⚡️للإناث_فقط 🌹💙
بزاف كيتساؤلو اشنو هما المواصفات و الأشياء لي خاص تكون فيك و لي كتخلي الواحد ينجذب ليك . سواءا الرجل للمرأة و لا المرأة في الرجل .
هد موضوع من كروب دراري 😎.
و بصيفتي ولد غدي نحاول نجاوب على بعض التساؤلات ، و نذكر بعض المواصفات لي تقدر تعجب كل رجل في البنت .. ( و بطبيعة الحال ب منظوري الخاص و على حساب داكشي لي كنسمع و غير نحاول نذكر الأساسيات فقط)
ربما أول حاجة يقدر ينجاذب ليها الدري ف البنت قبل كاع ما تلاقا عينيه بعينيها او يشوف مظهرها هي الرائحة زوينة و طيبة حيث كل واحد كتكون ريحتو سابقاه ريحة تكون خفيفة و زوينة و شي بنات كيديرو واحد الريحة. كتشمها على مسافة ديال كيلومتر و شي مرات كتكون رائحة لا علاقة و كتخلي الواحد يهرب منها اكثر من انه ينجذب .
حيث كتكون قويا و مازويناش و غير كتوصل حداها كتخلي الدري مباشرة ينفر ديك البنت.
و ثاني حاجة كتجذب الدري في البنت هي ضحكتها و الابتسامة ديالها اغلب الدراري كيعجبهم يشوفو الابتسامة ديالك و الضحيكة لي كتكون خارجة من القلب و ماشي ابتسامة متصنعة و ماشي ضحكة فايتة القياس و بزاف ديال البنات كيحاولو يخبيو ضحكتهم.
لكن بالعكس دراري كيعجبهم يشوفو وجه مبتسم قدامهم.
و حاجة اخرى لي كتعجب الدري ف البنات و لي الأغلبية الساحقة كتعجبهم هي احمرار الوجه هه... الدري كينجذب للبنت الحشومية.
و البنت مولات الحنيكات المزنگين و كيف كيقولو .. " الحشمة عنوان الزين " و " الزين يحشم على زينو أما الخايب غير إلا هداه الله " .. و بالنسبة للبنات بلا ما تحاولي تخبي وجهك حيث الدراري كيعجبهم لي كتحشم.
و حاجة اخرى لي كطيح الدري هي البنت لي كتكون حساسة و لي كتكون سريعة البكاء حيث دموع دليل على المشاعر الصادقة و على ضعف الأنثى بزاف ديال البنات كيقوليك لا انا خاصني نبان قدامو قويا و ما خصنيش نبكي لكن العكس الرجل كيبغي البنت الضعيفة و هو كيبغي يبين رجولتو قدامها و يكون سند ليها.
من بين الاشياء لي ف البنت و شيء تخلق معاها و هي الأنوثة ديالها و بزاف ديال البنات كيبغيو يديرو فيها بحال الدري.
و كتبدا تهضر بطريقة ديال الدراري و تصرف بحال شي دري.
و تلبس بحالهم و هدشي خطأ ما تحاولوش البنات تقلدو الدراري حيث البنت بنت و الدري دري لي حرش حرش و لي رطب رطب و ما يمكنش الدري يعاشر دري بحالو.
و حاجة اخرى مثيرة ف البنت هي العفوية ديالها الدراري كيعجبهم الأنثى الصريحة و لي عفوية و ما كتصنعش امامو كوني على طبيعتك و ما تحاوليش تلبسي شي حاجة ماشي ديالك و لا داعي للكذب و بطبيعة الحال كوني واثقة من نفسك حيث هدشي كيعطيك شخصية.
و بطبيعة الحال كاين بزاف ما يتقال ف هدشي و المواصفات بزاف طبعا على حساب كل بنت و على حساب كل دري و هدو الأساسيات لي من اللازم يكونو ف اي بنت و هذا رأي الخاص السلام عليكم.
