أكبر خطأ ترتكبه الزوجة - كتخرج على حياتها

اه عنوان صحيح بدون أي مبالغة يوجد خطا واحد لي الى دارتو مراة كدمر حياتها زوجية الى الابد ومتقدرش تصلحو نهائيا هو فقط خطأ واحد ونتيجة ديالو كارتية .
أكبر خطا ترتكبه المراة هي تخرج على نضامها الانثوي و تحاول أن تتقمص دور الرجل .
بمعنى ؟
المرأة باش كتبدا توهم راجل بلي راها قوية و قادر على فعل كل شيء . تقع في أكبر فخ في حياتها كلها وكيكون هدا هو سبب رئيسي وراء تعاستها في حياة زوجية .
خوديها قاعدة مني : الرجل عندما ينتبه أن الزوجة قادرة على فعل أمر ما سيتركه تلقائيا لها و يرميه عليها بدون أي رحمة الان الرجل بطبيعته سيء جدا الاستغلالي . سبحان الله هده غريزة في الرجال تجاه النساء بالضبط .
دائما الزوجة عليها ان تتحلى بصفات الأنوثة لاتخرجي عن نضامك والى سوف تدمرين كل شيء هكدا خلقنا الله عز وجل وكل امراة تخرج عن نضامها تدمر حياتها.

كيف أطبق هدا الكلام ؟

ادعي ضعف حتى لكنتي عارف ديري شيحاجة ديري راسك معارفاش مثل نتي قادر تحلي قرعة كوفيتير ديري راسك معرفاش عطيه ليه , نتي بمقدورك تصايبي بوطة بوحدك ديري راسك مكتعرفيش وكتخافي منها خليه يحس برجولتو معك خليه يحس بلي عندو دور هدشي كيخليه مستحيل يخليك , 
مثل نتي بمقدورك تجمعي دار من فوق ولتحت ولكن راه الى درتي هدشي قدام راجل راكي مشيتي فيها احمادي هههه.
شحال من وحدة يسحابليها الى بينات ليه القوة هو غدي يفرح بيها و يفتخر بيها راه يقدر يوم يقول ليك واو نتي واعرة و لكن مع وقت غيولف فيك شغل وغدي يلوح عليك مسؤولية تاع دار كلها و ولاد و مصاريف.. راه النهار لي تعياي ميعقلش عليك. حيت هو ديما غدي يبقا يجهد عليك حيت نتي نهار لول رسختي ليه فكرة ديال انكي شخص قوي و كتحملي كلشي .

نصيحة أخيرة 

ديما عملي راسك ميت مكلخة مكتفهمي تاوزة غبية علاش ؟ باش هو يهز مسؤولية .
وهد نصيحة طبقيها حتى فحياتك مشي غير مع راجلك هد هو سر باش تعيشي معززة مكرمة مدى حياتك زوجية .

اقرأ المزيد »

كيفاش تخلي راجلك يشري ليك لي بغيتي

مقولة اليوم ((( الرجل لايعيش سعيداً إلى مع من هم في حاجته فإن لم يشعر بإنك في حاجته ذهب لمن هم في حاجته))).

هد موضوع هو مشكلة احدى اخوات لي متابعين موقع الأنثى المغربية اسمها هدى من مدينة الدار البيضاء.مشكلة ديالها انها كتحشم تقول ليه عطيني فلوس و كتراعي ليه و هو كيستغل هد حشومية ديالها ومكيشري ليها والو مقتطف من كلامها :

انا راجلي منيت انتزوج بيا حتى بيجاما ماشراها ليا بالرغم الحمد لله ميسور وماشي كشيش ولكن ماتيشري ليا والو لاكادويات ولا حوتيج ولا حتى الفلوس متكيعطينيش انا دابا حاملة ومابقاوش حوايجي تيقدوني الي هما اصلا جبتهم معايا من دارنا الي كنت تنلبس قبل الزواج واخا هكداك تيشوف بعينيه وكيسكت وانا ماكنرضاش نطاب منو وجربت نهدي ليه كادويات باش هو يفهم راسو ويهدي ليا وتقول واش بغا يفهم لا كسوة الصيف لا كسوة الشتوة دابا دار العام والو واش دخل عليا شي حاجه ولا قال ليا تقدتي شنو خصك كلشي ولا كيحشي فيا الكلام واش نتي باقا كتلبسي حوايجك فاش كنتي بنت هاد الرجل مازاد عليك والو وماكنرضاش وخا هكداك ماكنطلبش نفسي عزيزة الله يخليكم شي طريقة نخليه يشري ليا بلا مانطلب.

الا كان عندك مشكلة مثل أخت هدى فراسلينا عبر هد الرابط اضغطي هنا .

الجواب :

قبل منجاوبك أغلبية الخطط لي غنقوليك خصهم اللسان حلو وياكي تجيه بالمعيار وكلام خايب ولا طنيز و حشيان الهضرة ولا تخنزير كلشي كيتحل بلتي هي أحسن. 
راجل مكيبغيش نكارة و لي فمها خانز مهيم في جميع الحالات حافضي على أنوثتك وهدوء وضرافتك وغنواعدك راه وحدا من هد الخطط غدي تنجح معاك أنا مأكدة.

قراي موضوع حتى نهاية وانشاء الله غتحل مشكلتك.

خطة أولا 

خصكي تحيدي ديك قضية تاع الحشوم , راه راجلك وهو مسؤول عليك. ومن حقك الشرعي انكي طالبيه يعطيك فلوس ,
وراجلك ماشي مكيفهمش راه كيميك ويستغل ديك الحشومية باش نهار تبداي طلبي من فلوس يقوليك وليتي كتكتري عليا وتحلو عينيك اللهم من الاول صارحيه.

 قراي هد موضوع باش تعرفي حقوقك :

شنو هما حقوقك تجاه زوجك (واجبات زوج تجاه زوجتو).

*ونزيدك معلومة أخرى الراجل تيبغي المرا لي تتحسسو برجولتو و الى لاحضتي مزيان المقولة اليوم لهدا الموضوع غدي تفهمي بلي راجل كيمشي بدون شعور عند لمرا لي كتخليه يحس انه مهم وانها محتاجاه هكدا هما الرجال.

خطة تانيا

تيقوليك مثل مغربي "ولدك على ماربيتيه او راجلك على ماعودتيه"

يعني راجلك خصكي تولفيه يشري ليك ويخسر عليك فلوس من نهار لول ولفيه هدشي. ونهار لي تخرجو وبانت ليك شيحاجة قول ليه شريها ليا ولمبغاش قوليه صافي غنشريها بوحدي و تقلقي ...لقاليك مالك قوليه اسي راه خصك تشري ليا حيت انا مرتك وامانة عندك ونت مسؤول على لباسي وشرابي وماكلتي خصك توفرهم ليا انا مشي رخيص على راسي باش دير ليا هكا ومتبغيش تشري ليا حاجة لي باغا راه زواج مسؤولية وزايدون وانا مشي خدامتك أنا زوجتك عندي حقوق عليك.(مهيم نتي عرفي تقولي هد هضرة ليه بطريقتك).

بطبيعة الحال مكندويش على راجلك لي عندو فلوس على قد الحال .

خطة تالث

حاجة مهمة بزاف وياكي تنقصي من راسك قدام راجلك وتبقاي طيحي بمستواك قدامو ,نهار لول قولي ليه انا مولف نعيش فدارنا اميرة و نشري لي بغيت ...باش تبغي تشري حوايج قولي ليه هدي شريتها ماركة و غاليا مطيحيش براسك وتقولي ليه باركا عليا نشري غير حوايج جوطية ولا انا مولف نشري بيجامة 20 درهم. راه احبيبتي هنا كتخليك يحطك فواحد قيمة دون قيمتك و غيبقا ديما يعاملك هكا ونهار تشري حاجة غاليا يندمك ويبقا يجيب ليك بيجامة 50 وعاطيها ليك بنفيخ.ديما عزي راسك باش هو يعزك.

خطة رابع

لبغيتي فلوس عطيه نخالة فالبيت نعاس لبسي شي لبس سيكسي و ديري ليه شي مثير جنسي فقهوة و جبدي معاه موضوع الحوايج قوليه فلان بغيت فلوس بغيت نتكسى هنتا كتشوف حوايجي صغارو عليا لمبغاش دابزي معاه وسيري البيت نعس ونعسي فناموسية تسناي غير 15 دقيقة داك مفعول قهوة غيطلع معاه و غيجيك بحال كلب يتلحمس عليك ويطلب رضاك ويعطيك داكشي لي باغا ونتي متنعسي معاه حتى يوافق على داكشي لي باغا.

خطة خامس
جربي تفقصيه شري شي لبس زوين بلا خبارو و جلسي حداه حتى يلاحضها وباش يسولك واش شريتيها قولي ليه لا شراها ليا خويا ولا بابا باش شافني لابس واحد بيجامة مقطعة فجنب كانت عندي قديما تنلبسها فدارنا , مسكين جاتو النفس وهو يشري ليا هد بيجامة الله يخليه ليا ويطول فعمرو ...ونوضي سيري كوزينة انا اكيدة راجلك غطلع وتنزل فيه ههه ....الا لكان راجلك مفيه نفس هدا غيفرح ليك ههه.

خطة سادسا

غنقوليك واحد حيلة نفسية جد فعالة ولكن غتصدق مع الراجل لي مرة مرة تيعطيك و مشي بخيل بزاف باش هضرتك متبانش نفاق وكدوب,

باش تكونو فشي مجمع عائلي قولي ليهم راجلي سخي وكريم وممخليني ناقصني والو  هدشي قوليه قدامو ...وباش تكونو فدار قولي ليه حياتي نت سخي والله يخليك ليا عمرني طلبتك و رجعتيها فوجهي الله يطول ليا فعمرك, الا كان ممكن نت عارف مع حمل غلاضيت شوي و خصني حوايج جداد هدشي لاش خصني فلوس باش نشري حوايج جداد.

*هد حيلة مع وقت كتخلي راجلك يصدق انو سخي غنقوليك كيفاش كتخدم.

 نعطيك مثال دب تيكون دري صغير و تيقول ليه ولديه ديما "نت مكلخ" دري تيكبر و تيصدق انو مكلخ هدشي منين جاي؟؟ راه من عقل الباطني لي متيعرفش الحقيقة من الكدوب , فقط لي تيسمعو بزاف تيولي حقيقة عندو .

هدشي لاش في اي فرصة جاتك شكريه وحاولي تقولي بلي هو سخي وكريم .

خطة سابع

نصيحة متبقايش ديري دوك تصرفات ملتوية زعما باش يفهم هو راسو .راه كاين شي رجال كيديرو هبلة ربح وتيديرو راسهم مفاهمين والو .غير باش ميخصروش فلوس .

راه سر باش تعيشي مزيان هي تخرجي ليها فاص وتقولي ليه اش ضارك وشنو باغا وانتهى موضوع ولكانت كرامتك تمنعك انكي تهضري ضغطي على يماها راه غدي تخرج  عليك راه هدشي لي كديري حقك شرعي  وراه راجلك بزز عليه يعطيك فلوس ويتهلا فيك والا دعيتيه غتوصليه.

خطة التامنة

جربي لعب معاه, الاكان راجلك قشابشتو واسع ونتي كتحشمي تجيه فاص وتقولي ليه أري فلوس فهد خطة غتفعك :

جربي قبل ميجي من خدمة وجدي طبلة وديري شي طبق رئيسي ومقبلات و صايبي واحد لmenu تاع داكشي لي واصبتي واثمن تاع كل أكلة ولبسي شي لبسة ديال سربايات وتكون سكسي مثل غير سوتيامات و تنورة قصيرة وهزي صينية فيدك وفوطة فكتفك وشي ديري شي ريحة حلو مهيم ديري بحال شي نادلة ههه.

, باش يجي راجلك متمشيش تجري عندو خليه حتى يدخل وقفي على باب تاع البيت ولا بلاصة لي موجد فيه طبلة وكرسي و قولي ليه مرحبا سي فلان ,وعطيه لmenu وقولي ليه شنو تاكل.

هو غيبقا غير يضحك نتي جيبي ليه داكشي لي باغي وابتسامة فوجهك سكسي ونضراتك مثيرين حطي ليه ماكلة لي بغا , وبقاي واقف حداه وقولي ليه كيجاتك ماكلة أسي فلان , هو غيجيه هدشي كلشي ضحك ومليون فمئة غيعجبو ههه, من بعد باش غيسالي غدي تجيبي ليه ورة لخلاص لي فيها فلوس لي نتي باغا و هو غيعطيك حيت هو مزال غادي معاك فداك الجو تاع ضحك نتي هزي فلوس وكملي ضحكك معاه ههه وراكي عارف ههه.

خطة التاسعة

جربي تحلوين شوفي واش يصدق معاه.عارف داك مثل تاع لمرا لحلاحة غلبات مرة سحارة ,نصحك تفرجي في مسلسل هيفاء وهبي لي لعبت في دور تاع مرأة اللحلاحة بطريقة واعرة.

شوفي هد اللقطة من مسلسل الحربايا كيفاش تحلونات عليه بصوت حنين ولباس مثير و ابتسامة بريئة وحشومية وحركات أنثوية وكدير بحال شي طفلة صغيرة كيوت وفلخر كتشكرو مهيم تحلوين تيخلي الراجل يحس برجولتو .... هدا هو تحلوين وكيصدق مع بزاف تاع الرجال.

خطة العاشرة

قولي ليه بغيت نخدم غيسولك لاش قولي ليه قبل باش كنت عايش مع والدي مكان ناقصني تاخير وكنت تنشري لي بغيت ولكن دب باش تزوجت بيك وليت حاس بفرق مبقاش عندي فلوس وحتى حوايجي صغارو عليا حاس بنقص كبير فلول كنت صابر على هد حياة ولكن دب والو مبقيتش قادرا نصبر مرضت نفسي مهيم اراجلي هدشي لاش باغا نخدم ...نتي قولي ليه هد هضرة بطريقة زوينة و على نيتك ههه.

الا قاليك متخدميش انا نعطيك فلوس راه مزيان هدشي لي بغينا الا مبغاش دوزي لأخر حل.

أخر حل
سيري لداركم وعاودي لولديك هدشي لي واقع حيت تيقوليك مثل مغربي "كبريها تصغار ", هدشي لاش غضبي و مترجعيش معاه حتا يقبل بشروطك كاملين 

**ملاحضة مهمة جدا**
طريقة طلب المال من الزوج عندها قواعد :
-إطلبي مباشرة بإجاز شديد .
-وانتبهي لاتسبقي بكلمة ( واش تقدر) (واش عدك) (ممكن)(معليش ) حيت هد كلمات كيعطيو راجل اختيار انه يقول لا.

-صوت فيه ثقه.

-وكلمات لي فيهم تمني حتى هما تفادايهم بحال "تشهيت" "ياريت" "كون غير"...حيت لكان راجلك حرامي غيدير راسو مفاهم والو ويخليك كتشهاي تما ههه.

-متقوليش ليه علاش باغا فلوس حتى يسولك وتكون أسباب مختصرة مثل قاليك لاش باغاهم قوليه بغيت بيجامة وصافي متقويش هضرة.

-متبقايش ديما ارا فلوس الا كنتي مثل بغيتي بيجامة متقوليش ليه "بغيت فلوس" قولي ليه "بغيت نشري بيجامة" ,باش ميترسخش ليه فعقلو بلي راكي ديما كتخدي  الفلوس حيت هو ميعقلش على اسباب لي خلاوك طلبي الفلوس غيعلق غير على طلبك.

-وياكي تعايريه وتبقاي تقولي ليه نت بخيل وياكي وياكي....

-باش يعطيك فلوس متنسايش تشكريه راه الراجل تيحماق على التقدير هدشي لاش باش يعطيك فلوس قولي ليه ربي يخليك ليا , لهلا يحرمني منك عمرك خسرتي ليا خاطري...

-الا صدقو معاك هد خطط وراجلك ولا تيعطيك فلوس , متبقايش تعيقي على راجلك وتبقاي كل مرة أرا أرا هنا غتولي فمشكلة كبيرة وبزاف وهدشي غيتقلب ضدك.مطلبي منو فلوس الا لكنتي باغاهم نيت, متبسليش عليه خلي راسك عزيزا.

خلاصة

-بنسبة لبنت "هدى" نتي ولفتيه يدير ليك هكا, نصحك حاولي تخرجي معاه اوتشوفي شي حاجة عاجباك وشوفي واش يقوليك خوديها  ويلا ماقالهاش قولي ليه انا ناخد هادي اوخليه يخلص بغى ولا كره ,حتى يتعود يشري ليك والا مبغاش جربي معاه هد خطط لي فوق راه وحدة فيهم غتصدق.

الا كان عندك اي مشكلة راسلينا عبر هد الرابط اضغطي هنا

اقرأ المزيد »

كيفاش تحلوني على راجلك و تخليه يحماق عليك. باني هنا ↘

موضوع اليوم  خاص بالعيشوريات لي لسانهم مبري منهم وماعندهمش مع التحلوين والكلام الحلو  اليوم جبت لكم بوسط واعر واعر بزاف فيه كاع النصائح خطيرة اللي تقدرو تحتاجوهم فعلاقتكم العاطفية.عطيتكم نصائح معقولة و واعرة.

ياالله ليبغات تعلم كيفاش تحلون على بوركابي (الزوج) و تخليه يحماق عليها تبان هنا ↘.

ملي يكون خدام فالدار ، ماتمشيش تجلسي حداه و تبداي تبلبلي بحالا جالسا مع صاحبتك ولا كون تعرغ احبيبي و تعرف صحبتي راجلها اش جاب لها ، شوف و كون تعرف اش دارو فمسلسل سامحيني ليوم ههخ راه والله تاكاينين شي مسطيات تايديروها ، كيتشوفيه خدام سيري وجديلو قهيوة هيا هاديك و كويس ديال الما و حطيهوم لو و قولو الله يعاونك اعمري و ضرقي كمارتك من حداه.

_ ملي تكوني تنظفي دار و توصلي لبلاصة لي تايخدم فيها وياك تقاديليه وراقو ، والله تايخمجك ، وقعات ليا كنت بغيت نحداك و نضت تانجمع شي روينة ديال الوراق ، ظنيتو غايفرح لكن خاصم عليا علاش نقادهوم ليه ، حيت تيكونو عارفين وراقهوم وهنا غادي تصدقي فمادير خير مايطرا باس ، مهم نتي تعرفي على حسب طبيعت راجلك كاين ليغايفرح و كاين لي لا.

_ راجلك موالف ديما تيتغدا فالخدمة ، نوضي بكري و لا فليل و جديلو شهيوتو المفضلة و ديريها فبواط خاص بيه و صباح سخنيها لو و عطيها لو يديها معاه ، ملي غاياكلها غايتفكرك ويبقا يبتاسم .

#اجي_دبا_لتقحبين ، ملي تهضري معاه عداك دوي معاه بحال الى داويا مع بوعزة الخضار ، تحلوني ، لوحي لو الكلام الحلو بحال عمري ، حبيبي ، تاج راسي ، كانبغيك ، كانحماق عليك ، حياتي ، حبي ... وزيد وزيد نتي وشطارتك كاينات لي تايحشمو ومايقدوش يقولو هاد الهضرة ، عادي تانا بحالكوم كنت تانحشم وديما تانعيطلو بسميتو هههه لكن دبا مكاين غا حبي عمري هههه ، و الحل باش غلبت الحشمة هوا ، شوفي مثلا ملي تاتبغي تدعي فصلاتك شي دعاء تيجيك فالاول صعيب تقوليه و لكن بكثرت ماتاتبقاي تردديه تاتولي حافظاه عن ظهر قلب و تقدري تقوليه بدون شعور و هاكاك بالنسبة لتحلوين ، ملي راجلك يخرج وتبقاي بوحدك فالدار ، سيري هزي تصويرتو و علقيها قدام المراية و وقفي شوفي فيها و بداي تدربي على الكلام الحلو ، داكشي لينتي ماقادراش تقوليه قدامو قوليه لتصويرتو غاتباني بحال شي حمقة لكن غاتولفي ، يوميا ديريها و اقسم بالله حتا غاتولي تزعمي عليه و تكتاشفي ان فوسطك واحدا خرى عن تجربة .

 _ملي يكون خارج عنقيه و بوسيه وقوليلو غانتوحشك ، توجور تاندير هادي سيد تايدير بناقس من الخروج ههه.

_ملي كون جالس تيتفرج تقزبي نيت و تعطري و جلسي قبالتو و ديري راسك مامدياهاش فيه تفرجي ولا لعبي بتيليفون و لا قراي شي مجلة ولا هضر معاك ميكي ، غايعاود يهضر معاك ، قوليلو شنو!! بلاما تشوفي فيه غيتشوا مسكين و ديك ساعة نوضي جلسي فحجرو سكتيه ببوسة تلفو على القبلة.

 _ملي يكون ياكل قولو عمري بغيت انا نوكلك ، جلسي فحجرو و وكليه تيقيني غاتعزازي عليه.

 _شي نهار عرض عليك لبرا وشوية تقلب كي زمان وقالك حبيبة جاتني خدمة ولا شي حاجة ، واياك تقلقي وتغبني و تحمري فيه قوليلو ماشي مشكيل احبيبي مرة خرى فيها خير ، وسيري قلي ليك شوية د السم بغيت نقول قلي ليك شوية الذرة و كوليها هههه .

 _شي نهار نسا سوارتو و لاشي حاجة ، عنداك تغوتي وتقوليلو وفين كان عقلك ، نتا ديما ناسيهم..... بلا بلا ، قوليلو فين اخر مرة حطيتيهوم ونوضي قلبي عليهوم و سدي فمك .

 _لي شوميز دونوي خرجي معاه وخليه يتقداهوم ليك على شهوتو ولا كان تيحشم شريهوم بوحدك و تقداي اللوان لي تيبغي.

 _نهار يكون لاعب شي ماتش ، ماتش ديال الكورة ماشي ليفبالك شجعي الفرقة الخرى مثلا هوا مشجع الريال نتي شجعي البارصا ، واخا تكوني مافاهماش اللعب مهم نتي تبعي غا الكورة فين غاديا هههه ، و ديرو تشالنج بيناتكوم لي خسر يحكم عليه لاخر ههه وهاكا غاتخلقو جو زوين ويولي يهتم بيك كيمانتي مهتامة بيه .

_نتوما ساكنين بحدكوم فالدار ياك؟ علاش ساترة راسك . تصبحي لاوية عليك زيف بحال جدة و لابسة بيجامة طويلة تالارض بحالا ساكنا مع جدك نن ، نوضي ديما لبسي حوايج فاضحين ، شي سروال مطرطق و شي ديباردور مبين الصدري ، تايتزعط فيا ، ولا تالبس شورط و شي تيشورت فوق السرة و طلقي شعرك و شوية الماكياج و ديري ريحتو المفظلة ، كيشوفك يجي يعنقك ويشم ريحتك ، نتي وشطارتك . 

_ ملي تكونو تهضرو ركزي عينيك على عينو و مرة على شفايفو ماتحسي براسك تاتلقايه فوق منك و لكن ديري شوفات شهوانية ماشي شوفات عادية هادا جهدي عليكم.

شكر بزاف موقع الأنثى المغربية حيت عطيتوني فرصة اني نحط موضوع ديالي والله انا فرحانة بزاف تنشوف موضوع ديالي وباسمي في موقع كبير بحال ديالكم .

اقرأ المزيد »

كيفاش طيحي راجلك و طسيلتو فحبك

✍كاتبة مريم من مدينة الناظور

كيفاش تخلي راجلك يبغيك و يحماق عليك

باغا راجلك إموت عليك ملي تزوجي طبقي هادشي لي غانحط وتفكريني . هاد الشي لي غانقول طبقيه مع زوجك قرة عينيك ماشي صاحبك البوال اطونسيو.

✔  نهار عرسك قولي لمو انا ماجيتش ناخدو ليك جيت نقربو ليك خليها مرتاحة (غير بالضحك).

 ✔ نهار تزوجي ديها فبيتك و رأجلك نقي دارك وطيبي لراجلك والقاك ديما فأبْهى الحُلل.

✔ إلا سكنك بوحدك خليه كل ليلة مدى ليه تليفون اهضر مع أُمو قبل ماينعس.

 ✔  ديما خلقي الجو المرح فالدار خلي داك الراجل اتسني غي امتى ادخل للدار.

✔ ملي افيق راجلك امشي للخدمة فيقي قبل منو وجدي ليه حوايجو وفطور زوين ولبسيه وديرى ليه الريحة وسلمي عليه ودعي معه وسيري معه تا الباب وجرى للسرجم شوفي فيه تايخرج من الدرب ومرة مرة صيفطي ليه مساج زوين لإنو غايكون محتاجو .

✔ نهار تخرجي معه شدي ليه فيديه وشريو واحد نص نص و 2 رايبي وقصيوهم حدا البحر هاح.

✔ هضري عليه زوين فحضورو وغيابو.

✔ كونو مفاهمين خليو علاقتكم تكون قدوة للكل.

✔ بيني ليه الخوف ديالك عليه.

✔ ملي تجلسي معه مدحيه انا ربي عطاني سيد الرجال مابقى باغا والو من الدنيا.

✔ قولي ليه كنبغيك رآه هاد الكلمة كتحسو بالأمان قولي ليه انا فرحانة معك فغيزيد أدير مجهود باش اسعدك ديما فكربه انك مندمتيش حيث خديتيه.

✔ ومتبقايش تقولي ليه منقدرش نعيش بلا بيك حيث كذابة لأنك غاتعيشي بلا بيه. ملي تفكري فهادي غتعرفي اش قصدت. 

✔ خليه مرة تخرجو بجوج مرة خليه اخرج مع والديه ومتلصقيش معهم مرة خرجو جميع كما كتسالي فيه حق حتى هما كيتسالوه ومتنقشيهش على صحابو حيث حتى هو كيبغي اعطي حق لراسو .

✔ نهار العب الفريق المفضل ديالو شجعي الفريق الخصم وديرو شي تخاطر .

✔ خليو حياتكم كلها رومنسية وحب وعيشوها فطاعة الله. كوني هبيلة وفنفس الوقت عقلانية عيشي كاع الشخصيات باش مايملش .

✔ نهار اطلع هو بردى انتي حيث غي غتفقدو احترام بعضياتكم الا تغاوتو بجوج وبدلي ساعة بأخرى تايبرد وجيبي ليه كأس قهوة وتناقشو. 

✔ نهار ادخل مغوبش من الخدمة وماقاد ياكل كوني له الأذن الصاغية حطي راسو على رجليك ولعبي ليه فشعرو فو الله مايحس حتى اعاود ليك مالو واخوي قلبو واقولك جيبي الغذاء مزال. سوليه على نهارو كفاش داز وسمعي ليه بعض المرات خصك تسمعي أكثر ما تهضري .

✔ نهار تبغى تشري لبسة وطلبي منو الفلوس ويقولك معنديش ماتزيديش الهضرة قولي ليه واخا حتي نيت اكونو وجمعي معها ضحيكة كوني أكيدة انه غيمشي اتسلف واجبهم ليك.

✔ طيعي راجلك بلا متجي شي وحدة تقولي الطاعة لله و شكون هوا لي نطيعو تفكري بلي هذاك راجلك ماشي صاحبك اوك واش اوك ربي قال (وأطِيعُوا اللَّه والرَّسُول وأولُوا الأمْرِ منْكمْ).

نصحك تقراي هد موضوع غيفيدك بزاف فعلاقتك زوجية مع راجلك 

-شنو هما واجباتك تجاه راجلك (حقوق الزوج على زوجته).

-كيفاش تعاملي مع عكوزتك.

-كيفاش تعاملي مع عائلة 

راجلك.

متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓

اقرأ المزيد »

نصائح للعروسة باش متوقعش في فخ السحر.

للبنات : الحاجات لي خاص العروس ترد منهوم البال:

كلنا كمغربيات سمعنا وشفنا بنات كيسحرو ليهم فعرسهم و كيخليو حياتهم جحيم وهدشي بسبب حقد وكره واكثرية كيكون من أقرب ناس ليك , فهد موضوع غنعطيك نصائح جداواتنا والناس الزمان باش تحمي راسك من السحر تاع عروسة لي كيعتبر من أشهر انواع السحر في المغرب.

1-الحناء كي تسالي من الحناء ديالك عطيها لماماك تخبيها لك واياك تخلي شي وحدة تهزها (حيت كايسحرو فيها) و عطيها لماماك تخلطها هي بيديها وباش تسالي منها لوحيها متخليهاش حتى تيبس.

2-البيت ديالك: طبعا نهار عرسك غاتكوني جمعتي حوايجك. خليهوم فالبيت ديالك او سديه بالساروت ممنوع يدخل لو تا شي واحد من غير نتي و ماماك او خواتاك (هادشي باش تا واحد مايهز لك حوايجك او يسحر لك فيهوم).

3-البنت فاش كاتخطب كاع البنات كايقولو لها عطينا خاتمك نجربوه فيدنا . لي قالت لك هاكا قولي لها لا ماتعطي خاتمك لحتى وحدة حيت فاش كايلبسوه كايقولو شي حاجة او هاكا كاتعكس الأمور بين العروسين.

4-نهار تكون الخطبة اولا العرس الى كنتي هازا معاك كلينيكس ماترميهش فينما كان بقاي هازاه معاك (حيت كايسحرو فيه) أي أثر ديال العروس او مالابسها كايستعملوها للشعوذة.

5-نهار عرسك فاش تبغي تبدلي اللبسة ماتخليش صباطك برا البيت دخليه معاك حتى هو للبيت (كيفما ذكرت من قبل أي حاجة ديال العروسة كايسحرو فيها).

6-ماتاكلي من عند حتى واحد و ماتشربي من عند حد الى جاك العطش اولا الجوع قولي لماماك اولا ختك يجيبو لك لي بغيتي.

7-نهار العرس اولا الخطبة الى عيط لك شي واحد ماتقوليش  نعام سيري حتال عندو اولا قولي هو يجي عندك المهم ماتقوليش نعام حيت من تما كايتقفو البنت.

8-الى سولك شي واحد على شي حاجة ماتجاوبيش باه اولا لا ...مثلا الى قالت لك شي وحدة واش ساليتي التوجاد قولي لها ساليت...المهم الجواب يكون هاكا ماتكون فيه لا اه و لا .

9-ردي البال مزيان و ماتيقي فحتى وحدة من غير خواتاتك او ماماك حتى الى بغيتي ديري وزيرة ديريها فختك نيت ماتيقي لا فالصحابات لا فبنات العائلة حيت الضربة ديما كاتجي من الناس لي قراب.

10-الى جاك شي كادو عبارة على لباس اولا مجوهرات اولا عطر ولا ماكلة ولاصابونة غير لوحيه حيت ممكن تكون فيه شي حاجة.

11-باش تمشي لحمام باش تغسلي متخلي حتى حجى موراك لا وسخك ولا شعرك حيت اشهر انواع سحر للعروسة كيكون فالحمام .

12-دار العروس خصها تكون تبخرات بالملحة حية و حبة سوداء و طلقات فيها سورة البقرة باعلى صوت ممكن باش حتى لكنتي تسحرتي فالعرس باش دخلي لدار راجلك يتبطل داك سحر

13- قوادس و قرقارات خصهم ترش فيهم ملحة حية حيت يسحرو فيهم.

14-دهاز غطيه ببابي سولوفان او خلي مك او خالتك تحضين او ختك ضروري راح خيط يقضي الغرض.

15-ضروري نهار الفرح تفيقي تعومي بالما رقية و تصلي فجر و تفطري بسبع تمرات و كاس ديال حليب و تحصني و ترقي راسك برقية الشرعية.

16-خلي بسم الله ففمك مع كل حركة و ملي تنوضي من بلاصتك خلي شي وحدة ثقة تبرك فيها متتزعزعش.

17- الحنة ولا ديك زلافة لي كتخلط فيها الحنة الا مشات حتى قلباتها ليك شي مرا مكتولديش وخا تكون مغسولة مخصهاش تقلب نهائيا.

18-نهار العرس او الحنة نفضل تصومي ولا تاكلي من يد شي وحدا يا إما ماماك لي تجيب ليك الماكلة لا بلاش وحتى الما ماتشربيهش من يد شي وحدا.

19-الكادوات لي كجيو العروسة خاصها تقلبهم تفليهم كاملين راه كديرو فيهم سحور (واحد البنت جابو ليها براد كادو ملي داتو لدارها ديما مدابزا مع راجلها جابو راقي لقا سحور في عنبوب البراد)المهم قلبيهم وقراي عليهم الرقية.

20-داك الحليب لي كتشرب العروسة هي والعريس ماماك هي لي ديرو ليك في كاس ولا شربتي منو وساليتو منو تحيدو.

تنويه

حناء العروس :

من الوسائل الجهنمية والفتاكة في نفس الوقت التي يلجأ إليها السحرة لإلحاق الضرر بالفتيات المقبلات علي الزواج سرقة حناء العروسة واستخدامها في السحر وهذا بتواطؤ بعض قريبات العروسة من اللواتي يكنن لها حقدا دفينا ويتم اللجوء إلي استعمال حناء العروسة لمنعها من الزواج مدي الحياة، وبالتالي تجد أهل العروسة يحرسن حنتها حراسة شديدة خاصة أمها.

الماء الذي يغسل به الميت والقبر المهجور يعتبر سحر القبر المنسي و حناء العروسة من اخطر أنواع السحر وأشدها تأثيرا وفتكا ففي الكثير من الأحيان يقصد المشعوذون والسحرة المستشفيات وتحديدا مصلحة حفظ الجثث ويسرقون الماء والصابون الذي يغسل به الميت قصد استعماله لصد أي رجل أو امرأة عن الزواج مدي الحياة ويتم دفن هذا السحر في احد القبور المهجورة القديمة أو المنسية، وبالتالي يبقي تأثير هذا النوع من السحر قائما لأطول مدة ممكنة.

اللي قراتو تتفاعل او شي دعيوة زوينة 

نصحك تقراي هد هدد القصص

 بعض قصص تاع بنات سحرو ليهم فعرسهم .

-

-

-

متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓

اقرأ المزيد »

شنو هما واجباتك تجاه راجلك (حقوق الزوج على زوجته)

بزاف بنات غير كيتزوجو بدون فكرة مسبقة عن زواج كيجيهم ساهل لي هامهم هو يتسماو مزوجين . ومعارفين حتى واجباتهم ولاحقوقهم تجاه أزواجهم هدشي تيخليهم فمشاكيل كبار فعلاقة زوجية ومن أسباب رئيسة فالطلاق .

الزواج هو حب ومودة هو احترام أخر واهم شي هو واجبات وحقوق خص كل واحد فيهم يعرفها .كل واحد من أزواج خصو يعرف واجباتو و ينفدهم و يعرف حقوقو على اخر وميتجاوزهمش وميطلبش كثر من حقوقو لي عطاهم ليه الله عز وجل ولنجاح الزواج خص ضروري نعرفوهم .

وراه والدين خصهم يعلمو بناتهم هدشي وميخليوهمش يخرجو عنصريين اتجاه حقوق ازواجهم ويفسدوهم وميكونوش سبب في فساد علاقة زوجة بزوجها. حيت قال النبي صلى الله عليه وسلم : (من أفسد امرأة على زوجها فليس منا).

راه زوجك مشي عدوك متكونيش متعصبة وعنصرية تجاه زوجك و حقوقو ومقصح راسك نتي مشي معاه فحرب وتقولي لامنعطيهش حقوقو و تنفخي عليه وتشوفي راسك عليه. 

راه بزز عليك تعطيه حقوقو . كيف مانتي عندكي حقوق عليه راه حتى هو .

هدا هو زواج ابنتي ولي مقاداش عليه متزوج و نبي صلى الله عليه وسلم عطى قيمة كبيرة لزوج و لحقوقو حيت قال رسول الله صلى الله عليه وسلم : ( لو أمرتُ أحداً أن يسجد لأحدٍ لأمرتُ المرأة أن تسجد لزوجها من عِظَم حقِّه ، ولا تجد امرأة حلاوة الإيمان حتى تؤدي حق زوجها ولو سألها نفسها وهي على ظهر قَتَب ) .

فهد موضوع غدي نوريكم شنو هما واجباتك تجاه زوجك حسب الدين الاسلامي بدون زيادة أو نقصان .وخص كل بنت مقبلة على زواج تعرف هدشي .باش تكون واعية وعارف شنو عليها فالزواج وقادرة تعيش حياة زوجية متكاملة انشاء الله .

******************

*************

*******

***

*

واجبات الزوجة صالحة على زوجها المسلم حسب دين الاسلامي (حيت نتي مزوج على سنة الله ورسوله).

1-حسب عقد النكاح يعني عقد زواج لي بيناتكم خصكي تخلي راجلك يستمتع بيك جنسيا في حدود شريعة بطبيعة الحال.

نصحك تقراي هد موضوع

-علاش خصكي تمنعي راجلك يمارس معاك الجنس من الخلف ؟

الاتزوج بيك راجلك وعطاك صداقك وطلب منك تنعسي معاه ورفضتي رفض بدون أي مبرر  راه رتكبتي معصية كبيرة . غتقولي علاش ؟ ببساطة حيت حقو وهد الحق عطاه ليه الله عز وجل وداك ورقة عقد لي سنيتي عليها. بطبيعة الحال عندكي حق ترفضي الاكان عندكي عذر بحال مريضة ولاراكي فالدورة الشهرية ديالك . بنسبة لرفض بدون سبب راه محرم و لاخليتي راجلك ينعس وهو مقلق منك حيت معطتيهمش حقو شرعي فالملائكة كتبقى تلعن فيك حتى يصباح الصباح .حسب الحديت

لي فالسنة النبوية فقد روي عن أبي هريرة - رضي الله عنه - أنه قال: قال رسول الله صلى الله عليه وسلم: (إذا دعا الرجل امرأته إلى فراشه فأبت فبات غضبان عليها لعنتها الملائكة حتى تصبح).

♥♥♥♥♥♥♥♥♥♥♥♥♥♥♥♥♥♥

2-متخرجيش شيحاجة من دار بلاخبارو نهائيا خودي ادنو أولا

فعن ابن عباس - رضي الله عنها - قال: (جاءتِ امرأةٌ إلى النبيِّ صلَّى اللهُ عليهِ وسلَّمَ قالت: يا رسولَ اللهِ ! ما حقُّ الزوجِ على زوجتِه؟ قال: أن لا تمنعَ نفسَها منه ولو على قَتَبٍ ، فإذا فعلتْ كان عليها إثمٌ، ثم قالت: ما حقُّ الزوجِ على زوجتِه ؟ قال: أن لا تُعطِيَ شيئًا من بيتِه إلا بإذنِه).

♥♥♥♥♥♥♥♥♥♥♥♥♥♥♥♥♥♥

3-مدخليش شيواحد لدار و راجلك متيحملوش حتى لكان باباه ولا ماماه واخ يكون راجلك حاضر ولا غائب .

قال صلى الله عليه وسلم: ( ...فَأَمَّا حَقُّكُمْ عَلَى نِسَائِكُمْ فَلَا يُوطِئْنَ فُرُشَكُمْ مَنْ تَكْرَهُونَ ، وَلَا يَأْذَنَّ فِي بُيُوتِكُمْ لِمَنْ تَكْرَهُونَ...).

♥♥♥♥♥♥♥♥♥♥♥♥♥♥♥♥♥♥

4-ممنوع منعا بتا تخرجي من دارك بلا خبار راجلك لا عيادة مريض ولا تمشي جنازة ... . صوني ليه وخودي ادنو وخرجي فين مابغيتي وفي حالة خرجتي بلا ادنو راه تسقط عليك النفقة و تعبرين ناشزة وتصبحين عاصيةً لله ولرسوله وتستحقين عليها الإثم والعقاب.

حيث قال رسول الله صلى الله عليه وسلم: (أَيُّما امرأةٍ خَرَجَتْ من بيتِها بغيرِ إِذْنِ زوجِها ، كانت في سَخَطِ اللهِ تعالى حتى تَرْجِعَ إلى بيتِها أو يَرْضَى عنها زوجُها).

يمكن خروج فقط الاكنتي عارف راجلك معندوش موشكيلا تخرجي بحال تمشي حانوت تمشي عند والديك ... يعني عارفاه مغديش يقول لا على هدشي .

وفي حالة كان رافض خروجك من منزل فهناك حالات خاصة تخليك تخرجي بلاادنو وهي حالات لي كتهدد الحياة بحال دار كتريب عليك هههه الله يسترك  وفي امر فيه معصية الله .

غتسولي علاش الله عز وجل منعك تخرجي بلا ادنو ؟ سبب هو انكي امانة عند زوجك امام الله والا وقعات ليك شيحاجة هو المسؤول وحيد عليك قدام الله عز وجل.

راه هو فالطلاق راجل براسو معدوش حق يخرجك حتى تنتهي عدتك حيت الله خاف عليك و خاف على شرفك وعرضك .

فقال سبحانه: ﴿ يَا أَيُّهَا النَّبِيُّ إِذَا طَلَّقْتُمُ النِّسَاءَ فَطَلِّقُوهُنَّ لِعِدَّتِهِنَّ وَأَحْصُوا الْعِدَّةَ وَاتَّقُوا اللَّهَ رَبَّكُمْ لَا تُخْرِجُوهُنَّ مِنْ بُيُوتِهِنَّ وَلَا يَخْرُجْنَ إِلَّا أَنْ يَأْتِينَ بِفَاحِشَةٍ مُبَيِّنَةٍ وَتِلْكَ حُدُودُ اللَّهِ وَمَنْ يَتَعَدَّ حُدُودَ اللَّهِ فَقَدْ ظَلَمَ نَفْسَهُ لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا ﴾ [الطلاق: 1].

وكرم مرأة في منزلها لدرجة ان الاسلام جعل صلاة مرأة فداره خير لها من صلاة في المسجد خودي ادن وسيري صلي فجامع مهم تاخدي ادن من راجلك ضروري . نتي مبقيتيش تاع راسك.

 قال رسول الله صلى الله عليه وسلم "إذا استأذنت أحدكم امرأته إلى المسجد فلا يمنعها" . رواه البخاري

وراه من حقوقك كزوجة انه يخليك تخرجي الا طلبتي منو تخرجي ولا تمشي تشوف والديك . هو بصح عندو حق يمنعك تخرجي ولكن فنفس وقت معندوش حق يقطع صلة رحمك مع ولديك مهيم نتي ديري لي واجب عليك فالزواج قدام الله عز وجل وخليه هو ومولاه . 

نقوليك واحدة حاجة وغتفهميني قطع صلة رحم من معصية الله و فحديت قال رسول الله لاطاعة لي مخلوق في معصية الله يعني من لخر حقو باش يمنعك على ولديك كيولي باطل ونتي كتبقى عند الكرة ديري لي بغيتي واش طعيه ولاتمشي لدارك تشوفي ولديك .

واخ راجل عندو حق يمنعك من خروج من منزلو ولكن معندوش حق يخليك فدار 24 ساعة فيه بزز عليه يخليك تخرجي والا كان خايف عليك وتيغير فراه هو خصو يخرجك ويديك عند ولديك راه فعهدرسول كان راجل تيعاقب مراتو وتيخليها فدار 24 ساعة الا حصل عليها فاحشة الزنا . يعني هد تصرف لدارو راجلك راه بحال تيعاقبك عقاب الزانية.

♥♥♥♥♥♥♥♥♥♥♥♥♥♥♥♥♥♥

5-طاعة الزوج في مايرضي الله ربي 

قال تعالى:

(الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَىٰ بَعْضٍ وَبِمَا أَنفَقُوا مِنْ أَمْوَالِهِمْ)،

قوامون يعني أمراء :وقال ابن عباس رضي الله عنهما : الرجال قوامون على النساء يعني أمراء عليها أن تطيعه فيما أمرها به من طاعته، 

وقال رسول الله صلى الله عليه وسلم ( إذا صلت المرأة خمسها وصامت شهرها وحفظت فرجها وأطاعت زوجها قيل لها ادخلي الجنة من أي أبواب الجنة شئت).

راه طاعة الزوج واجبة ومن فرائض الدين الاسلامي و راه سبب رئيسي لدخول المرأة للجنة و طاعة الزوج من طاعة الله .

راه الامنعك تشوفي عائلتك خصكي طعيه واخ نتي عارف هدشي مخصوش يكون نتي طعيه تنفيد لرغبة الله و خليه هو بينو وبين مولاه نتي خرجي داك سوق .

ونزيدك حق الزوج مقدم على حق الأب . يعني طاعة زوجك اولى من طاعة باباك.

وبلا منهضرو على ان حق زوج في انك طعيه تيولي باطا الاطلبك طعيه فالحرام حسب قول رسول الله " لا طاعة لمخلوق في معصية الخالق"  مكايناش شي حاجة سميتها طاعة المطلقة لشي انسان الا لله تعالى ورسوله صلى الله عليه وسلم،الاامرك شي انسان بمعصية الله فلاطاعة له حتى لكان ولديك ولا زوجك, ولكن  هدشي كل من حقوق زوج لي عطاها ليه الاسلام .ومن واجب مراتو طيعو ولكن هو خصو يتقي ربه وميأمرهاش بشي حاجة لي فوق نفسها ولا تقطع صلة الرحم مع ولديه ولا شيحاجة لي ضراها حيت فهد حالة هو غيطيح فمعاصي ويولي قدام الله أثم . فسبحان الله لي عطى حقوق لي الزوج ولكن في حدود. 

♥♥♥♥♥♥♥♥♥♥♥♥♥♥♥♥♥

6-متصوميش بلاادنو

بطبيعة الحال مكنهضرش على الصوم الفرض حيت هي مأمور بصيامه. راه كندوي على الصوم النافلة بحال صيام تطوعي لأيام الخميس والاثنين .

 عَنْ أَبِي هُرَيْرَةَ رَضِيَ اللَّهُ عَنْهُ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ : ( لا يَحِلُّ لِلْمَرْأَةِ أَنْ تَصُومَ وَزَوْجُهَا شَاهِدٌ إِلا بِإِذْنِهِ ) .

باين غيطيح فسؤالك علاش عندو هد الحق ؟ حيت ابنتي هد الحق داخل فحقوقو تاع متمنعيش راسك عليه فالفراش يعني كاين شي وحدة كتبغي تفقص راجلها وغتمشي تصوم باش مينعسش معاها فهمتي دب.

♥♥♥♥♥♥♥♥♥♥♥♥♥♥♥♥♥♥

7-متصرفيش ومتصدقيش من فلوسو بغير رضاه متنهضرش على فلوس لي تيعطيها ليك وتيقوليك هدي ديالك ديري فيها مبغيتي انا كندوي على فلوسو مثلا مخبعها فدار ولا فلوس المصروف ولاتقدية لي جابها لدار.... 

حيت من واجبك كزوجة تحفضي ليه ماله حيت فلوسو ودارو امانة عندك حيت رسول الله صلى الله عليه وسلم قال 

 " خَيْرُ النِّسَاءِ إِذَا نَظَرْتَ إِلَيْهَا سَرَّتْكَ وَإِذَا أَمَرْتَهَا أَطَاعَتْكَ ، وَإِذَا غِبْتَ عَنْهَا حَفِظَتْكَ فِي مَالِكَ وَنَفْسِهَا " .

♥♥♥♥♥♥♥♥♥♥♥♥♥♥♥♥♥♥

8-قناعة ومطلبيهش فوق استطاعتو مثلا نتي راجلك عندو خدمة على قد الحال راه معندكيش حق تبزي عليه شيحاجة فوق استطاعو و تبقاي تنكري عليه باش يبدل ليك صالون وهو معدوش و باش ميخصرش ليك خاطرك تينوض يتسلف ويتكلف . مكتحشميش اختي راه راجلك الا ضريتيه راكي غضري غير راسك الله يهديك وصافي .

 عن عائشةَ رضي اللَّه عنها "مَا شَبعَ آلُ مُحمَّدٍ صَلّى اللهُ عَلَيْهِ وسَلَّم مِنْ خُبْزِ شَعِيرٍ يَوْمَيْنِ مُتَتَابِعَيْنِ حَتَّى قُبِضَ" .

♥♥♥♥♥♥♥♥♥♥♥♥♥♥♥♥♥♥

9-تشكريه على هدشي لي تيقدمو ليك حيت عن نبي صلى الله عليه وسلم "لا يَنظرُ اللَّهُ إلى امرأةٍ لا تَشكرُ لزوجِها وَهيَ لا تَستَغني عنهُ".

♥♥♥♥♥♥♥♥♥♥♥♥♥♥♥♥♥♥

10-كنتي باغا تخدمي راه كتاخدي موافقة زوجك باش تخدمي و في هد حالة تيولي عند ادن عام باش تخرجي لخدمة وقت لي يقتضيه عملك بلاما كل مرة تاخدي ادنو . 

♥♥♥♥♥♥♥♥♥♥♥♥♥♥♥♥♥♥

11-تهلاي فراسك كوني ملكة في منزلك  بمكياج 

كحلي دوك عينين خليهم يسحروه قال رسول الله صلى الله عليه وسلم" عليك بالكحل فإنه أزين الزينة". الكحل العيون له سحر خاص على زوجك.

ولباس زوين لي تيخليه غير يشوفو يفرح كوني بشوشة الوجه ابتسامة لاتفارق وجهك وصوت حنين وأنثوي كوني فتاة جنس لطيف.

قال رسول الله:(خيرُ نسائِكم من إذا نظر إليها زوجُها سرَّتْه...) متنسايش راجلك كان فزنق وشاف بزاف بنات زوينين ومهليين فراسهم ويجي يدخل لدار يلقا جلالي راه حتى منطقية مجاتش وبسيف ميفكر فخيانتك.

♥♥♥♥♥♥♥♥♥♥♥♥♥♥♥♥♥♥

12-حفض اسرار منزلك و مشاكيلكم خليها بيناتكم متنسايش راسك نتي عندكي امانة ولي هي دارك كوني بئر أسرار رجلك حتى عن امك كوني أمينة  قال رسول الله صلى الله عليه وسلم ((إنَّ مِن أشرِّ الناس عند الله منزلة يوم القيامة، الرجل يفضي إلى امرأته، وتفضي إليه، ثم ينشر سرَّها)).

♥♥♥♥♥♥♥♥♥♥♥♥♥♥♥♥♥♥

13-لا تتزيني لغيره ولا تخونيه في فراشه 

♥♥♥♥♥♥♥♥♥♥♥♥♥♥♥♥♥♥

14- خدمة زوج في ملبسه و مأكله ومشربه ولكن في حدود مشي يجهد عليك ويخليك عبد ليه ولايدلك  فقال (صلّى الله عليه وسلّم): «إنما النساء شقائق الرجال، ما أكرمهن إلا كريم وما أهانهن إلا لئيم».

 وراه تخدمي راجلك غير بليزير منك مشي بزز منك ومشي فرض عليك غير هي داخل في معاشرة بالمعروف وراه لكي اجر الاخدمتي راجلك ولا مخدمتيهش لاثأتمي عليها,وراه فعقد الزواج مفيهش بلي خصكي تخديمه هو فقط يحلل حقه في الاستمتاع بكي جنسي.

وراجل معندوش حق نهائيا لادنيا ولاقانونيا يبزز عليك خدمتو مكاين حتى نص قانوني ولاحديت شرعي تيفرض عليك خدمتو.

زوجة مشي خدامة عندك هي نصفك التاني شريكتك فهد الحياة و زواج هو تعاون الطرفين على حياة وباش يعيشو سعادة هو عليه يتهلى فيك وينفق عليك ماليا اما نتي عليك غير تهلاي فيه.

وحنى نديرو عائشة رضي الله عنها قدوة لينا وان رسول الله صلى الله عليه وسلم مجابش ليها خدامة ، وكان النبي صلى الله عليه وسلم يأمر عائشة وسائر أزواجه فكان يقول: "يا عائشة اسقينا"، "يا عائشة أطعمينا"، وكان يقول: "يا عائشة هلمي الشفرة واشحذيها"،يعني كان تيأمر زوجته. وخدمة زوج تعتبر أمر طبيعي راه كتهلاي فراجلك متجيبيش خدامة تخطف ليه قلبو فهمتيني .

♥♥♥♥♥♥♥♥♥♥♥♥♥♥♥♥♥♥

15-تهلاي فيه شوفيه واش ناعس مزيان واش مقلق فرحيه متخليهش ينعس جيعان , تعلمي طلبي منو شي حاجة بلطف وعرفي تختاري وقت مناسب باش تهضري معاه. غريب أمر كاين شي نساء عزيز عليهم حتى لوقت لغدا و كتقول لراجلها شي موصيبة بحال ورقة ضو جات كتوحلها ليها . مترضايش لراسك تكوني مصدر الازعاج له كوني الأنثى مغربية . 

✿خاتمة✿

هدي هي حقوق رجلك وواجباتك تجاه راجلك حاولة نوصل ليك جميع واجباتك بطريقة مبسطة وتنواعدك أختي مغربية الى قدرتي دير واجباتك راكي غتكوني زوجة صالحة .

نصحك تقراي هد الموضوع

-شنو واجبات زوجك اتجاهك (حقوق زوجة على زوجها ).

متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓

اقرأ المزيد »

كيفاش تعاملي مع عكوزتك

إن العنف يولد العنف، والغضب يولد الغضب، أما الهدوء فإنه يطفئ الغضب كما يطفئ الماء النار.

البنات باش نتفاداو الصداع و المشاكل خاصكوم تعاملوا أمهات الأزواجكم بحال لي كاتعاملو والديكم. واخ أمر غيكون صعيب حيت أم تاع راجلك غتكون واخد أمر كأنه حرب وبلي نتي جايا تاخدي ليها ولدها بطبيعة الحال أنا متنعممش مهيم فهد الموضوع غنقوليكم نصائح أو إرشادات ضروري تقوم بها أي فتاة مقبلة على الزواج ان شاء الله.

أول ملي غتمشي لدار ناسك وغتعرفي على عكوزتك ,تعاملي معاها بحدودية و كوني سكوتية متعرفش شنو تحت راسك , غتبقاي غير ساكت وكلامك قليل ,هدفك فهد المرحلة هي تعرفي نوع حماتك خصكي تبقاي تلاحضي تصرفاتها و هضرتها ونضراتها متفلتي والو هدشي كلشي باش تعرفي نوع ديالها.
 تانيا سولي عليها عائلتها و ناس لي قراب منها بطريقة غير مباشرة, عرفي ماضيها مع عكوزتها و كيفاش كانو تيعاملوها و هي كيفاش كانت كتعاملهم ,الا كانت عكوزتها كانت كتعاملها  خايب فكوني اكيد غدي تعاملك بنفس طريقة غتقولي ليا علاش ؟ حيت أختي حنا هكا البشر نعامل بالمثل بدون شعور , انسان لي تيدوز من ماضي خايب مثلا كيغتاصبوه فصغرو ,فراه تيكبر و هو عندو رغبة باش يغتاصب دراري صغار يعني بحال كينتاقم , تنضن فكرة وصلات بطبيعة الحال متنعممش كاين لي تيوقع ليه عكس باش تيدوز ماضي خايب تيبغي يخلي مستقبلو زوين و لكن هد حالات قليلة. 
هد هضرة مجبتهاش من فراغ هدشي كل جاي من أبحات علمية داروها على ناس منهم مجرمين لي لقاو ان ماضيهم هو سبب في جرائمهم .
مهيم لكانت عكوزتك دوزات ماضي خايب حاولي تجنبيها ومن احسن تسكني فدارك بحدك وخلي راجلك يكون درع حماية ليك .

تنويه
واحد ملاحضة صغيرة راه شخصية الحقيقية تاع حماتك كتبان حتى لمور زواجك يعني بلاما تجي وحدة تقوليا لا انا عارفاها راه مزيان راه جارتنا راه ولدها تيشكرها , راه بصح يمكن تكون مزيان ولكن باش كتزوجي بولدها راه كتبدل عادي , راه جميع عكوزات هكا , هما اصلا متيعرفوش علاش تيوليو هكا.

1-أنواع العكوزات 

اولا … الحماه المتسلطة :

هد نوع تيكون متسلطة و كتبغي تحكم فكلشي و تحكم فعلاقتكم زوجية ومكتبغيش رأيها يطيح لأرض وكتحس بلي عندها الحق فهدشي.كتبغي تعرف صغير وكبير فعلاقتكم وهد نوع تاع حماة تيكون اخطر نوع .

طريقة تعامل مع عكوزة متسلطة 

-ارضاء غرورها خليها تحكم وتعطي رأيها في شي حجات بساط و حل ديال هد نوع تاع عكوزات هي تكسبي ولدها لصفك و تخليه يعاونك تكسبيها من خلال أن مشاكيلكم واموركم شخصية ميعاودهاش ليها . نتي غتكوني دكية فتعاملك معاها وتبقاي توهميها بلي هي حاكم بحال تقولي ليها اش نطيبو ليوم لغدا .

--متجادليهاش نهائيا هد نوع تاع عكوزات تيكون راسو قاسح واخ تكون خاطئ راه مترضاش قدامك أنها تبان خاطئ يعني الاجادلتيها راكي غير غتنوضي معاها صداع وتخليها تكرهك .هدشي لاش كوني دكية في تعاملك معاها و باش تجبدو شي حوار خليها تحس راسها هي لي فارض راسها وبلي راه مهمة .

--شاوريها ومديريش برأيها طريقة واعرة باش تكسبيها وتخليها تحس بلي راه هي كلشي هد طريقة كتشبعي ليها غرورها  .

--طلبي نصيحتها و رأيها ولكن غير فأمور صغار .

--تهلاي فيها بكدوات .

-أجوبتك يكونو حدوديين عرفي تعاملي معاها و تجاوبي على اسئلتها فضولية بطريقة دبلوماسية.

ثانيا … الحماه الغيورة :

أكثر نوع منتشر وخصوص لكان عندها ولد واحد ولا خديتي ولدها كبير لي تيصرف عليها .هد نوع تاع عكوزات تيكون غيور بزاف تقولي بحال عندك ضرة .كتغار منك بزاف و كتبغي دير بحالك و تاهي تشري بحالك و كتحس بحال راكي جايا تخطفي ليها ولدها لي تعدبات عليه.ولي تيزيد يشعل عافية فقلب هد نوع هو غباء ولدها لي مكيفهمش غيرة أم ديالو و تيبقا يشكر فمراتو قدام مو و تيبقا يقول ليها كلمات زوينين .

 كيفاش تعاملي مع عكوزة المغيار

تعاملك معاها خصو غير شوي دكاء غدي تحاولي تكوني مسيطرة على مشاعرك اتجاه ولدها و تشرحي لراجلك لهدشي باش تاهو يراعي لمشاعر ديالها .و ديما باش تشري شي حاجة حتى نتي شري ليها ولا شري ليها محسن منك . ومتبقايش لي شريتيه توريه ليها و لا تبقاي ديري مكياج بزاف قدامها باش متخليهاش تغير منك.

ثالثا … الحماه الفضولية :

هد نوع غير مؤدي كتكون فضوليا كتبغي تعرف كلشي عليكم صغير وكبيرا .والا خليتيها بعيد على هدشي راكي غتسمعي منها غير كلام خايب و تصرفات سيء

 كيفاش تعاملي مع عكوزة الفضولية 

بقاي تعاودي ليها بزاف حوايج عليكم بقاي تستشريها و تخليها تحس راسها وسطكم.

رابعا … الحماه متقلبة المزاج و متقلبة التعامل :

هي ديك حماة لي حال وحوال مرة كتكون مزيان معاك مرة كتعاملك بعصبية وبخايب .

 كيفاش تعاملي مع عكوزة مزاجية

صبر هدشي لي تقدري ديري هو تصبري على تصرفاتها متقلبة و تسايريها وباش تعاملك خايب عامليها مزيان و بتفهم كأنكي كتعامل مع ماماك باش كتكون معصبة و كتبقاي ديريها لي خاطر مهيم حاولي تحكمي فراسك فهد فترات قدامها وهي بحدها غدي تندم.

خامسا … الحماه المستبدة :

أخطر نوع ياربي سلامة هدي هي نوع لي كيشتت علاقة زوجية . حيت كتكون جامع جميع انواع السابقة هى فضولية , غيورة , سلطوية , انانية , مستغلة لمال ابنها , متقلبة و كاذبة تختلق المواقف لتشعل الخلاف بينك وبين زوجك ,ونكارة لي تمشي لزبل وتقلبو وتبقا تقوليك نتي خارج على ولدي يعني من لخر هديك لي هدفها أول وأخير تنوض ليك صداع بينك وبين راجلك

كيفاش تعاملي مع عكوزة المستبدة 

اوا اش غنقوليك اختي حل وحيد لي عندك هي تفرقي عليها تيقار زوين بعدي منها . فرقي دار و ماكلة معاها تيقار زوين مع هد نوع. كوني معاها حدودية بزاف و تجنبي نهائيا جدال معاها راه كلمة وحدة صغيرة منك تقدر تخلي عافية شاعلة هدشي لاش خلي ديما فمك فيه كلام زوين ومتعاودي ليها والو عليكم خليها ديما بعيد عن مشاكيلكم متخليش ليها فرصة انها تدخل بيناتكم.

سادسا… الحماه الخبيثة :

تتبع المثل ” ضربني وبكي وسبقني وشكي ” من حموات لي عندها جوج وجوها ممتلة واعرة بزاف ,يعني منافقة تقدر تمتل قدام ولدها ضراف ولكن قدامك وحش مترحمكش تيوصل بيها امر لضرب وخصوص للقات شي عروسة ضريفة .

كيفاش تعاملي مع عكوزة الخبيثة 

قالو ناس زمان"حرص ولا تخون".طبقي هد مثل و غتعيشي معاها مرتاح.

اخيرا الحماة الودودة او الرحيمة:

قليل فين تلقاي هد نوع الامن رحم ربك, هدنوع ساهل تعاملي معاها كتكون حنينة وضريفة و كتبغي تقرب ليك و تكوني بحال بنتها .

كيفاش تعاملي مع عكوزة الودودة

-تهلاي فيها و زيدي قربيها ليك بحال هد نوع راه كنز.
-استفيدي من خبراتها السابقة في حل مشاكلك.
هضري معاها على ولدها كيفاش ماضيه و شنو شخصيتو .

2-حكم الاسلام في تعامل مع عكوزتك

-في دين يمنع منعا بتا لزوج انه يتزوج نسيبتو يعني أم مراتو و حتى زوجة ممنوع عليها تزوج شيخها . هدشي علاش منعو دين الاسلامي حيت الله عز وجل بغا يبين لينا بلي عكوزة تعامل معاملة أم و شيخنا يعامل معاملة أب مهيم هد فكرة تفاهمنا عليها.

-بصفة عامة في الدين الاسلامي يجب احترام شخص كبير حيت عن رسول الله صلى الله عليه وسلم قال " ليس منا من لم يرحم صغيرنا ويوقر كبيرنا ".وقال أيضا "البركة مع أكابركم".

-في شريعة مكاينش شي حديت ولا أية كتقول بلي بزز عليك  تخدمي عكوزتك ولا أهل زوجك.يعني راه غير بليزير منك وتوحد معندو حق يبزز عليك تخدميها.

 راه  حسب عقد الزواج لي بيناتكم راه نتوم وليتو حلال على بعضكم جنسيا فقط . ولكنتي غدي تخدمي عكوزتك فجزاء الله خيرا هدشي تيدل على حسن خلقك .

راه نديرو مثلا راجلك معندوش خوت وماماه عايش معاه غير بيني و بينك شكون غدي يتهلا فهدا المرأة ؟ من ادب وحسن تربية تهلاي فعكوزتك و تهزيها راه هدشي لي غديري يسمى الاحسان ومااجمل زوجات الى تزينو بأجمل أخلاق لي هو الاحسان .

- عن النبي صلى الله عليه وسلم قال "من استطاع منكم أن ينفع أخاه فليفعل " ولا شك أن أم الزوج هي من أولى الناس بهذا العون.

-عن عائشة رضي الله عنها قالت لي سيدنا النبي صلى الله عليه "أَيُّ النَّاسِ أَعْظَمُ حَقًّا عَلَى الْمَرْأَةِ ؟ قَالَ : " زَوْجُهَا " ، قُلْتُ : فَأَيُّ النَّاسِ أَعْظَمُ حَقًّا عَلَى الرَّجُلِ ؟  قَالَ : " أُمُّهُ " . عاودي قراي هد الحديت و غتفهمي قيمة امو .

-متنسايش راجل خصو يبر بأمه حيت كاين حديت يقول أمه ثم امه ثم أمه يعني هو مؤمور علا هدشي يعني بلاما تحاولي دخلي بخيط كحل بيناتهم راه غدي تاخدي سخط الله.

نصائح عامة لتعامل مع عكوزتك

نتمنى تبعي هدا النصائح وانشاء الله غتكسبي حماتك لصفك واخ هي تكون صعيبة و بزاف راه فلخر غدي تخلي قلبها يبغيك وراه واخ يكون قلبها حجر راه غدي تحشم. 

هد نصائح لبنات لي بغاو يخليو عكوزتهم يحبوهم .

✔️ أول حاجة هي الصبر ثم الصبر ثم الصبر  لتنالي أعلى الدرجات 
يقول تعالى: {إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ}. 

✔️ كلمة عكوزتي حيديها من فمك نساياها بداي فلول بخالتي شوي بقا تقولي ليها ماما راه هد كلمة ماما كتلين القلوب غير حاولي تولفيها عليها .

✔️ جامليها صبغيها مدحيها... واخ تهز غير كاس قولي مسكينة ماما عياة نوض نعاونها ولكن متعيقيش حنا هدفنا من مجاملة نحسوسها بقيمتها.

✔️ كوني نينجا هه بهد المعنى كوني حادكة فشغل الدار نوضي فصباح بكري سالي شغلك كلو متخليهاش تدوز ليك من هدشي وتستغلو ضدك راه نسبة 70% فلول غدي دوز عليك العسكر وأبسط حوايج غدي تلاحضهم.

✔️ متلبسيش حوايج قصار و مكياج بزاف قدامها حتارميها وحتارمي مشاعرها.
✔️ مليون في مئة غتكون فيها عيوب حاولي تكيفي مع عيوبها وديري عين شافت وعين مشافت.

✔️ ديري ليها وقت وهضري معاها وسولي على حالها وصحتها ومشاكيها خليها تحس راكي مهتم بيها.

✔️ كوني سبب رئيسي فصلح بين زوجك وأمه ادا وقع خلاف بينهما.

✔️ كبري بيها خلي كلمتها مسموعة.

✔️ ديما حطي هد فكرة في عقلك راه الغيرة شيحاجة عادية راه أمو  هي لي ولداتو و تعدبات عليه ونتي جيتي خديتي ولدها بالبارد. راه غيجي واحد نهار وغتولي فبلاصتها و غدي تحسي بهدشي يعني حاولي تحسي بيها وتعدريها. 

✔️ عامليها زي أمك ولكن خلي حدود بيناتكم حتى تجنبي كيدها.

✔️ مدخليش بين عكوزتك و بين راجلك حيت والله ثم والله الا راجل فرط فميمتو راه مفيه خير وغدا يقصر فحقك انتي .

✔️ تجنبي تبيني حبك مفرط قدام زوجك راه الاحتياط واجب فالنهاية هي ام وتحب ولدها و حنا مبغيناش نوضو فقلبها لعافية تاع الغيرة.

✔️ ملي حماتك تكون مريضة فمن واجبك أنك ترعايها و تعامليها كيف تعاملي ميمتك و تتكلفي بنظافتها وحتا إلا كانت ساكنة بعيد شويا جيبيها عندك و تكلفي بيها و خليها تحس بلي نتي بنتها ماشي غي مرات ولدها .

✔️  ملي تكون فضيافتك حسسيها بلي أنت هي ضيفتها .. سوليها اش بغات للغدا .. خودي رأي ديالها فأثاث البيت.
✔️ خليها مع ولدها على انفراد حيث يمكن تكون توحشاتو وبغات تكلم معاه فأمور كتخصهوم .. و مرة مرة صيفطي راجلك بوحدو يطمأن عليها حتى تشبع روحها منو ..
✔️ لكان ولدها يعني راجلها غالط فحقها فدوري فيه بينك وبينو وقدامها.

✔️ متنسايش مناسبات مهمين عندها و عيد ميلادها. 

✔️ لكانت حزينة ولا عندها شي مشكلة مادية ولا نفسية وقفي معاها خليها تحس راكي بنتها .

✔️  باش تشري لنفسك جلابة بألف درهم و تعطي لحماتك كسوة بخمسين درهم فهذا قلة تربية و حشومة و عيب كيفما شريتي شري ليها تاهيا ولا حسن.

✔️  باش تگلسي فالمقعد الأمامي فطونوبيلت راجلك و تخلي الأم ديالو بالخلف فهاذي قلة أدب وقلة لفهام..

- ديها معاك اذا غتسافرو شي مرة ..

✔️ ذكري راجلك مرة مرة يعطيها الفلوس واخا يكون عندها دخل شهري قار ..

✔️ لوقع شي موشكيل لحماتك مثلا دابزات مع شي جارتها دافعي عليها وجي فصفها دافعي عليها بحال كتدافعي على ماماك .

✔️ ديما شكريها قدام الناس وصحباتها وعائلتها وخلي كلمتها مسموعة قدامهم.

✔️ باش دابزي معاها ولاتعصب عليك بدلي ساعة بأخرى و لاضلماتك بهضرتها ولا بشي تصرف سكتي و متجاوبيهاش وخليها هي بحدها تحشم حيت باش غتبرد غتفكر بلي هي بحدها لي كانت كتغوت ونتي كنتي ساكت وضميرها غيأنبها.

✔️ ﻛﻨﺼﺤﻜﻢ ﻣﺘﻌﻮﻟﻮﺵ ﻋﻠﻰ ﺣﻤﺎﺗﻜﻢ ﻓﺸﻲ ﺣﺎﺟﺔ ﺩﻳﺎﻝ ﺍﻟﺸﻘﺎ ﺗﺤﺰﻣﻲ ﻭ ﻃﻴﺒﻲ ﻭ ﻋﺠﻨﻲ ﻭ ﺧﻤﻠﻲ ﻭ ﺣﻨﻲ ﻟﺤﻤﺎﺗﻚ ﻭ ﻛﺴﻴﻬﺎ ﻣﺮﺓ ﻣﺮﺓ ﺩﻳﻤﺎ ﻋﺎﻣﻠﻴﻬﺎ ﻓﺤﺎﻻ

ﻫﻲ ﺍﻟﻀﻴﻔﺔ ﻣﺎﺷﻲ ﻧﺘﻲ ﻭﻋﻨﺪﺍكي ﺗﺒﻘﺎﻱ ﺗﺼﺒﺤﻲ ﺧﺎﻣﺮﺓ ﺣﺘﻰ ﺗﺴﻤﻌﻴﻬﺎ

ﺳﺒﻘﺎﺗﻚ ﻟﻜﻮﺯﻳﻨﺔ ﻫﺎﻧﺎ ﻭﺻﻴﺘﻚ ﻭ ﺣﻄﻴﻬﺎ ﻋﻠﻰ ﻛﻔﻮﻑ ﺍﻟﺮﺍﺣﺔ ﻭﺍﺧﺎ ﻣﺘﺒﺎﺩﻟﻜﺶ

ﻧﻔﺲ ﺍﻟﻤﻌﺎﻣﻠﺔ ﻣﻊ ﺍﻟﻤﻮﺍﻗﻒ ﻏﺎﺗﺤﻦ ﻋﻠﻴﻚ .

✔️ ﻭ ﻓﺎﺵ ﺗﻜﻮﻧﻲ ﺧﺎﺭﺟﺔ ﻧﺘﻲ ﻭﺭﺍﺟﻠﻚ ﺷﺮﻱ ﻟﻴﻬﺎ ﺷﻲ ﻓﻮﻻﺭ ﻭﻻ ﺑﻴﺠﺎﻣﺔ ﻭﻻﺻﺎﺑﻮ ﺍﻛﻴﺪ غدي ﻳﻌﺠﺒﻬﺎ ﺍﻟﻜﺎﺩﻭ ﻭﺍﻧﻚ ﺩﻳﻤﺎ ﻣﻔﻜﺮﺍﻫﺎ

فقال الرسول صلى الله عليه وسلم "تهادوا تحابوا".

✔️ ﺍﻻ ﺭﺍﺟﻠﻚ ﻛﻴﺪﻭﺭ ﻣﻌﺎﻙ ﺩﻳﻤﺎ ﺩﻭﺭﻯ ﻣﻌﺎﻫﺎ ﺣﺘﻰ ﺍﻧﺘﻲ ﻓﺮﺣﻴﻬﺎ ﺑﺎﺵ ﺭﺑﻲ ﻳﻔﺮﺣﻚ ﻭﻳﻜﻤﻞ ﻋﻠﻴﻚ ﺑﺎﻟﺨﻴﺮ.

✔️ ﺍﻻ ﻛﺎﻧﺖ ﺍﻣﻴﺔ ﺟﺮﻳﻬﺎ ﻭﻋﻠﻤﻴﻬﺎ ﺍﻟﻜﺘﺎﺑﺔ ﻭ ﺣﻔﻈﻴﻬﺎ ﺁﻳﺎﺕ ﻣﻦ ﺍﻟﻘﺮﺍﻥ ,

ﺗﺨﻴﻠﻲ ﺭﺍﺟﻠﻚ ﻳﺪﺧﻞ ﻳﻠﻘﺎﻙ ﻛﺘﻌﺎﻭﻧﻴﻬﺎ ﻓﺸﻲ ﺣﺎﺟﺔ ﺩﻳﻨﻴﺔ ﺍﻛﻴﺪ ﻏﺎﺩﻱ ﻳﻔﺮﺡ.

✔️ أثناء تعاملك معاه ديما تفكري ماماك وتفكري راسك فالمستقبل وكيف ماتبغي مرات ولدك تعاملك عاملي عكوزتك.

✔️ باش تبغي تخرجي تشري شي حاجة خرجيها معاك وخودي رأيها مثلا بغيتي تبدلي صالون تاع الدار.

✔️ ﻭ ﻧﺼﻴﺤﺔ ﻣﻨﻲ ﺩﻳﻤﺎ ﺷﺎﻭﺭﻱ ﺣﻤﺎﺗﻚ ﻓﻜﻠﺸﻲ ﻭﻟﻮ ﺍﻧﻚ ﻋﺎﺭﻓﺔ ﻟﻬﺎﺩﻳﻚ

ﺍﻟﺤﺎﺟﺔ ﻛﻴﻔﺎﺵ ﻏﺎ ﺗﺪﻳﺮﻳﻬﺎ ﺩﻳﻤﺎ ﺗﻮﺍﺿﻌﻲ ﻭﺳﻮﻟﻴﻬﺎ

# ﺧﺎﻟﺘﻲ ﻛﻴﻒ ﻧﺪﻳﺮ ﻫﺎﺩﻱ.

# ﺧﺎﻟﺘﻲ ﺷﻨﻮ ﺭﺃﻳﻚ ﻓﻲ ﻫﺎﺩﻯ.

# ﺧﺎﻟﺘﻲ ﻫﺎﺩﻳﻚ ﺍﻟﻨﻬﺎﺭ ﻃﻴﺎﺑﻚ ﺟﺎ ﺯﻭﻳﻦ ﻋﻠﻤﻴﻨﻲ ﻛﻴﻒ ﺩﺭﺗﻲ ﻟﻴﻪ.

# ﺧﺎﻟﺘﻲ ﻭﺍﺵ ﻧﻄﻴﺐ ﻫﺎﺩﻯ ﻭﻻ ﻫﺎﺩﻯ.
✔️ تكلمي عنها بخير.
✔️احترمي خصوصية العلاقة بين زوجك والدته الا راجلك هضر فودن ماماه متحاوليش تعرفي شنو قاليها سيري وخليهم على خاطرهم.

✔️  ﻋﻠﻤﻲ ﻭﻟﻴﺪﺍﺗﻚ ﻣﻦ ﺻﻐﺮﻫﻢ ﻳﺒﻮﺳﻮ ﺍﻳﺪ ﺟﺪﻫﻢ ﻭ ﺟﺪﺍﻫﻢ ﻭ ﺑﺎﺑﺎﻫﻢ ﻭ ﺍﻳﺪﻙ حيت قلب جدة تيحن وغتولي مع وقت نتي عزيز عليها.

✔️ ﻭﺩيما ﺗﻬﻼﻯ ﻓﻴﻬﺎ ﺑﺎﺵ ﻣﺮﺍﺕ ﻭﻟﺪﻙ ﺗﺘﻬﻼ ﻓﻴﻚ ﻭ ﻛﻮﻧﻲ ﺍﻛﻴﺪﺓ ﺍﻥ ﺭﺍﺟﻠﻚ,ﻣﻠﻲ ﻳﺸﻮﻓﻚ ﻛﺘﻬﻼﻱ ﻟﻴﻪ ﻓﻲ ﻣﻴﻤﺘﻮ ﻏﺎﺩﻯ ﺗﻜﺒﺮﻱ ﻓﻌﻴﻨﻴﻪ ﻭ ﺧﺼﻭﺻﺎ,ﻓﺎﺵ ﺗﻮﻟﻲ ﻣﻴﻤﺘﻮ ﺗﻘﻮﻟﻴﻪ ﺗﻬﻼ ﻟﻴﺎ ﻓﻲ ﻣﺮﺍﺗﻚ ﺭﺍﻫﺎ ﻓﺤﺎﻟﻬﺎ ﻓﺤﺎﻟﻚ ﻓﻲ ﺍﻟﻤﻌﺰﺓ ﺩﻳﺎﻟﻬﺎ.
✔️ واخ تكون هي صعيبة وخبيتة بزاف عمركي تخرجي  معاها عيب ولا تعايريها ولاتأديها  لامن بعيد لامنقريب ,راه كيف ماقالو ناس زمان راه مشي يوما نتعايرو وغدا نجلسو فنفس طبلة ناكلو راه قلب ماينسى .

✔️ ديما ستقبليها بابتسامة وكلمة زوينة  .
✔️ كوني هادئة تصنعي المعجزات: 
هناك مثل قديم يقول:

'إن نقطة من العسل تصيد من الذباب أكثر ما يصيد برميل من العلقم 'وكذلك الحال مع البشر.

*****************

و أهم شي إلا عرفتي كيفاش تعاملي معاها راه واخا تكون صعيبة قلبها غايحن و تولي تعاملك نفس المعاملة
 ❤كيما بغيتي لمك بغي لحماتك ❤
المثل الشعبي: 'مصيرك يا زوجة الابن أن تصبحي حماة'. 

والحديث الشريف:
[[البر لا يبلى والذنب لا ينسى والديان لا يموت, افعل ما شئت فكما تدين تدان]].

ﻭﺩﻳﻤﺎ ﺗﺬﻛﺮﻱ ﻛﻤﺎ ﺗﺪﻳﻦ ﺗﺪﺍﻥ ﺍﻥ ﺷﺎﺀ ﺍﻟﻠﻪ ﻏﺎﺩﻱ ﺗﻮﻟﻲ ﺣﺘﻰ ﺍﻧﺘﻲ ﺣﻤﺎﺓ ﻭ ﺍﻣﻚ ﺍﻻ ﻣﻜﺎﻧﺘﺶ ﺣﻤﺎﺓ ﻏﺎﺩﻱ ﺗﻮﻟﻲ ، ﺍﺣﺘﺴﺒﻲ ﻛﻠﺸﻲ ﻟﻠﻪ ﺗﻌﺎﻟﻰ ﻭ ﺍنشاء ﺍﻟﻠﻪ ﺗﻜﻮﻧﻲ ﻗﺮﺓ ﻋﻴﻦ ﺯﻭﺟﻚ.

الله يفرح قلبكم كاملين وحتى انا معاكم  قولو امين ❤❤

ﺍﻟﻠﻪ ﻳﻘﺪﺭﻧﻲ ﻋﻠﻰ ﻓﻌﻞ ﺍﻟﺨﻴﺮ ☺
لي عندها شي تجربة مع عكوزتها تشاركها معانا فتعاليق لتحت .

اقرأ المزيد »