‏إظهار الرسائل ذات التسميات منوعات. إظهار كافة الرسائل
‏إظهار الرسائل ذات التسميات منوعات. إظهار كافة الرسائل

1/28/2020

أجي تفهمي فلوس تاع المغاربة (درهم و ريال و فرنك و سنتيم و دورو )

أجي تفهمي فلوس تاع المغاربة (درهم و ريال و فرنك و سنتيم و دورو )

المغرب عملتها الرسمية و لي متداول بيها (مثلا الأبناك ...)  هي الدرهم المغربي  (رمزها الدولي  هو MAD (بالفرنسية: Dirham Marocain )) و لكن في بعض المدن و الجهات كتلقا الناس كيتعاملو بريال و فرانك و شي مرات حتى فأخبار كتسمعي بسنتيم .
وشحال من وحدة فينا مكتعرفش تفرق بيناتهم و كيصدقو مقولبيناها هدشي لاش بيما انك مغربية و عايشة فالمغرب خصكي ضروري تعرفي فرق بين العملات المغربية و متخليهاش نقطة ضعفك راه كيف مكيقول حمادي "كلشي تضحك معايا فيها الا فلوس ؤهووو".
واحد ملاحظة صغيرة  كلمة المال فالمغرب عندها بزاف ألقاب منها 
- الفلوس ، لعاقة ، صرف ، الدراهم , الحبة ، ريالات , البقشيش ، البينكة، الكرمومة، التيبس، المولى ، عُمَر ، البينقا ، خنز الدنيا ...

لنبدأ على بركة الله موضوع 

أولا قبل كل شي خصكي تفهي أنواع قطع نقدية لي فالمغرب وخاصة لمكنتيش بنت بلاد أما لكنتي مغربية غير فوتي هد فقرة هه
القطع النقدية في العملة المغربية
1- أصغر قطعة نقدية في المغرب 
لي هو الريال المغربي . راه هي ديك قطعة معدنية صفراء وصغيرة ( راه مكتوب عليها خمس سنتيمات) ولي كتساوي 1/20 من الدرهم المغربي   أو 0.05 MAD.
هي هدي لي فالصورة 
5 سنتيم = 5 فرانك = 1 الريال = 1 الدورو = 1 البسيطة
5 سنتيم = 5 فرانك = 1 الريال = 1 الدورو = 1 البسيطة


معروفة في  أغلب المناطق المغربية بالريال ولكن في مناطق شرقية كتسمى الدورو .

ولكن كاين شي مناطق بحال تطوان و نواحي كيقولو ليها "البْسَّيطَة" بحكم ان "البسيطة" هي عملة استعملها المغرب قديم .




2 - 10 سنتيم مغربي
قطعة معدنية صفراء (مكتوب عليها  عشرة سنتيمات ) وجهدك تشري بيها حلوة تاع بونبو ههه. 
هي هدي لي فالصورة 

زوج ديال الريال = جوج دورو =عشرة سنتيم
2 الريال = 2 دورو =10 سنتيم

معروفة في  أغلب المناطق ب جوج دريال أو 2 ريال و  في منطقة  شرقية بجوج دورو أو 2  دورو و كتساوي 1/10 من الدرهم المغربي أو 0.10 MAD .

3- 20 سنتيم 

وهي قطعة معدنية صفراء مكتوب عليها" عشرون سنتيما" .
هي هدي لي فالصورة 

20 سنتيم = 4 ريالات = 4 دورو
20 سنتيم = 4 ريالات = 4 دورو

معروفة في  أغلب المناطق ب ربعة دريال أو 4 ريال.و في منطاطق الشرقية بربعة دورو أو 4  دورو .و كتساوي 1/5 من الدرهم المغربي أو 0.2 MAD .

4 - 50 سنتيم 

وهي قطعة معدنية فضية مكتوب عليها (خمسون سنتيما) 


هي هدي لي فالصورة 
10 ريال = نصف درهم = 50 سنيتم = 10 دورو
10 ريال = نصف درهم = 50 سنيتم = 10 دورو


معروفة في  أغلب المناطق ب عشرا دريال أو 10 ريال أو نصف درهم. و في المناطق الشرقية =بعشرا  دورو أو 10  دورو .
وبنسبة في شمال المغرب كمناطق تطوان ، طنجة ،أصيلة،…  ب  ريال أو 1  ريال .
و كتساوي 1/2 من الدرهم المغربي أو 0.5 MAD أو نصف درهم مغربي.

5- الدرهم المغربي

راه أشهر القطعة النقدية في المغرب وراه قطعة معدنية رمادية اللون مكتوب عليها  " 1 درهم " 
1 درهم = 20 ريال = 100 سنتيم
1 درهم = 20 ريال = 100 سنتيم

معروفة في  أغلب المناطق ب عشرين ريال أو 20 ريال أو درهم.
و في المناطق الشرقية في المغرب بعشرين دورو أو 20  دورو .
و في شمال المغرب ب20 دريال .

6- 2 دراهم 

هي قطعة معدنية رمادية مكتوب عليها 2 دراهم كتعني 2 دراهم ههه وهي من اكثر قطع لي كيكرهوها مغارب ههه حيت كدخو ليهم مع درهم حيت عندهم نفس شكل و حجم  .

2 دراهم = 40 ريال = 40 دورو= 200 سنتيم
2 دراهم = 40 ريال = 40 دورو= 200 سنتيم
معروفة في  أغلب المناطق ب ربعين ريال أو جوج درهم أو زوج دراهم وفي المناطق الشرقية بربعين دورو . و في شمال المغرب ب40 ريال.

7- 5دراهم 

وهي قطعة معدنية فضية من وصط و دائرة بحلقة دهبية مكتوب عليها "5 دراهم"
5 دراهم مغربية
5 دراهم = 100 ريال = 500 فرنك

 معروفة في  أغلب المناطق ب مية ريال أو خمسة  دراهم.و في منطقة وجدة و مناطق شرقية بميا دورو أو 100 دورو .

8- 10 دراهم
هي قطعة معدنية بحال 5 دراهم و لكن هي كبيرة في حجم مكتوب عليها 10 دراهم معروف ب200 ريال .
كيف ما فصورة 
ألف فرانك مغربي , ميتين فرنك مغربي
10 دراهم = 200 ريال = 1000 فرانك
اغلب مناطق تاع شمال كيقولو ليها 1000 فرانك وفيفي مناطق شرقية معروف ب 200 دورو.
هدو هما جميع قطع نقدية الموجود في مغرب و لي كنتعاملو بيها دب ندوزو لوراقي المالية المغربية .
20 درهم / 50 درهم /100 درهم /200 درهم
20 درهم / 50 درهم /100 درهم /200 درهم
1- 20 درهم 
 لونها بنفسجية معروف في أغلب مناطف ب400 ريال و في مناطق شرقية ب400 دورو و فشمال  2000 فرنك .

2- 25 درهم 
لونها غادي ليموني و قليل فين تلقايها مهيم معروف فالمغرب 500 ريال و مناطق شمال 2500 فرنك و فشرق مغرب ب500 دورو. 
وهي هدي لي فصورة 
25 درهم = 500 ريال = 2500 فرنك
25 درهم = 500 ريال = 2500 فرنك



2- 50 درهم

لونها خضر معروف في أغلب مناطف بألف ريال و في مناطق شرقية ب1000 دورو و فشمال  50 ألف فرنك .
3- 100 درهم 
 لونها بني معروف في أغلب مناطف بألفين ريال و كثير لي كيقول عليها "قرفية"
و في مناطق شرقية ب2000 دورو و فشمال  100 ألف فرنك .
4- 200 درهم 
ورقة لي عزيز على مغاربة هه لونها  أزرق و كيقولو عليها زرقة و معروف فأغلب مناطق 4000 ألف و فشمال ب 200 ألف فرنك و في مناطق شرقية ب 4000 دورو .

1-علاقة بين الدرهم المغربي و الريال المغربي ؟

كنضن كلنا كنفهمو الدرهم المغربي (الي مكنتيش كتفهمي درهم غتلقاي شرح فوق لجميع العملات المغربية).
 المهيم الريال هو أقل عملة مغربية وتسمى بعملة الشعب وراه هي العملة لي كان كيتعاملو بيها جدودنا قبل الدرهم (ريال يعود للقرن الثامن عشر، العملة التي كان يستخدمها المغاربة قديم) بطبيعة الحال عملة ريال نادرة و مبقاتش و معدكي متشري بيها ههه.

طريقة تحويل الدرهم المغربي الى الريال المغربي ؟
1 درهم = 1 درهم * 20 = 20 ريال
يعني تضرب الدرهم المغربي في 20 يطلع لك كم بالريال المغربي .
نعطيك أمثلة
نصف درهم = 10 ريال المغربي
5 درهم = 100 ريال المغربي.
10 درهم = 200 ريال المغربي.
15 درهم = 300 ريال  مغربي.
20 درهم = 400 ريال مغربي.
50 درهم = 1000 ريال المغربي.
500 درهم = 10000 (عشرا الألف) ريال المغربي.
1000 درهم = 20000 (عشرون الأف ) ريال المغربي.
2500 درهم = 50000 (خمسين ألف) ريال المغربي.
5000 درهم = 100000 (ميات ألف "نصف مليون") ريال المغريبي.
10000 درهم (عشرة آلاف درهم) = 200000 (ميتين ألف "مليون") ريال المغربي.
1000000  (1 مليون) درهم = 20000000 (20 مليون) ريال المغربي.
مثال تطبيقي
- مشيتي عند لحانوت تقول ليه بشحال بكية لفورماج؟؟ لي فيها 7 حبات ؟؟ يقول ليك 140 ريال يعني كيقصد 7 دراهم.
 راه غير بالممارسة غتولي قضية تجيك ساهلة و بزاف.

2-علاقة بين الدرهم المغربي و الفرنك المغربي ؟
فرنك مغربي كيتاعملو بيه خصوص الناس تاع نواحي الشمال( الفنيدق و المضيق وطنجة وتطوان وأصيلا سبته وماجاورهما).
وغير للمعلومة الفرنك هو عملة كانت كتعامل بيها المغرب خلال حماية الفرنسية وكتسمى الفرنك الفرنسي و فداك وقت الاقتصاد كان هابط فناض سيدهم وزير المالية المغربي "عبد الرحيم بوعبيد " وقاليهم 1 درهم غنقسموه ل 100 فرنك ههه.

طريقة تحويل الدرهم المغربي الى الفرنك المغربي ؟
قضية ساهلة راه 1 درهم هي 100 فرنك.
يعني تضرب الدرهم المغربي في 100 يطلع لك كم بالفرنك المغربي .
نعطيك أمثلة
نصف درهم =  500 فرنك.
1 درهم = 100 فرنك.
10 درهم = 10*100= 1000 فرنك . 
20 درهم = 20*100= 2000 فرنك.
50 درهم = 5000 فرنك.
1000 درهم = 100000 فرنك.
10000 درهم (عشرة آلاف درهم) = 1000000 الفرنك المغربي 
(1 مليون ديال الفرانك). 
1000000 (1 مليون) درهم = 100000000 (100 مليون) الفرانك المغربي .
3-تحويل الدرهم المغربي الى السنتيم المغربي ؟
أسهل عملة وهي سنتيم حيت بكل بساطة راه الفرنك هو سنتيم هههه .
راه غير اسم مختلف وصافي ناس تاع شمال كيقولو الفرنك و ناس تاع داخيل كيقولو السنتيم و راه كتستعمل كلمة سنتيم بزاف فأخبار و الاشهارت في المغرب 
مثال تطبيقي
راه تقدري تسمع في شي الاشهار هد شقة كتسوى 20 مليون فاعلم أن المقصود هو "السنتيم" يعني أن هده الشقة تساوي 200 ألف درهم .
دب بكل بساطة
- 1 الدرهم = 100 سنتيم = 100 فرانك
مثال
مليون سانتيم أو مليون ديال الفرانك معناها عشرة آلاف درهم.

3-علاقة بين الدرهم المغربي و الدورو المغربي؟
أول هدي عملة جزائرية كانت مستعمل قبل الدينار الجزائري.
 ولكن لمشيتي لمدن الشرقي المغربي (مثلا فالناظور و رياف والجهة الشرقية...) غتلقايهم كيتعاملو بيها بحكم انهم قراب لجزائر.
وراه الدورو المغربي فيه نوعين
* الدورو الوجدي
* الدورو الناظوري /الحسيمة
1-الدورو في الناظور (شمال المملكة ونواحي) كيساوي نصف درهم اي خمسين سنتيما يعني عشرة ريال مغربي يعني 0.5 = 1 دورو.
2-الدورو في وجدة هو خمس سنتيمات مغربية 0.05 MAD لي هو الريال يعني 1 درهم = 20 دورو = 20 ريال.

ملاحضة كاين لفظ اخر ولي هو الميا او مية دورو، يستعمل في الناظور و والحسيمة وهو مائة دورو ( خمسين درهم مغربي او الف ريال مغربي ).

أكثر أسئلة منتشرة حول المال المغربي؟

1 - ما هو مليون سنتيم مغربي ؟؟
كاين شي بائعين مكيخافوش الله و يقدرو ينصبو عليك هدشي لاش ديما أكدي ليهم على عملة يعني واش مليون درهم و لا مليون سنتيم يحدد ليك .
مليون سنتيم/فرنك (1000000) هو عشرة الآف درهم مغربي ( 10 ألف درهم ) لي كيساوي 200000 (مئتان ألف) ريال /دورو .
مليون سنتيم = مليون فرنك = ميتين ألف ريال = مئتان ألف دورو =عشرة ألف درهم


خلاصة 
راه مع وقت غدي تولي طيري فالحساب خصكي تهدئي و متزربيش. و نصيحة راه أشهر العملات لي كيخدمو بيها في المغرب هي الدرهم و الريال وراه كلشي كيفهم ليها هدشي لاش .
ديما شخص لي قدامك طلبي منو يحدد ليك نوع عملة لي كيدوي بيها واش الريال و لا الدرهم . ومتنسايش راه فرنك هو سنتيم و ريال هو دورو.

متنسايش خلي لينا تعليق شجعينا و عاودي لينا على شي طرائف وقعو ليك مع الفلوس .

1/07/2020

هاعلاش نتي ديما حزينة و كتحسي بغمة فقلبك ؟ بدون سبب 😲


حبيباتي لي خاصكم تعرفو هو انه ملي كتوصل بيكم درجة أنه تبانلكم الدنيا كلها كحلة وكتحسو بضيم و الحزن و غمة في قلبكم بدون سبب فكونو متأكدين بلي السبب بسيط هو ان الجسم ديالكم جمع نسبة عالية من الطاقة السلبية و خاصو تنظيف فوري و اليوم غادي نعطيكم اسهل طريقة باش ديرو التنظيف بشكل صحيح وعلمي . 
 تنظيف خصو ضروري يكون خارجي و داخلي.

اول نبداو بالخارجي

1-غتشدو كاس تعمروه بالماء عادي و ديرو فيه القدر لي بغيتو من الملحة و معلقة تاع الخل  وبلا تحركيهم , ثم تبيتوه حدا راسكم باش ديك الملحة كتمص كاع الطاقة السلبية لي كدور حداكم وملي تفيقو الصباح غتلقاو فقاعات صغار فالكاس و هدشي كيعني بلي الملحة دارت خدمتها غتشدي الكاس على الصباح وتخويه برا و كل ليلة عاودي نفس العملية الا لقيتي ماء مفيه لافقاعات لوالو عرفي راه بيتك مفيهش طاقة سلبية.


2-حطي حامضة عادية فبيتك الا شتيها بدات تعفن و لا تسود عرفي راه كاين طاقة مرض فبيت و راه بدات تجمعها , اما لبدات تنشف تنشف بحدها عرفي راه طاقة بيتك مزيانة .

3-دوشي بالملح الخشن " أو ملح البحر " و فرك جميع مناطق جسدك بالماء وملح هدشي كيشحنك بطاقة إيجابية كبيرة ويخلصك من الطاقة السلبية.

4-غسلي دارك بالماء فيه الملح والخل سيقي لغرفة لي كتنعسي فيها وخرجي تسييق لزنقة .

تنويه
باين غطيح ليك فبالك علاش الملح ؟
1- راه خصكي تعرفي انه تلات ارباع الكرة الأرضية ماء وملح و سبحان الله الا كان ربي مدارش هد توازن كانا شحال هدي متنا بطاقة السلبية راه كل يوم البحور كتمتص طاقة السلبية الموجودة على الكرة الأرضية هدشي لاش كنلاحضو ناس لي ساكنين بجانب شواطئ كيكون عندهم واحد راحة نفسية على عكس ناس داخيل.

 2-جدودنا كانو فمناسبات و العراسات كيبقاو يرشو الملح على عرسان وكيقولو نكسرو عين الشر هدف من هدشي هو يحميو ولادهم من دبدبات السلبية (مثلا العين و حسد لعبارة عن طاقة سلبية...).

 3-في علم الطاقة ملح يعتبر من احسن مواد لتنضيم الطاقة السلبية زائد احتواءه على مادة اليود "الغنية بالأوميغا 3" ولي كتزيد هرمون السيرتونين في الجسم لي مسؤول عن شعور بسعادة.

*****
5-بعدي على نميمة : 
اسهل طريقة باش تشحني بطاقة سلبية هي تهضري فشيواحد في علم الطاقة تيقول ليك بلي انسان باش كيكون كيفكر فشي واحد كيحصل واحد نوع من شحنة طاقة بينو وبين داك شخص. و هد الشحنة لاتعرف لا مسافة و لا زمن يعني نقدر يكون هد شخص عايش فامريكا و انا فالمغرب و رغم هد البعد الكبير لي بيناتنا شحنة طاقة كتكون قوية  نعطيك مثال الام لي كتكون كتفكر فوالدها ديما نهار كيوقع  ليه شي حاجة كتحس بيه عرفتو علاش ؟ حيت حصل واحد دبدبة فديك شحنة لي بيناتهم و هد أمر نيت كينطبق عليك نت باش كتهضر فشي واحد "نميمة او غيبة" و لكن هد مرة قضية كتكون عكسية و كتكون خطيرة لواحد درجة مكتصوريهاش .
مصدر هد معلومة من دكتور احمد عمار هاهو رابط الفيديو لي هضر فيه على هد موضوع هنا.

6-تهوية ضرورية فدار هوي دراك فصباح ملي تفيقي و مع العصر .

7-كل 3 أشهر ولا كل شهر غيري ديكور تاع بيتك بدلي بلاصة ناموسية ولكن بعكس اتجاه ساعة و لا غيري شي حاجة فغرفتك واخ تكون بسيطة علاش ؟ حيت هد تغيير كيحرك طاقة الموجودة في غرفتك.

8-ديما نضفي بيتك وخصوص عناكب عندهم طاقة سلبية كبيرة خصكي تخلصي منهم  .

9-ماء الورد (يكون اصلي و لا صنعيه بوحدك فدار ) غسلي بيها وجهك فصباح رشيها على ناموسية و على الستائر على سدادر فأي بلاصة غتسوليني علاش ماء ورد بضبط ؟ حيت ماء ورد رائحته كتساهم في انتاج هرمون سعادة و كتخليك فواحد حالة نفسية من هدوء و كتخلي طاقة بيت الايجابية و نزيدك واحد حاجة كل ما كان البيت نقي و فيه ريحة زوينة كانت طاقة الايجابية فيه كبيرة .

10-بخور مهمة جدا ولكن بخري عكس عقارب ساعة (نفس الاتجاه باش كندورو على كعبة ) و باش تخرجي من البيت لي كتبخريه خرجي بضهرك باش ديك طاقة السلبية متموصيهاش .
 شنو بخور لي غدي تبخري بيه؟ = شدي فاخرة(الفحم) و سخنيها مزيان ولا حطيها فالمبخرة و زيدي عليها اما الشبة , الصندل , عنبر , عود , ورقة الغار لي هو ورق سيدنا موسى ولا الحرمل...مهيم هدو يعتبرو من اقوى الحاجات لي كتنضف البيت و كتجمع الطاقة السلبية.

11-تمشي "حفيان" على التراب أو الرمال على الشاطئ البحر راه  الدراسات أثبتت  بأن هذه الطريقة كتخلص جسدك من طاقة السلبية بنسبة 70 % ,  حيث الأرض وخصوص التراب كيمتص كل ما يحمله الجسم من حزن و آلام نفسيه وكيعطيك شعور بالراحة وهدوء و كيزيد بنسبة كبيرة في زيادة الطاقة الإيجابية,وكما يقال الأرض هي أمنا الحقيقية أصلنا من تراب وسنعود أليها عندما ندفن في التراب.

12-دهني الجسدك بزيت الزيتون الأصلي راه زيت الزيتون يولد واحد طاقة إيجابية كتخلص جسدك من سلبياته وكتقوي البدن ديالك وسبحان الله راه زيت الزيتون معروف حتى فتقافتنا الاسلامية بقوة و قدرتو على شفاء .

13-تناولي سبعة تمرات (مشي ضروري 7 مهيم عدد فردي) يوميا وكل صباحا(يعني بداية يومك) لأنه يغلف واحد نوع من الهالة على الجسدك الخارجية ضد أي طاقة سلبية خارجية لي تقدر تعرض ليها ، وكيزيد تجديد الطاقة الإيجابية بداخلك.

14-عند صلاة وعند السجود حاولي تسجدي على التراب وطولي  السجدة  هده الطريقة تسحب منك الأفكار السلبية من الجسدك نحو التراب .

15-شربي الماء بزاف فنهارك راه كيخلص جسدك من طاقة سلبية من خلال بول.
قراي هد موضوع :


16-متبقايش تخصري هضرة و دوك ناس لي تيخسرو الهضرة بعدي منهم حيت كلمة عندها طاقة و اسهل طريقة باش تعمري بطاقة السلبية هي تبقاي تسمعي التخصار هضرة .

17-بقاي طيبي بورقة سيدنا موسى عندها طاقة كبيرة والايجابية .

18-شديما حوايج لي تشريهم من جوطية غسليهم بماء والملح حيت نتي مكتعرفيش شكون كان لابسهم قبل منك واش كان شخص سعيد ولا حزين و لا قتال ههه. راه شحال  من مرة كنلبسو شي تريكو من جوطية و كنحسو بواحد الغمة و حزن شديد هدشي جاي من طاقة دوك حوايج .


اما التنظيف الداخلي ونتائجو قوية و بزاف

 غيكون بالاستغفار بصبعانكم ماشي بالتسبيح حيت اليد عبارة عن بوابة طاقة ومني كتقولي كلمة استغفر الله كتشحني الجسم ديالك بموجات ايجابية حسبو العدد بصبعانكم (دماغنا ملي كنبغيو نعسو و نسدو عينينا كيبدا يسرد كاع الاحداث لي عشنا و الموجات لي كيطلعو ملي كنقولو استغفر الله كيخليونا نعسو بلا كنحسو نوم عميق) بقاو تعاودوها حتى غتنعسو بلا متحسو و غتفيقو الصباح بحال مكان طاريلكم والو .
المهم كيفما قلت ليكم اليوم عطيتكم اسهل طريقة باش تقدرو تنعسو و من بعد مزال انعطيكم كيفاش تحققو دكشي لي باغين بالطاقة و كيفاش تنساو شي حد كنتو كتبغيوه و بزاف ديال الحوايج.
الا عجبكم الموضوع كولوها ليا فكومونطير باش نعود نحط ليكوم مواضيع خرا لينستافدو منها كاملين ودعيو معايا بالشفاء كنبغيكم خواتاتي.

11/18/2019

جميع المعلومات عن الانسان الزوهري👹



✍كاتبة : سميتي معدك مدير بيها وكنشكر موقع الانثى المغربية على هد فرصة.
هد كلام كلو لي غتلقاوه في هد الموضوع هو ناتج من خبرتي لمدة 10 سنوات في مجال الروحانيات, انا انسانة زوهرية من درجة ريتجي و جداتي حتى هي, كلامي مشي من الفراغ ...قراو موضوع حتى لاخر وأنا مأكدة غدي نغير ليكم نظرتكم تجاه الانسان الزوهري و نخليكم تشوفو الأمر من منظور اخر , سبب لي خلاني نكتب هد الموضوع هو اني بغيت واحد شخص يقراهم وهدي طريقة وحيدة باش نوصل ليه (هو مكيعرفنيش و انا مكنعرفوش).

محتويات الموضوع : 

1-كلمة الزهري ؟
2-أسماء الزوهري
3-من هو شخص الزهري؟
1-في اعتقاد السحرة
دماء الانسان الزوهري
علاقة الجن بالانسان الزوهري
2-في اعتقاد شيطاني
3-في اعتقاد العرب
4-في اعتقادهم اليهودي الصهيوني
هل الزوهري من جنود المهدي المنتظر ؟
5-في اعتقاد الروحاني
علاقتهم بعالم الروحاني ؟
الضريح أو السيد و علاقتو بالانسان الزوهري
4-قوة الانسان الزهري
صفات قوة الانسان الزهري :
6-الزوهرين عايشين معانا ؟
7-صفات الانسان الزوهري ؟
صفات جسدية(أو بأحرى بوابات)
صفات حسية
8-أنواع الزوهرين
9-أمثلة أشخاص زوهرين :
في تاريخ قديم
في عصرنا حالي
10.فخ الزوهري
خلاصة
تحدير


1-كلمة الزهري ؟
الزهري كلمة منتشرا بزاف في المغرب من قديم الزمان و وهده الكلمة مشتقة من كلمة الزهر لي كتعني بدارجة المغربية الحظ .وكاين واحد أقاويل كتقول بلي راه هد الكلمة أصله جاي من كتاب "زوهر Zohar " الدي يعد من أهم كتب السحر والتصوف الاسرائيلي اليهودية وهدا الكتاب يعتبر من اخطر كتب السحر اليهودي و تم كتابته قبل ظهور الإسلام والمسيحية.


2-أسماء الزوهري 
تختلف أسامي الشخص "الزوهري" حسب الجماعات ولكن المعنى واحد : 
الوسيط الروحي , مفتاح الخزائن,مزهار ,نورنيين,صالحون , بوهلي , جنود الله , جنود المهدي المنتظر...

3-من هو شخص الزهري؟

جميع تعاريف التي ستقرؤنها الأن هي مجرد اعتقادات لمختلف جماعات ولكم هناك اعتقاد واحد صحيح .

1-في اعتقاد السحرة 

الانسان زوهري هو طفل هجين لي كيكون نصف جن و نصف انسان وباش كيكون صغير يتم اختياره باش يولي انسان زوهري ويقال انه يتم تعيين أحد خدام الجن لتلبية رغباته.
(بحت كثير ولكن لم اجد سبب اختيار الجن لهد طفل بظبط و كيف يتم تحويله الى زوهري.... لقيت فقط اقاويل لي كتقول انه يتم التباسه من طرف الجن حيت طفل صغير كيكون غير محصن كيكون سهل هجوم عليه من طرف الجن...هدشي علاش جدودنا كانو باش كيتزاد طفل صغير كيتأدن في أدنه و تحصينه بالقرأن الكريم بهدف حمايته ).

دماء الانسان الزوهري

دماء الإنسان الزوهري تسيل لها لعاب باحتين عن الكنوز.
سحرة كيجبدو بدم انسان الزهري الكنوز حيت دمهم كيكون مميز جدا بنسبة لجن ولكن مشي اي زوهري راه واحد نوع بضبط لدم ديالو نعمة.

علاقة الجن بالانسان الزوهري؟

الجن خاصة كيكونو كيكرهو انسان الزوهري أو بأحرى كيغير منو هدشي لاش الجن كتأدي الانسان الزوهري بكثرة و كطلبو كفدية لسحرة بمقابل يجبدو ليهم الكنز, و يعتبر انسان الزهري وسيط بين عالم البشر و عالم الجن .

2-في اعتقاد شيطاني 

أن إبليس و أعوانه من الجن بعثو بالنسل البشري لينتجو أتباع لهم لدعم مخططات الدجال الأعور و إبليس.ولكن هناك مجموعة من الجن مسخرون فقط لحماية هد نوع من البشر فان استطاع الجن انقاد الطفل من الشيطان يتحول الطفل الى زوهري و تلك علامات التى تكون في الطفل هي علامة على اصابته من طرف الشياطين .

3-في اعتقاد العرب

انسان الزهري هو شخص لي كيكون جالب الحظ لناس لي دايرين بيه و بواحد طريقة غريبة أي دار دخل عليها ولا شي محال كيدخل عليهم بربح .
"ولكن هو مكيكونش محظوظ"
حيت الانسان الزهري خلق للمساعدة الناس و مشي لمساعدة راسو و كيكون عندو هدشي فطري و عزيز عليه يعاون الناس و كيكون قلبو بيض و حنين و مكيقدرش يحقد على شي حد .
راه أشخاص زوهريين كتفاوت عندهم درجة الحظ راه يمكن تكون نت زوهري و لكن درجة زوهرية عندك قليل .

4-في اعتقادهم اليهودي الصهيوني

هل الزوهري من جنود المهدي المنتظر ؟
يعتقد أن الزوهرين هم من جنود المهدي المنتظر الدي سيولد من بطن انسانة زوهرية محصنة حادة أنف ( أي أنفها طويل و رقيق في وسطه حدب ).
( الزوهريين ) هم نسل نقي لجنود المهدي المنتظر حيت ان جنود المهدي المنتظر سيكون أجدادهم من نسل الزوهريين. 
عن أبي سعيد الخدري رضي الله عنه أن رسول الله صلى الله عليه وسلم قال : " يخرج في آخر أمتي المهدي يسقيه الله الغيث وتخرج الأرض نباتها ويعطي المال صحاحاً وتكثر الماشية وتعظم الأمة ، يعيش سبعاً أو ثمانياً يعني حجاجاً"

5-في اعتقاد الروحاني

انسان الزوهري هو الشخص الروحاني , لي كيكون عندو نسبة روحانية مرتفعة بزاف على عكس نسبة المادية كتكون منخفضة (في عادة الانسان العادي كتكون عندو نسبة الروحانية و المادية متساوية). 
و يقال ان انسان الزهري كيكونو من سلالة الانبياء الشريفة و خلقو للسبب واحد هو خدمة الجنس البشري و عبادة الله. 

علاقتهم بعالم الروحاني ؟

و كلما بعدو على العالم الروحاني يعني الدين والايمان حياتهم كتولي عداب وتتحول حياتهم الى خوف وحزن وتأنيب للضمير
و الزهري سريع التأثر بالاحداث والوقائع فقد يدرف الدموع من أجل مريض أوفقير أومضلوم ويكره الظلم وقد يتغير لون وجهه إن رأى ظلما أو احتقار للضعيف أينما وجد.

الضريح أو السيد و علاقتو بالانسان الزوهري

في المغرب كاين واحد ضاهرة لي منتشر بزاف و هي الضريح لي عبارة عن قبر لأشخاص زوهرين ؟ اه هد اشخاص ولا كيف ماتنسموهم في مغرب بالسيدي ...
هم اشخاص روحانين كانو كيتميزو بحبهم لخير و مساعدة الناس و كيعيشو فقط لعبادة الله عز و جل ومن أشهرهم سيدي عبد الرحمن المجذوب لي تشهر بزاف وكان مسلسل عليه تلقاوه فيوتيب.

4-قوة الانسان الزهري 

رغم اختلاف التعاريف حول انسان الزهري الا انهم كلهم اتفقو على ان انسان الزوهري هو وسيط روحاني قوي جدا تخاف منه الجن قبل البشر و متقدرش تأديه وكلما كان هد انسان زوهري طاقتو الروحانية كبيرة كيكون قوي بزاف, لدرجة ان دعائو كيكون مستجاب و كتوقع ليه اشباه معجزات في حياته بطريقة مكيقدرش يصدقها العقل البشري .
قوة انسان الزوهري بحالها بحال اي قوة كتكون كامنة وسطو و كتسنا وقت لي تخرج راه شحال من واحد كان انسان زوهري و لكن معرفش يستعمل هد القوة و بقا هكا حياتو كلها عايش بلا فائدة حتى مات و ماتت معاه قوتو.

صفات قوة الانسان الزهري :

-امتلاك قدرات ربانية وهبها الله لك تستطيع بها محاربة الشياطين وكشف أسحارهم.

-قوته الروحانية عالية جدا.

-جالب الحظ

-اوامره مستجابة ...

6-الزوهرين عايشين معانا ؟

راه في العالم كاين ألف أشخاص الزوهرين و لكن كل واحد و درجة زوهرية ديالو كاين منهم المسلمين و اليهود و حتى المسحيين ....ميجيش شي واحد يقول ليا لا زوهرين كاينين غير في المغرب .

7-صفات الانسان الزوهري ؟

تختلف من زوهري الى أخر راه يمكن تكون فيك غير صفة وحدة ولا جميع الصفات حيت الانسان الزوهري أنواع وكل صفة تدل على قوة و مصير :

صفات جسدية(أو بأحرى بوابات)

-يكون اللسان مفلوق أي خط طولي يقطع لسانه (قوته تكمن في كلامه ولكن كتكون هد قوة مخبع .... غالب عندو مشكلة في الكلام او مشكل في النطق او تواصل).

-قصير النظر، لا يستطيع رؤية الأشياء البعيدة.

-له بريق في عينه.

-له خط في راحة يده او في راحة رجله يقطعها بشكل عرضي (كيكونو مطلوبين بكثرة من طرف الجن لأنهم من أنواع الزوهرين الخدم )

- له "النخلة" بالشعر يعني كتكون على شكل V من الأمام أي من صنطيحة ،أو وسط رأس على شكر دوامة.

- عيناه بهما حول خفيف بحيث تكون العين اليمنى تصب قليلا في اليسرى.

-لون دمه كيكون وردي فاتح و فصيلة دمه تكون O+.

-له شامة تتوسط ظهره.

-احدى صفات سابقة + له حدبة في انف او كما يسمى في المغرب بأنف الشرفة (هد نوع من زوهرين بنسبة لاحدى جماعات يعتبر مبارك ومن سلالة المهدي المنتظر).

-مقبول أي كيدخل لخاطر وكلما كان متمكن من قوته كان نور يشع من وجه (لا أتحدت عن الجمال ) .

صفات حسية 

-فايت وقعات ليه فالصغر و لا فالماضي أشباه المعجزات لي خارقة العادة.

-دعائه مستجاب في احدى الأحدات مثل الظلم أو الغضب...

-كيحس برباط قوي مع عالم الروحاني أي مع الله عز وجل... 

-حساسون اتجاه عالم الانس و الجن (العين و المس و الضلم وحزن ...).

-له حدس قوي لاحدات و لوقائع...


-تنبؤه باحدات أو تشابه له احدات (حاس بحال فايت وقع ليا هد شي).

-يرى رؤى تتحقق في الواقع.

-يحب العزلة وتأمل .

8-أنواع الزوهرين

الزوهرين 5 انواع أساسية ويتم تصنيفهم حسب قوتهم روحانية.

9-أمثلة أشخاص زوهرين :

في تاريخ قديم

-العبد الصالح خضر واسمه الحقيق بليا و هم ابن من ابناء ملوك ليس بنبي و لا برسول و لكن دكر عن رسول الله صلى الله عليه وسلم و في قرأن الكريم عن قوته و عن حكمته البليغة و حتى انه سمي بالخضر لأنه كان ادا جلس على أرض جافة نبت فيها نبات خضر .
-رابعة العدوية و تسمى بـأم الخـير وليس هناك مالا يعرفها و يقال ان حياتها ملئ بأشباه معجزات .... 

في عصرنا حالي

-في مدينة سيدي قاسم بوهالي "بٌُدَى boda"
ناس تاع سيدي قاسم و خصوص الناس تاع 50 سنة ومافوق تيعقلو على واحد راجل كبير في السن و عندو عكاز , كانت حالتو حالة باين بحال شي سعاي غير كيدور فالمدينة وخصوص فواحد الحي اسمه 'صحراوة' , و كان الى عطاك شي حاجة كانت كدخل عليك بالرزق و الرغم انه كان معندوش كان الى شي حد تصدق عليه و عطاه الفلوس و لا الماكلة كان كيمشي و يعطيها لغيرو و كيقول ليه هدا رزقك وكانو ناس كيحتارموه و الا عطاهم شي فلوس كيخبعوها كيقولو راه بركة و بصحة كانت بركة عليهم .
كانت هضرتو كلها الغاز و لكن بمعنى عميق و كان لقاليك شي حاجة يصدمك و تشهر بواحد مقولة كان ديما تيقولها وهي "باقا الصحرة تولي مغريب و المغريب يولي صحرة "...هدشي كان تيقولو قبل الأحدات المسيرة الخضراء بسنوات .
مكان توحد تيعرفو كيفاش تيبات و لا باش عايش...مكان تيأدي حد و مكيطلب حد , طريقة موت ديالو غريبة بزاف فواحد صباح فاقو ناس على الموت ديالو وهو محروق .
-عبد رحمان بالمجدوب لغني عن التعريف
-اولياء الصالحين ..
في حياتكم أنا متأكدة سمعت أو رأيتم أشخاص بهده مواصفات ان هؤلاء هم الزوهريين .

10.فخ الزوهري 

هدا تحدير صريح لاتصدقو أتباع الشاطين (خصوص من يدعي انهم شيوخ فهم فقط خدام الجن ).
سيحاولون استدراجك بأي طريقة نحوهم حتى يستغلو قوتك الروحانية في خططهم شيطانية , سيحولون تلاعب بأفكارك و رسم لك مستقبل من الوهم وانك شخص مميز لاتصدق قل مايقال فليس جميع يريد لك خير لو اردت استغلال قوتك استغلها في الطريق الصحيح والا غتندم وبزاف.

خلاصة 

فكرة انك شخص زهري هو امر عادي جدا لهدا لاتخاف. فالزوهريين يستطيعون ان يعيشو حياة عادية كأي انسان طبيعي و هم مخيرون بين أن يستعملو قوتهم روحانية ويكون جندا من جنود الله في الأرض أو يعيشو مثل أي انسان عادي حتى يأتي الموت و تنتهي قصتم .

تحدير

لك حق في تصديق أو انكار وجود هؤلاء الاشخاص , ولكن هدشي مكينفيش انهم موجودين بيناتنا ...انا عارف دب غيكون فعقلك بزاف أسئلة حول هد موضوع و لكن غنقوليك حاجة وحدة أجوبة حول ديك اسئلة معدها باش تفيديك انا تعمدت نتفادا بزاف تفاصيل حيت عندي حدود مخصنيش نفوتهم هدفي وصلت ليه نتمنى تاخد/ي القرار الصحيح.

متنساش تخلي تعليق في أسفل 😍

9/07/2019

كيف تحمي نفسك من هجمات الكلاب(شنو دير الى هجم عليك كلب)

مقولة الموضوع "المعركة بينك وبين الكلب تمثل الحياة او الموت".
طريقة حماية نفسك من هجوم الكلاب
مؤخر في المغرب بخصوص انتشرت ظاهرة هجوم الكلاب على مارة مما تسبب في عديد من الجرحى و الوفيات لهدا قررت كتابة هدا الموضوع من أجل مساعدتك في حماية نفسك من هجمات الكلاب.
في صباح كنتي ذاهب الى مدرسة أو العمل فادا بكلب ضال يتجه نحوك و كأنه على استعداد للهجوم عليك مادا كنتي ستفعلين في هده الحالة؟هل ستهربين أم تواجهينه.
في ما يلي في هد الموضوع أحسن سبل للحفاظ على نفسك بامان من الكلاب او ما الدي عليك فعله ادا هوجمت من طرف كلب ضال ؟.
*****
***

أول من أشخاص الأكثر عرضة للهجوم من طرف الكلاب.

* الكلاب تهاجم الأشخاص المتحركين أي العدائين وسائقين الدراجات الهوائية و أشخاص دو حركة سريعة .

في رأيك لمادا ؟

لأن الكلب يتفاعل مع حركة التي تثير غريزته الهجومية , وفي بعض الأحيان تكون الكلاب تعيش في منطقة وتعتبرها من ممتلكاتها وادا دخل احد تلك منطقة فهو يهاجمه بشكل غريزي.

* وهي أيضا تهاجم انسان ادا كانت مريضة اي بداء الكلاب او ما يسمى في المغرب بكلب مسعور , وهدا المرض يعتبر من اخطر أمراض التي تصيب البشر لأنه ليس له علاج وفقط لعاب الكلب يمكن ان يسبب لكي عدوى.

*قد يهاجمك الكلب ادا كان جائع أو شعر انك تهديد له او شم رائحة لحم فيك نهه.

تانيا كيف تعرف ان كلب الدي أمامك ينوي الهجوم عليك

علامات تدل على ان كلب على استعداد للهجوم عليك :

-ادا كان اذن الكلب متجهة للأسفل والى خلف وكان يزنجر بصوته فعلم انه ينوي مهاجمتك.

-البياض في عينيه يصبح واضحا جدا.

ثالث في حالة رأيت كلب يحاول مهاجمتك مادا عليك فعله؟

1.لاتقرب 

اياك ان تقترب من الكلب نهائيا فهدا يجعله يشعر انك تهديد له وقد تستفزه بهدا التصرف.

2.لاتخفا أبدا.

فكلاب عندما تشاهد فريستها خائفة تزداد تقتها بنفسها ,اعرف ان امر يكون صعب ولكن حاول حفاظ على هدوئك بقدر المستطاع لا تتنفس بصوت مرتفع هدا امر يحفز الكلب لمواجهتك و أيضا لا تحني رأسك لأسفل ولاتنضر له انظر لأعلى وتجاهله بشكل واضح .
هناك مقولة تقول ان الكلاب تشم الخوف لهدا لاتخفا.

3.لا تبتسم للكلب 

اياك ومحاولة تهدئته من خلال ابتسامة او كلام معه وتحريك يديك أو رجليك وتجنب الحركات المفاجئ , فكلاب ضالة خصوص تفهم الابتسامة بشكل اخر فهي تضن انك تحاول اظهار لاسنانك لتهديده.

4.قف بلا حراك وتجاهله:

ادا رأيت الكلب متجه اليك فتوقف عن الحركة فهو يمكن انه عندما رأى حركتك شعر بتهديد وادا قرر كلب اقتراب أكثر و النباح فتوقف بدون اي حركة , تشير الاحتمالات ان كلب عندما يراك متوقف عن الحركة يفقد رغبته في مواجهتك .ويمل اذا رأيته بدأ بتجاهلك تحرك بهدوء واذهب بعيد عنه ولكن لاتحاول الهروب اياك.

5.اياك ونظر في عيونه.

هناك احتمالات تشير انه عندما تنضر الا الكلب بشكل مباشر وخصوص في عيونه هدا يجعله يزداد رغبه في مواجهتك , حاول نظر الى اعلى او الا مكان اخر بشكل يجعله يحس انك تتجاهله ولاتشكل خطر له.

6.طلب مساعدة 

ولكن بصوت هادئ لا يثير غريزة الكلب.

7.شتت انتباه

من خلال رمي شيء ما في اتجاه اخر كالقارورة الماء أو حقيبة .وفي حالة لم يكن لديك شيء فتظاهر انك تحمل شيء من الأرض ثم تظاهر انك ترميه بعيد, فكلب سيلاحق دالك الشيء الدي رميته وبعدا قم بهروب بشكل هادئ دون لفت انتباهه.
ولكن ادا لم يلاحق الكلب الشيء الدي رميته فعلم انك في خطر.

8.اياك ان تحاول الهرب :

اعلم ان كلب أسرع منك فلا تحاول مجابهته في سرعة , لدالك ليس لك فرصة هروب منه ومن جهة اخرى عندما تجري ستثير غريزة الكلب و تجعله أكثر رغبة في مهاجمتك.

9.وجه للكلب امر بابتعاد 

تكلم مع الكلب بطريقة واتق من نفسك و صوت غاضب لا يوجد فيه خوف وأمره بالتراجع ولكن لا تصرخ بصوت مرتفع هناك كلاب تعتبر صراخ موجه لها أمر صريح بمواجهة.

10. جهاز طارد الكلب

هدا جهاز يحتوي على موجات فوق صوتية لايمكن ان تسمعها انت ولكن الكلاب تستطيع سماعها وهدا صوت يزعجها كثير و يجعلها ترحل تمن هد الجهاز رخيص جدا لا يتجاوز 30 درهم مغربي لشراءه زر هدا موقع هنا

رابع طريقة الهروب صحيحة من الكلب

-لا تدر ضهرك ابدا للكلب .

- لا تركض لأنك ستثير غريزة الصيد عنده.

-امشي بالخلف مع محافظة على نظر لأعلى لاتنضر اليه يعني تجاهله.

-تسلق مكان مرتفع مثل الشجرة فهو لا يستطيع التسلق.

-تحرك بهدوء و خطوات واتق تجاهله بشكل تام.

في حالة لم ينجح اي شيء و هجم الكلب عليك مادا تفعل ؟؟

1.استعد لمواجهته

لف على يديك قميص أو أي شيء كحقيبة او احمل عصى واجعلها درع بينك وبينه كما في صورة هدف من هده الخطوة الهاء الكلب وحماية نفسك .فالكلب يحاول الهجوم على وجهك ورقبتك لهدا حاول حمايتهم باستعمال يدك كما في صورة .

لف على يديك حامي لكي تحمي نفسك من العض

2.دافع عن نفسك 

لا تنسوا نشر هدا موضوع مع اصدقائكم وعائلاتكم فكلنا مهددون بهجمات الكلاب فلعل هدا موضوع يكون سبب في انقاد شخص ما.
من خلال ضرب الكلب على انفه او على عنقه او مؤخرة رأسه (هده مناطق هي نقاط ضعفه) هدا سيعطيك وقت للهرب , ادا واجدت بجانبك عصى فاغرسها في فمه أو عينه فاعلم ان سلاحه وحيد هو فمه المليئ بأسنان القوية جدا.

*طريقة صحيحة لضرب الكلب*

*لاتقف بشكل مباشرة أمامه فهدا سيسهل عليه مواجهتك وعضك في مناطق الحيوية مثل العنق و اعضاء الحساسة .
لاتواجه الكلب مباشرة

*ادا لم تجد شيء تضرب به الكلب استعمل رجلك ولكن اضرب بشكل جانبي في مناطق ضعفه لاتوجه رجلك له مباشرة فهو سوف يعضها .
طرق صحيحة للضرب الكلب

*وجه له ضرب بشكل جانبي مع وقوف بشكل جانبي كانك تضرب الكرة.
مواجهة الكلاب الضالة كيف تحمي نفسك من هجمات الكلاب(شنو دير الى هجم عليك كلب)

*اضربه بحقيبة او حجر على أنفه و اجعلها درع حماية بينك وبينه وضربه بشكل جانبي او احمل حجرة وحاول ضربه بشكل جانبي امسك الحقيبة كأنك تمسك درع كما في الصورة.
طرق للحماية نفسك من كلاب الضالة طريقة ضرب الكلب طريقة مواجهة كلب ضال

3.غطي وجه الكلب

ادا اقترب منك الكلب اكثر فحاول تغطية وجه الكلب وخصوص عيونه بسترتك او اي شيء و حاول احكام قبضتك عليه وخصوص حاول اغلاق فمه.

4.اصنع قبضة بيدك

من اجل حماية نفسك ففي حالة عضك تستطيع افلات منه بسهولة عبر حل قبضة يدك وحتى تحمي أصابعك من العض.
اصنع قبضة بيدك للمواجهة الكلب

5.احمي وجهك ورقبتك واعضاءك تناسلية.

اياك ان تسمح للكلب باقتراب من رقبتك و وجهك فادا وصل لهم فعلم انك في عداد الموت, يديك و قدماك هو اكثر مناطق اقل خطورة لهدا احمي رقبتك ووجهك بيديك واقدامك.
ادا سقطت أرض وبدأ كلب بمواجهتك فحاول تشكيل وضعية الجنين (في صورة اسفل) هده الوضعية تجعلك تحمي اعضائك الحيوية.
حماية نفسك من عضة الكلب وضعية الجنين عند سقوط ارض
وحاول ضرب الكلب برجلك في مناطق ضعفه.

6.لا تسحب

ادا عضك كلب يديك لاتحاول سحبها اليك فهدا سيزيد من خطورة اصابتك فأسنان كلاب حادة جدا وقبضته فولادية وكلما سحبت كلما ازدادت قوة عضته.

-حاول ضرب الكلب على انف وعينين او حاول غرز شيء في عينه.

-ادخل اصبعيك في انفه لتغلق مجرى تنفسه وعندها سيفتح فمه ليتنفس فبالتالي ازل يديك من فمه .

6.اضغط عليه

يجب ان تعرف ان سلاح وحيد للكلب هو فمه لهدا حاول اغلاق فمه بجلوس عليه من خلال امساك ساقيه خلفيتين و رفعهما الى اعلى وضغط بركبتك على اسفل رأسه فهدا يشل حركته فهو لا يستطيع المصارعة.
جلوس على طلب وضغط عليه طريقة مواجهة وتشليله

7.أصرخ طلب لنجدة 

يجب ان تعلم ان كلاب يمكن ان تكون قاتل لهدا فلابأس من طلب المساعدة من المارة .

8.تظاهر بالموت

ادا جربت جميع الطرق ولم تنجح معك اي طريقة فأخر حل لك هو تظاهر بموت ,ادا كان كلب أحكم قبضته عليك فتظاهر بالموت شاهد فيديو أسفل للتعرف الطريقة.

*نصيحة*

-لا تكثر الحركة مع الكلب لان هدا تصرف يجعله يزيد رغبته في مواجهتك ,حافظ على هدوءك أكثر مستطاع فهدا يجعله يمل و يشعر انه فاز فيبتعد عنك.

⇦⇦⇦ملخص عن طريق فيديو شرح تطبيقي➡️➡️➡️

شاهد هدا لفيديو للشاب يحمي نفسه من مواجهة الكلب الشرس جميع الطرق التي شرحنها طبقها هد شاب بطريقة رائعة و مذهلة.
طريقة الى استعملها الشاب كثير ذكية فهو ألهى الكلب باستعمال يده حيت لفها بحاجز و وخدع الكلب بموت حيت تظاهر بالموت فتوقف الكلب عن عضه .

ماذا تفعل بعد ان هاجمك الكلب؟

اذهب الى الطبيب وبسرعة حتى لو كان جرح بسيط و قبل ذهابك اغسل الجرح بماء وصابون جيدا.

لماذا من ضروري ذهاب للمستشفى رغم أن جرحك صغير.

يمكن ان يكون كلب مسعور لهدا من ضروري ذهاب للمستشفى من أجل أخد حقنه للتجنب العدوى , ومن ضروي طلب من طبيب حقنك بحقة ذاك الكلب (فيروس خطير جدا يسبب التهاب حاد في الدماغ).
لأن 80% من كلاب الضالة مصاب بداء الكلاب.
للمعلومة فقط فان داء الكلب مميت و لا يوجد له علاج , و انتقال مرض داء الكلب ينتقل من خلال العض و ينتقل أيضا من خلال العاب الكلب اذا سال على جلدك لهدا لا تسمح لأي كلب بلحسك .
بنسبة للمرض فأعراضه تظهر بعد 20 يوم من عض الكلب لك و هو مميت وليس له علاج لهدا عند ملامستك الكلب ضال اذهب للطبيب بسرعة وخد حقنة (ستحصل على أربع حقن خلال 14 يوما).

كيف تعرف ان الكلب الدي امامك مسعور ؟

اعراض وعلامات تدل على ان كلب الدي امامك مسعور
-سيلان العاب بشكل غريز.

-يعض أي شيء أمامه كالخشب و الحجر.

-عدواني جدا.

-الخوف من الماء.

-الخوف من الضوء و يظهر فقط بالليل.

-يعاني من رعشة في جسده.

-حركاته غريبة و شاده أشبه بالمجانين.

-مصاب بعمى.

-لا يأكل ولا يشرب.

هده أعراض وعلامات تظهر عند الكلاب المصاب بداء الكلب بشكل متطور , يعني انه ادا لم تجد هده الأعراض في الكلب الدي امامك هدا لا يعني انه ليس مصاب بهد الداء فهو يمكن أنه مصاب ولكن في مراحله الأولى.

تنويه

الكلاب عندما تكون في حالة مواجهة يفرز جسدها هرمون الأدري نالين, فتصبح غير قادر على احساس بألم لهدا حاول ان يكون ضربك مؤدي بدرجة كبيرة حتى تنقد نفسك مثل غرز شيء في عينه او اغلاق انفه حتى لايستطيع التنفس.
شاهد هدا فيديو لترى قوة الكلب أثناء هجوم :

❤️نهاية ❤️

قال الله عز وجل لن يصيبنا الا ما كتب الله لنا.
هدا تحل بالأيمان قوي بالله ولا تخف فالله معك و ردد هد دعاء الدي يقال عنه انه يحميك من كل خطر :
بسم الله الذي لا يضر مع اسمه شيء في الأرض ولا في السماء وهو السميع العليم.

8/27/2019

كيفية التنفس الصحيح (كيفاش تنفسي بطريقة صحيحة).

التنفس الصحيح ,التنفس البطني , التنفس الحجازي, طريقة الصحيحة للتنفس ,تنفس العميق

الطريقة الصحيحة للتنفس هي التنفس البطني أو مايسمى التنفس الحجابي ,وهي طريقة التنفس الفطرية وهي التي نبدأ بها عند ولادتنا ومع تقدمنا في العمر تتغير الطريقة التنفسي فتتحول من التنفس البطني الى التنفس الصدري الدي يكون تلقائي  لأنه أسهل ولايحتاج تدخل فيه. والتنفس البطني له فوائد عديدة منها 
فهو يعتبر معجزة الهي فهي علاج لعديد من أمراض عضوية وجسدية 
*بدون مبالغة له فضل في علاج القلق والاكتئاب والغضب وتوتر ونوبات الغضب وهلع الشديدة التي يمكن ان تتعرض لها يوميا فهو يساعد بنسبة 80% الى 90 %
*حماية الصوت من البحة .
*تغير حالة مزاجية الى أحسن مع شعور بهدوء وأريحية .
*شعور بأسترخاء وهو يستعمل في عيادات الطبية للاسترخاء المريض.
* علاج تغيير الصوت الناتج عن اضطرابات الصوت الوظيفية. 
*ويساعد ايضا في استرجاع نبرة صوت حقيقية مع قدرة على كلام بوضوح واريحية.
*وتخلص من عاداته الخاطئة أثناء الكلام.
* التخلص من الغازات في الجسم.
*تنظيم نبضات القلب.
* القدرة علـى ضبط النّفس .
*القدرة علـى تجديد الطّاقة الداّخلية.
* التحضير للولادة
 .إعطاء مسحة مشرقة للوجه*
* التقليل بشكل كبير من القلق والتوتر .
* يساعد على محاربة العديد من حالات الادمان مثل الادمان على الكحول والتبغ.
* يحسن تزود الخلايا بالأوكسيجين.
* الشعور بحالة من الاسترخاء والرفاهية.
* يحفز انتاج "الإندورفين ".
*تخلص من تفكير معمق.
*علاج مرض القولون العصبي.
*يساعد على تنشيط القنوات العصبية.
*يساعد على توسيع الاكسجين في الجسد.
*علاج سحري للغضب والخوف.
* الوقاية من الشيخوخة المبكرة.
* تعجيل فترة النقاهة.
*تحسين الصوت و النطق.
*  التخلص من لابخر أي الرائحة الكريهة في الفم.

تنويه

 رغم أهمية التنفس البطني الا انه لا يبطل عملية التنفس الصدري العلوي لهدا يجب دمج بينهما .

كيف تعلم تنفس البطني


طريقة كثير سهلة :
1-ضع يدك على أعلى البطن أي منطقة الحجاب الحاجز.

2-خد شهيق عميقا عبر الأنف وليس الفم (أغلقي فمك) .

3-وعند شهيق الهواء, انفخ بطنك الى أمام كانه البالون يمتلئ بهواء الهدف من هده الخطوة هو توسيع حجابك الحاجز الموجود أسفل القفص الصدري .
التنفس الصحيح ,التنفس البطني , التنفس الحجازي, طريقة الصحيحة للتنفس

4-العد حتى 5 وانت في هده الحالة .

5-وعندما زفير أي عند اخراج الهواء من الفم كن في حالة استرخاء بشكل تام أي سترخي عنقك وكتفيك وصدرك.
التنفس الصحيح ,التنفس البطني , التنفس الحجازي, طريقة الصحيحة للتنفس

6-الأن عند زفير أخرج الهواء بهدوء من الفم اجعل شفتيك على شكل "O" مع ضغط يديك على حجابك الحاجز بهدوء مع العد حتى 10.

التنفس الصحيح ,التنفس البطني , التنفس الحجازي, طريقة الصحيحة للتنفس

7-كرر هده العملية من 3 الى 7 مرات حتى تتقنها ولكن ببطئ شديد.

متى يجب استعمال التنفس البطني؟


يمكن استعماله من اجل الإسترخاء في أيام العادية.
ستعمليه عند:
-حالات الفزع  وخوف الشديد كرريه عدة مرات حتى تشعرين باسترخاء.
-حالات الغضب .
-عند الضيق الصدر و التنفس.
- لتحضير للولادة.
- لتخفيف من الألم.

لا تنسوا نشر هدا موضوع في مواقع التواصل الاجتماعي ولتعم الفائدة واخبرنا في تعاليق عن تجربتك مع التنفس البطني.