كل ما انتي بعدتي كل ما هو قرب و حاجة أخرى الغموض اه كوني غامضة متعطيهش راس الخيط شنو تحت راسك على قد السؤال على قد الجواب انا عارفة البنات تنهضروا بزاف المهم اي حاجة سولك عليها جاوبي ببرودة أعصاب كاين الخوافات لي يقولوا اويلي يسمح فيااههههه ياكما يسحاب ليك نتي لي شاداه راه لماكنش تيبغييك من قلبوا و الله لا عقل عليك واخا تبوسي ليه ترمتوا الراجل تيبغي المرأة القوية لي عندها الشخصية و لي عاطية قيمة لراسها ماشي جايبة الدل لكان قلبي يجيب ليا دل نكوي مو بالعافية غير انا لي عندي القلب هو ولداتوا مو فالناموسية ديال الذهب والكرامة و النفس و الرزق على الله و لي جا مرحبا و الى مشى بسلامة  و القلب فرحان

متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓

اقرأ المزيد »

فبلاصة ميعذبك هوا سبقيه وعدبيه نتي لولا

فبلاصة ميعذبك هوا سبقيه وعدبيه نتي لولا

الموضوع  حنا عارفين مزيان بلي بوركابيات ديال لمغرب فاش كيعرفك بديتي كتحسي بشي حاجة من جيهتو كيتعفر عليك  ويهز خنافرو للسماء و نساو بلي كيدنا عظيم وبلي ممعاناش لعب

 أولا : بلاش عفاك من دوك لميساجات لكثار ههه حبيبي فينك ، جاوبني عفاك ، توحشتك ، مالك مكتجوبش ، حرام عليك تخليني vu ، نتا مكتبغينيش ، افففف واش منيتك أزمر راه هكا باش كتكبري لحمار ديال بوه الشان حتى كيولي دافع عليك كبير  هدري معاه كيف كيهدر معاك هو Slm cv hmd tt .... الخ لمهم هدرة بسيطة باش يتعذب ويولي يقول مالها ولا هكا غايدخلو شك حق مولانا غادي يسحاب ليه غادرتي شي واحد آخر .

ثانيا : دفعي عليه كبير متسوقيش ليه ههه ولكن ماشي بزاف  واهيا لمعفر تعفر بشويا ههه احم احم نكملووفاش يرسل ليك ميساج خليه Vu وبقاي En Ligne حتى تدوز شي 5 دقايق عاد جاوبيه ههه باش يقول مع راسو علم الله معامن كتهدر هه غيحس بالغيرة وفنفس لوقت غيحس بلي عندك معجبين غايولي يضرب ليك 1000 حساب.

 ثالثا : الى كانو عندك اصدقاء من الدراري بزاف استغلي هاد لفرصة ضحكي معاهم وخرجي خلييه يشوفك معااهم ومتعبرييهش  الى قالييك نتلاقاو قولي لييه شي كذبة مثلا : معروضة L'anniversair ديال واحد الصدق ديالي مرة اخرى ابب ولا عندي شي خرجة مع اصدقاء ديالي  خليه يحس بلي مكيسوى حتى لعبة فحياتك فاش يقول لييك شي حاجة عليهم ولا يقول لييك بعدي علييهم قولي ليه : هاادوك سبق منك نتا Jamais نبعد علييهم كووني على يقييين غاولي النار شاعلة فيه غايتعذب بالمعقول 

 رابعا وأخيرا : ديرو فبالكم بلي دراري اغلبية ديالهم ولاد لحرام لهذا كنصيحة :  ديري علاقات ولكن ردي البال لراسك معمرك تخلي شي ولد لمرة يقيسك من غير لي غيقصد بابكم وناوي لحلال اما الباقي مجرد تفاهة حافظي على راسك وشرفك مجتمعنا مكيرحمش هدرة الناس خايبة راه عندك غاديك جليدة الى ضاعت مشا كلشي  كوني مطورة عمرك تسيفتي لشي كلب تصاورك +18 مع لوقت يولي يهدك بيهم ويدير ليك شوهة فكري فمصلحتك قبل كل شيء .

متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓

اقرأ المزيد »

كيفاش نقلب الأية عليه ونخليه هو لي يعاملني

كيفاش نقلب الأية عليه ونخليه هو لي يعاملني مزيان

بما أنك دخلتي لهد موضوع باين راه بوركابي متيعاملكش مزيان خودي نصيحة مني او بأحرى راه مثل مغربي معروف لي يقول راجلك علاما ولفتيه وولدك علاما رابيتيه يعني من لخر ولفيه يعاملك مزيان.

هدو بعض نصائح لبغيتك تبداي تخدمي بيهم.
******************************
لقراءة هذا الموضوع باللغة العربية الفصحى اضغط هنا.

1:متكونيش المرأة النكارة

 أول حاجة لي هي مهم بزاف تخلصي من نكير و كثرت ملاحظات علاش مجاوبتيش فين كنتي علاش هضرتي هكا علاش شقتي هكا حيت أكثر حاجة يكره الرجل هي المرأة نكدية أي نكارة.

2:تعلمي تقولي لا وتسكتي 

بلاما تعطيه تبرير لا هي لا متكونيش ساهلة لي قالها ليك تتقولي ليه نعم راه غدي يمل منك وغتجيه ساهلة و فأقرب فرصة غيبغي يستغلك خودي هدي نصيحة من عندي راه انسان بطبعو مستغل فقط عطيه فرصة وغتشوفي عجب ولكن أيتها الأنثى المغربية متقمعيهش ومتخليهش يحس راسو معدو رأي .

3:نساي ماضي عيش حاضر معاه .

متجبديش معاه ماضي ديالو ولا تفكيره فاخطائو ومتجبديش ليه مستقبل ديما خليه يعيش معاك اللحضة.

لقراءة هذا الموضوع باللغة العربية الفصحى اضغط هنا.

4:كوني مبهمة حول ماضيك.

كوني غامضة متبقايش تهضري بلاسوالات لجبد معاك ماضي ديالك عطيه غير جوج كلمات وسدات مدام.

 5:بلا حشيان الهضرة

شوفي اديك مغربية نهار لي تخاصمي معاه متعمريش ستوري ديالك بكلاشات هههه جوع كلبك يتبعك اهبيلة راه غير تتكبري ليه زمرة و تيسحابليه راسو شد سماء و نهار لي تخاصمو حطي شي تصوريتك مع صحبتك ونتي فرحانة ولا حطي شي خبر سياسي بحال معلبالكش .

 6:خلي راسك نية

هو باش غيشوفك تبدلتي غدي يحاول يعرف علاش اما غيحاول يخليك تغيري ولكن نتي متكونيش ساهلة ديري راسك نية و بدلي موضوع خليه يترطق.

 7:هضرة بزاف و علاقتها بمشاكيل

تيقولو لهضرة بزاف كتجيب جوع و لكن أنا غنقوليك راه كتجيب صداع أه أيتها الأنتى المغربية هذي هي الحقيقة قاليك بعيد وعزيز ولا قريب مطلع لكعيز اللهم تهضري معاه ساعة ولا نصف الساعة في النهارو تبقاو حباب و عزاز و حتى هو غيتوحشك و غتبقاي عزيزة و نزيدك هضرة بزاف تتخليك كدخلي فحرام كتويل تنمو فالناس و باش متلقاو فاش تهضرو غدي تهضرو على الجنس 100% و لو حتى كان موضوع سطحي راكم فهمتوني .
لقراءة هذا الموضوع باللغة العربية الفصحى اضغط هنا.

 8- تخلصي من وقت الفراغ واخ غير كدوب

ديري شيحاجة عمري وقتك حتى تكوني مسالي عاد هضري معاه تعلمي تفضلء راك عليه أه أختي نتي لول خليهم يقول عليك أنانية هكدا بغات دنيا أما لكنتي بيطالية فداركم و معدي ميدار من غير تلفون 

ولا ولا ونتي نوضي جمعي الروينة نوضي عملي ماسك داك وجه وعملي سبة بالضياف و نتي خليه يتوحشك هه هد نصيحة طولتها حيت مهمة بزاف.

9-متنسايش شخصيتك الضريفة وبريئة.

 فاش غتبعي هد نصائح راه 100% غتباني ليه تبدلتي ولكن عداكي تبدلي من ناحية شخصية بقاي ضريفة وضحوكية حيت الأنوثة ولا غبرتي مابقتيش كاتكونكطاي شي مدة فاش ترجعي هضري عادي كأنه لم يقع شيء بيني ليه عندك حياة مستقلة بالي عندك أصدقاء واخدين من حيز من حياتك سعيدة وماشي الحزقة لي حزقتيها توصليها ليه؟؟؟ خليك غامضة.

10-حياتك سعيدة واخ تكون عكس

 كوني سعيدة بيني ليه راكي عايش بيخير و عايش سعادة فحياتك واخ تكوني مقودة عليك ودنيا كحلة راه الراجل باغي بنت لي تفرحو تعيشو سعادة مشي تكفس عليه حياتو.

10-متكدبيش وياكي

 نصيحة مهمة عمركي تحاولي تكسبي راجل بالكدوب حيت هدشي  غير مؤقت يقدر يولي يبغيك فلول بسباب شي كدبة كدبتيه عليه (عندك مشكلة مثلا) و لكن راه غير شفقة راه مشي حب.

11-كوني بعقلك وهبيلة 

راجل راه بالساهل تكسبيه بلا عذاب بلا ستة حمص خاص غير تخدمي ليا داك مخيخ ديالك ماتخلطيش الأمور راه وقت الضحك ضحك و الوقت المعقول معقول ماشي وقت كلو طالق هبالك حتى راجل كيف ماكان عزيز عليه بنت ضحوكية وهبيلة ولكن في نفس وقت جمعي كرك كوني بنت سياسية عندك مع النقاش اي الموضوع عطي رأيك فيه وفرضى راسك غير بلتي هي أحسن .

12-عندك حدود حمراء لا تتجاوز

حداري من دوك براهش لي كيسخن عليهم كرهم انا فرأي هد نوع من لول خصك تلوحيه و لكن أش غنديرو الأنثى مغربية ديما تيطيح حبه على حجرة كاعم تنعرفو نختارو رجال معليناش هد نوع تاع دراري الى جبد معاك شي موضوع جنسي أبدغي قلبي موضوع و قولي ليه أسي انا مشي من دوك تاع بنات لي تجبد معاهم هد مواضيع ولكنتي مقدراش تقولي ليه هد هضرة غير بدلي موضوع معاه بضحك وسياسة ولكن عمركي تخليه يفوت أحمر معاك وكاين  دراري لي تيجبدو مواضيع جنسية مع البنات غير باش يجربها واش فعلا بنت دارهوم ولا عندها دبلوم وكمالة عرفيتوها لهذا أحدرك لمرة تانية ديم خليه يعرف بلي عدك حدود حمراء لايجب أبدا تجاوزهم .

 ملاحضة

وأخيرا هدشي كلوا ماشي علي قبلو راه على قبلك أول هدشي باش ترجعي ثقة فراسك و تكتاسبي معلومات و تجارب باش ملي طحي مع شي ولد الناس تلقاي نفسك عارف تعطي راسك قيمة لراسك وتخليه يعاملك مزيان  كيفاش تصرفي ماتكونيش ربنا خلقتنا

لقراءة هذا الموضوع باللغة العربية الفصحى اضغط هنا.

متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓

اقرأ المزيد »