نصائح من القلب الى القلب 💖 بلا كدوب و لازواق

✍🏻كاتبة من ألمانيا اسم لا يهم. 

ليوم بغيت نصحكم البنات من تجارب في الحياة او لي عطاتني دروس لي فادوني في حياتي بزاف.

1- معمركي تيقي في راجل وخا يقوليك كنموت عليك هضرا كتبقا غير هضرا , معمرك ترخصي راسك معاه ديما ديري قيمة راسك , باش حتا هوا يبقا ضارب ليك لحساب متكونيش مدلولة.

2- فاش تزوجي متزربيش في لولاد , حتا تعيشي مع راجلك لحياة او حتا يقوليك هوا بغيت لولاد مقالهاش ليك متولديش بلا ديك زلق ليا إلى حظيتي مغاديش طيحي فهاد غلط ولاد مسؤلية ماشي غير اجي و ولد.

3- معمركي تهملي راجلك ديما عطيه الوقت او تهلاي فيه او تقادي ليه , و كوني نقية و مثيرة او تحلوني عليه ولي بغيتها طلبيها منو متسمحيش ليه فحقك.

4- حنا بنات كنطيحو فهاد مواقف بزاف , او انا طحت فيهم كتكوني محتاجة او يقدر يجي فطريقك شي راجل , لي باغي يشريك مقابل فلوس أو مقابل شي خدمة , ولكن معمرك تبيعي راسك لشي واحد يكون كيفما كان او مهما كانت ظروفك ديري قيمة راسك , ولو تكوني محتاجة مترخصيش راسك عري على كتافك او متعريش على فخاظك, رجل غير يدي منك لي بغا و يلوحك كيف كلبة ميعقلش عليك ,وكاين واحد مثل كيقول عزيها تعزك , و لا تحطي فهد موقف ديما ديري فراسك بلي الله عز و جل كيختبرك و خصكي تكوني قوية, و انشاء الله ربي غدي يفتح ليك بيبان الرزق مكنتيش كتوقعيهم ,حيت نتي ختاريتي حلال و ربي عمرو يخيبك.

5- فاش تبغي تزوجي فكري في المستقبلك او مستقبل ولادك او تزوجي واحد عندو لعاقة يعيشك ملكة , بلا ديك نتزوج حب حياتي او مكيمهش فلوس , لا أحبيبة فلوس كا يهمو او بزاف منكدبوش على ريوسنا , راه المزلوط غادي يعيشك غير فالقهرة والذل ,فكري لولادك لي غدي يكبرو و غدي يبغيو يعيشو حياة احسن , ونزيدك واحد معلومة راجل مزلوط نهار يدير فلوس يبدلك من ساعتو ميعقلش عليك نهائيا, راه مشي بحالك غدي يحن, رجال مشي كي عيالات انانيين كلهم وهدشي مثبت علميا مشي غير هضرة وكلام .

6- معمرك تسمحي فشي حاجة ديالك ولا تخلي شي واحد يديها ليك ديما ديري لي فجهدك باش توصلي ليها.

7- كوني قوية او فكري في مصالحتك قبل مصالحة أخرين ,حيت بنادم ديري لي درتي معاه فالاخير ,على ابسط حاجة ميعقلش عليك.

8- ديري شي حاجة تستافدي منها فحياتك, متبقايش غير كالسة او تابعة لخوا خاوي , تعلمي شي صنعة او شي حاجة لي تفيدك.

9- ديما اهتمي بمظهرك و اناقتك و كوني نقية و تهلاي فراسك مظهر و نظافة من أساسيات حياة.

10-معمرك تسمحي في حقك وإلى شي واحد غلط معاك فشي حاجة خايبة او اذاك نتاقمي منو او ردي ليه صرف.

11- بنات نصيحة الى ايه وحدة كتبغي شي واحد أو مصاحبة, حيدي من بالك ديك فكرة ديال إلى درت معاه لي بغا , راه غادي يبقا معايا حيت كيبغيني , نقوليك واحد حاجة و ديرها حلقة فودنيك الرجال كيف كلاب أغلبية فيهم باغين غير لحم , عمرك تكوني ساهلة او تعطيه لي طلب منك, حيت غير ياكول ليك حلوة يلوحك, او يقلب على غيرك,ومن لخر لى بغاك غادي يجي لداركم, ديري راسك قيمة باش تهوا يديرها ليك ,حيت كيف منتي كتعاملي راسك غدي يعاملوك الناس .

12- متكونش ضعيفة وتبقاي غير تبكي او تشكي لاي واحد أو وحدة جات فطريقك بكي او شكي لي خلقك حيت "الشكوى لغير الله مذلة".

متنساوش تشاركو هد الموضوع مع الناس لي عزاز عليكم و شي دعوة الخير لكاتبة الموضوع 🤲💖

اقرأ المزيد »

بعض النصائح للراحة النفسية من خلال تجربنا في حياة

✍كاتبة منى بغيت نعطيكم شوية ديال النصائح للراحة النفسية من خلال تجربتي في حياة😃 :
1 كلمة واخة كاتريح بزاف .. قوليها بزاف .. خصوصا لوالديك..
2 ملي تكوني مامقتانعاش بكلام الي قدامك وعحسيتي بيه متعصب تجاه فكرتو فراه احسن حاجة قولي "اه بصح" .. "يمكن" .. "عندك الحق" .."و صافي" حيت هو مغايقتنعش مغايقتنعش علاش غاتحرقي أعصابك ميستاهلش 🙂. 
3 شربي اللويزة بزاف او حبة حلاوة او البابونج (مهدئات طبيعية وخصوص لبنات لي كيعانيو من سرعة الغضب).
4 هضري بشوية وماتعليش صوتك راه توحد متابعك غير بشوي عليك لي بغا يسمع يسمع ولي مبغاش الله يعاونو علمي بنادم انهو يسمع ليك بزز منو  ..
5 تعلمي تكوني باردة الأعصاب و ابتسمي للعالم .
6-تعلمي تحبي راسك بعيوبك راه الا مبغيتيش نتي راسك عمر شي حد يبغيك هدي ديرها حلقة في ودنيك.
6-حاولي تفرحي شي حد  كل  نهار والله غدي تحسي بواحد راحة نفسية كبيرة .
7-فخبارك كلمة زوينة تطفئ حقد القلوب , حاولي ديما كلامك يكون حلو و لشتي شي واحد لابس زوين قوليها ليه والله راه غطلعي ليه مورال.
8-تجنبي دائم تكوني بنت لي كتجيب خبار خايبة .
9-ابتسامة في وجه اخيك صدقة هدشي لاش ابتسمي ياحميلة راه توحد مكيبغي يعاشر شي وحدة مغوبشة.
10 عمرك ماتجري مور شي حاجة ولا مور شي حد الي مشا الله يعاونو. 
11 السكوت نعمة والله تعلمي فن سكوت مبقايش خايف من الصمت باش تكوني فشي مجمع سكتي راه كديري راصك هيبة و وقار واحترام  .
12 خليك واثقة في نفسك باش تعرفي ديري هادشي كامل و بغي راسك هو الأول.
13 دائما تشبثي بالموقف ديالك طالما عارفة و واثقة من أنه صحيح .
14 اعترفي بالأخطاء ديالك .. عادي كلنا كانغلطو وأقوى ناس هم لي كيعتارفو باخطائهم.
15 كلمة شكر و سمحلي خليها كلمات مميزة في قاموسك .
16 انتي شي انسانة مهمة بزاف .. قدري نفسك .. ماتسنايش من شي حد آخر يقدرك .
17 عاوني راسك باش توصلي للسلام الداخلي والنفسي اللي غادي يخليك تتقبلي أي حاجة كاتوقع فحياتك .
18 كلشي عندو مشاكل و هموم .. نتي طبيعية غير اطمأني .
19 نتي ماشي مضطرة تحاربي فواحد الحرب الي ماشي ديالتك!! حافظي على طاقتك لنفسك .
20 كلمة واخة كاتريح للمرة الثالثة والله .
21 نقذي راسك قبل ماتفكري تنقذي شي حد آخر .
22 شجعي راسك دائما و خليك نتي المصدر ديال القوة ديالك 💪.
23 ديما ديري فبالك بلي نتي عندك قيمة و نفع فهاد الدنيا .. الله سبحانه ماخلقك الا و عندك دور و قيمة و معنى و نفع .
24 ماتضغطيش على راسك و تتنازلي بزاف .. نتي ماشي مضطرة!! 
25 متاخافيش من مشاكيل دنيا راه هدي هي حياة كلها مشاكيل و دنيا ليست لهو و ضحك بل هي امتحان .
26 ركزي بزاف مع نفسك ماشي مع الناس. 
27 قلتليك كلمة واخة كاتريح والله .
28 فكري ألف مرة قبل ماتهضري ماشي غير جيب افمي و قول .
29 الوحدة احسنليك من جماعة المنافقين و الكدابين.
30 ديما تفكري الموت و بلي فأي لحضة تقدر تنتهي مهلتك فهد حياة هدشي لاش ديرها زوينة راه موت لجاك ميرحمكش.

اقرأ المزيد »

نصائح مهمة من رضيع الى أمه (نصائح لأم الجديدة)

الواليدة شوفي وقراي مزيان يا نبع الحنان ヅ❤

✿ أول ما غادي نتولد ممكن نبقى أسبوعين أو تلاته هادئ و ناعس...فالمطلوب من سيادتكم تفيقيني بأي طريقة و ترضعيني لأن معدل السكر عندي في الدم ممكن ينزل وهادشي خطر على حياتي في هده المرحلة الله ينجينا وينجيك.

✿ بعد الأسابيع الأولى غادي تلقايني كنغوت بزاف و كنبكي و غادي نجمع عليك خلق الله سمحي ليا واستحمليني شوية لأنني في هاد الفترة أنا باقي جديد وغير متعود على الضوء و الأصوات و درجات الحراره المتغيرة و اللمس و الحوايج... هادشي كامل جديد عليا وغادي ناخد وقت حتا نتعود يمكن في 3 أو 4 شهور و على قبل هاكا غادي تلاقيني نضيف و راضع و سانك سانك ولكن أعتذر منقدرش نحبس من الغوات و ما عليك غير الصبر يا الميمة .

دبا أجي نتعمقو شوية ونوريك شي حوايج تقدري تكوني ماعرفاهمش.

✿ في حالة ما إدا كنتي ناوية ترضعيني رضاعة طبيعية خاصك ديري حسابك بأن الرضاعة حسب الطلب ماشي شرط كل ساعتين و من فضلك تهتمي بالنظافة الشخصية ديالي الله يخليك حيت مكنحملش ريحة العرق و ريحة الأكل اللي لاصق ليا في حوايجي و كدلك كنكره الريحة خصوصا ديك القاصحة فالله يرضي عليك إلا بغيتي تتريحي للواليد غير نعسيني بعيد عليك  لحقاش حاسة الشم عندي قوية جداً و هاد الحوايج كيخليوني مقَرف طول الرضاعة فياريت تراعي ليا هادشي الله ينورك الحبيبة .

✿ أه وخاصك تحبسي من شريب القهوة مادام نويتي ترضعيني طبيعي لحقاش داكشي غادي ينزل ليا مع الحليب فاش نكون شاد زيزة ويعصبني  ... و تبعدي عن التوابل الحارة و أي حاجة معروف أنها كدير غازات بحال القزبر و المعدنوس و البروكلي لأن هادشي كامل غادي يرجع عليك على راسك في الٱخير فشوية ديال المعقول والصبر الله يكرمك.

✿ ندوزو دابا لكانت عندك النية وباغا ترضعيني بحليب الغبرة أه داك الصناعي ديال الفرماسيان خاصك تنظمي رضعاتي كل ساعتين تلاته على الأقل في 3 شهور اللولة ومن بعدها حتى نطلب و فاش تبغي تصاوبي ليا الرضاعة ديريها بماء مغلي وتقدميها ليا دافية واخا أنا كنبغيها باردة ولكن ماشي مشكل نصبر حتى أنا شوية أصلاً مزيانة لصحتي واللي شاط من الرضاعة يتلاح في البلاصة ماشي تخزنيه وفاش نطلب تعطيه ليا راه كيثلوت ببقايا لعابي.

✿ يالسكعة وردي البال لا تولي منوضة الواليد في نصاصات الليل تجريو بيا في السبيطارات اللي أصلا ماعندكمش.

✿ و ما تنسايش من بعد كل رضعة أو رضعة تجيبي شي قطن مبلول بماء دافي و تمسحي تحت كدومتي وعنقي من الفوق و تحت باطي و تنشفي هاد البلايص بقطن ناشف باش ما تتفاجئيش بإلتهابات و تسلخات منظرها خايب خصوصًا إلا كنت مطبز شوية.

✿ ونزيدك الميمة فاش تبغي تصبني ليا حوايجي الله يخليك ما تستعمليش مواد ريحتها قاصحة لحقاش كيف ما قلتلك حاسة الشم عندي قوية و الروائح القوية سواء زوينة ولا خايبة كتأثر على جيوبي الأنفية و كتخليني غير قادر على شم ريحتك اللي متعود عليها و كتحسسني بالأمان.

✿ أه كنت غادي ننسا واحد الحاجة مهمة. من فضلك ما تخليش ليكوش عامرين مدة طويلة على جلدي على ود التسلخات و غسلي ليا بماء دافي مزيان و إلا جات على خاطرك بلاش أي نوع من أنواع الغبرة ديال طالك لحقاش ذراتها كتدخل في نيفي و ممكن تسبب لي حساسية في الصدر على المدى الطويل .. 

✿ شوفي مع مول الدار يجبد اللعاقة وشري ليا كريمات الأطفال .. و إلا كنتي غادي ديري ليا زيت جونسون ديريه على جلدي و هو مبلول مشي على الجلد الناشف لأنه غادي ينشفو أكتر .

يالاه نتمنى تكوني فهمتي .

تهلاي ليا في راسك ❤♫

اقرأ المزيد »

نصائح للعروسة باش متوقعش في فخ السحر.

للبنات : الحاجات لي خاص العروس ترد منهوم البال:

كلنا كمغربيات سمعنا وشفنا بنات كيسحرو ليهم فعرسهم و كيخليو حياتهم جحيم وهدشي بسبب حقد وكره واكثرية كيكون من أقرب ناس ليك , فهد موضوع غنعطيك نصائح جداواتنا والناس الزمان باش تحمي راسك من السحر تاع عروسة لي كيعتبر من أشهر انواع السحر في المغرب.

1-الحناء كي تسالي من الحناء ديالك عطيها لماماك تخبيها لك واياك تخلي شي وحدة تهزها (حيت كايسحرو فيها) و عطيها لماماك تخلطها هي بيديها وباش تسالي منها لوحيها متخليهاش حتى تيبس.

2-البيت ديالك: طبعا نهار عرسك غاتكوني جمعتي حوايجك. خليهوم فالبيت ديالك او سديه بالساروت ممنوع يدخل لو تا شي واحد من غير نتي و ماماك او خواتاك (هادشي باش تا واحد مايهز لك حوايجك او يسحر لك فيهوم).

3-البنت فاش كاتخطب كاع البنات كايقولو لها عطينا خاتمك نجربوه فيدنا . لي قالت لك هاكا قولي لها لا ماتعطي خاتمك لحتى وحدة حيت فاش كايلبسوه كايقولو شي حاجة او هاكا كاتعكس الأمور بين العروسين.

4-نهار تكون الخطبة اولا العرس الى كنتي هازا معاك كلينيكس ماترميهش فينما كان بقاي هازاه معاك (حيت كايسحرو فيه) أي أثر ديال العروس او مالابسها كايستعملوها للشعوذة.

5-نهار عرسك فاش تبغي تبدلي اللبسة ماتخليش صباطك برا البيت دخليه معاك حتى هو للبيت (كيفما ذكرت من قبل أي حاجة ديال العروسة كايسحرو فيها).

6-ماتاكلي من عند حتى واحد و ماتشربي من عند حد الى جاك العطش اولا الجوع قولي لماماك اولا ختك يجيبو لك لي بغيتي.

7-نهار العرس اولا الخطبة الى عيط لك شي واحد ماتقوليش  نعام سيري حتال عندو اولا قولي هو يجي عندك المهم ماتقوليش نعام حيت من تما كايتقفو البنت.

8-الى سولك شي واحد على شي حاجة ماتجاوبيش باه اولا لا ...مثلا الى قالت لك شي وحدة واش ساليتي التوجاد قولي لها ساليت...المهم الجواب يكون هاكا ماتكون فيه لا اه و لا .

9-ردي البال مزيان و ماتيقي فحتى وحدة من غير خواتاتك او ماماك حتى الى بغيتي ديري وزيرة ديريها فختك نيت ماتيقي لا فالصحابات لا فبنات العائلة حيت الضربة ديما كاتجي من الناس لي قراب.

10-الى جاك شي كادو عبارة على لباس اولا مجوهرات اولا عطر ولا ماكلة ولاصابونة غير لوحيه حيت ممكن تكون فيه شي حاجة.

11-باش تمشي لحمام باش تغسلي متخلي حتى حجى موراك لا وسخك ولا شعرك حيت اشهر انواع سحر للعروسة كيكون فالحمام .

12-دار العروس خصها تكون تبخرات بالملحة حية و حبة سوداء و طلقات فيها سورة البقرة باعلى صوت ممكن باش حتى لكنتي تسحرتي فالعرس باش دخلي لدار راجلك يتبطل داك سحر

13- قوادس و قرقارات خصهم ترش فيهم ملحة حية حيت يسحرو فيهم.

14-دهاز غطيه ببابي سولوفان او خلي مك او خالتك تحضين او ختك ضروري راح خيط يقضي الغرض.

15-ضروري نهار الفرح تفيقي تعومي بالما رقية و تصلي فجر و تفطري بسبع تمرات و كاس ديال حليب و تحصني و ترقي راسك برقية الشرعية.

16-خلي بسم الله ففمك مع كل حركة و ملي تنوضي من بلاصتك خلي شي وحدة ثقة تبرك فيها متتزعزعش.

17- الحنة ولا ديك زلافة لي كتخلط فيها الحنة الا مشات حتى قلباتها ليك شي مرا مكتولديش وخا تكون مغسولة مخصهاش تقلب نهائيا.

18-نهار العرس او الحنة نفضل تصومي ولا تاكلي من يد شي وحدا يا إما ماماك لي تجيب ليك الماكلة لا بلاش وحتى الما ماتشربيهش من يد شي وحدا.

19-الكادوات لي كجيو العروسة خاصها تقلبهم تفليهم كاملين راه كديرو فيهم سحور (واحد البنت جابو ليها براد كادو ملي داتو لدارها ديما مدابزا مع راجلها جابو راقي لقا سحور في عنبوب البراد)المهم قلبيهم وقراي عليهم الرقية.

20-داك الحليب لي كتشرب العروسة هي والعريس ماماك هي لي ديرو ليك في كاس ولا شربتي منو وساليتو منو تحيدو.

تنويه

حناء العروس :

من الوسائل الجهنمية والفتاكة في نفس الوقت التي يلجأ إليها السحرة لإلحاق الضرر بالفتيات المقبلات علي الزواج سرقة حناء العروسة واستخدامها في السحر وهذا بتواطؤ بعض قريبات العروسة من اللواتي يكنن لها حقدا دفينا ويتم اللجوء إلي استعمال حناء العروسة لمنعها من الزواج مدي الحياة، وبالتالي تجد أهل العروسة يحرسن حنتها حراسة شديدة خاصة أمها.

الماء الذي يغسل به الميت والقبر المهجور يعتبر سحر القبر المنسي و حناء العروسة من اخطر أنواع السحر وأشدها تأثيرا وفتكا ففي الكثير من الأحيان يقصد المشعوذون والسحرة المستشفيات وتحديدا مصلحة حفظ الجثث ويسرقون الماء والصابون الذي يغسل به الميت قصد استعماله لصد أي رجل أو امرأة عن الزواج مدي الحياة ويتم دفن هذا السحر في احد القبور المهجورة القديمة أو المنسية، وبالتالي يبقي تأثير هذا النوع من السحر قائما لأطول مدة ممكنة.

اللي قراتو تتفاعل او شي دعيوة زوينة 

نصحك تقراي هد هدد القصص

 بعض قصص تاع بنات سحرو ليهم فعرسهم .

-

-

-

متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓

اقرأ المزيد »

نصائح للبنات المقبلات على الزواج

♥️ اول شي ولديه ثم ولديه و في هذي النقطة اكدولي على لي عارفة روحها لسانها طويل و تجغبل الهدرة بلااكو يا لبنات لي حبة تكسب رجلها تكسب والديه ا احكي معه بلعقل سقسي على دارهم كل يوم كلمي عجوزتك مرة على مرة.


 ♥️نصيحة قبل الزواج هي تهتمي براسك مزيان من راسك حتال رجليك بوصفات و بالاكل و بالرياضة باش نهار العرس و من بعد تكوني منورة.

♥️ثانيا هو تقفي راسك جنسيا كينة واحد الحاجة اسمها الثقافة الجنسية باش تعرفي كل ما كيتعلق بالجنس و شنو كيبغيو الرجال و شنو مكيبغيوش و تعلمي فن الإغراء و التحلوين و كيفاش تيريه لأن العلاقة الجنسية إلى ممتعة بين الزوجين و تساهم فنجاح العلاقة الزوجية.ونصحك تقراي هد الكتاب لي تيهضر على علاقة جنسية و كيفاش تعاملي مع راجل جنسيا :

-تحميل كتاب الكاماسوترا و معلومات عنه

♥️بغي راجلك بكل معنى الكلمة لأن الحب ماشي غير كلمة الحب أفعال.

♥️باش يكون عاد جا من خدمة متعرضيش ليه بمشكلة ولا طلب كوني دكية فتعاملك معاه ديري فبالك هو كان فزنق يعني يمكن دابز مع شي حد فطريق لا مع خدمة مكتعرفيش موشكيل لي كان عندو ,عنقيه قوليه على سلامتك اراجلي عزيز وابتسامة على وجهك عطيه ياكل وجدي ليه دوش ضحكي معاه وعرفيه كيداز نهارو وحتى تحسي بيه رتاح نفسية عاد قولي ليه مشكلة ولا طلب ديالك فهد الحالة راه غيتقبلها و غدي ينفد ليك طلبك .

♥️نصيحة من أخت مصرية "الا بغيتي تنوضي راجلك فصباح للصلاة سيري غسلي يديك بماء بارد وديري فيها شي ريحة عزيز عليه،
فإذا ما لامست برودة يديك جسمه الدافىء واستنشقت أنفاسه عبير ذلك العطر استيقظ من نومه وإن كان يغط في سبات عميق وطبعا راح يعطيك البوسه على خدك قبل لا يصلي".

♥️ طيعي راجلك فكل ما كيقول ليك فيما يرضي الله خليك من دوك اللي غيقولو ليك عزة النفس و ندير ليه و نفعل ليه راه غلط.

♥️اثناء خصامك معاه تجنبي شي حوايج و كوني دكية في تعاملك معاه.

نصحك تقراي هد موضوع باش تفهمي هد نصيحة مزيان .

-تسع حوايج تجنبوها باش تخاصمو (خاص بالمتزوجين)

♥️حاجة أخرى هي حفظ أسرار دارك إلى وقع شي مشكل مع راجلك متمشيش تعاوديه لعائلتك او عائلتو.

♥️بغي عائلة راجلك و عامليهم مزيان لكن فحدود.

نصحك تقراي هد موضوع باش تعرفي كيفاش تعاملي مع عائلة راجلك.

-كيفاش تعاملي مع عائلة راجلك

♥️حاولي متخلي حتى حد يتدخل فعلاقتك مع راجلك واخا تكون امك أو مو.

♥️تسمعي هدرة ما تدي ما دجيبي احفظي هذي مليح عين ماشافت و اذن ماسمعت ما تعوديلوش كل شي باه ما يوالفش كيما قالت أمي لا بسمع ولا باشوف ولا بحكي خليوني غير فتيقار... هههه.

♥️كوني ديما زوينة لراجلك بوحدو ماشي للناس.

♥️تعلمي فن السكوت أه تعلمي تسكتي و متخافيش من لحضات الصمت.

♥️خليكى دايما واثقة انكجميلة...انثى...مميزة...وقادرة تبقى احلى واحدة ..وجسمك وهيئتك ليكى انتى قبل اى حد تانى .

♥️حلي جميع مشاكلك معاه فبيت نعاس و فحضنو و عوديه على حديث الوسادة لأنه كيقربكم.

♥️عيشي مع راجلك على قد دخلو مهما كان هاد الدخل و تحمليهش فوق طاقتو.

♥️حذاري تكذبي على راجلك شي نهار فشي حاجة واخا تقولي غير كذبة بيضاء متخبي عليه والو.

♥️الزوجة الذكية هي اللي مكتوقفش قدام راجلها ملي يكون مقلق او كيغوت خليه حتا يبرد و ديك الساعة لعبي لعبتك.

♥️كنتو مخاصمين لا قدر الله عنداك تمشي تنعسي فالصالون و تخليه بالعكس خليك حداه و ممكن تخدمي معاه فن التحلوين هههه نتي و شطارتك و تخشاي فحضنو فالتلامس يصنع الدفئ و الدفئ يصنع الحب و كنأكد ليك مغادي يجي فين يطلع النهار حتى تكونو تصلحتو ....? ههه.

قراي هد موضوع 

-تعلمي فن الأغراء مع راجلك

♥️الراجل مكيحملش المرأة العنيدة اللي كتشبت فرأيها و باغا دير غير اللي بغات.

♥️تصاحبي غير مع اللي بغا ليك راجلك عنداك يقول ليك على شي وحدة كتمشيش عندها و نتي تمشي راه النتائج مغاداش تعجبك.

♥️حاولي تعمري وقتك ملي ميكونش راجل بأيات الله و الإستغفار الدار اللي كيعمرها القرأن كتعمر بالملائكة و كيهرب منها الشيطان و بهذا حتى الوسواس و الأفكار الشيطانية غادا تبعد عليك.

♥️حتارمي راجلك و عطيه قيمة و فتاخري بيه دائما قدام الناس.

♥️ابدا ابدا متخرجيش من الدار بلا خبارو.

♥️حرصي باش راجلك يبغي عائلتك و يحتارمهم و خصوصا ماماك و باباك و خوتك.

♥️كوني لراجلك أم بحنانك و صديقة بأذن صاغية و حبيبة بدفئك و عوطفك.

♥️و كيما قلت قبل حاولي ديما تكملي شغالك قبل ما يرجع من الخدمة و دوشي و بدلي حويجك و ديري مكياج خفيف و جلسي تسنايه ابدا متخليهش يشوف حويجك موسخين او فيك ريحة الثومة و البصلة.

نصحك تقراي هد موضوع

-كيفاش تحيدي ريحة التوم وبصلة منك؟

♥️خليك ديما ضاحكة فوجهو هادشي كيأثر على نفسيتو الراجل راه كيكره الزوجة النكدية.

♥️خلي ديما عادة بيناتكم مثلا ملي يبغي يخرج بوسيه و قولي ليه غادا نتوحشك و ملي يرجع بوسيه و قولي ليه توحشتك.

♥️كوني ديما دلوعة قدامو فحياتك اليومية فكلامك و صوتك و مشيتك و حديثك و نظراتك و لبسك و جميع تفاصيل حياتك كوني معاه ملكة الإغراء.

♥️زوري عائلتك و عائلتك مرة فسيمانة باش تكون عادة زوينة و يكونو كيتسناوكم.

♥️بالنسبة لبنات اللي غيسولو شنو افضل يسكنو بوحدهم او مع أهل الزوج بدون تفكير غادا نقول ليك اختي التيقار الزوين ويلا كنتي بعيدة كتبقاي عزيزة.

♥️إلى تناقشتي مع راجلك. فالرأي النهائي راه ليه بدون شك إلى اذا قنعتيه وديما خدمي معاه سياسية ان كيدنا لعضيم .نصحك تقراي هد موضوع

-كيفاش نخلي زوجي يحبني غير بالسياسة

♥️حاولو تذخرو شوية ديال الفلوس شهريا واخا تكون غير قليلة حيت الفلوس اللي مكتزادش كتنقص.

♥️إلى كانت عاجباك شي حاجة و راجلك ميقدش يشريها ليك متبقايش كتهضري عليها قدامو حيت غادي يحس بالعجز و بلي مقادرش يوفر ليك لي بغيتي.

♥️متكتريش فدلال راجلك كوني معتدلة واخا تكوني غارقة فحبو حيت الشيء إذا زاد عن حده انقلب إلى ضده.

♥️حاولي ديما صوتك يكون مخفوض و حنين و انثوي لأن الرجال مكتعجبهمش المرا اللي صوتها عالي.

♥️عرفي واجباتك وحقوقك على زوجك .نصحك تقراي هد موضوع
-شنو هما واجباتي وحقوقي على راجلي .

♥️معمرك تبيني إعجابك بشي راجل اخر قدام راجلك واخا يكون ممثل او مغني هههه.

♥️معمرك تجادلي راجلك فالكلام قدام الناس واخا يكون غالط خلي حتا تكونو بجوج..

♥️حاولي ديما تخلي راجلك ياكل فالدار و من داكشي اللي كتصوبي نتي.

♥️حاولي ديما تفيقي من النعاس قبل راجلك و طبقي الخطوات اللي هضرنا عليهم من قبل ويلا اقتضى الحال و كنتي عيانة ممكن ترجعي تنعسي شوية ملي يخرج.

♥️ديما عطري ليه الدولاب ديالو و رتبي ليه حويجو بطريقة زوينة اللي تخليه يلقى اي حاجة بسهولة.

♥️حاولي ديما تفهمي راجلك غير من الشوفة و تعرفي شنو باغي.

♥️حاولي ديما تهتمي بالمناسبات اللي كتهم راجلك مثلا عيد ميلادو او ماماه او باباه او عندهم شي عرس الخ....

♥️ديما شكريه على اي حاجة دارها و قولي ليه كليمات زوينين.

♥️ديما شاركي مع راجلك واخا غير فحاجة بسيطة مثلا تفرجو فشي فيلم او تلعبو شي لعبة.

♥️حطو ميزانية لدار و رتبو المصاريف التابتة و المتغيرة باش عمركم تخصو و تمشيو تسلفو.

♥️نصيحة اخرى ذهبية متنبشيش فالماضي ديال راجلك خصوصا الماضي العاطفي و حتى إلى بغا يعاود ليك قولي ليه مكيهمنيش ماضيك المهم عندي هو نتا معايا و ديالي بوحدي حاولي متعرفي عليه والو حيت مع الوقت غادا تبقاي تفكري داكشي و يأثر على نفسيتك سلبيا.

♥️إلى كانت كتعجبك شي حاجة فراجلك متبخليش عليه ديما قوليها ليه غادي يعجبو الحال و غادي يحاول ديما يديرها على قبلك.

♥️الحياء تاج المرأة الراجل كيبغي المرأة اللي كتحشم و كيف قلنا قبل كيبغي و الخجولة فشي حويج و الجريئة فشي حويج مثلا تحشمي قدام باه او خوتو او صحابو و متبقايش غير كتنقزي قدامهم و كيبغي الجريئة فالفراش و فالحوارات الساخنة ......موضوع طويل.

نصحك تقراي هد الموضوع

-كيفاش تكوني مقودة فالفراش

-كيفاش تحافظي على زوجك

♥️نظافة الدار كتبدا بالحمام و المطبخ حرصي ديما تخليهم نقيين.

♥️حاولي متخالطيش مع الجيران بزاف الراجل مكيحملش دواحة مو الخيام ههه اللي كل ساعة مخشيى فدار.

♥️صنعي علاقة وطيدة بين مامات راجلك باش متبقاش غير مجرد عكوزتك؟

♥️حاولي تغيري شكل دارك كل فصل مثلا فالصيف تغيري لون الغطا ديال الناموسية و المخاد و ديري لون مفتوح و فالخريف ديري الوان دافئة و كذا.

♥️ديما دار تكون فيها ريحة زوينة مميزة .

♥️حاولي تلعبي معاه فالفراش نصحك تقراي هد موضوع.

-لعبة تهبلي بيها حبيبك (موضوع للمتزوجات)

♥️ديري فبالك بلي اخطر اعوام الزواج هي العام الاول و الخمس السنين اللي بعد.

♥️كي تشتري ملابس النوم اختاري واحد من الالوان الخمسه الاحمر ، الابيض ، الاسود ، التركوازي ،الوردي  اثبتت الدراسات انو هذه اللوان ينجذب اليها الرجل .
و اتجنبي الجوزي والبيج والاصفر والزيتوني. 

♥️لمتزوجات اتجنبي تشري ملابس نوم تاع جلد النمر او الميليتار (العسكري) لان اثبتت الدراسات انو هذي الملابس عمرها ما تغري الرجل وملازمش تشتروها لملابس النوم رايح يحس روحو راقد مع صاحبو قدور العسكري و لا مع النمر المقنع ههه.

♥️كي تحطي لبارفان تجنبي تحطيها فبلاصة تبان للشميسة لأنو رايحة تسمارلك ديك لبلاصة.

♥️كل سمانة ديري حمله ع رجليك او كرعيك ديري رجليك في ماء سخون باش يسهلك ازالة الجلد الميت. موراها جيبي اي صابون او جال دوش و بروسة خاصة برجليك او فرشه اسنان قديمه ونظفي بيها ظفارتين رجليك و مووراها افركي كعب رجلك بالحجرة الخاصة و نشفيهه وحطي فازلين و زيت زيتون ولبسي تقاشر وادعيلي.

♥️ﺟﺎﻣﻲ ﺗﺪﺧﻠﻲ ﻛﻮﺯﻳﻨﺖ ﻋﺠﻮﺯﺗﻚ ﻭﺍﻧﺖ ﺑﻼ
ﻃﺎﺑﻠﻴﺔ ﻭ ﺷﻌﺮﻙ ﻣﺎﺷﻲ ﻣﻠﻤﻮﻡ.

♥️ﻛﻲ ﺗﻮﺟﺪﻱ ﻃﺎﻭﻟﺔ ﺍﻟﻔﻄﻮﺭ ﻻ ﺗﻨﺴﻲ ﻗﺮﻋﺔ ﺍﻟﻤﺎء ﺑﺴﻜﻮ ﺍﻟﻄﺎﺑﻠﺔ ﺑﻼ ﻣﺎء ﻣﻦ ﻗﻠﺔ ﺍﻟﻔﻬﺎﻣﺔ.

♥️صبري على عكوزتك و عرفي تعاملي معاها نصحك تقراي هد موضوع .
-كيفاش تعاملي مع عكوزتك

♥️حاولي متشغليش على راجلك بزاف ملي يكون فالدار.

♥️عاوني راجلك فالامور اللي كتعلق بالخدمة إلى طلبها منك.

♥️متاخديش شي قرار بوحدك عاد تجي تقوليها ليه ديما تشاوري معاه و توصلو لقرار مشترك.

الموضوع طويل مزال ان شاء الله نحط الجزء الثاني 

متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓

اقرأ المزيد »

وصفة زريعة البصلة للصلع أمامي (الجبهة العريضة)

وصفة مغربية لي داير ضجة في مواقع التواصل الاجتماعية بسبب نتائجها فورية مكاينش لي جربها ومشكرهاش هي كتعالج صلع الامامي منع والتقليل من تساقط الشعر وحمايته وتقويته .و فيه معادن تحافظ على شعر صحي وكثيف وبنسبة لبنات لي عندهم جبهة كبيرة و كتكون وراثية فهد الوصفة هي الحل ليهم راه ساهلة ومفيهاش شي حاجة صعيبة فقط اتبعي وصفة كيف ماهي و داومي عليها و غنواعدك غتصدمي بنتائج :

وصفة زريعة البصلة

غتمشي عند عشاب (ﻋﻨﺪ ﺍﻟﻌﻄﺎﺭ) و تقولي ليه عطيني 3 دراهم تاع زريعة البصلة ( بذور البصل الأحمر هي بذور سوداء تشبه السمسم في شكلها أو تشبة حبة البركة لحد كبير).

خودي معلقة كبيرة و عامرة من زريعة البصلة ونقيها.

 وحطيها فمقلة على النار متوسطة .و سخنيها شوي مشي تحمريها هي خصكي تسخنيها باش يسهل طحن ديالها .و غدي طحنيها فخلاط ولكن غير طحن جزئي فقط تولي غبرة ومحببة شوي كيف مافي صورة .

زريعة بصلة مطحونة

من بعد خودي اناء يعني قرعة تكون تاع زجاج. و حطي فيها مسحوق زريعة البصلة و زيدي عليهم جوج  كيسان (كيسان تاع العنب) من الزيت الزيتون البلدية الحرة. لي كتكوني سخنيتها شوي فكاسرونة فوق نار متوسطة (كنسخنو الزيت الزيتون حيت فيه الملح). 

تحريك جيدا لخليط حتى يتجانس

ومنبعد كتشدي القرعة و كتبقاي تحركيها مزيان مدة دقيقتين حتى تحسي بخليط ولا متجانس.

بعد تحريك غدي نحطو قارورة اي قرعة لي فيها هد الخليط في مكان مظلم لاتصله الشمس ولا برودة لمدة 3 أيام . من بعد غدي ناخدو خليط و نبداو نديروه لشعرنا.

طريقة وضع الوصفة زريعة البصلة على الشعر .

لكنتي غديري لوصفة غير فالجبهة

  فكتاخدي بصلة حمراء و كتقطعي ليها راسها أي طربوش البصلة و كتخدي شي طبسيل و كتحطي فيه شوي من الخليط و كتبقاي دهني باستعمال الطربوشة (هداك طربوش هو باش تهزي الزيت وتشقي به راسك) لمنطقة لي بغيتي شعر ينوض ليك فيها .وغدي تخلي وصفة فجبهتك من 4 ساعات حتى ل8 ساعات ومنبعد غسلي جبهتك بماء و صابون جيدا .وصفة كتدار فالصباح مشي فليل لاينصح أبدا انكي تنعسي بيها.هد الوصفة ديرها جوج مرات فالسيمانة لمدة 3 أشهر الى 6 أشهر و نتيجة غتبان غير فأسبوع التالت.

أما لبغيتي ديري الوصفة لشعرك كلو

 فما عليك غير تشقي شعرك بهد الوصفة.  تاخدي طربوش البصلة وتبقاي ديري مساج على شكل حركات دائرية باش الدورة الدموية كتحرك ولا مكانش طربوش غير دلكي بيديك ومنبعد كتغطي شعرك بزيف حياتي ولا أي توب خفيف عداكي ديري ميكة ولاسلوفان راه شعر خصو يتنفس. بنسبة لمدة لي تخليها فشعر فديريه فصباح و غسلي شعرك بشامبوان مناسب ونصحك من احسن تستعملي شامبوان تاع فيتامين e لي داير ضجة قراي هد موضوع باش تعرفي كيفاش تصايبيه غير بحدك فدار .

-صنعي شامبوان فيتامين e غير فدار.

 و من احسن تخليها فشعرك من 4 ساعات حتى ل8 ساعات . اثناء استعمال وصفة حاولي تخلي شعرك مرفوخ بحال ضفرية شي ضفرة خفيفة ولا خليه مطلوق حسن.نتائج كتبان فأسبوع لول كتلاحضي توقف تساقط شعر و بعد شعر كتحسي بشعرك بدا يقوى و يطوال .

تنويه كاين بعد بنات غدي يحسو بحال تساقط شعر تزاد بلاما تخافو هداك غير شعر ضعيف ولا ميت طاح و غدي يطلع فبلاصة شعيرات قوية.

هدو بعد تجارب تاع بنات لي شاركو تجربتهم مع وصفة زريعة البصلة :

متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓

اقرأ المزيد »

وصفة مغربية لتخلص من الرؤوس السوداء

1-مرحلة الأولى البخار فتح مسام الوجه.

ندخلو مباشرة في موضوع أول قبل ماتستعملي وصفة ازالة الرؤوس السوداء لي موجود فالوجه وخصوص الموجودة في الأنف ديري اول حاجة وهي بخار ولي بلابيها ميمكنش تنجح أي وصفة تاع تنقية بشرة . مهيم شدي شي كاسرونة وديرري فيها ما و نعناع و خلي ما يغلي فوق نار وباش تشوفيه بدا يغلي طفي عليه و جيبي فوطة وحطيها فوق راسك وحطي وجهك فوق بخار  سدي عينيك . عداكي امسخوطة تبقاي بزاف غير تشوفي راسك بلي وجهك بدا يعرق خرجي وجهك و مسحيه

2-مرحلة التانية ازالة الطبقة الدهنية تقشير البشرة.

 ومن بعد دوزي لأهم عملية وهي عملية ازالة الطبقة الدهنية الموجودة على البشرة ديري اي وصفة لتقشير بشرة ونصحك حسن ديري وصفة سكر.

نقوليك بعض الوصفات مثلا

خلطة تقشير الوجه بالسكر :

طريقة عمل خلطة تقشير الوجه باستخدام السكر :-

قومى بخلط ملعقتين كبيرتين من السكر فى ربع كوب من الماء الدافىء ، قومى بفرك وجهك بهذا الخليط بطريقة لطيفة لمدة دقيقتين ، كما ان هذه الخلطة تُساعد على تنشيط الدورة الدموية.

3-وصفة الازالة الرؤوس السوداء .

ومن بعد بداي تحطي وصفة اه وصفة خصها تكون موجدة نشيان حطيها فوجهك. بنسبة لوصفة فهي عبارة عن ماسك الباربا:

المكونات: 

-عصير الباربا .

- الجيلاتين غبرة خودي 3 دراهم من عند مول لهري.

طريقة الإستعمال:

 كتاخدي باربا وحدة خضرة كتحكيها في الحكاكة وكتاخدي الماء ديالها وديريها فشي زيف حياتي ولا ليبة وتعصري داك الما ديالها.

كديريه مع ملعقة كبيرة من الجيلاتين غبرة .

ونديروهم في زلافة قابلة لطهي في حمام مريم فوق النار 

وديريها فحمام مريم حنى كتولي تعلك ويتجمعو المكونات وينساجموا .

غير نحسو بيهم دفاو نقومو بالوضع على وجهنا متخاليوهش ينشف البنات كي يدفى كديريه لوجهك جوج طبقات وخليها تنشف .

وراه دغيا تتبرد ملي نحسو بيه نشف على لوجه نقومو بالإزال الماسك من التحت الفوق ولكن خاصك تكوني صبارة باش تحيديها .

نتيجة كتكون كيف لي فالصورة  ووجه تيولي ناعم و فيه واحد رطوبة ناعمة.

وفي لخر غسلي وجهك بماء بارد جدا غير صبري باش تسدي دوك مسام وميعمروش عوتاني بوسخ.

#بس:ممنوع على البشرة الحساسة ولي فيها حب الشباب ممنوع نهائيا.

اقرأ المزيد »

وصفات الصحراوية لعلاج مشكلة صنطيحة

أفضل وأقوى وصفات صحراوية مجربة وطبيعية للتخلص من #فراغات_الشعر: بزاف تاع عيالات عندهم مشكلة فراغات في مقدمة الرأس ولاكيف ماتنسميوه حنى بصنطيحة وتيكون سبب اما وراتي أو بسبب تقدم في عمر او بسبب مرض معين.

غدي نعطيك وصفات صحراوية لعلاج هدا مشكلة ومضمونة فقط داومي عليها حتى تبان نتيجية انشاء الله :

أيتها الأنثى المغربية ادا كنتي من صاحبة جبهة عريضة تنصحك تشوفي هدا الموضوع فرأي يقدر يغير ليك بعض معتقدات غالطة على جبهة العريضة

اضغطي هنا

أول قبل متبداي اي وصفة شدي زيزوارة و حصني ديك منطقة لي بغيتي شعر ينوض ليك فيها غتسوليني علاش؟ حيت ألالة زيزوارة غتحيد لينا داك شعر صغيور و لي تيكون بحال زعر و تيقوي شعر و تيخلي شعر أصلي ينوض ومنبعد ختاري وصفة من هد وصفات وديريها :

الوصفة الأولى: شدي راس ثوم ومعلقة كبيرة من قرفة مطحونة وزيديهم نص كاس تاع ماء الورد باش ريحة الثوم تخفاف,دلكي هد خليط في منطقة لي بغيتي شعر ينوض فيها لمدة 10 دقائق، ومن بعد خليها ساعة على راسك. كرري هذه الخلطة 2 مرات في الأسبوع لمدة شهر. 

وصفة الثانية: نأخذ كمية من الثوم كافية مقطعة ونضعها مع زيت زيتون في قرعة من زجاج ونحفظها في مكان معتم لمدة اربعين يوم وتستخدمها والنتيجة مضمونة انشاء لله ،الكمية ثلث توم وثلثين زيت ويمكن استخدام زيت جوز الهند للريحة .

وصفة التالت: خلطي الثوم مع زيت جوز الهند مع تدليك لمدة خمس دقايق وتركها لمدة ساعة تم غسل الشعر طريقة يفرم ثوم ويخلط مع الزيت جوز الهند  ويستعمل كيف وصفت فوق

وصفة الرابع: خلطي ملعقة من زيت الزيتون مع 4 ملاعق من زيت الخروع مع 3 رؤوس الثوم المهروسة، واخلطيهم مزيان و ثم دهني بها الفراغات داومي على وصفة 5 ولا 4 مرات في اسبوع.

وصفة الخامس: خلي ماء حتى يخلي مزيان و زيدي عليه عشبة

إكليل الجبل، وخليه فيه نهار كامل . بعدها صفّي خليط و حطيه في بخاخ، وقبل النوم رشي بيه شعرك ومشطيه مزيان. 

وصفة السادسة: شدي عشبة المرمية وحطيها في كأس من ماء مغلي نهار كاملاً ثم صفيه، وضعي خليط من بعد تصفيه في بخاخ. ثم رشي جذور الشعر قبل النوم وباش تنوضي من نعاس الاستيقاظ  غسلي الشعر... 

ملحوظة هامه معظم هذه الوصفات الطبيعية مجربة وأثبتت نجاحات غير متوقعه والحمدلله.

لبغيتي تجارب تاع بنات مع جبهة ووصفات مغربيةمتوارتا من عند جدودنا ضغطي هنا

متنسايش تشاركي هد الموضوع مع الناس لي عزاز عليك باش حتا هما يستافدو. ↓↓↓↓

اقرأ المزيد »